Local

Local· 18 Jun 2026

ఏనుగుల బీభత్సం.. పంటలు, తోటలు ధ్వంసం

AP: చిత్తూరు జిల్లా రామకుప్పం మండలంలో ఏనుగుల గుంపు బీభత్సం సృష్టించింది. ఏనుగులు మామిడితోటలపై దాడి చేశాయి. రాత్రి వేళల్లో పంటలు, మామిడి తోటలలోకి వచ్చి తీవ్ర నష్టం కలిగిస్తున్నాయని రైతులు ఆవేదన వ్యక్తం చేస్తున్నారు. రామకుప్పం మండలంలో, అదేవిధంగా ననియాల, ఎస్ గొల్లపల్లి ప్రాంతాల్లోకి ఏనుగులు చొరబడి ప్రజలను భయాందోళనకు గురి చేస్తున్నాయి. అటవీశాఖ అధికారులకు సమాచారం ఇవ్వగా.. అప్రమత్తంగా ఉండాలని వారు సూచించారు. ఏనుగుల కదలికలపై అధికారులు నిఘా పెంచారు.

Local· 18 Jun 2026

కోతుల కొట్లాటలో మహిళ మృతి

TG: జగిత్యాల జిల్లా ధర్మపురి పట్టణంలోని కమలాపూర్ రోడ్డు ఇందిరమ్మ కాలనీలో కొనపర్తి సత్యనారాయణ, పద్మ(55) దంపతులు నివాసం ఉంటున్నారు. పద్మ బుధవారం సాయంత్రం ఇంటి ముందు కూర్చొని మరో మహిళతో మాట్లాడుతున్నారు. అదే సమయంలో ఆ ఇంటిపై రెండు కోతులు తీవ్రంగా కొట్లాడుకోసాగాయి. రేకులు గాలికి ఎగిరిపోకుండా బరువు కోసం పెట్టిన సిమెంట్ ఇటుక కింద కూర్చున్న పద్మ తలపై పడడంతో ఆమె అక్కడికక్కడే మృతి చెందింది. భర్త సత్యనారాయణ ఫిర్యాదు మేరకు కేసు నమోదు చేసినట్లు ఎస్సై జి.మహేష్ తెలిపారు.

Local· 17 Jun 2026

గ్యాస్ లీక్ ఘటనలో కాలిన గాయాలతో యువతి మృతి

AP: బీఆర్. అంబేడ్కర్ కోనసీమ జిల్లా మామిడికుదురు మండలం ఈదరాడకు చెందిన చుట్టుగుళ్ల చంద్రప్రియ(23) ఈ నెల 14న ఇంట్లో వంట చేస్తుండగా గ్యాస్ లీకైంది. ఒక్కసారిగా మంటలు చెలరేగాయి. ప్రమాదంలో తీవ్రంగా గాయపడిన ఆమెను కుటుంబసభ్యులు రాజోలు ఏరియా ఆసుపత్రికి తరలించారు. ఆ తర్వాత మెరుగైన వైద్యం కోసం అమలాపురంలోని ఓ ప్రైవేట్ హాస్పిటల్‌కు తరలించారు. చికిత్స పొందుతున్న చంద్రప్రియ బుధవారం మృతి చెందింది. యువతి మృతితో కుటుంబసభ్యులు, బంధువులు విషాదంలో మునిగిపోయారు. గ్రామంలో విషాదఛాయలు అలుముకున్నాయి.

Local· 17 Jun 2026

ఎమర్జెన్సీ వార్డులో అగ్ని ప్రమాదం

AP: విజయవాడలోని రెయిన్ బో చిల్డ్రన్స్ హాస్పిటల్‌లో బుధవారం తెల్లవారుజామున ఫైర్ యాక్సిడెంట్ జరిగింది. హాస్పిటల్‌లోని ఎమర్జెన్సీ వార్డులో ఒక్కసారిగా మంటలు చెలరేగడంతో సిబ్బంది అలెర్ట్ అయి వార్డులో ఉన్న పిల్లలను వెంటనే మరో వార్డులోకి తరలించారు. ఫైర్ సిబ్బంది మంటలను అదుపులోకి తెచ్చారు. పోలీసులు ఈ ఘటనపై కేసు నమోదు చేసి, ఆస్పత్రి సిబ్బంది, యాజమాన్యం నుంచి వివరాలు సేకరించారు. షార్ట్ సర్క్యూట్ కారణంగానే మంటలు చెలరేగి ఉంటాయని ప్రాథమికంగా అంచనా వేశారు.

