Motivational

Motivational· 21 Aug 2026

నాన్న గర్వంగా చూస్తుంటారు- రాహుల్ గాంధీ

రాజీవ్ గాంధీ బర్త్‌డే సందర్భంగా <a href="https://x.com/RahulGandhi/status/2090341208845647960?s=20">రాహుల్ గాంధీ</a> తన మదర్ సోనియా గాంధీ గురించి ఒక ఎమోషనల్ పోస్ట్ చేశారు. సోనియా గాంధీ రాసిన “Belonging: A Journey of Love” అనే బుక్‌ని అనౌన్స్ చేస్తూ.. ఫాదర్ దూరమయ్యాక ఆమె ఎంత ధైర్యంగా కష్టాలను ఫేస్ చేశారో చెప్పారు. ఎప్పుడూ ప్రైవేట్‌గా ఉండే సోనియా గాంధీ తన లైఫ్ స్టోరీని ప్రపంచంతో షేర్ చేసుకోవడం హ్యాపీగా ఉందన్నారు. ఈ రోజు పైన ఉన్న నాన్న మిమ్మల్ని చూసి ప్రౌడ్‌గా ఫీలవుతారని రాహుల్ ఈ పోస్ట్‌లో మెన్షన్ చేశారు.

Motivational· 20 Aug 2026

తెలంగాణకే బిగ్ ఇన్సిపిరేషన్ ఈ విలేజ్!

రాజన్న సిరిసిల్ల జిల్లా తంగళ్లపల్లి మండలం అంకుసాపూర్ గ్రామం జిల్లాలోనే తొలి ‘బాల్యవివాహ రహిత గ్రామం’గా రికార్డ్ క్రియేట్ చేసింది. ఈ ఊరిలో జీరో బాల్య వివాహాలు, 18 ఏళ్లలోపు బాలికల్లో జీరో ప్రెగ్నెన్సీస్, అలాగే జీరో స్కూల్ డ్రాప్‌అవుట్స్ సాధించి గ్రామం ఆదర్శంగా నిలిచింది. దీంతో తెలంగాణ బాలల హక్కుల పరిరక్షణ కమిషన్ సభ్యురాలు మర్రిపల్లి చందన చేతుల మీదుగా అంకుసాపూర్‌కు ‘చైల్డ్ మ్యారేజ్ ఫ్రీ సర్టిఫికేట్’ అందజేశారు. ఇతర గ్రామాలకు కూడా ఇది బిగ్ ఇన్సిపిరేషన్‌గా నిలుస్తోంది.

Motivational· 19 Aug 2026

9-to-5 job వదిలేసింది.. ఇప్పుడు తనే బాస్! 🏠

ఉద్యోగం ఉంది.. జీతం ఉంది.. అయినా ఒక అమ్మ తన 9–5 జీవితాన్ని వదిలేసింది. కారణం డబ్బు కాదు.. తన పిల్లతో ఎక్కువ సమయం గడపాలనుకోవడమే. 😮 2023లో స్నిగ్ధా ఉద్యోగం మానేసి, హోమ్‌స్టే మొదలుపెట్టారు. మొదట భయం ఉన్నా, క్రమంగా వ్యాపారం నిలదొక్కుకుంది. ఢిల్లీలోని కొన్ని ఇళ్లను అద్దెకు ఇస్తూ, ఇప్పుడు తన స్వల్పకాలిక అద్దె వ్యాపారం ద్వారా ₹21 లక్షల ఆదాయం వస్తోందని ఆమె చెబుతున్నారు. ఉద్యోగం వదిలిన నిర్ణయం తనకు ఎక్కువ సమయం, స్వేచ్ఛ, పిల్లతో గడిపే విలువైన క్షణాలను ఇచ్చిందని స్నిగ్ధా చెబుతున్నారు.

