Infotainment

Infotainment· 13 Sept 2026

రోజూ సబ్జా తీసుకుంటే ఏమవుతుంది?

ఎముకలు బలంగా ఉండేందుకు క్యాల్షియం, ఫాస్ఫరస్, మెగ్నీషియం అవసరం. ఇందుకోసం సబ్జా గింజలు బెస్ట్ న్యూట్రిషన్ సోర్స్‌గా చెప్పుకోవచ్చు. Applied Food Research ప్రకారం.. 100 గ్రాముల సబ్జాల్లో సుమారు 700 నుంచి 750 మిల్లీగ్రాములు క్యాల్షియం ఉంటుంది. రోజూ ఓ చెంచాడు సబ్జాలు తీసుకుంటే 100 నుంచి 115 మిల్లీగ్రాముల క్యాల్షియం లభిస్తుంది. ఈ సీడ్స్‌లో ఉండే విటమిన్ D కూడా బాడీకి అవసరం. ఇది శరీరంలోకి క్యాల్షియం బాగా చేరేందుకు సహాయపడుతుంది. సబ్జాలను సంవత్సరమంతా ఆహారంలో చేర్చుకోవచ్చు.

Infotainment· 13 Sept 2026

ఫోన్ స్లోగా ఛార్జ్ అవుతోందా?

కొన్ని సింపుల్ టిప్స్ పాటిస్తే మొబైల్ ఫోన్ ఛార్జింగ్ స్పీడ్‌ను కొంత ఇంప్రూవ్ చేసుకోవచ్చు. ఫోన్‌ను ఛార్జింగ్ పెట్టేటప్పుడు ఎయిర్‌ప్లేన్ మోడ్ ఆన్ చేస్తే నెట్‌వర్క్, మొబైల్ డేటా వంటి కనెక్షన్లు ఆగిపోతాయి. దీంతో బ్యాక్‌గ్రౌండ్ యాక్టివిటీ తగ్గి బ్యాటరీ తక్కువగా ఖర్చవుతుంది. అలాగే ఫోన్‌కు అనుకూలమైన ఒరిజినల్ లేదా క్వాలిటీ ఛార్జర్, కేబుల్నే యూజ్ చేయాలి. నకిలీ ఛార్జర్లతో బ్యాటరీకి ఇబ్బందులు రావచ్చు. అవసరం లేకపోతే బ్లూటూత్, మొబైల్ డేటా కూడా ఆఫ్ చేయడం ద్వారా ఛార్జింగ్ త్వరగా పూర్తయ్యే అవకాశం ఉంటుంది.

Infotainment· 12 Sept 2026

ఈ పక్షి గూటికి 2 కన్నాలెందుకు?

గిజిగాడు అని పిలిచే Baya Weaver పక్షి గూడులో రెండు “కన్నాలు” ఉంటాయి. మగ పక్షి మొదట గూడును రింగ్ ఆకారంలో కడుతుంది. కింద 2 కన్నాలు ఉండేలా చేస్తుంది. ఈ గూడు నచ్చి.. ఆడ పక్షి వస్తుంది. గూడులో ఒక కన్నం.. గుడ్లను దాచేందుకు యూజ్ అవుతుంది. ఆ కన్నం ద్వారా లోపలికి వెళ్లి గుడ్లను పొదుగుతుంది. ఆ కన్నంలోకి పాములు రాకుండా ఏర్పాట్లుంటాయి. మరో కన్నం నార్మల్ ఎంట్రీ లాగా ఉంటుంది. ఇలా ఈ <a href="https://www.instagram.com/rythu_badi/reel/Dc-QUIyvKoL/">పక్షులు</a>.. తమ గూళ్ల అల్లికలో కూడా ఎంతో తెలివిని ప్రదర్శిస్తాయి.