Local· 17 Jun 2026

విధుల్లొ అలసత్వం.. అధికారులపై సస్పెన్షన్ వేటు

AP: పారిశుధ్య నిర్వహణ పనుల్లో నిర్లక్ష్యం వహించిన ఇద్దరు MPDOలను సస్పెండ్ చేస్తూ పంచాయతీరాజ్, గ్రామీణాభివృద్ధి శాఖ కమిషనర్ కృష్ణ తేజ ఉత్తర్వులు జారీ చేశారు.​ ఉమ్మడి నెల్లూరు జిల్లాలోని సూళ్లూరుపేట MPDO ఏవీ మురళీకృష్ణ, తడ MPDO డీ.శేఖర్ నాయక్‌లను సస్పెండ్ చేశారు. ప్రభుత్వ ప్రతిష్టాత్మక పథకమైన 'స్వచ్ఛ రథాల' ఏర్పాటు, వాటి నిర్వహణలో వీరు అలసత్వం ప్రదర్శించినట్లు ప్రాథమిక విచారణలో తేలింది. బాధ్యతాయుతమైన పదవుల్లో ఉండి క్షేత్రస్థాయిలో పర్యవేక్షణ చేయడంలో అధికారులు విఫలమయ్యారని కమిషనర్ తన ఉత్తర్వుల్లో పేర్కొన్నారు.

Local· 17 Jun 2026

పానీపూరి తిన్న చిన్నారులకు అస్వస్థత

TG: రాజన్నసిరిసిల్ల జిల్లా తంగళ్లపల్లి మండలం KCRనగర్ కాలనీలో గప్‌చుప్ తిన్న పలువురు చిన్నారులు అస్వస్థతకు గురయ్యారు. వెంటనే వారిని జిల్లా గవర్నమెంట్ హాస్పిటల్‌కు తరలించారు. పానీపూరి తిన్న చిన్నారులకు వాంతులు, విరేచనాలు, కడుపునొప్పి వంటి లక్షణాలు కనిపించాయి. వెంటనే తల్లిదండ్రులు చిన్నారులను మొదటగా జిల్లా ప్రభుత్వ ఆసుపత్రికి తర్వాత ప్రైవేట్ హాస్పిటల్స్‌కు తరలించారు. ప్రస్తుతం చిన్నారుల పరిస్థితి నిలకడగా ఉందని డాక్టర్స్ తెలిపారు.

Local· 17 Jun 2026

మద్యం మత్తులో పూజారి హల్‌చల్

TG: మేడ్చల్ పోలీస్‌స్టేషన్ పరిధిలో ఓ శివాలయ పూజారి మద్యం మత్తులో హల్‌చల్ చేశాడు. పూజారి మద్యం సేవించి ఆలయ పరిసరాల్లో అసభ్యంగా ప్రవర్తిస్తూ భక్తులకు, స్థానికులకు ఇబ్బందులు కలిగించాడు. పూజారి ప్రవర్తనపై ఆగ్రహం వ్యక్తం చేసిన స్థానికులు వెంటనే పోలీసులకు సమాచారం అందించారు. ఘటనా స్థలానికి చేరుకున్న పోలీసులు పూజారిని పోలీస్‌స్టేషన్‌కు తరలించారు. కేసు నమోదు చేసి దర్యాప్తు చేపట్టారు. ఆలయ పవిత్రతకు భంగం కలిగించే విధంగా ప్రవర్తించిన పూజారిపై చర్యలు తీసుకోవాలని భక్తులు కోరారు.

