US-Iran వార్ ఎఫెక్ట్.. క్రూడ్ ఆయిల్ ధర పైపైకి.!

By A. Ajay· 1d ago

మిడిల్ ఈస్ట్‌లో US-Iran ఉద్రిక్తతలతో అంతర్జాతీయ క్రూడ్‌ ఆయిల్‌ ధర బ్యారెల్‌కి 100 డాలర్లను దాటేసింది. ఇరాన్‌కు చెందిన IRGC.. అమెరికా యుద్ధ నౌకపై క్షిపణులతో దాడికి ప్రయత్నించినట్లు US తెలిపింది. దీనికి ప్రతిగా అమెరికా బలగాలు ఇరాన్‌కు చెందిన 5 చమురు ట్యాంకర్లను గల్ఫ్ ఆఫ్ ఒమన్, ఖర్గ్ ద్వీపం దగ్గర్లో ధ్వంసం చేశాయి. ఆ తర్వాత ఇరాన్‌.. హార్ముజ్ జలసంధి పరిధిలోని కొన్ని ప్రాంతాలను Restricted Zoneగా ప్రకటించి, అటు వచ్చే నౌకలను హెచ్చరించింది. దీంతో కీలక ఆయిల్‌ రవాణా మార్గమైన హార్ముజ్‌లో ఆందోళనలు పెరిగాయి.

More in International

International· 8h ago

భారత జర్నలిస్టుకు అంతర్జాతీయ గౌరవం

ఇండియన్ సీనియర్ జర్నలిస్ట్, ‘ది వైర్’ ఫౌండర్ & ఎడిటర్ సిద్ధార్థ్ వరదరాజన్‌కు ప్రతిష్ఠాత్మక ఎల్ ముండో ఇంటర్నేషనల్ జర్నలిజం అవార్డు దక్కింది. పత్రికా స్వేచ్ఛ విభాగంలో ఆయనను సెలెక్ట్ చేశారు. మెక్సికో జర్నలిస్టు మార్సెలా తురాతీ అత్యుత్తమ జర్నలిస్టిక్ సేవలకు ఎంపికయ్యారు. ఈ ఇద్దరికీ 2027 ఫిబ్రవరిలో అవార్డులు అందజేయనున్నారు. ఈ పురస్కారాల కోసం ఏర్పాటైన జ్యూరీకి ఎల్ ముండో డైరెక్టర్ జోక్విన్ మాన్సోతో పాటూ కొందరు ప్రముఖులు మెంబర్లుగా ఉన్నారు.

International· 11h ago

H-1B వీసాదారులకు Trump షాక్?

వాషింగ్టన్: H-1B, E, L-1, O-1, TN వీసాల విషయంలో అమెరికా ప్రభుత్వం కీలక ప్రకటన చేసింది. ఉద్యోగం కోల్పోయిన వారికి కొత్త ఉద్యోగం వెతుక్కోవడానికి ఉన్న 60 రోజుల గ్రేస్ పీరియడ్‌ను తొలగించాలని నిర్ణయించుకుంది. అంటే.. వెంటనే కొత్త ఉద్యోగం దొరకకపోతే అమెరికా నుంచి వెళ్లాల్సి ఉంటుంది. అయితే ప్రత్యేక పరిస్థితుల్లో మాత్రమే గ్రేస్ పీరియడ్ కల్పించే అవకాశం ఉంటుంది. ప్రస్తుతం గ్రేస్ పీరియడ్ అలాగే ఉంది. పబ్లిక్ కామెంట్ పీరియడ్ తర్వాతే ఫైనల్ రూల్ వస్తుంది. భారతీయ టెక్ ఉద్యోగులపై ప్రభావం ఎక్కువగా ఉంటుంది.

International· 11h ago

అమెరికా ఓటర్లకు ట్రంప్ బంపర్ ఆఫర్

అమెరికా మధ్యంతర ఎన్నికల్లో తమ రిపబ్లికన్ పార్టీ గెలిస్తే ప్రతి ఓటరుకూ 5,000 డాలర్లు చెల్లిస్తామని అధ్యక్షుడు డొనాల్డ్ ట్రంప్ ప్రకటించారు. ప్రతినిధుల సభ, సెనేట్‌పై రిపబ్లికన్ల కంట్రోల్ కొనసాగితే ఈ డాలర్లు అందిస్తామని అన్నారు. దీనిని ‘ట్రంప్ డివిడెండ్’గా చెప్పారు. అయితే ఈ పథకానికి కాంగ్రెస్ ఆమోదం అవసరం కావడంతో పాటూ, భారీగా నిధులు అవసరమవుతాయని నిపుణులు చెబుతున్నారు. టారిఫ్‌ల ద్వారా వచ్చే రెవెన్యూతో చెల్లింపులు చేపట్టవచ్చని వైస్ ప్రెసిడెంట్ జేడీ వాన్స్ తెలిపారు.

International· 1d ago

7 ఏళ్ల తర్వాత భారత్‌కు జిన్‌పింగ్.. ఎందుకంత ఇంపార్టెన్స్?

ఏడేళ్ల తర్వాత చైనా ప్రెసిడెంట్ షీ జిన్‌పింగ్ భారత్‌కు రానున్నారు. సెప్టెంబర్ 12, 13 తేదీల్లో న్యూఢిల్లీలో జరిగే BRICS సమ్మిట్‌కు PM మోదీ ఇన్వైట్ చేయగా, ఆయన హాజరవుతారని చైనా అఫీషియల్‌గా తెలిపింది. చివరి నిమిషం వరకు క్లారిటీ ఇవ్వకపోవడంతో జిన్‌పింగ్ టూర్‌పై సస్పెన్స్ కొనసాగింది. 2019 తర్వాత ఇదే ఆయన తొలి భారత్ పర్యటన. 2020 గల్వాన్ ఘర్షణ తర్వాత రెండు దేశాల మధ్య సంబంధాలు టెన్షన్‌లో ఉన్న కారణంగా ఈ టూర్‌కు ఇంపార్టెన్స్ పెరిగింది. BRICS సమ్మిట్‌తో మోదీ-జిన్‌పింగ్ భేటీపై ఇప్పుడు ఫోకస్ నెలకొంది.