Latest
బాబా వేషంలో రౌడీషీటర్
TG: 2018 హైదరాబాద్ నగరం సైఫాబాద్ హత్య కేసుకు సంబంధించి పరారీలో ఉన్న నిందితుడు, రౌడీషీటర్ మహ్మద్ జావేద్ను పోలీసులు అరెస్ట్ చేశారు. పోలీసుల కళ్లు కప్పేందుకు అతను సంగారెడ్డి జిల్లా చేర్యాలలోని ఓ దర్గాలో బాబా అవతారమెత్తాడు. ఖైరతాబాద్ టాస్క్ఫోర్స్ పోలీసులు అతడిని పట్టుకున్నారు. నిందితుడి నుంచి భారీగా గంజాయి స్వాధీనం చేసుకున్నారు. డ్రగ్స్ పరీక్షల్లో అతడు గంజాయి తాగినట్టు నిర్ధారణ కావడంతో సైఫాబాద్ పోలీసులకు అప్పగించారు.
విదేశీ విద్యార్థుల తొలి ఎంపికగా భారత్
విదేశీ విద్యార్థుల తొలి ఎంపికగా భారత్ మారుతోంది. భారత్కు ఉన్నత విద్య కోసం వచ్చే విదేశీ విద్యార్థుల్లో నేపాల్ (24.1%) తొలి స్థానంలో నిలిచింది. తర్వాత యూఏఈ (7%), అమెరికా (5.9%), బంగ్లాదేశ్ (5.9%), నైజీరియా (5.7%), జింబాబ్వే(4%) దేశాలు ఉన్నాయి. ఫారిన్ విద్యార్థులకు భారత్ ‘ఎడ్యుకేషన్ డెస్టినేషన్’గా మారుతున్నట్లు తాజా గణాంకాలు వెల్లడించాయి.
పోక్సో నిబంధనలు దుర్వినియోగం: సుప్రీం
దిల్లీ వరుస ప్రేమ వ్యవహారాల్లో నమోదవుతున్న పోక్సో కేసులపై సుప్రీంకోర్టు ఆందోళన వ్యక్తం చేసింది. ప్రేమ జంటలను విడదీయడానికి కొందరు తల్లిదండ్రులు పోక్సో చట్టాన్ని దుర్వినియోగం చేస్తున్నారని పేర్కొంది. బాధితుల వయసు, పరిస్థితులను పరిగణనలోకి తీసుకుని పోలీసులు కేసులు నమోదు చేయాలని సూచించింది. ఇలాంటి కేసుల్లో విచారణ సమయంలో నిజాలను నిష్పక్షపాతంగా పరిశీలించాలని స్పష్టం చేసింది. ఈ చర్యలు యువత భవిష్యత్తుపై ప్రతికూల ప్రభావం చూపుతాయని అభిప్రాయపడింది.
బస్సులో అలా..భరతం పట్టిన యువతి
మధ్యప్రదేశ్ రాష్ట్రం సాగర్ జిల్లాలో ఆగివున్న బస్సులో ఒక వ్యక్తి తోటి మహిళా ప్రయాణికురాలి పట్ల అసభ్యంగా ప్రవర్తించాడు. ఆ యువతి ఆ వ్యక్తి చెంపచెళ్లుమనిపించి, చెప్పుతో చితకబాదింది. ఈ ఘటన సీసీ టీవీలో రికార్డయింది. నిందితుడు నితీష్గా పోలీసులు గుర్తించి అదుపులోకి తీసుకొని విచారిస్తున్నారు. బాధితురాలి నుంచి ఎలాంటి ఫిర్యాదు రాకపోవడంతో ఎఫ్ఐఆర్ నమోదు కాలేదు.
ఇంట్లోనే లంచం.. గుమ్మం వద్దే ACB
TG: పెద్దపల్లి మున్సిపల్ అసిస్టెంట్ ఇంజినీర్ సతీష్ ACBకి రెడ్ హ్యాండెడ్గా దొరికాడు. మున్సిపల్ పరిధిలో జరిగిన పనుల బిల్లును విడుదల చేయడానికి కాంట్రాక్టర్ బత్తుల శ్రీను నుంచి రూ. 2 లక్షల లంచం డిమాండ్ చేశాడు. తన ఇంట్లోనే డబ్బులు తీసుకుంటున్న AEని ACB అధికారులు పట్టుకున్నారు. కేసు నమోదు చేసి దర్యాప్తు చేస్తున్నట్లు కరీంనగర్ ఏసీబీ DSP మహేందర్ రెడ్డి తెలిపారు.