Local· 17 Jun 2026

వీరాభిమాని కోసం వరంగల్‌కు రానున్న పవన్ కల్యాణ్

TG: ఏపీ డిప్యూటీ సీఎం పవన్ కళ్యాణ్ బుధవారం వరంగల్ జిల్లాలో తన వీరాభిమాని నిరంజన్‌ను పరామర్శించనున్నారు. ఉదయం 7:30 గంటలకు హైదరాబాద్‌లోని తన నివాసం నుంచి పవన్ కళ్యాణ్ రోడ్డు మార్గంలో వరంగల్‌కు బయలుదేరుతారు. ఉదయం 9:45 గంటల నుంచి 10:30 గంటల వరకు నిరంజన్ నివాసంలోనే పవన్ గడుపుతారు. తన అభిమానిని, ఆయన కుటుంబసభ్యులను పరామర్శించి వారికి ధైర్యం చెప్పనున్నారు. పరామర్శ కార్యక్రమం ముగిసిన వెంటనే పవన్ కళ్యాణ్ వరంగల్ నుంచి తిరిగి హైదరాబాద్‌కు వెళ్తారు.

Local· 16 Jun 2026

ఏనుగుల సంచారం .. రైతులకు తీవ్ర నష్టం

AP: మన్యం జిల్లా మక్కువ మండలంలో ఏనుగుల సంచారం కలకలం రేపింది. సిబిల్లి పెద్దవలస, కాముడువలస గ్రామాల్లో ఏనుగులు గుంపులు గుంపులుగా సంచరిస్తూ.. రైతులు, స్థానికులకు కంటిమీద కునుకులేకుండా చేస్తున్నాయి. జూన్ 13న సాలూరు నుంచి ఒడిశాకు వెళ్లిన ఏనుగులు.. మళ్లీ ఒడిశా నుంచి సాలూరుకు చేరాయి. కాముడువలసలో పామాయిల్ తోటలను, తోటలో ఉంచిన మోటార్లను ఏనుగులు ధ్వంసం చేశాయి. తాము కోలుకోలేని విధంగా నష్టపోయామని రైతులు ఆవేదన వ్యక్తం చేస్తున్నారు.

Local· 16 Jun 2026

ఫిట్నెస్ లేని వాహనాలపై కేసులు నమోదు

TG: కరీంనగర్ పట్టణంలో స్కూల్ పిల్లలను తీసుకెళ్లే మినీ బస్సులు, ఆటోలు, టాటా ఏసీ వాహనాలను పోలీసులు విస్తృతంగా తనిఖీలు చేపట్టారు. నగరంలోని బస్టాండ్ ఏరియా, కమాన్ చౌరస్తా, ఎన్టీఆర్ బొమ్మ, నాకా చౌరస్తా, మంచిర్యాల చౌరస్తా, గీతా భవన్, కోర్టు ఏరియాలలో ముమ్మరంగా తనిఖీలు నిర్వహించారు. వాహనాలకు ఫిట్నెస్ లేకున్నా, డ్రైవర్లకు లైసెన్స్ లేకున్నా, ఓవర్ లోడ్ తో పిల్లలను తరలిస్తున్న వాహనాలపై కేసులు నమోదు చేసి స్టేషన్‌కు తరలించారు. ఫిట్నెస్ లేని వాహనాలను రోడ్లపై నడపకూడదని అలా చేస్తే కఠిన చర్యలు తప్పవని వార్నింగ్ ఇచ్చారు.

Local· 16 Jun 2026

మల్లారెడ్డి ఇంజినీరింగ్ కళాశాలకు జరిమానా

TG: నాంపల్లికి చెందిన రాకేష్ వర్మ కుమారుడు హైదరాబాద్‌లోని మైసమ్మగూడ మల్లారెడ్డి ఇంజినీరింగ్ కాలేజీలో బీటెక్ కోర్సులో చేరారు. మొదటి సంవత్సరం ట్యూషన్ ఫీజు కింద రూ.80వేలు చెల్లించారు. పదోతరగతి, ఇంటర్ ఒరిజినల్ సర్టిఫికెట్లను కాలేజీ సిబ్బంది తీసుకున్నారు. ఆర్థిక ఇబ్బందులతో మొదటి సెమిస్టర్ పూర్తయిన తర్వాత విద్యార్థి చదువును ఆపేశాడు. సర్టిఫికెట్లు తిరిగివ్వాలని విద్యార్థి, అతని తండ్రి కాలేజీ చుట్టూ తిరిగారు. అదనంగా రూ.80వేలు చెల్లిస్తేనే సర్టిఫికెట్లు ఇస్తామని యాజమాన్యం పేర్కొంది. వినియోగదారుల కమిషన్‌ను ఆశ్రయించడంతో రూ.1.10 లక్షలను చెల్లించాలని పేర్కొంది.

