Latest
కరీంనగర్‌లో పీఎంజే జ్యుయెలరీ షాప్ లో భారీ దోపిడీ !
కరీంనగర్ లోని పట్టణంలోని పీ ఎం జే జ్యువెలరీ షాపులో పట్టపగలే భారీ దోపిడీ జరిగింది. ఐదుగురు దుండగులు తుపాకులతో లోపలికి చొరబడి సిబ్బందిపై కాల్పులు జరిపారు. ఆ తర్వాత భారీ ఎత్తున బంగారు ఆభరణాలను దోచుకుని పారిపోయారు. పట్టపగలే జనసంచారం ఉన్న ప్రాంతంలో ఈ ఘటన జరగడం స్థానికంగా కలకలం రేపింది...పోలీసులు ఘటనా స్థలానికి చేరుకుని విచారణ చేపట్టారు..! నిందితులను పట్టుకునేందుకు ప్రత్యేక బృందాలతో పోలీసులు గాలింపు చర్యలు ముమ్మరం చేశారు. ఘటనపై డీజీపీ సివి ఆనంద్ ఆరా తీశారు.నగరాన్ని అష్ట దిగ్బంధనం చేసి గాలిస్తున్నారు.
యుద్ధ విరమణకు ఇరాన్ కౌంటర్ ప్రపోజల్ !
అమెరికా-ఇరాన్ మధ్య శాంతి చర్చలకు ప్రయత్నాలు జరుగుతున్న వేళ ఇరాన్ కీలక ప్రకటన చేసింది. యుద్ధాన్ని ముగించేందుకు అమెరికా ఇంతకుముందు చేసిన ప్రతిపాదనకు 14 పాయింట్లతో కౌంటర్ ప్రతిపాదన చేసింది. పాకిస్థాన్ ద్వారా అమెరికాకు ఈ ప్రతిపాదనను ఇరాన్ పంపింది. ఇందులో 30 రోజుల్లోగా అన్ని సమస్యలను పరిష్కరించుకుని యుద్ధాన్ని శాశ్వతంగా ముగించాలని ఇరాన్ పిలుపునిచ్చింది. అయితే ఇరాన్ మళ్లీ తప్పుగా ప్రవర్తిస్తే సైనిక దాడులు తిరిగి ప్రారంభమవుతాయని ట్రంప్ హెచ్చరించారు..
తల్లి ఆశీస్సులు తీసుకున్న సి.వి. ఆనంద్ !!
తన కుమారుడు డీజీపీ అయితే చూడాలని కలలు కన్న ఆ కన్నతల్లి కోరిక నెరవేరింది. తెలంగాణ డీజీపీ సీ.వి. ఆనంద్ తల్లి తన కొడుకు డీజీపీ పదవిలో చూడాలని తపన పడ్డారు. అయితే జనవరి నుంచి తీవ్ర అనారోగ్యం పాలైన ఆమె ప్రస్తుతం కోలుకుంటున్నారు. పదవీ బాధ్యతలు చేపట్టిన వెంటనే సి.వి. ఆనంద్ అదే హోదాలో వెళ్లి తన తల్లి ఆశీస్సులు అందుకున్నారు. మంచానికే పరిమితమైన ఆమె కళ్లలో సంతోషం చూసి సంబర పడ్డారు. ఆ కోరికే ఆమెను కోలుకునేలా చేసిందని ఆనంద్ సంతోషంతో తెలిపారు.
తెలంగాణలో తేలికపాటి జల్లులు పడే ఛాన్స్
ఎండలతో మండిపోతున్న తెలంగాణ వాసులకు శుభవార్త.. హైదరాబాద్ వాతావరణ కేంద్రం ప్రకారం రాష్ట్రంలో ఇవాళ, రేపు కొన్ని జిల్లాల్లో ఉరుములు, మెరుపులతో కూడిన తేలికపాటి నుంచి మోస్తరు వర్షాలు కురిసే అవకాశం ఉందని అధికారులు చెబుతున్నారు. గంటకు 30–40 కి.మీ వేగంతో ఈదురు గాలులు వీచే అవకాశం ఉందని, అక్కడక్కడా వర్షాలు పడే సూచనలు ఉన్నాయని అంటున్నారు.
