Latest
పట్టాలపైకి హైడ్రోజన్ రైలు
మెరుగైన రవాణా సేవలే లక్ష్యంగా ప్రధానమంత్రి నరేంద్ర మోదీ హర్యానా పర్యటనలో రూ.25,000 కోట్లకు పైగా విలువైన ప్రాజెక్టులు, కార్యక్రమాలను ప్రారంభించనున్నారు. ఇందులో భాగంగా హర్యానాలోని జింద్ వద్ద భారతదేశపు మొట్టమొదటి హైడ్రోజన్ ఆధారిత ఫ్యూయల్ సెల్ రైలును ఆయన ప్రారంభించారు. స్వదేశీ పరిజ్ఞానంతో రూపొందిన ఈ 10 కోచ్ల రైలు, 3,200 హార్స్పవర్ ప్రొపల్షన్ సిస్టమ్తో నడుస్తుంది. ప్రపంచంలోనే అత్యంత పొడవైన, శక్తివంతమైన హైడ్రోజన్ ఆధారిత ప్యాసింజర్ రైలు సెట్లలో ఇదీ ఒకటి.
తెలుగు రాష్ట్రాలకు Rain Alert
తెలుగు రాష్ట్రాలకు వాతావరణశాఖ గుడ్న్యూస్ చెప్పింది. బంగాళాఖాతంలో ఏర్పడిన లోప్రెజర్ ప్రభావంతో ఏపీ, తెలంగాణలో తేలికపాటి నుంచి భారీ వర్షాలు పడే ఛాన్స్ ఉందని తెలిపింది. శ్రీకాకుళం, విజయనగరం, పార్వతీపురం మన్యం జిల్లాలతోపాటు మరికొన్ని ప్రాంతాల్లో మంచి వర్షాలు పడే అవకాశం ఉంది. హైదరాబాద్లో కూడా కొన్ని ఏరియాల్లో ఇప్పటికే వర్షాలు మొదలయ్యాయి. వర్షాల సమయంలో గంటకు 40–50 కి.మీల వేగంతో గాలులు వీచే ఛాన్స్ ఉందని అధికారులు చెప్పారు.
నిబ్బా-నిబ్బీ.. పదాల వెనుక స్టోరీ తెలుసా?
సోషల్ మీడియాలో వినిపించే నిబ్బా..నిబ్బి పదాలు భారతీయ భాషలకు చెందినవి కావు. ఇవి అమెరికన్ మీమ్ కల్చర్ నుంచి వచ్చాయి. జాత్యహంకార పదమైన ‘నిగ్గర్’ని నేరుగా వాడకుండా, దాన్ని మార్చి ‘నిబ్బా’గా ఉపయోగించడం ప్రారంభమైందని ప్రచారంలో ఉంది. తర్వాత ఈ పదం భారత్కు చేరి సోషల్ మీడియాలో అతిగా ప్రేమను ప్రదర్శించే టీనేజ్ జంటలను వ్యంగ్యంగా ‘నిబ్బా-నిబ్బి’ అని పిలిచే మీమ్ ట్యాగ్గా మారింది.
నీట్లో తెలంగాణ స్టూడెంట్కు 13వ ర్యాంకు
TG: నేషనల్ టెస్టింగ్ ఏజెన్సీ నిర్వహించిన నీట్ ఎంట్రన్స్ ఎగ్జామ్ రిజల్ట్స్ గురువారం రాత్రి విడుదలయ్యాయి. మొత్తం 5,440 పరీక్షల కేంద్రాల ద్వారా దాదాపు 20 లక్షల మంది స్టూడెంట్స్ ఈ పరీక్షకు హాజరయ్యారు. రెండు తెలుగు రాష్ట్రాల నుంచి 65,087 మంది విద్యార్థులు ఈ పరీక్ష రాశారని ఎన్టీఏ ప్రకటించింది. వీరిలో తెలంగాణలోని హనుమకొండకు చెందిన వీరయ్యగారి సహ్యు 720కి గానూ 705 మార్కులుతో ఆలిండియాలో 13వ ర్యాంకు సాధించాడని ఎస్ఆర్ విద్యాసంస్థల చైర్మన్ ఏ.వరదారెడ్డి తెలిపారు.
