Latest
మరణం లోనూ బిడ్డను వీడని తల్లి !!
MPలోని జబల్పూర్లో జరిగిన పడవ ప్రమాద దృశ్యాలు గుండెలను పిండేస్తున్నాయి. నదిలో పడవ మునిగిపోతున్న సమయంలో ఓ తల్లి తన నాలుగేళ్ల కొడుకును కాపాడటానికి ప్రయత్నించినా ఇద్దరూ ప్రాణాలు కోల్పోయారు. సహాయక చర్యల్లో ఆ తల్లి మృతదేహం తన బిడ్డను గట్టిగా హత్తుకుని ఉన్న స్థితిలో కనిపించింది. ఊపిరి ఆగిపోతున్నా కొడుకుని మాత్రం వదల్లేదు. మరణంలోనూ వీడని ఆ తల్లి ప్రేమ రెస్క్యూ టీము సైతం కన్నీరు పెట్టించింది.
ORRలో ఘోర ప్రమాదం: ఒకే కుటుంబానికి చెందిన ఆరుగురు మృతి!
హైదరాబాద్ ORR పై ఘోర రోడ్డు ప్రమాదం జరిగింది. షంషాబాద్ దగ్గర ఆగి ఉన్న ట్రక్కును అతివేగంతో వస్తున్న కార్ వెనుక నుండి బలంగా ఢీకొట్టింది. ఈ ఘటనలో ఇద్దరు పిల్లలు సహా ఆరుగురు అక్కడికక్కడే చనిపోయారు. యాదగిరిగుట్ట దర్శనం ముగించుకుని తిరిగి వస్తుండగా ఈ ప్రమాదం జరిగింది. డ్రైవర్ నిద్రమత్తులోకి జారడమే దీనికి కారణమని పోలీసులు అనుమానిస్తున్నారు. గాయాలయిన వాళ్ళను వెంటనే ఆస్పత్రికి తరలించారు.
ఈ నెలాఖరుకల్లా నైరుతి రాక !!
ఈ ఏడాది ముందుగానే నైరుతి రుతుపవనాలు వస్తాయని వాతావరణ శాఖ చెబుతోంది. ఈనెల 14-15 నాటికి అండమాన్ ను నైరుతి రుతుపవనాలు తాకుతాయని మే నెలాఖరుకి కేరళలోకి ప్రవేశిస్తాయని వాతవరణ అధికారులు అంచనా వేస్తున్నారు. రుతుపవనాల ముందస్తు రాకతో కొన్ని ప్రాంతాల్లో సాధారణ వర్షపాతం పడే అవకాశం ఉంది.
కేరళలో ఏనుగు కారును ఎత్తి పడేసింది.!!
కేరళలో ఒక ఏనుగు బీభత్సం సృష్టించింది. కిడం గూర్ మహావిష్ణు ఆలయంలో ఉత్సవాలు జరుగు తుండగా అది అకస్మాత్తుగా అదుపు తప్పింది. కోపంతో అది తన తొండంతో ఒక కారును, స్కూట ర్ల ను పైకి ఎత్తి విసిరేసింది. ఈ ఘటనలో ఒక వ్యక్తి మరణించగా, మరొకరు గాయపడ్డారు. ఆ తర్వా త , సహాయక బృందాలు రంగంలోకి దిగి దానిని కట్టేశాయి. వేడుకలలో ఏనుగులను ఉపయోగించ కూడదని జంతు ప్రేమికులు డిమాండ్ చేస్తున్నారు. వారిని స్వేచ్ఛగా వదిలేయాలని వారు కోరుకుం టున్నారు•
చెకింగ్ అధికారే లంచం అడిగితే చెప్పుతో కొట్టారు !!
ఆర్టీసీ బస్సులో టికెట్ లేదని రూ.20 వేలు లంచం అడిగినందుకు.. చెకింగ్ అధికారిని కండక్టర్, ప్రయాణికులు కలసి చెప్పుతో కొట్టారు. సంగారెడ్డి జిల్లా రాయకోడ్ వద్ద హైదరాబాద్ నుండి నారయణ ఖేడ్ వెళ్తున్న ఆర్టీసీ బస్సుని టికెట్ స్క్వాడ్ తనిఖీ కోసం ఆపింది.ఒక ప్రయాణికుడి దగ్గర టికెట్ లేకపోవ డంతో కేసు పెట్టకుండా ఉండడానికి ప్రయాణికుడి నుండి, కండక్టర్ నుండి రూ.20 వేల లంచం టికెట్ స్క్వాడ్ డిమాండ్ చేసింది. దాంతో కడుపు మండిన కండక్టర్, ప్రయాణికులు ఆ అధికారిని చెప్పుతో కొట్టారు.