పాఠశాలలో ఫుడ్ పాయిజన్
TG: రాష్ట్రంలో ఫడ్ పాయిజన్ ఘటనలు తీవ్ర ఆందోళనకు గురిచేస్తున్నాయి. వరంగల్ జిల్లా మామునూరులోని జ్యోతిబాపూలే పాఠశాలలో ఉదయం టిఫిన్ తిని 18 మంది విద్యార్థులు వాంతులు విరేచనాలతో అస్వస్థతకు గురయ్యారు. పాఠశాల సిబ్బంది వెంటనే విద్యార్థులను స్థానిక ఆసుపత్రికి తరలించారు. ప్రస్తుతం విద్యార్థుల పరిస్థితి నిలకడగా ఉందని పాఠశాల ప్రిన్సిపల్ వై.మనోహర్ రెడ్డి తెలిపారు. ఫుడ్ పాయిజన్ కావడానికి గల కారణాలపై ఆరా తీస్తున్నట్లు ఆయన పేర్కొన్నారు.
'లార్డ్స్' ఎందుకంత ప్రత్యేకం?
1814లో స్థాపించిన ‘లార్డ్స్’ ప్రపంచ క్రికెట్లో చారిత్రక మైదానంగా గుర్తింపు పొందింది. ఇది ఇంగ్లండ్లో ఉంది. దీన్ని 'క్రికెట్కు మక్కా'గా పిలుస్తారు. అనేక చారిత్రక టెస్టులు, ప్రపంచకప్ ఫైనల్స్కు ఆతిథ్యం ఇచ్చిన వేదిక ఇది. సెంచరీ లేదా ఐదు వికెట్లు సాధించిన క్రికెటర్ల పేర్లను ఆనర్స్ బోర్డులో నమోదు చేయడం ఇక్కడి ట్రెడిషన్. అందుకే లార్డ్స్లో ఆడడం ప్రతి క్రికెటర్ తన జీవితకాల గౌరవంగా భావిస్తారు.
RK బీచ్ వద్ద యువతి ఆత్మహత్యాయత్నం
AP: విశాఖపట్నం RK బీచ్ రోడ్డులో ఓ యువతి పెట్రోల్ పోసుకుని నిప్పంటించుకుంది. తన వెంట తెచ్చుకున్న పెట్రోల్ను ఒంటిపై పోసుకుని నిప్పంటించుకోవడంతో క్షణాల్లో మంటలు పెద్దఎత్తున వ్యాపించాయి. యువతి గట్టిగా కేకలు వేస్తూ రోడ్డుపైకి పరుగెత్తింది. స్థానికులు, అక్కడే విధుల్లో ఉన్న పోలీసులు వెంటనే మంటలను ఆర్పివేశారు. ప్రమాదంలో ఆమె చేతులు, ముఖం, తల భాగం తీవ్రంగా కాలిపోయాయని పోలీసులు తెలిపారు. KGHకు తరలించారు. ఆమె పరిస్థితి సీరియస్గా ఉందని డాక్టర్స్ తెలిపారు. పోలీసులు కేసు నమోదు చేసుకుని దర్యాప్తు చేపట్టారు.
CM హెడ్లైన్స్ కోసమే మాట్లాడుతున్నారు
TG: CM రేవంత్ రెడ్డి నీచమైన బాషను పక్కనపెట్టి సాగునీరు, తాగు నీరు అందించే చర్యలు తీసుకోవాలని బీజేపీ MP ఈటల రాజేందర్ ఫైరయ్యారు. కనీస అవగాహన లేకుండా రేవంత్ రెడ్డి పాలన సాగిస్తున్నారని విమర్శించారు. హరీష్ రావు, KCR, KTR ఉన్న ఖిలాడీ కమిటీలో ఈటల చేరారని రేవంత్ చేసిన వ్యాఖ్యలపై ఈటల ఆగ్రహం వ్యక్తం చేశారు. రేవంత్ రెడ్డి హెడ్ లైన్స్ కోసం మాట్లాడే వ్యక్తి అని, చిత్తశుద్ధి ఉంటే వెంటనే పంటపొలాలకు నీళ్లు అందించాలన్నారు. BRS హయాంలో కాళేశ్వరం ప్రాజెక్టులో అవినీతి జరిగితే వారిపై ఇప్పటికీ చర్యలు తీసుకోలేదన్నారు.