ఏపీలో మళ్లీ కరోనా కేసులు
AP: ఏపీలో మళ్లీ కరోనా కేసులు నమోదవుతున్నాయి. జూన్ 26 నుంచి ఇప్పటివరకు మొత్తం 13 పాజిటివ్ కేసులు గుర్తించారు. కడపలో 8, గుంటూరులో 3, విశాఖ, కాకినాడలో ఒక్కో కేసు నమోదయ్యాయి. వైరస్ ఏ వేరియంట్ అనేది తెలుసుకోవడానికి ఐదు శాంపిల్స్ను పూణె ల్యాబ్కు పంపించారు. ప్రస్తుతం బాధితులు హోమ్ ఐసోలేషన్లో ఉండగా ప్రజలు జాగ్రత్తగా ఉండాలని హెల్త్ డిపార్ట్మెంట్ సూచించింది.
'తల్లికి వందనం' పథకంపై Big Update
AP: తల్లికి వందనం పథకం డబ్బులు జూలై 22న లబ్ధిదారుల అకౌంట్లలో జమ కానున్నాయి. డబ్బులు రావాలంటే ఆధార్ను బ్యాంక్ అకౌంట్తో లింక్ చేయడం, NPCI మ్యాపింగ్ పూర్తి చేయడం తప్పనిసరి అని ప్రభుత్వం తెలిపింది. ఇవి పూర్తి కాకపోతే అకౌంట్లో డబ్బులు పడవని అధికారులు హెచ్చరించారు. ఈసారి 42,70,902 మందికి ఈ పథకం కింద లబ్ధి చేకూరనుంది.
చనిపోతే దయ్యమై వస్తా: సోనమ్ వాంగ్చుక్
19రోజులుగా నిరాహార దీక్షలో ఉన్న సోనమ్ వాంగ్చుక్ ఇంట్రెస్టింగ్ కామెంట్స్ చేశారు. అతని హెల్త్ బాగా వీక్ అయినప్పడికి కూడా తన హ్యుమర్ని కోల్పోలేదు. జూలై 20న అందరం కలిసి పార్లమెంట్కు పాదయాత్ర చేద్దామని పిలుపునిచ్చారు. అప్పటివరకు తాను ఎలాగైనా బతికే ఉంటానని.. ఒకవేళ జూలై 20 మార్చ్ సక్సెస్ కాకపోతే, తాను చనిపోయి దయ్యంగానైనా తిరిగి వస్తానంటూ నవ్వుతూ కామెంట్ చేశారు. ఈ వీడియో ప్రస్తుతం సోషల్ మీడియాలో తెగ వైరల్ అవుతోంది.
హిట్మ్యాన్ రిటైర్మెంట్?.. లండన్ చేరుకున్న పేరెంట్స్
భారత క్రికెట్ మాజీ కెప్టెన్ రోహిత్ శర్మ అంతర్జాతీయ భవిష్యత్తుపై ఊహాగానాలు జోరందుకున్నాయి. ఇంగ్లాండ్తో ఆదివారం లార్డ్స్లో జరిగే వన్డే మ్యాచ్ అతడి చివరి మ్యాచ్ కావొచ్చని ప్రచారం జరుగుతోంది. రోహిత్ తల్లిదండ్రులు ఇప్పటికే లండన్ చేరుకున్నట్లు సమాచారం. 2027 వన్డే ప్రపంచకప్ను దృష్టిలో పెట్టుకుని యువ ఆటగాళ్లకు ప్రాధాన్యం ఇవ్వాలని BCCI సెలక్షన్ కమిటీ భావిస్తున్నట్లు వార్తలు వస్తున్నాయి. అయితే ఎలాంటి అధికారిక ప్రకటన వెలువడలేదు. దీనిపై ఆదివారం మ్యాచ్ అనంతరం స్పష్టత వచ్చే అవకాశం ఉంది.