Motivational· 18 Aug 2026

ఆకలితో ఉన్నవారికి అండగా.. పోలీసుల కమ్యూనిటీ ఫ్రిజ్‌లు

AP: విశాఖ నగరంలో ఆకలితో ఉన్నవారికి వైజాగ్ సిటీ పోలీసులు అండగా నిలుస్తున్నారు. ‘మిషన్ జ్యోతిర్గమయ’లో భాగంగా పోలీస్ కమిషనర్ డా.శంఖబ్రత బాగ్చి ఆధ్వర్యంలో ఐదు కమ్యూనిటీ ఫ్రిజ్‌లను ప్రారంభించారు. వీటి ద్వారా నిరాశ్రయులు, ఆకలితో ఉన్నవారు, అవసరమైన వారికి ప్రతిరోజూ ఉచితంగా ఆహారం అందిస్తున్నారు. మిగిలిన ఆహారం వృథా కాకుండా అవసరమైన వారికి చేరేలా ప్రజలు, స్వచ్ఛంద సంస్థలు, దాతల సహకారంతో ఈ సేవ కొనసాగుతోంది.

Motivational· 18 Aug 2026

ఉదయాన్నే నిద్రలేవాలా? ఈ ట్రిక్ వాడండి!

ఉదయాన్నే త్వరగా లేవడం వల్ల జీవితంలో క్రమశిక్షణ, గెలుపు సాధ్యమవుతాయి. అయితే బద్ధకాన్ని వదిలి మంచం దిగడం చాలామందికి కష్టంగా ఉంటుంది. దీనికోసం ప్రముఖ వ్యక్తిత్వ వికాస నిపుణులు మెల్ రాబిన్స్ ‘5 సెకన్ల రూల్’ అనే ఒక మంచి ట్రిక్ చెప్పారు. ఉదయం మెలకువ రాగానే రాకెట్ లాంచ్ లాగా మనసులో 5, 4, 3, 2, 1 అని కౌంట్‌డౌన్ చేసుకుని వెంటనే మంచం దిగేయాలి. ఈ చిట్కా బద్ధకాన్ని పోగొట్టడమే కాకుండా, ఆందోళనను, సాకులు చెప్పే అలవాటును వదిలించడానికి అద్భుతంగా పనిచేస్తుందని తెలిపారు.

Motivational· 13 Aug 2026

తల్లిదండ్రులను చూసుకోవడం అదృష్టం: నాగార్జున

తల్లిదండ్రులను చూసుకోవడంపై నాగార్జున ఓ ఈవెంట్‌లో మాట్లాడారు. 'చిన్నప్పుడు మనకి జ్వరం వస్తే అమ్మానాన్నలు ఎలా చూసుకున్నారో, పెద్దయ్యాక వాళ్లని మనం అలాగే చూసుకోవాలి' అని చెప్పారు. తన భార్య అమల 88, 90 ఏళ్ల వయసున్న తన తల్లిదండ్రులను చాలా బాగా చూసుకుంటుందని, ఆమెను చూసి గర్వపడుతున్నానని అన్నారు.

Motivational· 8 Aug 2026

ఓ కొత్త రోజు..

ఓటమి ఎదురైనప్పుడు చాలామంది అడుగు వెనక్కి వేస్తారు. కానీ, అలలు ఎంత వెనక్కి తగ్గితే అంత ఎత్తుకు లేస్తాయి. మన జీవితం కూడా అంతే. ప్రతీ రోజూ మనకి లభించే ఒక కొత్త అవకాశం. నిన్నటి తప్పుల గురించి ఆలోచిస్తూ ఈ రోజును వృథా చేసుకోవడం కంటే, ఈ నిమిషం నుంచి మన ప్రయాణాన్ని మళ్లీ సరికొత్తగా ప్రారంభించడమే అసలైన గెలుపు. నీ శ్రమ, నీ నమ్మకం ముందు ఏ కష్టమైనా తలవంచాల్సిందే. సాకులు చెప్పడం ఆపి ప్రయత్నించడం మొదలుపెట్టు. విజయం వైపు వేసే ప్రతి చిన్న అడుగు నిన్ను గమ్యానికి చేరుస్తుంది.

