Local

Local· 21 Aug 2026

కాలేజీకి వెళ్లాలంటే ప్రాణాలతో చెలగాటం

AP: కాకినాడ జిల్లా కరప మండలంలో ఆర్టీసీ బస్సుల కొరతతో విద్యార్థులు తీవ్ర ఇబ్బందులు ఎదుర్కొంటున్నారు. మహిళలకు ఉచిత ప్రయాణం అమలులోకి వచ్చిన తర్వాత బస్సుల్లో రద్దీ పెరిగినా, అందుకు అనుగుణంగా అదనపు బస్సులు అందుబాటులోకి రాలేదు. వేలంగి నుంచి నడకుదురు వరకు సుమారు 15 గ్రామాల నుంచి వందలాది మంది విద్యార్థులు ప్రయాణిస్తున్నారు. బస్సుల్లో చోటులేక ఫుట్‌బోర్డులపై ప్రమాదకరంగా నిలబడుతున్నారు. డ్రైవర్లు, కండక్టర్లు హెచ్చరిస్తున్నా కాలేజీ సమయానికి చేరుకోవాలనే ఆత్రుతతో తప్పనిసరి పరిస్థితుల్లో అలా ప్రయాణిస్తున్నారు.

▶

Local· 21 Aug 2026

వినాయక చవితి, శ్రీవారి బ్రహ్మోత్సవాలకు ఏర్పాట్లు

AP: వినాయక చవితి, తిరుమల శ్రీవారి బ్రహ్మోత్సవాలు ఒకే సమయంలో జరుగుతున్నాయని, ఇబ్బందులు తలెత్తకుండా సమన్వయంతో ఏర్పాట్లు చేయాలని తిరుపతి జిల్లా కలెక్టర్ డా.ఎస్.వెంకటేశ్వర్ అధికారులను ఆదేశించారు. ఈ ఏడాది వినాయక చవితి కార్యక్రమాలు సెప్టెంబర్ 14 నుంచి ప్రారంభం కానుండగా, తిరుమల శ్రీవారి బ్రహ్మోత్సవాలు సెప్టెంబర్ 15 నుంచి 23 వరకు జరగనున్నాయని చెప్పారు. సెప్టెంబర్ 15న సీఎం తిరుపతికి రానున్నారని, బందోబస్తు అంశాలపై ప్రత్యేక దృష్టి సారించాల్సిన అవసరం ఉందని తెలిపారు.

Local· 21 Aug 2026

పోలీసుల బిగ్ ఆపరేషన్.. డ్రోన్‌తో స్పెషల్‌ పెట్రోలింగ్‌

TG: బహిరంగ ప్రదేశాల్లో మద్యం సేవిస్తూ అసాంఘిక కార్యకలాపాలకు పాల్పడుతున్న వారిపై పోలీసులు నిఘా పెంచారు. మంచిర్యాల జిల్లా నస్పూర్‌ పరిధిలోని శ్రీరాంపూర్‌ పోలీసులు డ్రోన్‌ సహాయంతో ప్రత్యేక పెట్రోలింగ్‌ నిర్వహించారు. ప్రగతి స్టేడియం పరిసరాలు, అరుణక్కనగర్‌, హైవే ప్రాంతాల్లో డ్రోన్‌ ద్వారా విస్తృతంగా తనిఖీలు చేపట్టారు. ఈ క్రమంలో బహిరంగ ప్రదేశాల్లో మద్యం సేవిస్తున్న ముగ్గురిని పోలీసులు గుర్తించారు. వారిపై మూడు ఓపెన్‌ డ్రింకింగ్‌ కేసులు నమోదు చేసినట్లు శ్రీరాంపూర్‌ సీఐ ఆకుల అశోక్‌ తెలిపారు.