తగ్గిన బంగారం, వెండి ధరలు!
బంగారం, వెండి కొనాలనుకునే వారికి గుడ్ న్యూస్. బులియన్ మార్కెట్లో నేడు ధరలు భారీగా తగ్గాయి. హైదరాబాద్లో 10 గ్రాముల 24 క్యారెట్ల బంగారంపై ₹760 తగ్గి ₹1,42,530కి చేరింది. అలాగే, 22 క్యారెట్లపై ₹700 తగ్గి ₹1,30,650 వద్ద, 18 క్యారెట్లపై ₹570 తగ్గి ₹1,06,900 వద్ద ట్రేడ్ అవుతోంది. కేజీ వెండి ధర కూడా తగ్గి ₹2,30,000 వద్ద స్థిరంగా ఉంది. మార్కెట్ ఒడిదుడుకుల వల్ల లైవ్ రేట్స్ మారుతుంటాయి కాబట్టి షాపింగ్కి వెళ్లే ముందు ఒకసారి ప్రైస్ చెక్ చేసుకోండి.
పూరీ క్షేత్రంలో జనసంద్రం
ఒడిశాలోని పూరీ క్షేత్రంలో జగన్నాథ రథయాత్రకు భక్తులు పోటెత్తారు. భారీ వర్షం కురుస్తున్నప్పటికీ మునుపెన్నడూ లేని విధంగా లక్షలాది మంది భక్తులు ఒక్కసారిగా తరలిరావడంతో ఊహించని రద్దీ ఏర్పడింది. ప్రభుత్వం 13వేల మంది పోలీసులతో పెద్దఎత్తున భద్రతా ఏర్పాట్లు చేసింది. పూరీలోనే కాకుండా దేశవ్యాప్తంగా పలు నగరాలు, పట్టణాల్లో కూడా జగన్నాథ రథయాత్రను అత్యంత భక్తిశ్రద్ధలతో వైభవంగా నిర్వహిస్తున్నారు. భారీ సంఖ్యలో భక్తులు హాజరై స్వామివారిని దర్శించుకుని ప్రత్యేక పూజలు చేస్తున్నారు.
AP ప్రభుత్వ బోర్డులో ఉద్యోగాలు
AP ఎకనామిక్ డెవలప్మెంట్ బోర్డు కాంట్రాక్ట్ ప్రాతిపదికన 32 కన్సల్టెంట్ పోస్టుల భర్తీకి దరఖాస్తులను ఆహ్వానిస్తోంది. అసోసియేట్ వైస్ ప్రెసిడెంట్-8, జనరల్ మేనేజర్-17, మేనేజర్-7 పోస్టులు ఉన్నాయి. ప్రారంభంలో ఒక సంవత్సరం కాంట్రాక్ట్ ప్రాతిపదికన నియామకం ఉండగా, అభ్యర్థుల పనితీరు ఆధారంగా ప్రతిఏడాది కాంట్రాక్ట్ను పొడిగించే అవకాశం ఉంటుంది. ఆగస్టు 2, 2026 సాయంత్రం 5 గంటలలోపు ఆన్లైన్లో దరఖాస్తు చేసుకోవాలి. పూర్తి వివరాల కోసం APEDB అధికారిక వెబ్సైట్లోని Careers విభాగాన్ని సందర్శించాలని అధికారులు సూచించారు.