ట్రంప్ పై కాల్పులకు సంబంధించి ఒరిజినల్ వీడియో !1
అమెరికా అధ్యక్షుడు ట్రంప్ ఇటీవల పాల్గొన్న కరస్పాండెంట్ డిన్నర్ హాల్‌లో జరిగిన కాల్పుల ఘట నకు సంబంధించిన క్వాలిటీ వీడియోను అమెరి కా ఇటీవల విడుదల చేసింది.. భద్రతా సిబ్బంది హాలు ప్రాంగణంలో నిలబడి ఉండగా, నిందితుడు అలెన్ తుపాకీతో కాల్పులు జరుపుకుంటూ లోపలికి దూసుకొచ్చాడు.. భద్రతా సిబ్బంది కూడా వెంటనే స్పందించి అతనిపై కాల్పులు జరిపారు..తర్వాత, వారు నిందితుడిని సజీవంగా పట్టుకున్నారు•• ఆ వీడియో మీరు కూడా చూడండి..
ఆఫ్రికాలో కొత్త సముద్రం ఏర్పడుతుందా ?
ఆఫ్రికా ఖండం నెమ్మదిగా రెండు ముక్కలుగా విడిపోతోంది. శాస్త్రవేత్తలు ఊహించిన దానికంటే ఈ పరిణామం ఫాస్ట్ గా జరుగుతోంది. ఈ ఖండం తూర్పు భాగంలో ఏర్పడిన భారీ చీలిక (East African Rift) వల్ల భవిష్యత్తులో ఒక కొత్త సముద్రం ఏర్పడబోతోందని శాస్త్రవేత్తలు అంచనా వేస్తున్నారు. టెక్టోనిక్ ప్లేట్లు ఒకదానికొకటి దూరంగా జరుగుతుండటమే దీనికి కారణం. అయితే ఇదంతా జరగడానికి మరో 5 మిలియన్ సంవత్సరాలు పడుతుంది.
గుజరాత్ యూనివర్సీటీ సిలబస్ లో మోదీతత్వ..
బీజేపీ హయాంలో విద్య కాషాయీకరణే మాత్రమే కాదు వ్యక్తి పూజ కూడా మొదలైంది. గుజరాత్ లో ని బరోడా యూనివర్సిటీలో బీఏ, ఎంఏలోని సోషియాలజీ సబ్జెక్టులో మోదీ తత్వ అనే కొత్త సిలబస్ ఇంట్రడ్యూస్ చేశారు. ఇందులో మోదీలో నాయకత్వ లక్షణాలు, దేశాన్ని ఎలా నడిపించారు ? అభివృద్దికి ఏం చేయాలి ? వంటి అంశాలు బోధిస్తారు. మోదీపై పాఠాలేంటి అన్న విమర్శల్ని విద్యాశాఖ అధికారులు తిప్పి కొట్టారు. ఎవరికిష్టం ఉన్నా లేకపోయినా ఇండియన్ పాలిటిక్స్ లో మోదీ చెరగని ముద్ర వేశారని, ఆయన గురించి తెలుసుకోవడం భావితరాలకు అవసరమని సమర్థించుకుంటున్నారు.
ఢిల్లీ కోర్టు జడ్జి అమన్ కుమార్ శర్మ ఆత్మహత్య..
ఢిల్లీ కోర్టు జడ్జి అమన్ కుమార్ శర్మ (35) ఆత్మహత్యకు పాల్పడ్డారు. శనివారం సాయంత్రం సఫ్దర్‌జంగ్ ఎన్‌క్లేవ్‌లో ఆయన మరణించి ఉండడాన్ని బావమరిది గుర్తించి పోలీసులకు సమాచారం అందించాడు.సూసైడ్ నోట్ లేకపోవడంతో ఆయన మరణానికి గల కారణాలు తెలీలేదు. భార్యతో విభేదాల వల్లే అమన్ ఈ స్టెప్ తీసుకున్నాడని కుటుంబ సభ్యులు చెబుతున్నారు. కొన్నాళ్ల క్రితమే కార్కర్ డూమా డిస్ట్రిక్ట్ లీగల్ సర్వీస్ అథారిటీలో ఆయన సెక్రటరీగా అపాయింట్ అయ్యారు.