▶

Motivational· 6 Aug 2026

‘ఏమైపోతున్నాయి ఆప్యాయతలు?’..కదిలించిన సజ్జనార్ పోస్ట్

హరియాణా రాష్ట్రం సోనిపట్‌కు చెందిన ఓ వ్యాపారవేత్త వృద్ధాశ్రమంలో మరణించారు. కుమార్తెలు కన్నతండ్రి అంత్యక్రియలను రాలేక వీడియో కాల్ ద్వారా చూస్తూ సరిపెట్టుకున్నారు. తండ్రి చివరి కార్యాల ఖర్చుల కోసం రూ.5 వేలు పంపించారు. ఈ విషయాన్ని హైదరాబాద్ సీపీ సజ్జనార్ సోషల్ మీడియాలో పంచుకున్నారు. పెంచి పెద్ద చేసిన కన్నప్రేమ పట్ల ఆప్యాయత, బాధ్యతలు ఏమైపోతున్నాయి అని ప్రశ్నించారు. ఈ పోస్ట్‌ ఎంతోమందిని కదిలిస్తోంది.

Motivational· 3 Aug 2026

184 సార్లు బ్లడ్ డొనేట్ చేసిన SI!

హర్యానాలో SI అశోక్ కుమార్ వర్మ రియల్ హీరో అనిపించుకుంటున్నారు. 1989 నుంచి ఇప్పటివరకు ఈయన 184 సార్లు బ్లడ్ డొనేషన్, 90 సార్లు ప్లేట్‌లెట్స్ డొనేట్ చేసి రికార్డ్ క్రియేట్ చేశారు. 599 బ్లడ్ క్యాంప్స్ పెట్టి ఏకంగా 63 వేల మంది ప్రాణాలను కాపాడారు. అంతేకాకుండా 'రోటీ బ్యాంక్' ద్వారా పేదలకు ఫుడ్ అందిస్తున్నారు. నార్కోటిక్స్ ఆఫీసర్‌గా 4,800 అవేర్‌నెస్ ప్రోగ్రామ్స్ ద్వారా లక్షలాది మందిని డ్రగ్స్‌కు దూరం చేశారు. అతని సేవలకి గుర్తింపుగా 2020లో రాష్ట్రపతి మెడల్‌తో పాటు రెండు గోల్డ్ మెడల్స్ అందుకున్నారు.

▶

Motivational· 29 Jul 2026

ఆమె చేసిన పనికి ప్రభుత్వం పరువు పోయింది!

'ఎవరైనా వచ్చి చేస్తారు' అనుకోలేదు, 'నేనే చేస్తా' అనుకుంది. బెంగళూరులో భారీ వర్షాలతో రోడ్లు గుంతలతో నిండిపోయాయి. దీంతో వాహనదారులు నిత్యం ఇబ్బందులు పడుతున్నారు. అలాంటి ఓ పెద్ద గుంతను చూసిన మహిళ, సంచుల్లో నిర్మాణ సామగ్రి తీసుకొచ్చి, గుంతలో రాళ్లు పోసి దాన్ని సమం చేసే ప్రయత్నం చేసింది. ఒకవైపు ఆమె చొరవను నెటిజన్లు మెచ్చుకుంటుంటే, మరోవైపు 'ప్రజలే రోడ్లు బాగు చేసుకోవాల్సిన పరిస్థితి ఎందుకు వచ్చింది'? అంటూ కామెంట్లు చేస్తున్నారు. గుంతను మాత్రం నింపింది, కానీ లేవనెత్తిన ప్రశ్న మాత్రం ఇంకా అలాగే ఉంది!

Motivational· 29 Jul 2026

అగ్గిపెట్టెతో అటెండెన్స్.. ఎలా?

ఖరీదైన స్మార్ట్ క్లాస్‌రూమ్‌లు లేకపోయినా.. మంచి ఐడియా ఉంటే చాలు అని ఓ టీచర్ నిరూపించారు. ఢిల్లీకి చెందిన టీచర్ సుమీ సియాగ్ అగ్గిపెట్టెలతో ఓ యూనిక్ Attendance Board తయారు చేశారు. ప్రతి స్టూడెంట్ ఫొటోతో ఒక అగ్గిపెట్టె ఉంటుంది. స్కూల్‌కు రాగానే వాళ్లు తమ అగ్గిపెట్టెను స్లైడ్ చేస్తే.. 'A' (Absent) నుంచి 'P' (Present)కి మారిపోతుంది. ఇలా పిల్లలే తమ అటెండెన్స్‌ను వాళ్లే మార్క్ చేసుకుంటున్నారు. ఈ చిన్న ఐడియా వల్ల బాధ్యత, సెల్ఫ్ డిసిప్లిన్ కూడా అలవాటవుతుందని చెబుతున్నారు.