హైదరాబాద్: అత్తను హెల్మెట్‌తో కొట్టి చంపిన అల్లుడు!
హైదరాబాద్‌లో దారుణం జరిగింది. స్నేహిత్ (28) అనే వ్యక్తి తన అత్త అరుణపై హెల్మెట్‌తో దాడి చేసి హత్య చేశాడు. బండిపై వెళ్తుండగా ఆమెను కొట్టడంతో, అరుణ కిందపడి తీవ్రంగా గాయపడింది. అది ఫిట్స్ అని అందరినీ నమ్మించి హాస్పిటల్‌లో చేర్చాడు, కానీ ఆమె మరణించింది. చివరకు CCTV Footage బయటపడటంతో అసలు నిజం తెలిసింది. భార్య కావ్య ఫిర్యాదుతో పోలీసులు కేసు నమోదు చేసి స్నేహిత్‌ను అరెస్ట్ చేశారు
స్వచ్ఛ రథం పథకంపై నాని ఏమన్నారంటే..
ఆంధ్రప్రదేశ్ రాష్ట్ర పరిశుభ్రత కోసం ప్రారంభించిన స్వచ్ఛ రథం పథకానికి భారీ స్పందన‌వస్తోంది. ప్రభుత్వం ఏర్పాటు చేసిన వాహనాలు ఇళ్లకు వెళ్లి చెత్తతో పాటు పనికిరాని వస్తువుల్ని సేకరించి, దానికి బదులుగా వారికి నిత్యావసరాలు, గిఫ్ట్ ఇస్తోంది. పరిసరాల పరిశుభ్రతపై ప్రజల్లో అవగాహన పెంచడానికి యాక్టర్ నాని ఒక వీడియో రిలీజ్ చేశారు. అందులో నాని ఏమన్నారో మీరే చూడండి
నింగిలోకి ఎగరనున్న ప్రైవేటు శాటిలైట్.. బెంగళూరు స్టార్టప్ మిషన్ దృష్టి
బెంగళూరు స్టార్టప్ కంపెనీ గెలాక్సీ ఐ రూపొందించిన ‘మిషన్ దృష్టి’ ప్రయోగానికి రంగం సిద్ధమైంది. స్పేస్ ఎక్స్ రాకెట్ ద్వారా ఈ ప్రైవేట్ శాటిలైట్‌ను రేపు అంటే మే3 న కక్ష్యలోకి పంపనున్నారు. ప్రపంచంలో మొట్టమొదటి ఆప్టో-సార్ (OptoSAR) ఇమేజింగ్ శాటిలైట్ ఇది. మేఘాలు అడ్డుగా ఉన్నా, చీకటిలోనైనా భూమిని హై రిజల్యూషన్ తో ఫోటోలు తీయడం దీని స్పెషాలిటీ. రక్షణ రంగం, వ్యవసాయం , ప్రకృతి విపత్తుల పర్యవేక్షణలో ఇది విప్లవాత్మక మార్పులు తీసుకురానుంది.
దావూద్ అనుచరుడి ఆటకట్టించిన కొరియర్
అండర్ వరల్డ్ డాన్ దావూద్ ఇబ్రహీం ప్రధాన అనుచరుడు, అంతర్జాతీయ డ్రగ్స్ స్మగ్లర్ సలీమ్ డోలాను టర్కీ ప్రభుత్వం తాజాగా భారత్‌కు అప్పగించింది. ఇస్తాంబుల్‌లో అజ్ఞాతంలో ఉన్న సలీమ్ తాను ఉంటున్న ఇంటికి ఒక కొరియర్ ఆన్ లైన్ లో ఆర్డర్ చేశాడు. అప్పుడు చేసిన ఫోన్ కాల్ తో ఇండియన్ పోలీసులు అతడిని గుర్తించి టర్కీకి సమాచారం అందించారు. అలా అతడు పట్టుబట్టాడు. డ్రగ్స్ నెట్‌వర్క్, టెర్రర్ ఫండింగ్‌లో కీలక పాత్ర పోషించిన సలీమ్ ఇప్పుడు భారత ఏజెన్సీల కస్టడీలో ఉన్నాడు. అండర్ వరల్డ్ ముఠాలకు ఇది భారీ షాక్!
మోగిన ఫోన్ సైరన్... మీకూ వచ్చిందా ?