బెంగాల్‌లో ఈసీ సంచలన నిర్ణయం.. నియోజకవర్గం మొత్తం రీ పోలింగ్
పశ్చిమ బెంగాల్‌లో ఈసీ అసాధారణ నిర్ణయం తీసుకుంది. ఫాల్టా నియోజకవర్గంలో ప్రజాస్వామ్య ప్రక్రియకు విఘాతం కలిగిందన్న ఆరోపణలతో మొత్తం 285 పోలింగ్ కేంద్రాల్లో రీ-పోలింగ్ నిర్వహించాలని నిర్ణయించింది. మే 21న మళ్లీ పోలింగ్ నిర్వహించి మే 24న ఫలితాలు వెల్లడిస్తుంది. మిగిలిన నియోజకవర్గాల్లో యధావిధిగా రేపే కౌంటింగ్ ఉంటుంది. టీఎంసీ, బీజేపీ మధ్య హింసాత్మక ఘటనలు , ఆందోళనలు జరగడంతో ఈసీ నిర్ణయం తీసుకుంది.
తిరుమల లడ్డూలో నెయ్యి కల్తీకి వారిద్దరే కారణం
తిరుమల శ్రీవారి లడ్డూలో కల్తీ నెయ్యి వాడకానికి వైసీపీ కీలక నేతలు చెవిరెడ్డి భాస్కర్ రెడ్డి, భూమన కరుణాకర్ రెడ్డిలే కారకులని రిటైర్డ్ ఐఏఎస్ దినేష్ కుమార్ కమిషన్ తేల్చి చెప్పింది. టీటీడీలో నెయ్యి సరఫరాలో పకడ్బందీగా ఉన్న టెండర్ నిబంధనల్ని మార్చడానికి వీరిద్దరే సిఫార్సు చేశారని నివేదిక ఇచ్చింది. కొనుగోలు కమిటీలో ప్రత్యేక ఆహ్వానితుల హోదాలో చెవిరెడ్డి, భూమనలు ఏకపక్షంగా నిర్ణయాలు తీసుకోవడం వల్లే కల్తీ నెయ్యి సరఫరా జరిగిందని చెప్పింది.
బిర్యానీ, పుచ్చకాయ తిని ముంబైలో నలుగురు మృతి!
ముంబైలో ఒకే కుటుంబానికి చెందిన నలుగురు వ్యక్తులు మృతి చెందడం సంచలనంగా మారింది. బిర్యానీ మరియు పుచ్చకాయ (Watermelon) తిన్న తర్వాత వారి ఆరోగ్యం క్షీణించిందని సమాచారం. బాధితుల కిడ్నీలు దారుణంగా దెబ్బతిన్నట్లు డాక్టర్లు గుర్తించారు. ఆహారంలో విషపూరిత కెమికల్స్ ఉన్నాయా అనే కోణంలో పోలీసులు Investigation చేస్తున్నారు. సమ్మర్‌లో ఆహారం విషయంలో జాగ్రత్తగా ఉండాలని నిపుణులు హెచ్చరిస్తున్నారు.
4 ఏళ్ల చిన్నారిపై 65 ఏళ్ల వృద్ధుడు చేసిన హత్యాచారం!
కామ కోరికలకు వయసుతో సంబంధం లేదని మరోసారి ఋజువయ్యింది. పూణే జిల్లాలో అత్యంత హేయమైన ఘటన వెలుగుచూసింది. 65 ఏళ్ల వృద్ధుడు ఒక 4 ఏళ్ల చిన్నారిని రేప్ చేసి, ఆపై దారుణంగా హత్య చేశాడు. నిందితుడి వయసు 65 ఏళ్లు అంటే నమ్మలేకపోతున్నారు. ఈ ఘటనతో స్థానికులు నిరసన చేస్తూ రోడ్ల మీదకు వచ్చారు. పోలీసులు నిందితుడిని అరెస్ట్ చేసి, Fast-track Investigation మొదలుపెట్టారు. చిన్నారి మృతితో ఆ ప్రాంతంలో తీవ్ర ఉద్రిక్తత నెలకొంది.
బుక్స్ ఆన్ ద మూవ్...