▶

Infotainment· 11 Sept 2026

KTR కాల్ కట్ చేసిన ప్రభాస్

‘ది అండర్ 18 వరల్డ్’ అనే టాక్ షోలో పాల్గొన్న KTRకు అక్కడి పిల్లలు ఒక ఛాలెంజ్ ఇచ్చారు. ఆయన ఫోన్ నుంచి ప్రభాస్‌కు కాల్ చేయమని అడిగారు. కేటీఆర్ వెంటనే ప్రభాస్‌కు డయల్ చేయగా, ఆయన ఫోన్ ఎత్తి మాట్లాడారు. అయితే, ఒక పాప ఫోన్ తీసుకుని, "రోడ్డుపై ఫోన్ దొరికింది, ఎవరు మాట్లాడుతున్నారు?" అని సరదాగా ప్రాంక్ చేసింది. దీంతో ప్రభాస్ వెంటనే కాల్ కట్ చేశారు. ఆ తర్వాత KTR మళ్లీ ఫోన్ చేసి ఇదంతా ప్రాంక్ అని చెప్పడంతో ప్రభాస్ కూడా నవ్వుకున్నారు. ఈ వీడియో ఇప్పుడు SM లో వైరల్ అవుతోంది.

Infotainment· 10 Sept 2026

పాకిస్థాన్‌లో గణేశ శోభ!

వినాయక చవితి అంటే.. ఇండియాలోనే కాదు.. పాకిస్థాన్ లాంటి దేశంలోనూ పండగే. కరాచీలోని.. గణేశ్ మఠ్ మందిరంలో ఓ ముస్లిం ఆర్టిస్ట్ గణేశ్ విగ్రహాన్ని తయారుచేశారు. మహారాష్ట్ర కుటుంబం నిర్వహిస్తున్న ఆ ఆలయం కోసం.. వినాయక చవితి సందర్భంగా ఈ ప్రతిమను రూపొందించారు. భక్తి, కళకు మత భేదాలు అడ్డుకావని చాటుతూ రూపొందించిన ఈ విగ్రహం.. సోషల్ మీడియాలో వైరల్ అవుతోంది. మతాలతో సంబంధం లేకుండా అందరూ వినాయకచవితిని ఆనందంగా జరుపుకోవాలని నెటిజన్లు కోరుకుంటున్నారు.

Infotainment· 10 Sept 2026

‘Number’లో ‘O’ లేదు.. అయినా ‘No.’ ఎందుకు?

మన రోజువారీ జీవితంలో ‘Number’ అనే పదానికి సంక్షిప్త రూపంగా ‘No.’ను ఉపయోగిస్తుంటాం. అయితే ‘Number’లో ‘O’ అనే అక్షరం లేకపోవడం చాలామందికి ఆసక్తికరమైన విషయం. దీనికి మూలం ఇంగ్లీష్‌లో కాదు, లాటిన్ భాషలోని ‘numero’ అనే పదంలో ఉంది. ‘Numero’ అంటే ‘సంఖ్య ప్రకారం’ లేదా ‘సంఖ్యలో’ అనే అర్థం. ఈ పదం నుంచే ‘N’, ‘O’ తీసుకుని ‘No.’ అనే పదం ఏర్పడింది.

Infotainment· 10 Sept 2026

అల్లూరికి ముందే బ్రిటీషర్లను ఎదిరించిన వీరుడు

మన్యం పోరాటంలో అల్లూరి కంటే 42 ఏళ్ల ముందే గెరిల్లా వార్‌తో బ్రిటీషర్లను ఎదురించిన మన్యం వీరుడు ద్వారబంధాల చంద్రయ్య నాయుడు. ఇవాళ ఆయన జయంతి. 1853 సెప్టెంబర్ 10న విజయనగరం జిల్లా బొబ్బిలిలో జన్మించారు. జమీందార్లు, బ్రిటీష్ పాలకుల పన్నుల దోపిడీపై తిరగబడి 1879లో 'రంప పితూరీ'ని నడిపించారు. పోలీస్ స్టేషన్‌పై దాడి చేసి ఆయుధాలు లాక్కోవడం, సంపన్నుల ధాన్యాన్ని పేదలకు పంచడం చేశారు. బ్రిటీషర్లు ఇచ్చిన పదవుల ఆఫర్లను కాలదన్నిన ఆయనను 1880లో సొంత అనుచరుడి నమ్మకద్రోహంతో బ్రిటీష్ బలగాలు కాల్చి చంపాయి.

Infotainment· 10 Sept 2026

మంట రంగు మారితే ముప్పే!