జాతీయ విపత్తుల నిర్వహణ సంస్థ చేపట్టిన నేషనల్ మొబైల్ సైరన్ అలర్ట్ సిస్టమ్ సక్సెస్ అయింది. ఇవాళ 11.30 తర్వాత రాష్ట్రాలతో పాటు దేశవ్యాప్తంగా ఫోన్లు పెద్ద శబ్దంతో సైరన్ చేశాయి. ఆ తర్వాత ఇది కేవలం టెస్టింగ్ మాత్రమేనని, ఇది ఆగిపోయాక ఎవరూ ఏమీ చెయ్యనక్కర్లేదంటూ వాయిస్ మెసేజ్ వచ్చింది. భూకంపాలు వంటి ప్రమాదాలు సంభవించినప్పుడు ప్రజల్ని అప్రమత్తం చేయడానికి ఈ సైరన్ వాడతారు. అదెలా పనిచేస్తుందాని ఇవాళ పరీక్షించి చూశారు. ఫ్రెండ్స్ మరీ మీకూ ఈ సైరన్ వచ్చిందా ? కామెంట్ చేయండి
కేంద్ర ఉద్యోగులపై నమ్మకం ఉంచండి : సుప్రీంలో మమతకు షాక్…
సుప్రీం కోర్టులో పశ్చిమబెంగాల్ సీఎం మమత బెనర్జీకి చుక్కెదురైంది. ఎలక్షన్ కమిషన్ (EC) పనితీరుపై తృణమూల్ కాంగ్రెస్ వేసిన పిటిషన్‌ను సుప్రీం కొట్టి వేసింది. ఓట్ల కౌంటింగ్ టైమ్ లో కేంద్ర ప్రభుత్వం ఉద్యోగుల్ని నియమించడాన్ని టీఎంసీ తప్పుపట్టడానికి సుప్రీం వ్యతిరేకించింది. ఈసీ నియమంచిన ఉద్యోగులపై నమ్మకం ఉండాలని సుప్రీం చెప్పింది. ప్రతి చిన్న విషయానికి అధికారుల చిత్తశుద్ధిని శంకించలేమని, వ్యవస్థపై కనీస గౌరవం ఉండాలని అభిప్రాయపడింది.
పిల్లల చేతికి ఫోన్ ఇస్తున్నారా? AIIMS షాకింగ్ రిపోర్ట్..
పిల్లలు ఏడుస్తున్నారని ఫోన్ ఇస్తున్నారా? అయితే తస్మాత్ జాగ్రత్త! ఏడాది లోపు పిల్లలకు స్క్రీన్ టైమ్ పెరిగితే, 3 ఏళ్లు వచ్చేసరికి ఆటిజం లక్షణాలు వచ్చే ఛాన్స్ ఉందని ఢిల్లీ AIIMS అధ్యయనంలో తేలింది. చిన్న వయసులో పిల్లలకు కావాల్సింది బొమ్మలు, ఆరు బయట ఆటపాటలు, అమ్మమ్మలు చెప్పే కథలే కానీమమొబైల్ స్క్రీన్స్ కాదు. ఫోన్లకు అలవాటు పడితే వారి మెదడు ఎదుగుదల దెబ్బతింటుందని డాక్టర్లు హెచ్చరిస్తున్నారు. ఇక మీ బిడ్డల భవిష్యత్ మీ చేతిలోనే ఉంది. ఏమంటారో కామెంట్ చేయండి
జెన్-జీ వర్సెస్ మిలీనియల్స్: ఎవరు హెల్దీ ?