మీకు బుక్స్ ఆన్ ది మూవ్ ఉద్యమం తెలుసా? మలేషియాలో కరోల్ అనే లేడీకి పుస్తకాలు చదవడం అంటే ఇష్టం.పుస్తకాల ద్వారా తానెంతో లబ్ది పొందానంటున్న కరోల్ ఆనందాన్ని పంచుకోడానికే బుక్స్ ఆన్ ది మూవ్ అనే ఉద్యమం మొదలు పెట్టింది. కేవలం ఇంట్లో లైబ్రరీల్లోనే కాదు కదిలే రైళ్లు, బస్సులు అన్నిచోటా పుస్తకాలు ఉంచాలి. మీరు చదివేసిన బుక్ అక్కడ వదిలేయండి. దానిపై టేక్ ఇట్, రీడ్ అండ్ డ్రాప్ ఇట్ ఫర్ సమ్ వన్ ఎల్స్ టు ఎంజాయ్ అని స్టికర్ ఉంచండి. దాంతో బుక్స్ సర్క్యులేట్ అవుతాయి అంటోంది. ఇది మనదేశంలోనూ ఢిల్లీ మెట్రో రైళ్లలో ఉంది.. మనం కూడా ఈ పద్ధతి పాటిద్దాం.
9 ఏళ్ల బాలికపై ACP అసభ్య ప్రవర్తన!
ముంబైలోని వర్లీలో ఒక ACP ర్యాంక్ పోలీస్ ఆఫీసర్ (56) తొమ్మిదేళ్ల బాలిక పట్ల అసభ్యంగా ప్రవర్తించి అరెస్టయ్యాడు. ఒక గార్డెన్‌లో బాలిక ముందు తన ప్రైవేట్ పార్ట్స్ చూపిస్తూ వికృత చేష్టలకు పాల్పడ్డాడు. బాధితురాలి ఫిర్యాదుతో పోలీసులు అతడిని వెంటనే అరెస్ట్ చేసి Judicial Custodyకి పంపారు. నిందితుడిపై Molestation మరియు POCSO Act కింద కేసులు Register అయ్యాయి. రక్షణ ఇవ్వాల్సిన అధికారి ఇలాంటి వెధవ పని చేయడం సంచలనంగా మారింది.
కారును ఓవర్ టేక్ చేయబోయి కింద పడింది !!
చేతిలో మొబైల్ పట్టుకుని స్కూటర్ ను ఫాస్ట్ గా నడుపుతూ ఓ యువతి యాక్సిడెంట్ చేసేసింది. .పంజాబ్ కొట్కాపూర్ లో ఓ యువతి స్కూటర్ నడుపుతూ అటుగా వెడుతున్న కారును ఓవర్ టేక్ చేయడానికి స్పీడ్ పెంచింది. అదే టైమ్ లో మొబైల్ చేతిలో ఉండటం వల్ల ఆమె బ్రేకులు వేయలేక వెనుక టైర్ పైకి లేచి కంట్రోల్ చేయలేక కిందపడిపోయింది. ఆ వెనక వస్తున్న కారు డ్యాష్ కామ్ లో ఇదంతా రికార్డ్ అయింది. ఈ ఘటనలో ఆ యువతికి గాయాలయ్యాయి.
మరణం లోనూ బిడ్డను వీడని తల్లి !!
MPలోని జబల్పూర్లో జరిగిన పడవ ప్రమాద దృశ్యాలు గుండెలను పిండేస్తున్నాయి. నదిలో పడవ మునిగిపోతున్న సమయంలో ఓ తల్లి తన నాలుగేళ్ల కొడుకును కాపాడటానికి ప్రయత్నించినా ఇద్దరూ ప్రాణాలు కోల్పోయారు. సహాయక చర్యల్లో ఆ తల్లి మృతదేహం తన బిడ్డను గట్టిగా హత్తుకుని ఉన్న స్థితిలో కనిపించింది. ఊపిరి ఆగిపోతున్నా కొడుకుని మాత్రం వదల్లేదు. మరణంలోనూ వీడని ఆ తల్లి ప్రేమ రెస్క్యూ టీము సైతం కన్నీరు పెట్టించింది.
ORRలో ఘోర ప్రమాదం: ఒకే కుటుంబానికి చెందిన ఆరుగురు మృతి!