చెట్టుకొమ్మ పట్టుకుని బతికిన బాలుడు
TG: రంగారెడ్డి జిల్లా శంకర్పల్లి మండలం కొత్తపల్లి గ్రామానికి చెందిన ఊరుబాటి సుధాకర్, వసంత(35) దంపతులకు నవ్య(15), కుమారుడు వేణు ఉన్నారు. సుధాకర్ రోజూ మద్యంమత్తులో భార్యతో గొడవపడుతూ శారీరకంగా, మానసికంగా వేధిస్తున్నాడు. దీంతో వసంత, ఇద్దరు పిల్లలతో వ్యవసాయ బావిలో దూకి ఆత్మహత్య చేసుకుంది. ఇద్దరు నీటిలో మునిగిపోయి ఊపిరాడక ప్రాణాలు కోల్పోయారు. అయితే వేణుకు నీటిపైకి వంగి ఉన్న చెట్టుకొమ్మ తగలడంతో గట్టిగా పట్టుకుని వేలాడుతూ ఉండిపోయాడు. బావుల వద్ద వెతికిన భర్తకు, కుమారుడి అరుపులు వినిపించడంతో కొడుకును రక్షించాడు.
అతిపెద్ద వివాదం తర్వాత దూసుకొచ్చిన మంగ్లీ
తెలంగాణ సంస్కృతికి నిలువెత్తు నిదర్శనం బోనాల పండగ.. ప్రతి సంవత్సరంలాగే ఈ సారి సరికొత్త బోనం పాటతో మీ ముందుకు వచ్చానని సింగర్ మంగ్లీ ప్రకటించారు. 'తీరు తీరు తొట్టెలల్ల..' అనే 2026 బోనాల స్పెషల్ సాంగ్ రిలీజ్ చేశారు. ఎప్పట్లాగే నన్ను నా పాటను ఆదరిస్తారని మనస్పూర్తిగా కోరుకుంటున్నట్లు ఈ సందర్భంగా తెలిపారు. రమావత్ మధు మైక్రో ఫైనాన్స్ కేసులో తీవ్రమైన ఆరోపణలు ఎదుర్కొన్న తర్వాత మంగ్లీ మళ్లీ పాటలు చేస్తారా అనే అనుమానాలను పటాపంచలు చేస్తూ మంగ్లీ దూసుకొచ్చారు. సాంగ్ లింక్ కోసం సోర్స్ పై క్లిక్ చెయ్యండి.
కల్తీ మాంసం గుట్టురట్టు.. షాకింగ్ నిజాలు వెలుగులోకి
TG: హైదరాబాద్లోని హబీబ్నగర్ PS పరిధిలో మల్లేపల్లి బడే మసీదు వద్ద మహ్మద్ ఉస్మాన్ ఖురేషి మీట్ షాప్పై పోలీసులు, ఫుడ్ సేఫ్టీ అధికారులు దాడులు చేశారు. 50కిలోల కల్తీ మాంసాన్ని స్వాధీనం చేసుకున్నారు. సీజ్ చేసిన మాంసాన్ని చెంగిచర్లలోని నేషనల్ మీట్ రీసెర్చ్ ఇనిస్టిట్యూట్ (NMRI) ల్యాబ్ తరలించి పరీక్షలు చేయగా.. షాకింగ్ నిజాలు వెలుగులోకి వచ్చాయి. మేక మాంసంలో గెదే దూడ మాంసం కలిపినట్లుగా నిర్ధారించారు. కల్తీ మేక మాంసాన్ని విక్రయించిన వ్యక్తిపై పలు సెక్షన్ల కింద క్రిమినల్ కేసులు నమోదు చేసినట్లు తెలిపారు.