▶

Motivational· 13 Jul 2026

ఈ మహిళ సాధికారతకు సలాం !

ఈ వీడియోలో కనిపిస్తున్న మహిళ చెన్నైలో వీధులు ఊడుస్తారు. ఆమెకు నలుగురు కుమార్తెలు. వారిలో ఒకరు పైలట్, మరొకరు ఎయిర్ హోస్టెస్,మరో కుమార్తె సింగపూర్ లో నర్సు.. చివరి కుమార్తె టీచర్ గా పనిచేస్తోంది. ఇలా వీధులు ఊడ్చి కష్టపడి ఆ నలుగురిని ఆమె చదివించింది. కూతుళ్లు అంత హోదాల్లో ఉన్నా ఈమె మాత్రం తన ఉద్యోగాన్ని వదలలేదు. సొంత కాళ్లపై నిలబడాలన్న తపన, ఎవరిపైనా ఆధారపడ రాదన్న పట్టుదల ఆమెను ఇంకా చెన్నై వీధులను ఊడ్చేలా చేస్తోంది. ఇటీవల వీరంతా ఆమె 50వ పుట్టిన రోజును గ్రాండ్ గా సెలబ్రేట్ చేయడానికి వచ్చారు. ఈ గ్రేట్ మదర్ వీడియో ఇప్పుడు సోషల్ మీడియాలో వైరల్ అవుతోంది.

▶

Motivational· 11 Jul 2026

రెండు చేతులు లేకపోయినా పార పట్టిన రైతు!

రెండు చేతులు లేకపోయినా, పట్టుదలతో మట్టిని నమ్ముకుని బతుకుతున్న ఓ రైతుకు సంబంధించిన వీడియో ప్రస్తుతం సోషల్ మీడియాలో ఫుల్ వైరల్ అవుతోంది. భుజం, మెడ సహాయంతోనే పారను గట్టిగా పట్టుకుని, బురదలో కాలువ తవ్వుతున్న ఆయన విజువల్స్ నెటిజన్లను విపరీతంగా ఆకట్టుకుంటున్నాయి. వైకల్యం శరీరానికే కానీ సాధించాలనే సంకల్పానికి కాదని ఆయన ప్రూవ్ చేశారు. ఎలాంటి కష్టాలనైనా ఎదిరించి నిలబడొచ్చని చూపిస్తున్న ఈ వీడియో అందరికీ ఒక గ్రేట్ ఇన్‌స్పిరేషన్.

▶

Motivational· 9 Jul 2026

పెద్దాయన ఆత్మాభిమానం!

Kolkata: బద్ధకంతో బతికేసే ఈ జనరేషన్‌కి కనువిప్పు కలిగించే హార్ట్ టచింగ్ స్టోరీ ఇది. కోల్‌కతాకు చెందిన రవీంద్రనాథ్ అనే 80 ఏళ్ల పెద్దాయనకు పిల్లలు లేరు. అనారోగ్యంతో బాధపడుతున్న భార్య సంధ్యను కాపాడుకునేందుకు, ఆయన ఈ ఏజ్‌లోనూ రోజూ మార్నింగ్ 6 AM నుండి నైట్ 10 PM వరకు టాక్సీ నడుపుతూ కష్టపడుతున్నారు. ఎవరిపైనా డిపెండ్ అవ్వకుండా, ఆత్మాభిమానంతో ఆయన పడుతున్న కష్టం చూసి నెటిజన్లు సెల్యూట్ కొడుతున్నారు. ప్రస్తుతం ఈయన స్టోరీ సోషల్ media లో తెగ వైరల్ అవుతోంది.

▶

Motivational· 9 Jul 2026

పులిని కాపాడిన ఏనుగు.. వీడియో వైరల్!