గ్యాస్‌ స్టవ్‌పై సాధారణంగా నీలం రంగు మంట కనిపించాలి. బర్నర్‌ రంధ్రాల్లో మురికి పేరుకుపోవడం లేదా గాలి సరిగా అందకపోవడం వల్ల మంట రంగు మారొచ్చు. పసుపు, నారింజ రంగులో మంట తరచూ కనిపిస్తే నిర్లక్ష్యం చేయొద్దని నిపుణులు సూచిస్తున్నారు. బర్నర్‌ను శుభ్రంగా ఉంచి, వంటగదిలో గాలి ఆడేలా చూసుకోవాలంటున్నారు. మంట రంగు మారుతూ ఉంటే స్టవ్‌ను తనిఖీ చేయించుకోవడం మంచిదంటున్నారు. గ్యాస్‌ లీకేజీ వస్తుంటే మంట వెలిగించి పరీక్షించకూడదని హెచ్చరిస్తున్నారు.

Infotainment· 10 Sept 2026

⌨️ Keyboardని ఎవరు ఇలా గందరగోళం చేశారు?

మన కీబోర్డ్ లో letters ఇలా అడ్డదిడ్డంగా ఎందుకు ఉంటాయి అనే డౌట్ మీకు ఇప్పటికే చాలాసార్లు వచ్చే ఉంటుంది. దీనికి అసలు కారణం పాత టైప్‌రైటర్లు! ఆ రోజుల్లో వేగంగా టైప్ చేస్తే, పక్కపక్కన ఉండే keys‌కి సంబంధించిన metal arms ఒకదానికొకటి తగిలి jam అయ్యేవి. అందుకే letters‌ని విడదీసి QWERTY layout తీసుకొచ్చారు. ఇప్పుడు టైప్‌రైటర్ పోయి కంప్యూటర్స్ వచ్చినా QWERTY layout మాత్రం అలాగే ఉండిపోయింది.

Infotainment· 9 Sept 2026

ప్రపంచ తెలుగు మహాసభల్లో 16 ఏళ్లలోపు వారికి అవకాశం

వచ్చే డిసెంబరు 5, 6 తేదీల్లో ఒంగోలులో 4వ ప్రపంచ తెలుగు మహాసభలు జరగనున్నాయి. నెక్ట్స్ జెన్ ఇంటర్నేషనల్ స్కూల్‌లో ‘పాడనా తెలుగు పాట’ కార్యక్రమం ప్లాన్ చేశారు. 16 ఏళ్లలోపు బాలబాలికలు ఇందులో పాల్గొనొచ్చు. కరోకే ద్వారా రెండు పాటలు రికార్డ్ చేసి సెప్టెంబరు 30లోగా srividyajv8@gmail.comకు పంపాలి. సెలెక్ట్ అయిన వారికి అక్టోబరు 15లోగా ఇన్ఫర్మేషన్ ఇస్తారు. తెలుగు సాహిత్య, సంగీత విలువలున్న పాటలకే ఛాన్స్ ఉంటుంది. ఎంపికైన వారికి ట్రాన్స్‌పోర్ట్‌తో పాటు ఇతర ఫెసిలిటీస్ అందిస్తారు.

Infotainment· 9 Sept 2026

ఉచిత Wifiతో జాగ్రత్త

ఉచిత పబ్లిక్‌ వైఫైను వాడే టైంలో అప్రమత్తంగా ఉండాలని సైబర్‌ నిపుణులు హెచ్చరిస్తున్నారు. గుర్తుతెలియని వైఫై నెట్‌వర్క్‌లకు కనెక్ట్‌ అయ్యాక వచ్చే APK ఫైళ్లను డౌన్‌లోడ్‌ చేసి ఇన్‌స్టాల్‌ చేస్తే మొబైల్‌లోని వ్యక్తిగత, ఆర్థిక సమాచారం ప్రమాదంలో పడే అవకాశం ఉందంటున్నారు. ఇటీవల ముంబైలోని CSMT వద్ద ఉచిత వైఫైను ఉపయోగించిన ఓ వ్యక్తికి నకిలీ APK ఫైల్‌ రావడంతో సైబర్‌ మోసం జరిగినట్లు అధికారులు గుర్తించారు. ఈ ఘటనలో సుమారు రూ.4.27 లక్షలు అతని అకౌంట్ నుంచి ట్రాన్‌సాక్షన్స్ జరిగినట్లు సమాచారం.