నకిలీ పత్రాలతో మోసం.. తండ్రీకొడుకుల అరెస్ట్
AP: గుంటూరు జిల్లా మంగళగిరి మండలం పెదవడ్లపూడి గ్రామానికి చెందిన శ్యామల నర్సారెడ్డి, అతని కుమారుడు శ్యామల గోపీచంద్ రెడ్డి కలిసి మంగళగిరి పరిసర ప్రాంతాల్లో తక్కువ ధరకే ప్లాట్స్ ఇప్పిస్తామని నమ్మించి మోసాలకు పాల్పడుతున్నారు. నూతక్కి గ్రామానికి చెందిన సంజీవరెడ్డి నుంచి రూ.20 లక్షలు అడ్వాన్స్గా తీసుకుని, వేరొకరి సంతకాలతో నకిలీ విక్రయ ఒప్పంద పత్రాలను సృష్టించినట్లు పోలీసులు గుర్తించారు. ఇలా పలువురి నుంచి సుమారు రూ.75 లక్షలు మోసం చేసినట్లు పోలీసులు తెలిపారు. తండ్రీకొడుకులను అరెస్ట్ చేశారు.
రాజ్యాంగం గురించి చెప్పే అరుదైన ఈవెంట్
రాజ్యాంగం అంటే ఏంటి, అది మనకెందుకు ముఖ్యం అని తెలుసుకోవాలనుకునే యూత్ కోసం తిరుపతిలో ఓ స్పెషల్ మీట్ జరగనుంది. జులై 26న (ఆదివారం) రేణిగుంటలోని విష్ణు గ్రాండ్లో ఉదయం 11 నుంచి సాయంత్రం 5:30 వరకు "డిగ్నిఫైడ్ ఇండియా" ఈ ఈవెంట్ నిర్వహిస్తోంది. లాయర్ శ్రీకాంత్ చింతల, డాక్టర్ ఆరోగ్య నాదుడు, రాజు అరుముగం లాంటి స్పీకర్లు రాజ్యాంగం గురించి, ఈవీఎం-ఓటింగ్ గురించి సింపుల్గా వివరిస్తారు. క్వశ్చన్-ఆన్సర్ సెషన్ కూడా ఉంటుంది. తిరుపతి మూవ్మెంట్ 21 నిర్వహిస్తున్న ఈ ఫ్రీ ఈవెంట్కి యూత్ అందరూ రావొచ్చని నిర్వాహకులు చెప్పారు.
కల్మా హోంవర్క్ ఘటనపై NHRC సీరియస్
TG: హైదరాబాద్ సైదాబాద్లోని సక్సెస్ స్కూల్లో విద్యార్థులతో కల్మా చదివిస్తున్నట్లు ఫిర్యాదు చేయడంతో పోలీసులు కేసు నమోదు చేశారు. ఈ ఘటనపై NHRC సీరియస్ అయింది. ఇది మానవ హక్కుల ఉల్లంఘన కిందికి వస్తుందని తెలిపింది. మత బోధనలపై స్కూల్ వివరణ ఇవ్వాలని కోరింది. హైదరాబాద్ CP, కలెక్టర్, DEOలకు నోటీసులు ఇచ్చి రెండు వారాల్లో నివేదిక ఇవ్వాలని ఆదేశించింది. 2వ తరగతి విద్యార్థి డైరీలో ఖురాన్ చదవాలంటూ టీచర్ హోంవర్క్ ఇవ్వడంతో అతడి పేరెంట్స్ స్కూల్ యాజమాన్యాన్ని నిలదీసి పోలీసులకు ఫిర్యాదు చేశారు.
రోహిత్ కెరీర్ ముగియనుందా?
భారత క్రికెట్ స్టార్ ఓపెనర్ రోహిత్ శర్మ వన్డే భవిష్యత్తుపై ఊహాగానాలు జోరందుకున్నాయి. 2027 ప్రపంచకప్ను దృష్టిలో పెట్టుకుని BCCI సెలక్టర్లు జట్టులో మార్పులపై చర్చించినట్లు సమాచారం. ఈ క్రమంలో హిట్ మ్యాన్ను ఇకపై వన్డేలకు ఎంపిక చేయకూడదనే అభిప్రాయం వ్యక్తమైనట్లు ప్రచారం జరుగుతోంది. బోర్డు తీసుకున్న ఈ నిర్ణయం పట్ల రోహిత్ శర్మ తీవ్ర అసంతృప్తి వ్యక్తం చేసినట్లు సమాచారం. ఈ అంశంపై సెలక్టర్లు, కోచ్ గౌతమ్ గంభీర్తో సమావేశం జరిగినట్లు వార్తలు వస్తుండగా, అధికారికంగా BCCI నుంచి ఎలాంటి ప్రకటన వెలువడలేదు.