Local· 21 Aug 2026

ఫిర్యాదులకు డైరెక్ట్ యాక్సెస్.. ‘ఓపెన్ బాక్స్’ ఏర్పాటు

TG: ప్రజల సమస్యలను నేరుగా తెలుసుకునేందుకు చెన్నూరు ఎమ్మెల్యే, మంత్రి వివేక్ వెంకటస్వామి వినూత్న విధానానికి శ్రీకారం చుట్టారు. మంచిర్యాల జిల్లా చెన్నూరు నియోజకవర్గ ప్రజల సమస్యలు, ఫిర్యాదులను నేరుగా తన దృష్టికి తీసుకువచ్చేందుకు ‘ఓపెన్ బాక్స్’ ఏర్పాటు చేస్తున్నట్లు తెలిపారు. పార్టీ, కులం, మతం, వర్గం అనే తేడా లేకుండా ప్రతి ఒక్కరి సమస్యను తెలుసుకోవడమే తన ఉద్దేశమన్నారు. ప్రజలు తమ సమస్యలు, ఫిర్యాదులు, అవసరమైతే తనపై ఉన్న ఫిర్యాదులను కూడా పెన్ను, పేపర్‌పై స్పష్టంగా రాసి బాక్స్‌లో వేయాలని కోరారు.

Local· 21 Aug 2026

మున్సిపల్ కార్మికులకు సెలవుల జీవో సీఐటీయూ పోరాట ఫలితమే

TG: తెలంగాణ రాష్ట్రవ్యాప్తంగా సీఐటీయూ ఆధ్వర్యంలో మున్సిపల్ కార్మికులు నిర్వహించిన పోరాటాల ఫలితంగానే వారాంతపు సెలవులు, నెలవారీ సెలవులు, క్యాజువల్ సెలవులు, వేతనంతో కూడిన ప్రసూతి సెలవులు మంజూరు చేస్తూ ప్రభుత్వం జీవో విడుదల చేసిందని సీఐటీయూ నాగర్‌కర్నూలు జిల్లా కోశాధికారి పొదిల రామయ్య అన్నారు. జిల్లా కేంద్రంలో తెలంగాణ మున్సిపల్ వర్కర్స్ అండ్ ఎంప్లాయీస్ యూనియన్ సీఐటీయూ ఆధ్వర్యంలో మున్సిపల్ కార్మికులతో కలిసి మున్సిపల్ మేనేజర్‌కు ప్రభుత్వ సర్క్యులర్ జీవోను అందించారు.

Local· 21 Aug 2026

గల్లంతైన మత్స్యకారుల కోసం గాలింపు

AP: అంబేద్కర్ కోనసీమ జిల్లాలో సముద్రంలో గల్లంతైన ఏడుగురు మత్స్యకారుల ఆచూకీ కోసం చేపట్టిన గాలింపు చర్యలపై సీఎం చంద్రబాబు సమీక్షించారు. ఈనెల 3న వేటకు వెళ్లిన బోటు 16వ తేదీకి తిరిగి రాకపోవడంతో కుటుంబాలు అధికారులకు సమాచారం ఇచ్చాయి. కోస్ట్‌గార్డ్, మెరైన్‌ పోలీసు లు, నేవీ డార్నియర్ విమానాలతో 216 నాటికల్ మైళ్ల పరిధిలో గాలింపు చేపట్టారు. ఇలాంటి ఘటనలు నివారించేందుకు ఎస్‌ఓపీ అమలు చేసి, ప్రతి బోటు, మత్స్యకారుడి వివరాలు నమోదు చేయాలని ఆదేశించారు.

Local· 21 Aug 2026

మాలీలకు ఎస్టీ హోదా కల్పించాలి

TG: కొమరం భీం ఆసిఫాబాద్ జిల్లా మాలీ కులస్థులకు ఎస్టీ హోదా కల్పించే విషయంలో కేంద్ర, రాష్ట్ర ప్రభుత్వాలు ఇచ్చిన హామీలను వెంటనే అమలు చేయాలని మాలీ సంఘం రాష్ట్ర అధ్యక్షుడు లెండుగురే శ్యామ్‌రావు డిమాండ్ చేశారు. ఎస్టీ హోదా సాధించే వరకు ఉద్యమాన్ని కొనసాగిస్తామని ప్రకటించారు. గత ఎన్నికల్లో బీజేపీ నాయకులు మాలీలకు ఎస్టీ హోదా కల్పిస్తామని హామీ ఇచ్చినా, ఎన్నికల అనంతరం పార్లమెంట్‌లో గానీ అసెంబ్లీలో గానీ ఈ అంశాన్ని ప్రస్తావించడం లేదని విమర్శించారు.