Infotainment· 9 Sept 2026

ఎక్స్‌పైర్ అయిన మెడిసిన్స్‌ను చెత్తలో పడేస్తున్నారా?

ఎక్స్‌పైర్ మెడిసిన్స్‌ను చెత్తలో వేయడం ద్వారా ఎన్విరాన్‌మెంట్, ప్రజల హెల్త్‌కు రిస్క్ ఉంటుందని ఎక్స్‌పర్ట్స్ హెచ్చరిస్తున్నారు. మందుల్లోని కెమికల్స్ నేల, గ్రౌండ్ వాటర్, నదుల్లోకి చేరి పొల్యూషన్‌కు కారణమవుతాయి. సింక్, టాయిలెట్‌లో వేయడం, కాల్చడం కూడా డేంజర్ అని చెబుతున్నారు. నార్మల్ టాబ్లెట్స్, క్యాప్సూల్స్‌ను నలిపి మట్టి లేదా వాడిన కాఫీ పొడితో కలిపి సంచిలో వేసి డిస్పోజ్ చేయొచ్చు. సూదులు, సిరంజిలను షార్ప్స్ కంటైనర్‌లోనే వేయాలి. వీలైతే ఫార్మసీ, హాస్పిటల్, మెడిసిన్ కలెక్షన్ సెంటర్‌లో ఇవ్వడం బెస్ట్.

Infotainment· 9 Sept 2026

ఒరాంగుటాన్ అంటే ఏంటి?

ఒరాంగుటాన్ అంటే మన ఊర్లో చూసే నార్మల్ కోతి కాదు. ఇవి మనుషులు, చింపాంజీలలాగే 'హోమినిడే' ఫ్యామిలీకి చెందిన తెలివైన జంతువులు. ఎరుపు, గోధుమ రంగు జుట్టు, పొడవాటి చేతులు ఉండే ఈ జీవులు ఎక్కువగా ఇండోనేషియా, మలేషియా అడవుల్లో చెట్లపైనే బతుకుతాయి. మన దేశంలో ఇవి అస్సలు ఉండవు. చాలా సైలెంట్‌గా, స్మార్ట్‌గా ఉండే ఇవి ప్రపంచంలోనే అత్యంత తెలివైన విదేశీ ప్రాణుల్లో ఒకటి.

Infotainment· 8 Sept 2026

Satellite City..ఏంటి దీని స్పెషాలిటీ?

ప్రధాన నగరంపై జనాభా, ట్రాఫిక్, నివాసం, ఉద్యోగాల ఒత్తిడి తగ్గించేందుకు దగర్లో ప్రణాళికాబద్ధంగా అభివృద్ధి చేసే ప్రత్యేక నగరాన్నే ‘Satellite City’ అంటారు. ఇక్కడ ఇళ్లతోపాటు ఆఫీసులు, కంపెనీలు, విద్యాసంస్థలు, హాస్పిటళ్లు, రోడ్లు, ఇతర సదుపాయాలు ఉంటాయి. ప్రధాన నగరానికి అనుబంధంగా ఉన్నప్పటికీ అన్ని సౌకర్యాలతో స్వతంత్రంగా అభివృద్ధి చెందడం దీని స్పెషాలిటీ. ఢిల్లీకి నోయిడా, గురుగ్రామ్, ముంబయికి నవీ ముంబై, పూణెకు పింప్రి-చించ్వాడ్, అహ్మదాబాద్‌కు గాంధీనగర్ వంటి నగరాలను ఎగ్జాంపుల్‌గా చెప్పొచ్చు.

Infotainment· 8 Sept 2026

BAC అంటే ఏమిటి?