ప్రముఖ హెల్త్ ఇన్సూరెన్స్ సంస్థ 'సిగ్నా' నిర్వహించిన గ్లోబల్ వెల్‌బీయింగ్ సర్వేలో జెన్-జీ (1997-2012) ఆరోగ్యంపై సంచలన విషయాలు బయటపడ్డాయి. మిలీనియల్స్ (1981-1996) కంటే జెన్-జీ లోనే ఎక్కువ మందికి హెల్త్ మీద అవేర్ నెస్ ఉంది. జిమ్ డైట్లు, ఫిట్‌నెస్ యాప్స్ వాడడంలో వారే ముందున్నారు. కానీ రియల్ లైఫ్ లో ఆరోగ్యం విషయానికొస్తే జెన్ జీతో పోల్చి చూస్తే ఆ వయసులో మిలీనియల్స్ హెల్దీగా ఉండేవారు. జెన్ జీలో 91% మంది తీవ్రమైన పని ఒత్తిడి (Stress) ఎదుర్కోవడం వారి హెల్త్ ని దెబ్బ తీస్తోంది. కేవలం రీల్స్ కోసమే కాకుండా, రియల్ లైఫ్ హెల్త్ కోసం ఈ జనరేషన్ జాగ్రత్తలు పడాలి. మరి
జర్మనీ బ్లాక్ ఫారెస్ట్ లో మహేశ్
రాజమౌళి, మహేష్ బాబు కాంబోలో వస్తున్న వారణాసి మూవీ మీద క్రేజ్ మామూలుగా లేదు. ఈ మూవీకి సంబంధించిన చిన్న న్యూస్ కూడా వైరల్ అవుతోంది. మహేశ్ ఈ మూవీ కోసం చెమటోడుస్తున్నారు. జర్మనీ బ్లాక్ ఫారెస్ట్ లో ట్రైనింగ్ తీసుకుంటున్నారు. వెల్ నెస్ కోచ్ డాక్టర్ హ్యారీ కోనిగ్ దగ్గర కఠినమైన శిక్షణ తీసుకుంటున్నారు. ట్రెక్కింగ్ కు సిద్ధమవుతూ కోచ్ తో ఉన్న ఫోటో షేర్ చేశారు.
మీ ఫోన్ నుంచి సైరన్... భయం వద్దు
ఈ రోజు మీ మొబైల్ ఫోన్ ఒక్కసారిగా పెద్ద శబ్దంతో సైరన్ చేసినా లేదంటే వైబ్రేట్ అయినా అస్సలు భయపడకండి. భూకంపాలు వంటి అత్యవసర సమయాల్లో ప్రజలను అప్రమత్తం చేసేందుకు 'నేషనల్ మొబైల్ సైరన్ అలర్ట్' సిస్టమ్‌ను జాతీయ విపత్తుల నిర్వహణ సంస్థ పరీక్షిస్తోంది. దేశవ్యాప్తంగా అన్ని నెట్‌వర్క్‌ల మొబైల్స్‌కు ఈ టెస్ట్ మెసేజ్ పంపనున్నారు. ఇది కేవలం మీ ఫోన్ యొక్క ఎమర్జెన్సీ అలర్ట్ సామర్థ్యాన్ని చెక్ చేయడానికి మాత్రమే. ఒక్కో రాష్ట్రంలో ఒక్కో టైమ్ లో ఈ అలెర్ట్ పంపిస్తారు. ఏపీలో 11.15 నుంచి 12 మధ్య, తెలంగాణలో 11.30 నుంచి 12 గంటల మధ్య ఈ అలెర్ట్స్ వచ్చే ఛాన్స్ ఉంది.
పుచ్చకాయ కల్తీ కాదు.. విష ప్రయోగం ?
ముంబైలో ఒకే కుటుంబానికి చెందిన నలుగురు బిర్యానీ తిన్న వెంటనే పుచ్చకాయ తిని మరణించారన్న వార్త తీవ్ర చర్చనీయాంశమైంది. అయితే వీరు తిన్న పుచ్చకాయలో ఎలాంటి కల్తీ జరగలేదని ఫుడ్ అండ్ సేఫ్టీ అథారిటీ పరీక్షల్లో తేలింది. మృతుల్లో కొంతమంది అవయవాలు ఆకుపచ్చగా మారడాన్ని పోస్టుమార్టమ్ నివేదికలో వెల్లడి కావడం పలు అనుమానాలకు తావిస్తోంది. ఆ కుటుంబంపై బలమైన విష ప్రయోగం జరిగి ఉండవచ్చునని అనుమానిస్తున్నారు. ఆ దిశగా మరిన్ని పరీక్షలు చేస్తున్నారు. ఆ నివేదికలు వస్తే అసలు నిజాలు బయటకొస్తాయి.