చిన్నారులను చంపి తల్లి ఆత్మహత్య
AP: ఇద్దరు పిల్లల్ని చంపి తల్లి ఆత్మహత్యకు పాల్పడిన ఘటన పల్నాడు జిల్లా వినుకొండ రూరల్ మండలం విఠంరాజుపల్లిలో చోటుచేసుకుంది. గ్రామంలోని భారతి అనే మహిళ తన పిల్లలిద్దరినీ చంపి, తాను ఉరి వేసుకుని సూసైడ్ చేసుకుంది. పోలీసులు ఘటనా స్థలానికి చేరుకుని మృతదేహాలను పోస్టుమార్టం నిమిత్తం ప్రభుత్వ హాస్పిటల్కు తరలించారు. సూసైడ్ నోట్ను స్వాధీనం చేసుకున్నారు. అందులో "నా చావుకు ఎవరూ కారణం కాదు" అని భారతి రాసినట్లు తెలిపారు. కేసు నమోదు చేసి దర్యాప్తు చేపట్టారు.
వియత్నాం బోటు ప్రమాదం.. HYDకు చేరిన మృతదేహాలు
AP: వియత్నాంలో జరిగిన ఘోర పడవ ప్రమాదంలో ఆంధ్రప్రదేశ్కు చెందిన ముగ్గురు పర్యాటకులు మృతి చెందిన విషయం తెలిసిందే. ముగ్గురి డెడ్బాడీలు హైదరాబాద్కు చేరుకున్నాయి. వారి స్వస్థలాలకు తరలించేందుకు ప్రత్యేక అంబులెన్స్లను అధికారులు సిద్దం చేశారు. హిందూపురానికి చెందిన నల్లపేట రవితేజ, కడపకు చెందిన శ్రీధర్, మచిలీపట్నంకు చెందిన గెల్లి జయలక్ష్మి డెడ్బాడీలను స్వస్థలాలకు తరలించేందుకు ఏర్పాట్లు చేస్తున్నారు. మొబైల్ సంస్థ లావా తమ డిస్ట్రిబ్యూటర్ల కోసం ఏర్పాటు చేసిన వియత్నాం విహారయాత్రలో పడవ బోల్తా పడింది.
రూ.15 కోట్ల దేవాలయ భూమి కబ్జా
AP: మార్కాపురం జిల్లా పొదిలి పట్టణంలోని శివాలయం వద్దనున్న బ్రహ్మంగారి గుడి స్థలాన్ని కొందరు ఆక్రమించారని పొదిలికి చెందిన ఆకుపాటి లక్ష్మణ అనే భక్తుడు ఆరోపించారు. ఆలయ స్థలాన్ని ఆక్రమించిన వారిపై చర్యలు తీసుకోవాలని జిల్లా కలెక్టర్కు ఆయన ఫిర్యాదు చేశాడు. స్దానిక అధికారులకు పలుసార్లు ఫిర్యాదులు చేసినా ఎవ్వరు పట్టించుకోలేదని ఆయన ఆరొపించాడు. దాదాపు రూ.15 కోట్ల విలువైన ఆస్తిని అక్రమంగా రిజిస్ట్రేషన్ చేసుకున్నారని, ఇప్పటికైనా ఉన్నతాధికారులు స్పందించి విచారణ చేపట్టి కోట్ల విలువైన స్దలాన్ని భూకబ్జదారుల నుంచి కాపాడాలని ఆయన కోరారు.
కాలేజీల బంద్.. విద్యార్థులకు కీలక అలర్ట్
TG: పెండింగ్లో ఉన్న స్కాలర్షిప్స్, ఫీజు రియంబర్స్మెంట్ వెంటనే రిలీజ్ చేయాలని ABVP బంద్కు పిలుపునివ్వడంతో ఇవాళ కూడా రాష్ట్ర వ్యాప్తంగా కాలేజీలు మూతపడనున్నాయి. పెండింగ్లో ఉన్న రూ.12,000 కోట్ల ఫీజు రీయంబర్స్మెంట్, స్కాలర్షిప్ బకాయిలు వెంటనే విడుదల చేయాలని విద్యార్థి సంఘాల నాయకులు రాష్ట్ర వ్యాప్తంగా నిరసన తెలుపుతున్నారు. సుమారు 20 లక్షల మంది SC, ST, BC, మైనారిటీ విద్యార్థులపై ఫీజు రీయింబర్స్మెంట్ ప్రభావం పడుతోందని, ప్రభుత్వ వైఖరికి నిరసనగా జూనియర్ కాలేజీల నుంచి యూనివర్సిటీల వరకు బంద్ పాటించాలని ABVP పిలుపునిచ్చింది.