ఇండోనేషియాలోని సుమత్రా ఐలాండ్‌లో ఒక అరుదైన ఎమోషనల్ సీన్ కనిపించింది. అక్కడ వచ్చిన వరదలు వల్ల ఒక పులి నీటి ప్రవాహంలో చిక్కుకుపోయింది. అయితే, అక్కడే ఉన్న ఒక సుమత్రా ఏనుగు ఆ పులిని రక్షించడానికి ట్రై చేస్తూ కనిపించింది. జంతువుల్లోని కరుణను చూపించే ఈ హార్ట్ టచింగ్ వీడియో ప్రస్తుతం సోషల్ మీడియాలో తెగ వైరల్ అవుతోంది. మనుషుల లాగే జంతువులకు కూడా ఒకరికొకరు హెల్ప్ చేసుకునే స్ఫూర్తి ఉంటుందని నెటిజన్లు కామెంట్స్ చేస్తున్నారు.

▶

Motivational· 26 Jun 2026

ఈ బామ్మ గారి దేశ భక్తికి హేట్సాఫ్ !

బాపట్ల జిల్లాకు చెందిన 94 ఏళ్ల మహాలక్ష్మమ్మ మాతృభూమిపై ప్రేమతో భారత పౌరసత్వం కోసం దరఖాస్తు చేసుకున్నారు. 2000 సంవత్సరంలో అమెరికా సిటిజన్షిప్ తీసుకున్న ఆమె ఇప్పుడు తన శేషజీవితాన్ని పుట్టిన గడ్డపైనే గడపాలని నిర్ణయించుకున్నారు. 'నా చివరి శ్వాస ఇక్కడే విడవాలి. అంత్యక్రియలు సొంత ఊర్లోనే జరగాలి' అంటూ తనకు త్వరగా భారత పౌరసత్వం ఇవ్వాలని ఆమె కలెక్టర్ ను కోరారు. ఈ వృద్ధురాలి వీడియో ఇప్పుడు నెట్టింట వైరల్ అవుతోంది.

▶

Motivational· 23 Jun 2026

మమ్ముట్టికి 'పద్మభూషణ్'.. రాష్ట్రపతి చేతులమీదుగా అవార్డు!

మలయాళం సూపర్ స్టార్, ఇండియన్ సినిమా లెజెండ్ మమ్ముట్టి రికార్డ్ క్రియేట్ చేశారు. దేశంలోనే థర్డ్ హయ్యెస్ట్ సివిలియన్ అవార్డు అయిన ‘పద్మభూషణ్’ను ఆయన అందుకున్నారు. ఢిల్లీలోని రాష్ట్రపతి భవన్‌లో జరిగిన గ్రాండ్ ఈవెంట్‌లో ప్రెసిడెంట్ ద్రౌపది ముర్ము చేతులమీదుగా మమ్ముట్టి ఈ అవార్డు తీసుకున్నారు. 5 దశాబ్దాల కెరీర్‌లో 400 కి పైగా మూవీస్ చేసి ఆడియన్స్‌ను మెప్పించినందుకు ఈ హానర్ దక్కింది. ఈ స్పెషల్ మూమెంట్‌లో మమ్ముట్టితో పాటు ఆయన వైఫ్, కొడుకు దుల్కర్ సల్మాన్ కూడా ఉన్నారు. మమ్ముట్టి కి ఈ ఆనర్ దక్కడం ఫాన్స్ ఫుల్ హ్యాపీగా ఉన్నారు.

▶

Motivational· 22 Jun 2026

చెరువు పైన పందిరి.. రోల్ మోడల్‌గా నిలిచిన రైతు!

ఒడిశాలోని సుందర్‌గఢ్‌కు చెందిన ఒక రైతు వినూత్నంగా ఆలోచించి అందరికీ రోల్ మోడల్‌గా నిలిచారు. తనకున్న చెరువు పైన ఒక పందిరి సెటప్ చేసి సొరకాయలతో పాటు ఇతర తీగజాతి కూరగాయలను పండిస్తున్నారు. అదే సమయంలో కింద ఉన్న చెరువు నీటిలో చేపల పెంపకం కూడా చేస్తున్నారు. ఇలా ఒకే ప్లేస్‌లో అటు భూమిని, ఇటు నీటిని వేస్ట్ చేయకుండా వాడుకుంటూ డబుల్ ఇన్కమ్ సంపాదిస్తున్నారు. ఈ వినూత్నమైన అగ్రికల్చర్ ఐడియా ఇప్పుడు చాలా మందికి ఇన్‌స్పిరేషన్‌గా నిలుస్తోంది.