సాయికృష్ణ లాకప్ డెత్ కేసులో NHRC కీలక ఆదేశాలు
AP: సంచలనం సృష్టించిన విజయవాడ గాదె సాయికృష్ణ అనుమానాస్పద కస్టడీ మరణం కేసులో NHRC కీలక ఆదేశాలు జారీ చేసింది. ప్రముఖ న్యాయవాది రామారావు ఇమ్మనేని ఫిర్యాదు మేరకు విచారణ కొనసాగిస్తున్న కమిషన్, పోలీసుల నుంచి నాలుగు వారాల్లో రెండో నివేదిక సమర్పించాలని ఆదేశించింది. కస్టడీలో చిత్రహింసలు, అక్రమ నిర్బంధం, CCTV, హార్డ్డిస్క్లు మార్చి ఆధారాలు ధ్వంసం చేసిన ఆరోపణలు తీవ్రంగా ఉన్నాయని పేర్కొంది. SIT దర్యాప్తులో కస్టడీ మరణానికి సంబంధించిన అంశాలు వెలుగులోకి వచ్చినట్లు తెలిపింది.
ఆస్తి కోసం అత్తను చంపింది
TG: సూర్యాపేట జిల్లా తుంగతుర్తి మండలం తూర్పుగూడెంలో కొణతం భాగ్యమ్మ అనుమానాస్పద స్థితిలో మృతి చెందడంతో పోలీసులు కేసు నమోదు చేసి దర్యాప్తు చేపట్టారు. దర్యాప్తులో మృతురాలి కోడలు మధురనే హత్య చేసినట్లు తేలింది. భాగ్యమ్మకు 6ఎకరాల భూమి ఉంది. భూమిలో వాటా కావాలని కుమార్తె శోభారాణి కోర్టులో కేసు వేసింది. దీంతో అత్తా, కోడళ్ల మధ్య గొడవలు జరుగుతున్నాయి. అత్తను చంపాలని డిసైడ్ అయిన మధుర, ఆమెను గట్టిగా నెట్టివేసింది. మళ్లీ లేవగా, వెనుక నుంచి చేతులతో మెలివేసి మంచంపైకి నెట్టి చంపినట్లు DSP ప్రసన్నకుమార్ తెలిపారు. మధురను అరెస్ట్ చేశామన్నారు.
రోహిత్ వేముల చట్టాన్ని అమల్లోకి తెస్తాం
TG: రాష్ట్రంలో రోహిత్ వేముల బిల్లు అమలుపై ప్రభుత్వం కసరత్తు చేస్తున్నట్లు డిప్యూటీ CM మల్లు భట్టి విక్రమార్క తెలిపారు. ఈ బిల్లుపై మంత్రివర్గ ఉపసంఘం భేటీ అయిందని, డిగ్రీ కాలేజెస్, యూనిర్సిటీల్లో వివక్ష రూపుమాపేందుకు రోహిత్ వేముల చట్టాన్ని అమల్లోకి తీసుకు వస్తామని ప్రకటించారు. ముసాయిదా బిల్లుపై ప్రజాభిప్రాయ సేకరణ చేసి తుది రూపమిస్తామని పేర్కొన్నారు. ముసాయిదా బిల్లును త్వరగా సిద్ధం చేయాలని అధికారులను ఆదేశించినట్లు భట్టి తెలిపారు. త్వరలోనే రోహిత్ వేముల బిల్లును అసెంబ్లీలో పెట్టి చర్చిస్తామన్నారు.