హైదరాబాద్ ORR పై ఘోర రోడ్డు ప్రమాదం జరిగింది. షంషాబాద్ దగ్గర ఆగి ఉన్న ట్రక్కును అతివేగంతో వస్తున్న కార్ వెనుక నుండి బలంగా ఢీకొట్టింది. ఈ ఘటనలో ఇద్దరు పిల్లలు సహా ఆరుగురు అక్కడికక్కడే చనిపోయారు. యాదగిరిగుట్ట దర్శనం ముగించుకుని తిరిగి వస్తుండగా ఈ ప్రమాదం జరిగింది. డ్రైవర్ నిద్రమత్తులోకి జారడమే దీనికి కారణమని పోలీసులు అనుమానిస్తున్నారు. గాయాలయిన వాళ్ళను వెంటనే ఆస్పత్రికి తరలించారు.
ఈ నెలాఖరుకల్లా నైరుతి రాక !!
ఈ ఏడాది ముందుగానే నైరుతి రుతుపవనాలు వస్తాయని వాతావరణ శాఖ చెబుతోంది. ఈనెల 14-15 నాటికి అండమాన్ ను నైరుతి రుతుపవనాలు తాకుతాయని మే నెలాఖరుకి కేరళలోకి ప్రవేశిస్తాయని వాతవరణ అధికారులు అంచనా వేస్తున్నారు. రుతుపవనాల ముందస్తు రాకతో కొన్ని ప్రాంతాల్లో సాధారణ వర్షపాతం పడే అవకాశం ఉంది.
కేరళలో ఏనుగు కారును ఎత్తి పడేసింది.!!
కేరళలో ఒక ఏనుగు బీభత్సం సృష్టించింది. కిడం గూర్ మహావిష్ణు ఆలయంలో ఉత్సవాలు జరుగు తుండగా అది అకస్మాత్తుగా అదుపు తప్పింది. కోపంతో అది తన తొండంతో ఒక కారును, స్కూట ర్ల ను పైకి ఎత్తి విసిరేసింది. ఈ ఘటనలో ఒక వ్యక్తి మరణించగా, మరొకరు గాయపడ్డారు. ఆ తర్వా త , సహాయక బృందాలు రంగంలోకి దిగి దానిని కట్టేశాయి. వేడుకలలో ఏనుగులను ఉపయోగించ కూడదని జంతు ప్రేమికులు డిమాండ్ చేస్తున్నారు. వారిని స్వేచ్ఛగా వదిలేయాలని వారు కోరుకుం టున్నారు•
చెకింగ్ అధికారే లంచం అడిగితే చెప్పుతో కొట్టారు !!
ఆర్టీసీ బస్సులో టికెట్ లేదని రూ.20 వేలు లంచం అడిగినందుకు.. చెకింగ్ అధికారిని కండక్టర్, ప్రయాణికులు కలసి చెప్పుతో కొట్టారు. సంగారెడ్డి జిల్లా రాయకోడ్ వద్ద హైదరాబాద్ నుండి నారయణ ఖేడ్ వెళ్తున్న ఆర్టీసీ బస్సుని టికెట్ స్క్వాడ్ తనిఖీ కోసం ఆపింది.ఒక ప్రయాణికుడి దగ్గర టికెట్ లేకపోవ డంతో కేసు పెట్టకుండా ఉండడానికి ప్రయాణికుడి నుండి, కండక్టర్ నుండి రూ.20 వేల లంచం టికెట్ స్క్వాడ్ డిమాండ్ చేసింది. దాంతో కడుపు మండిన కండక్టర్, ప్రయాణికులు ఆ అధికారిని చెప్పుతో కొట్టారు.
హైదరాబాద్: అత్తను హెల్మెట్‌తో కొట్టి చంపిన అల్లుడు!
హైదరాబాద్‌లో దారుణం జరిగింది. స్నేహిత్ (28) అనే వ్యక్తి తన అత్త అరుణపై హెల్మెట్‌తో దాడి చేసి హత్య చేశాడు. బండిపై వెళ్తుండగా ఆమెను కొట్టడంతో, అరుణ కిందపడి తీవ్రంగా గాయపడింది. అది ఫిట్స్ అని అందరినీ నమ్మించి హాస్పిటల్‌లో చేర్చాడు, కానీ ఆమె మరణించింది. చివరకు CCTV Footage బయటపడటంతో అసలు నిజం తెలిసింది. భార్య కావ్య ఫిర్యాదుతో పోలీసులు కేసు నమోదు చేసి స్నేహిత్‌ను అరెస్ట్ చేశారు