Local· 21 Aug 2026

'సీఎం రేవంత్ రెడ్డి పతనం మొదలైంది'

TG: కాంగ్రెస్ ప్రభుత్వం ప్రజా సంక్షేమాన్ని విస్మరిస్తోందని, సీఎం రేవంత్ రెడ్డి పతనం మొదలైందని మాజీ ఎమ్మెల్యే మర్రి జనార్దన్ రెడ్డి ఘాటుగా విమర్శించారు కల్యాణ లక్ష్మి, షాదీ ముబారక్ పథకాలను కొనసాగించాలని ప్రభుత్వాన్ని డిమాండ్ చేశారు. నాగర్‌కర్నూల్ జిల్లా కేంద్రంలోని గాంధీ పార్క్ నుంచి భారీగా కొనసాగిన నిరసన మహాధర్నా ర్యాలీలో పాల్గొన్నారు. ఆర్డీఓ కార్యాలయానికి చేరుకుని వినతి పత్రం అందజేశారు. ఆడపిల్లల వివాహాలకు అండగా నిలిచే పథకాలను నిర్వీర్యం చేయడం దారుణం అని విమర్శించారు.

Local· 21 Aug 2026

దళితవాడల సమస్యల పరిష్కారానికి ప్రచార యాత్ర

AP: దళితవాడల్లో నెలకొన్న సమ స్యలను పరిష్కరించాలని కోరుతూ కెవిపిఎస్, వ్యవసా య కార్మిక సంఘం ఆధ్వర్యంలో ప్రచార యాత్ర నిర్వహించారు. గుంటూరు జిల్లా పెదకాకానిలో ప్రారంభమైన యాత్ర దుగ్గిరాల మండలంలోని తుమ్మపూడి, చిలువూరు, పెనుమూలి, దుగ్గిరాల గ్రామాల్లో కొనసాగింది. కేవీపీఎస్ రాష్ట్ర కార్యదర్శి ఏ.మాలాద్రి, వై.నేతాజీ, ఈమని అప్పారావు, జెట్టి బాలరాజు, బూరుగ వెంకటేశ్వర్లు, జె.నవీన్ ప్రకాష్, ఏ.కమలాకర్ తదితరులు పాల్గొన్నా రు.

Local· 21 Aug 2026

UBI RSETI ఆధ్వర్యంలో సర్టిఫికెట్ల అందజేత

TG: కేంద్ర ప్రభుత్వం నిర్వహిస్తున్న,యూనియన్ బ్యాంక్ గ్రామీణ స్వయం ఉపాధి శిక్షణ సంస్థలో జగిత్యాల DRDO PD రఘువరన్ CCTV శిక్షకులకు సర్టిఫికేట్లు అందజేశారు. అధికారులు మాట్లాడుతూ నిరుద్యోగులు ఉచిత స్వయం ఉపాధి శిక్షణను వినియోగించుకోవాలని తెలిపారు. కార్యక్రమంలో UBI RSETI డైరెక్టర్ బాపు, సెర్ప్ DPM రమేశ్, APM గంగాధర్, UBI బ్రాంచ్ మేనేజర్ ఆదిత్య, UBI RSETI సిబ్బంది శ్రీధర్, రాకేష్, వసంత, భరత్, CCTV శిక్షణ పూర్తి చేసిన అభ్యర్థులు పాల్గొన్నారు.

Local· 21 Aug 2026

స్మార్ట్ కిచెన్ విధానాన్ని రద్దు చేయాలి

AP: స్మార్ట్ కిచెన్ విధానంతో తమ ఉపాధికి ముప్పు ఏర్పడుతుందని ఆరోపిస్తూ మధ్యాహ్న భోజన పథకం కార్మికులు గుంటూరులో ఆందోళనకు దిగారు. సీఐటీయూ ఆధ్వర్యంలో మధ్యాహ్న భోజన పథకం కార్మికుల యూనియన్ జిల్లా కమిటీ కలెక్టర్ కార్యాలయం ఎదుట ధర్నా నిర్వహించింది. యూనియన్ జిల్లా గౌరవ అధ్యక్షుడు దండా లక్ష్మీనారాయణ మాట్లాడుతూ.. మండలానికి రూ.30–40 లక్షలు ఖర్చు చేసి స్మార్ట్ కిచెన్లు ఏర్పాటు చేయడం ఎందుకని ప్రశ్నించారు. కార్మికులకు మూడు నెలలుగా పెండింగ్‌లో ఉన్న వేతనాలు, బిల్లులను వెంటనే చెల్లించాలని డిమాండ్ చేశారు.