జెన్-జీ vs హజిల్ కల్చర్- ఢిల్లీ యువతి పోస్ట్ వైరల్! 🚀
ఢిల్లీకి చెందిన శృత్రీ త్యాగీ అనే అమ్మాయి LinkedInలో చేసిన ఓ పోస్ట్ సోషల్ మీడియాను షేక్ చేస్తోంది. ఎప్పుడూ కష్టపడుతూనే ఉండాలనే Hustle Culture జెన్-జీ కోసమైతే కాదు. అంటూ ఆమె రాస్తూ జెన్-జీ డీల్ మాత్రమే చూసి నో చెప్పేస్తుంది. అలాగని జెన్-జీకి బద్దతం ఎక్కువ అని కాదు, వాళ్లకు అవసరమైన విషయాలపైనే వాళ్లు ఎక్కువ కష్టపడతారు. రాత్రింబవళ్లు కష్టపడే పాత పద్ధతులు ఇప్పటి జనరేషన్‌కు సెట్ కావు ఆమె ఆమె పోస్ట్ చేస్తే మిలియన్ల మంది షేర్ చేసుకున్నారు. మీరేమంటారు? పని ముఖ్యా.. పీస్ ముఖ్యమా? 🤷♂️
ఇన్‌స్టాలో 'ఫ్లిప్‌సైడ్' వచ్చేసింది
ఇన్‌స్టాగ్రామ్ కొత్త 'ఫ్లిప్‌సైడ్' ఫీచర్ టెస్ట్ చేస్తోంది. ఒకే అకౌంట్‌లో పబ్లిక్ ప్రొఫైల్, ప్రైవేట్ ప్రొఫైల్ రెండూ మేనేజ్ చేసుకోవచ్చు. సెలెక్ట్ చేసిన ఫ్రెండ్స్‌కి మాత్రమే కనిపించే ఫోటోలు, స్టోరీస్ పెట్టుకోవచ్చు. ఈ ఫీచర్ లేకపోవడం వల్ల చాలా మంది ఫ్రెండ్స్ కోసం వేరే అకౌంట్ పెట్టుకున్నారు. ఫ్లిప్ సైడ్ వల్ల రెండో అకౌంట్ లేకుండానే మెయిన్ గ్రిడ్ క్లీన్‌గా ఉంచి, క్లోజ్ ఫ్రెండ్స్‌తో రియల్‌గా, పర్సనల్గా మాట్లాడుకోవచ్చు, నచ్చినవి షేర్ చేసుకోవచ్చు.
AI వల్ల ఈ 5 జాబ్స్‌కి డేంజర్
వరల్డ్ ఎకనామిక్ ఫోరమ్ రిపోర్ట్ ప్రకారం 2027 కల్లా AI వల్ల డేటా ఎంట్రీ, కస్టమర్ సర్వీస్, అకౌంటింగ్ క్లర్క్, సెక్రటరీ, బ్యాంక్ టెల్లర్ జాబ్స్ తగ్గిపోతాయి. కానీ AI స్పెషలిస్ట్, సైబర్ సెక్యూరిటీ, బిజినెస్ అనలిస్ట్ జాబ్స్ పెరుగుతాయి. డిగ్రీతో పాటు AI టూల్స్, ప్రాంప్టింగ్ నేర్చుకుంటే సేఫ్. లేదంటే రిస్క్.
UPI ఇప్పుడు మీ మాటతో డబ్బులు పంపేస్తుంది
NPCI 'Hello UPI' ఫీచర్ లాంచ్ చేసింది. ఇక టైప్ చేయకుండా "₹100 రవికి పంపు" అని వాయిస్‌తో చెప్తే చాలు. ఇంగ్లీష్, హిందీ, తెలుగులో పని చేస్తుంది. ఫోన్‌లో ఇంటర్నెట్ లేకపోయినా *99# తో కాల్ చేసి వాడొచ్చు. ఆటోలో ఉంటూ, చేతులు బిజీగా ఉన్నా ఈజీగా పేమెంట్ చేయొచ్చు. సీనియర్ సిటిజన్స్‌కి ఈ ఫీచర్ సూపర్ యూజ్‌ఫుల్.
పంజాబ్ అసెంబ్లీలో హైడ్రామా: సీఎంకు బ్రీత్ అనలైజర్ టెస్ట్ చేయాలన్న కాంగ్రెస్
పంజాబ్ అసెంబ్లీలో మే డే ప్రత్యేక సెషన్ రసాభాసగా మారింది. సీఎం భగవంత్ మాన్ మద్యం మత్తులో సభకు వచ్చారని కాంగ్రెస్, అకాలీదళ్ సభ్యులు సంచలన ఆరోపణలు చేశారు. దీనిపై విపక్ష నేత ప్రతాప్ సింగ్ బజ్వా స్పందిస్తూ.. సీఎంకు వెంటనే బ్రీత్ అనలైజర్ టెస్ట్ చేయాలని, అవసరమైతే సభ్యులందరికీ పరీక్షలు నిర్వహించాలని డిమాండ్ చేశారు.గతంలో కూడా సీఎంపై ఇలాంటి ఆరోపణలు రావడంతో విపక్షాలు ఈ ఇష్యూను గట్టిగా పట్టుకున్నాయి. స్పీకర్ ఈ డిమాండ్‌ను తిరస్కరించడంతో కాంగ్రెస్ సభ్యులు సభ నుంచి వాకౌట్ చేశారు.