ప్రశ్న రావణ్ కేసులో కీలక విచారణ
AP: ప్రశ్న రావణ్ పోలీస్ కస్టడీ పిటిషన్పై ఇవాళ గన్నవరం న్యాయస్థానంలో కీలక విచారణ జరగనుంది. రావణ్ ఇప్పటికే ఈ కేసులో జ్యుడీషియల్ రిమాండ్లో ఉన్నారు. అంతకుముందు అతనిపై నమోదైన నాలుగు వేర్వేరు కేసుల్లో రావణ్కు న్యాయస్థానం బెయిల్ మంజూరు చేసినప్పటికీ UAPA కేసులో ఆయన జైల్లో ఉన్నారు. దేశద్రోహ వ్యాఖ్యలు, నిషేధిత మావోయిస్ట్ సిద్ధాంతాలను ప్రచారం చేస్తున్నారని UAPA కేసులో ఆయన్ను విచారించేందుకు తమకు అప్పగించాలని గన్నవరం పోలీసులు కోర్టును ఆశ్రయించారు. కోర్టు విధించిన రిమాండ్ గడువు ఈ నెల 18తో ముగియనుంది.
'SIR'ను మరో 10రోజులు పొడిగించాలి
AP: SIR ఇంటింటి ఓటర్ల సర్వే ప్రక్రియను మరో 10 రోజులు పొడిగించాలని రాష్ట్ర ఎన్నికల ప్రధాన అధికారి వివేక్ యాదవ్ కేంద్ర ఎన్నికల కమిషన్ను కోరారు. ఎన్యూమరేషన్ గడువు పొడిగించాలని రాష్ట్రంలోని వివిధ రాజకీయ పార్టీల నుంచి, వివిధ జిల్లాల కలెక్టర్ల నుంచి వచ్చిన విజ్ఞప్తుల మేరకు కేంద్ర ఎన్నికల సంఘానికి లేఖ రాసినట్లు ఆయన తెలిపారు. రాష్ట్రంలో SIR ప్రక్రియలో భాగంగా BLOలు చేపట్టిన ఇంటింటి ఓటరు ఎన్యూమరేషన్ ఫారాల పంపిణీ, డిజిటలైజేషన్ ప్రక్రియ మంగళవారంతో ముగియనుంది.
మార్చి 31 నాటికి పోలవరం పనులు పూర్తిచేస్తాం
APకి జీవనాడి అయిన పోలవరం ప్రాజెక్టు పనులు 89శాతం పనులు పూర్తి అయ్యాయని, తొలిదశ పనులన్నీ వచ్చే మార్చి 31వ తేదీ నాటికి పూర్తి చేస్తామని CM చంద్రబాబు స్పష్టంచేశారు. పోలవరం ప్రాజెక్టును ఆయన సందర్శించి మాట్లాడారు. ప్రస్తుతం 89శాతం పనులు పూర్తయ్యాయి. అనుకున్న టైమ్ ప్రకారమే పనులు జరుగుతున్నాయని, స్పిల్ వే రేడియల్ గేట్స్, కాఫర్ డ్యామ్ సహా పలు పనులు పూర్తయ్యాయన్నారు. 2027 మార్చి నాటికి మిగతా అన్ని పనులు పూర్తి చేస్తామన్నారు. తాను ఇప్పటికి 37సార్లు పోలవరం ప్రాజెక్టును సందర్శించానని, 136 సార్లు వర్చువల్గా సమీక్షించానని గుర్తుచేశారు.
అలా చేస్తే 50రోజుల్లోనే జలాశయాలు నిండుతాయి
TG: ఎల్నినో ప్రభావంతో రాష్ట్రంలోని అన్ని జలాశయాల్లో నీటిమట్టాలు 20శాతానికి పడిపోయాయని, మేడిగడ్డ వద్ద నీటిమట్టం 92.5 మీటర్లు ఉన్నప్పుడు నిరభ్యంతరంగా నీళ్లు ఎత్తిపోయవచ్చని మాజీ మంత్రి KTR అన్నారు. కరీంనగర్ సమీపంలోని లోయర్ మానేరు డ్యామ్ను ఆయన సందర్శించారు. మేడిగడ్డ నుంచి అన్నారం, సుందిళ్ల, మిడ్మానేరుకు రోజూ 2-3TMCల నీటిని ఎత్తిపోస్తే 50రోజుల్లో అన్ని జలాశయాలను నింపవచ్చని స్పష్టంచేశారు. మేడిగడ్డతో తమకు సంబంధం లేదని, కన్నెపల్లి పంపులను ప్రారంభించాలని మాత్రమే కోరుతున్నామన్నారు.