అసెంబ్లీ సమావేశాల సమయంలో తరచూ వినిపించే పదం ‘BAC’. అంటే ‘Business Advisory Committee’. అసెంబ్లీలో ఏ అంశాలపై చర్చ జరగాలి, ఏ బిల్లులు ఎప్పుడు తీసుకోవాలి, ఏ అంశానికి ఎంత సమయం కేటాయించాలి లాంటి విషయాలను ఈ కమిటీ నిర్ణయిస్తుంది. స్పీకర్‌ నేతృత్వంలో ఏర్పడే BACలో ప్రభుత్వం, ప్రతిపక్ష పార్టీలకు చెందిన సభ్యులు ఉంటారు. అసెంబ్లీ సమావేశాల ఎజెండా, చర్చల సమయంపై నిర్ణయాలు తీసుకునే కీలక కమిటీ ఈ BAC.

Infotainment· 7 Sept 2026

వీడియో గేమ్స్ కంటే Sportsలో ఈ ఎక్స్‌ట్రా అడ్వాంటేజ్!

స్పోర్ట్స్ అంటే కేవలం బాడీ ఫిట్‌గా ఉండటమే కాదు.. బ్రెయిన్‌కి కూడా మంచి వర్కౌట్! ఆడేటప్పుడు మూడ్‌ను బెటర్ చేసే కెమికల్స్ రిలీజ్ అవ్వడంతో ఫోకస్, మెమరీ కూడా ఇంప్రూవ్ అవుతాయి. టీమ్ స్పోర్ట్స్ అయితే కలిసి పనిచేయడం, ఇతరులను నమ్మడం, ఓడినా మళ్లీ ట్రై చేయడం నేర్పిస్తాయి. “నేను చేయలేను” అనే ఆలోచనకు బదులు “ఇంకా నేర్చుకోలేదు” అనే పాజిటివ్ మైండ్‌సెట్ పెరుగుతుంది. వీడియో గేమ్స్ బ్రెయిన్‌కు వర్కౌట్ ఇస్తే.. స్పోర్ట్స్‌లో బ్రెయిన్‌తో పాటు బాడీకి కూడా వర్కౌట్ దొరకడం ఎక్స్‌ట్రా అడ్వాంటేజ్.

Infotainment· 7 Sept 2026

సూర్యకాంతి లేకుండా బతికే వింత పువ్వు!

థాయ్‌లాండ్ అడవుల్లో శాస్త్రవేత్తలకు ఓ విచిత్రమైన పువ్వు కనిపించింది. పేరు Thismia daemona. నల్లగా, కొమ్ముల్లాంటి ఆకారంతో ఉండటంతో ‘Devil Flower’ అని పిలుస్తున్నారు. ఇంట్రెస్టింగ్ విషయం ఏంటంటే, దీనికి chlorophyll ఉండదు. అంటే సూర్యకాంతితో తన ఆహారం తానే తయారు చేసుకోలేదు. నేలలోని fungi సాయంతో పోషకాలు పొందుతుంది. ఇప్పటివరకు 50 కంటే తక్కువ మొక్కలే కనిపించాయి. అందుకే ఇది rare మాత్రమే కాదు, అంతరించిపోయే ప్రమాదంలోనూ ఉంది. కాబట్టి దీన్ని Critically Endangeredగా గుర్తించారు.

Infotainment· 7 Sept 2026

మనసులో మాటలకు సౌండ్ ఎలా?

మనలో మనం మాట్లాడుకోవడం చాలా కామన్. ఇలా బయటికి ఒక్క మాట కూడా మాట్లాడకపోయినా మనసులో మాత్రం మాటలు వినిపిస్తుంటాయి. దీన్నే ‘Inner Speech’ అంటారు. సైంటిస్టులు చెప్తున్న విషయం ఏంటంటే.. మనసులో ఒక మాట అనుకున్నప్పుడు, ఆ మాటను నోరు ఎలా పలుకుతుందో మెదడు ముందే ఊహించుకుంటుందట. ఆ తర్వాత ఆ మాట ఎలా వినిపిస్తుందో కూడా మెదడు అంచనా వేస్తుందట. అంటే మనసులో మాట్లాడుకోవడం కేవలం ఆలోచించడం మాత్రమే కాదు.. మెదడు నిజంగానే మాట్లాడుతున్నట్టుగా దాన్ని సిమ్యులేట్ చేస్తుందన్నమాట!