Local· 21 Aug 2026

కాల్వలో చెత్త, దోమల బెడద.. వార్డు ప్రజల అవస్థలు

TG: మురుగునీరు, చెత్తాచెదారంతో కాలువ నిండిపోవడంతో వికారాబాద్ జిల్లా బషీరాబాద్ మండలం ఎక్మాయి గ్రామంలోని ఎస్సీ వార్డులో పారిశుధ్య సమస్య తీవ్రంగా మారింది. వికారాబాద్ జిల్లా బషీరాబాద్ మండలం ఎక్మాయి గ్రామంలో మురికినీటి కాలువ అధ్వానంగా తయారై దుర్వాసన వెదజల్లుతోందని స్థానికులు ఆవేదన వ్యక్తం చేస్తున్నారు. కాలువలో చెత్త పేరుకుపోవడంతో మురుగునీరు సక్రమంగా ప్రవహించక పోవడంతో దోమలు విపరీతంగా పెరిగిపోయాయని తెలిపారు. దీంతో అనారోగ్య సమస్యలు ఎదుర్కొంటున్నామని గ్రామస్థులు వాపోయారు.

Local· 21 Aug 2026

కారు–బైక్ ఢీ.. యువకుడి పరిస్థితి విషమం

AP: కారు, బైక్ ఢీకొన్న ఘోర ప్రమాదంలో యువకుడు తీవ్రంగా గాయపడి ప్రాణాపాయ స్థితిలో చికిత్స పొందుతున్న ఘటన కాకినాడ జిల్లాలో చోటుచేసుకుంది. రౌతులపూడి మండలం బంగారిపేట గ్రామంలో జరిగిన ఈ ప్రమాదంలో బైక్‌పై వెళ్తున్న ములగపూడి గ్రామానికి చెందిన కాపారపు మిలీషా రాజుకు తలకు తీవ్ర గాయాలయ్యాయి. వెంటనే 108 అంబులెన్స్‌లో రౌతులపూడి కమ్యూనిటీ హెల్త్ సెంటర్‌కు తరలించగా, పరిస్థితి విషమంగా ఉండటంతో వైద్యులు కాకినాడ ప్రభుత్వ ఆస్పత్రికి రిఫర్ చేశారు. ప్రస్తుతం ఆయన అక్కడ చికిత్స పొందుతూ ప్రాణాపాయ స్థితిలో ఉన్నాడు.

Local· 21 Aug 2026

పులివెందులలో ఏకకాలంలో ఈడీ సోదాలు

AP: కడప జిల్లా పులివెందులలో శుక్రవారం ఉదయం ఈడీ సోదాలు కలకలం రేపాయి. ఉదయం 6 గంటల నుంచి పలువురు ప్రముఖుల నివాసాల్లో ఎన్‌ఫోర్స్‌మెంట్ డైరెక్టరేట్ అధికారులు ఏకకాలంలో తనిఖీలు నిర్వహిస్తున్నారు. కడప ఎంపీ వైఎస్ అవినాష్‌రెడ్డి, దేవిరెడ్డి శివశంకర్‌రెడ్డి, ఎర్ర గంగిరెడ్డి, దస్తగిరి తదితరుల ఇళ్లలో ఈ సోదాలు కొనసాగుతున్నాయి. మాజీ మంత్రి వైఎస్ వివేకానందరెడ్డి హత్య కేసుకు సంబంధించి వీరంతా సీబీఐ విచారణను ఎదుర్కొంటున్నారు.