Local· 15 Jun 2026

కలెక్టరేట్ వద్ద గిరిజనుల ఆందోళన.. ఉద్రిక్తత

AP: అల్లూరి జిల్లా కలెక్టరేట్ వద్ద హైడ్రో పవర్ ప్రాజెక్టు బాధిత గ్రామాలకు చెందిన గిరిజనులు నిరసన నిర్వహించారు. గ్రామస్థులకు తెలియకుండానే హైడ్రో పవర్ ప్రాజెక్టుకు సంబంధించి సర్వే ఎలా నిర్వహిస్తున్నారని మజ్జివలస ప్రాంత గిరిజనులు ఆందోళన వ్యక్తం చేశారు. హైడ్రో పవర్ ప్రాజెక్టు సాధన కమిటీ నాయకులకు, పోలీసులకు మధ్య తోపులాట జరిగడంతో అక్కడ టెన్షన్ వాతావరణం నెలకొంది. హైడ్రో వపర్ ప్రాజెక్టుకు సంబంధించి ఎలాంటి సర్వే చేయడం లేదని జిల్లా కలెక్టర్ నిషాంతి స్పష్టం చేశారు.

Local· 15 Jun 2026

హైవేపై ప్రయాణికులపైకి దూసుకొచ్చిన చిరుత

AP: నెల్లూరు జిల్లా ఉదయగిరి పట్టణంలోని నేషనల్ హైవేపై చిరుత పులి సంచారం స్థానికులను భయాందోళనకు గురిచేసింది. గండిపాలెం రోడ్డు సర్కిల్, చెంచురామయ్యనగర్ సమీపంలో ప్రయాణికులపైకి ఒక్కసారిగా చిరుత దూసుకురావడంతో రహదారిపై ప్రయాణిస్తున్న వాహనదారులు చిరుతను చూసి భయంతో పరుగులు తీశారు. అటవీశాఖ అధికారులు, పోలీసులు ఉదయగిరి పరిసర గ్రామాల్లో దండోరా వేయించి ప్రజలను అప్రమత్తం చేశారు. రాత్రి వేళల్లో బయటకు రావొద్దని, పశువులను సురక్షిత ప్రాంతాల్లో ఉంచాలని సూచించారు.

Local· 15 Jun 2026

బాసర త్రిబుల్ ఐటీ.. ఫుడ్‌లో బొద్దింక

TG: నిర్మల్ జిల్లా బాసర త్రిబుల్ ఐటీ కళాశాలలో విద్యార్థులకు పెట్టిన ఫుడ్‌లో బొద్దింక రావడం తీవ్ర కలకలం రేపింది. E1-E2 మెస్‌లో చపాతీ ఆలూ కూర్మ వడ్డించగా బొద్దింక ప్రత్యక్షం కావడంతో విద్యార్థులు షాక్ అయ్యారు. డెయిలీ నాణ్యత లేని ఫుడ్ పెడుతున్నారంటూ స్టూడెంట్స్ ఆందోళన వ్యక్తం చేశారు. పలుమార్లు ఆకలిగా ఉన్నా పస్తులుంటున్నామని, డైలీ ఇలాంటి ఫుడ్ తినడం తమకు కామన్‌గా మారిందన్నారు. ప్రాథమిక విచారణ చేపట్టి నిజ నిర్ధరణ కోసం కమిటీని ఏర్పాటు చేసినట్లు యునివర్సిటీ అధికారులు తెలిపారు.

Local· 14 Jun 2026

నో వెహికిల్ చెకింగ్.. ఓన్లీ స్లీపింగ్

TG: భద్రాద్రికొత్తగూడెం జిల్లా బూర్గంప‌హాడ్‌ మండలంలోని మోరంపల్లిబంజర్ చెక్‌పోస్ట్‌లో పనిచేస్తున్న గార్డు పట్టపగలే నిద్రపోతున్న విషయం బయటపడింది. చెక్‌పోస్టు పర్యవేక్షణ బాధ్యత చూడాల్సిన FBO అక్కడ లేకపోవడంతో కిందిస్థాయి సిబ్బంది గార్డును ఉంచి వెళ్లడంతో ఆ వ్యక్తి డ్యూటీ టైమ్‌లో నిద్రపోతూ కన్పించాడు. నిత్యం వందలాది వాహనాలు ఈ చెక్‌పోస్టు మీదుగా వెళ్తున్నా తనిఖీ చేయడం లేదనే విమర్శలు వెల్లువెత్తుతున్నాయి. గార్డు 24 గంటలూ విధులు నిర్వహించాల్సి ఉండ‌గా ఇలా పట్టపగలు నిద్ర పోతున్నాడంటే అటవీశాఖ అధికారుల పర్యవేక్షణ ఎలా ఉందో అర్థం చేసుకోవచ్చు.