తెలంగాణ కోసం ఒక్కటవ్వాలి
తెలంగాణ రాష్ట్ర ప్రయోజనాలే లక్ష్యంగా రాజకీయాలకు అతీతంగా కలిసి ముందుకు సాగాలని CM రేవంత్రెడ్డి MPలకు సూచించారు. పార్లమెంట్ సమావేశాలు ఈ నెల 20నుంచి ప్రారంభం కానుండడంతో కేంద్రంలో పెండింగ్లో ఉన్న అంశాలపై MPలకు హైదరాబాద్లోని ప్రజాభవన్లో పవర్ పాయింట్ ప్రజంటేషన్ ఏర్పాటుచేశారు. నీటిపారుదల ప్రాజెక్టులు, మౌలికవసతుల అభివృద్ధికి సంబంధించి కేంద్రప్రభుత్వం నుంచి అవసరమైన అనుమతులపై పార్లమెంట్లో గళమెత్తాలన్నారు. అన్ని పార్టీల ఎంపీలతో కలిసి ముందుకెళ్లాలని ఎంపీల కన్వీనర్ డాక్టర్ మల్లు రవికి సూచించారు.
ఈ మహిళ సాధికారతకు సలాం !
ఈ వీడియోలో కనిపిస్తున్న మహిళ చెన్నైలో వీధులు ఊడుస్తారు. ఆమెకు నలుగురు కుమార్తెలు. వారిలో ఒకరు పైలట్, మరొకరు ఎయిర్ హోస్టెస్,మరో కుమార్తె సింగపూర్ లో నర్సు.. చివరి కుమార్తె టీచర్ గా పనిచేస్తోంది. ఇలా వీధులు ఊడ్చి కష్టపడి ఆ నలుగురిని ఆమె చదివించింది. కూతుళ్లు అంత హోదాల్లో ఉన్నా ఈమె మాత్రం తన ఉద్యోగాన్ని వదలలేదు. సొంత కాళ్లపై నిలబడాలన్న తపన, ఎవరిపైనా ఆధారపడ రాదన్న పట్టుదల ఆమెను ఇంకా చెన్నై వీధులను ఊడ్చేలా చేస్తోంది. ఇటీవల వీరంతా ఆమె 50వ పుట్టిన రోజును గ్రాండ్ గా సెలబ్రేట్ చేయడానికి వచ్చారు. ఈ గ్రేట్ మదర్ వీడియో ఇప్పుడు సోషల్ మీడియాలో వైరల్ అవుతోంది.
చేతి పై ఇంజెక్షన్ చేస్తే బాడీలో ఎలా పని చేస్తుంది?
మన బాడీలో చర్మంపై ఇచ్చే ఇంజెక్షన్ లోపలకెళ్లి మన అనారోగ్యాన్ని ఎలా నయం చేస్తుందనే డౌట్ చాలా మందికి ఉంటుంది. ఏఐ పుణ్యమాని ఇలాంటి ఎక్స్ ప్లనేటరీ వీడియోలు ఇప్పుడు వైరల్ గా మారుతున్నాయి. అలాంటిదే ఈ వీడియో. ఒక ఇంజెక్షన్ శరీరంలోకి వెళ్లాక ఎలా పనిచేస్తుంది అన్న టాపిక్ మీద ఈ చిన్న వీడియో మీరూ చూసేయండి.
హార్ముజ్ సరుకు రవాణాపై 20% ఛార్జ్: ట్రంప్
అమెరికా అధ్యక్షుడు డొనాల్డ్ ట్రంప్ ఇరాన్పై సంచలన నిర్ణయం తీసుకున్నారు. వ్యూహాత్మకమైన 'హోర్ముజ్ జలసంధి' అమెరికా కంట్రోల్లో ఉంటుందని ప్రకటిస్తూ ఇరాన్ నౌకలపై నావికాదళ దిగ్బంధనాన్ని విధించారు. ఈ మార్గం గుండా ప్రయాణించే అన్ని కార్గో నౌకల నుండి 20% రక్షణ రుసుమును వసూలు చేస్తాం అని అనౌన్స్ చేశారు. అయితే ఇతర దేశాల నౌకల రాకపోకలకు మాత్రం ఈ జలసంధి ఎల్లప్పుడూ తెరిచే ఉంటుందని చెప్పాడు.