Local· 21 Aug 2026

సీఎం టూర్‌పై స్పెషల్ ఫోకస్.. పకడ్బందీ ఏర్పాట్లు

AP: ఈ నెల 22న ముఖ్యమంత్రి అనకాపల్లి జిల్లాలో పర్యటించనున్న నేపథ్యంలో అధికారులు ఏర్పాట్లను వేగవంతం చేశారు. సీఎం పర్యటనకు సంబంధించి జిల్లా కలెక్టర్ విజయకృష్ణన్ ఏర్పాట్లను పరిశీలించి అధికారులకు కీలక సూచనలు చేశారు. హెలిప్యాడ్, రహదారి, సభా వేదికతో పాటు ఏ-కోడూరు ఎస్సీ కాలనీలో నిర్వహించనున్న ప్రజలతో ముఖాముఖి కార్యక్రమానికి సంబంధించిన ఏర్పాట్లను నిర్ణీత సమయానికి పూర్తి చేయాలని ఆదేశించారు. పర్యటనలో ఎలాంటి ఇబ్బందులు తలెత్తకుండా ముందస్తు ప్రణాళికతో పనిచేయాలని సూచించారు.

Local· 21 Aug 2026

ACBకి పట్టుబడ్డ రాజంపేట ఎస్సై

TG: కేసులో అనుకూలంగా వ్యవహరించేందుకు లంచం తీసుకుంటున్నారనే ఆరోపణలపై కామారెడ్డి జిల్లాలో ఓ ఎస్సై ఏసీబీకి పట్టుబడ్డారు. రాజంపేట పోలీస్ స్టేషన్ ఎస్సై ఆంజనేయులు రూ.30 వేల లంచం తీసుకుంటుండగా అవినీతి నిరోధక శాఖ అధికారులు రెడ్‌హ్యాండెడ్‌గా పట్టుకున్నట్లు సమాచారం. ఓ కేసులో అనుకూలంగా వ్యవహరించేందుకు లంచం డిమాండ్ చేశారని బాధితుడు ఏసీబీ అధికారులకు ఫిర్యాదు చేశాడు. ఫిర్యాదు ఆధారంగా అధికారులు పక్కా ప్రణాళికతో దాడి నిర్వహించి ఎస్సైను అదుపులోకి తీసుకున్నారు.

▶

Local· 21 Aug 2026

పోలీసులపై రాళ్లతో దాడి.. ఉద్రిక్తత

TG: రోడ్డు ప్రమాదంలో మృతి చెందిన వ్యక్తికి న్యాయం చేయాలంటూ చేపట్టిన ఆందోళన తీవ్ర ఉద్రిక్తతకు దారితీసింది. రంగారెడ్డి జిల్లా కొత్తూరు మండలం పెద్దమ్మ తండాకు చెందిన బొగ్గుల సాయిగౌడ్ తిమ్మాపూర్ వద్ద జరిగిన రోడ్డు ప్రమాదంలో గాయపడి చికిత్స పొందుతూ మృతి చెందాడు. ప్రమాదానికి కారణమైన వాహనం నడిపింది మైనర్ అని, ఎఫ్‌ఐఆర్‌లో అతని పేరు నమోదు చేయలేదని ఆరోపిస్తూ కుటుంబ సభ్యులు మృతదేహంతో పోలీస్ స్టేషన్ వద్ద ఆందోళనకు బయలుదేరారు. అయితే తండా వద్ద పోలీసులు అడ్డుకోవడంతో ఇరువర్గాల మధ్య వాగ్వాదం జరిగింది.

Local· 21 Aug 2026

జాతీయ రహదారిపై రెండు వాహనాలు ఢీ

TG: జాతీయ రహదారిపై రెండు భారీ వాహనాలు ఢీకొనడంతో ఒక్కసారిగా ట్రాఫిక్ నిలిచిపోయింది. కామారెడ్డి జిల్లా సదాశివనగర్ మండలం కల్వరాల శివారులో 42వ జాతీయ రహదారిపై గురువారం ఈ ప్రమాదం జరిగింది. నాగ్‌పూర్ నుంచి హైదరాబాద్ వెళ్తున్న లారీ ముందు చక్రం విరిగి రోడ్డుపై ఆగిపోయింది. అదే సమయంలో వెనుక నుంచి వచ్చిన డీసీఎం లారీని ఢీకొట్టింది. దీంతో రెండు వాహనాలు రోడ్డుకు అడ్డంగా నిలిచిపోవడంతో వాహనాల రాకపోకలకు అంతరాయం ఏర్పడింది. పోలీసులు భారీ క్రేన్‌ను తీసుకువచ్చి వాహనాలను రహదారి నుంచి తొలగించే చర్యలు చేపట్టారు.