▶

Local· 13 Jun 2026

చెట్లకొమ్మల విషయంలో కొట్టుకున్న అధికారులు

TG: మెదక్ జిల్లా హవేలీ ఘనపూర్‌లో విరిగి పడిన చెట్లకొమ్మల విషయంలో అటవీశాఖ అధికారులు, విద్యుత్‌శాఖ అధికారుల మధ్య ఘర్షణ జరిగింది. ఇది ఫారెస్ట్ ఏరియా అని అటవీశాఖ అధికారులు వాదించగా, కరెంట్ వైర్లు ఎలా వేయాలంటూ విద్యుత్‌శాఖ అధికారుల మధ్య వివాదం మొదలైంది. మాట మాట పెరిగి అధికారులు ఒకరిపై మరొకరు దాడులు చేసుకున్నారు. చెట్లకొమ్మల తొలగింపు విషయంలో రెండు డిపార్ట్‌మెంట్ల మ‌ధ్య మొద‌లైన‌ గొడవ రోడ్డుపై కొట్టుకునే వరకు వెళ్లింది. దీనికి సంబంధించిన వీడియో సోషల్ మీడియాలో వైరల్ అవుతోంది.

Local· 13 Jun 2026

ఇసుక ట్రాక్టర్ బోల్తా.. 25 ట్రాక్టర్లను దిగ్భందించి నిరసన

AP: చిత్తూరు జిల్లా తొట్టంబేడు మండలం పూడి గ్రామ పరిధిలోని పంటపొలాల వద్ద ఇసుక ట్రాక్టర్ బోల్తా పడింది. అక్రమ ఇసుక రవాణా కారణంగా తమ వ్యవసాయ భూములు దెబ్బతింటున్నాయని రైతులు నిరసనకు దిగారు. రైతులంతా ఏకమై 25 ఇసుక ట్రాక్టర్లను పూడి ZP హైస్కూల్ ఆవరణలో దిగ్భందించారు. అక్రమ ఇసుక తవ్వకాలు, రవాణాపై కఠిన చర్యలు తీసుకోవాలని డిమాండ్ చేశారు. విషయం తెలుసుకున్న సంబంధిత అధికారులు, పోలీసులు అక్కడికి చేరుకుని రైతులతో చర్చలు జరిపి సమస్య పరిష్కారానికి చర్యలు తీసుకుంటామని హామీ ఇచ్చారు.

Local· 13 Jun 2026

నో వెహికిల్ చెకింగ్.. ఓన్లీ స్లీపింగ్

TG: భద్రాద్రికొత్తగూడెం జిల్లా బూర్గంప‌హాడ్‌ మండలంలోని మోరంపల్లిబంజర్ చెక్‌పోస్ట్‌లో పనిచేస్తున్న గార్డు పట్టపగలే నిద్రపోతున్న విషయం బయటపడింది. చెక్‌పోస్టు పర్యవేక్షణ బాధ్యత చూడాల్సిన FBO అక్కడ లేకపోవడంతో కిందిస్థాయి సిబ్బంది గార్డును ఉంచి వెళ్లడంతో ఆ వ్యక్తి డ్యూటీ టైమ్‌లో నిద్రపోతూ కన్పించాడు. నిత్యం వందలాది వాహనాలు ఈ చెక్‌పోస్టు మీదుగా వెళ్తున్నా తనిఖీ చేయడం లేదనే విమర్శలు వెల్లువెత్తుతున్నాయి. గార్డు 24 గంటలూ విధులు నిర్వహించాల్సి ఉండ‌గా ఇలా పట్టపగలు నిద్ర పోతున్నాడంటే అటవీశాఖ అధికారుల పర్యవేక్షణ ఎలా ఉందో అర్థం చేసుకోవచ్చు.