Latest
అత్తమామల స్కెచ్కి ప్రేమ జంట బలి!
రంగారెడ్డి జిల్లా జనవాడలో ఘోరం జరిగింది. ప్రేమించి పెళ్లి చేసుకున్న బాలసాయి, పద్మ దంపతులు అత్తమామల మోసానికి బలయ్యారు. ఇంట్లో గుప్తనిధులు ఉన్నాయంటూ నమ్మించిన అత్తమామలు, పూజల కోసం బాలసాయి చేత ₹10 లక్షలు అప్పు చేయించారు. తీరా తవ్వితే ఏమీ దొరకలేదు. అప్పు ఇచ్చిన వారి ప్రెషర్ తట్టుకోలేక, మోసపోయామని గ్రహించిన ఈ జంట ఉరివేసుకుని సూసైడ్ చేసుకున్నారు. ఐదు నెలల చిన్నారి అనాథగా మిగిలింది. బాలసాయి ఫోన్ మెసేజ్ ఆధారంగా పోలీసులు అత్తమామలను, బావను అరెస్ట్ చేశారు.
వాట్సాప్లో క్రేజీ అప్డేట్.. ఇక ఫోన్ నంబర్ దాచేయొచ్చు!
ప్రపంచవ్యాప్తంగా అత్యధికంగా ఉపయోగించే మెసేజింగ్ యాప్ 'వాట్సాప్' యూజర్ల ప్రైవసీ కోసం సూపర్ ఫీచర్ తెచ్చింది. ఇకపై కొత్తవారితో చాట్ చేయడానికి మీ ఫోన్ నంబర్ అక్కర్లేదు, జస్ట్ 'యూజర్నేమ్' ఉంటే చాలు. ప్రొఫైల్ సెట్టింగ్స్లో 3-35 అక్షరాల లోపు యూనిక్ యూజర్నేమ్ సెట్ చేసుకోవచ్చు. సెక్యూరిటీ కోసం 'యూజర్నేమ్ కీ' కూడా ఉంటుంది. ప్రస్తుతానికి కొందరికే వచ్చిన ఈ ఫీచర్, త్వరలోనే అందరికీ రానుంది. మీ యాప్ అప్డేట్ చేసి చెక్ చేసుకోండి.
ఈరోజే రైతుల అకౌంట్లలోకి డబ్బులు!
తెలంగాణ రైతులకు నేటి నుంచే 'రైతు భరోసా' నిధులు విడుదల కానున్నాయి. ఈరోజు సాయంత్రం 4 గంటలకు హైదరాబాద్లో ముఖ్యమంత్రి రేవంత్ రెడ్డి చేతుల మీదుగా ఈ కార్యక్రమం ప్రారంభం కానుంది. మొదటి విడతలో భాగంగా 2 ఎకరాల లోపు భూమి ఉన్న 41.37 లక్షల మంది రైతులకు రూ. 2,482 కోట్ల నిధులను నేరుగా బ్యాంక్ అకౌంట్లలో జమ చేయనున్నారు. మిగిలిన రైతులకు విడతల వారీగా ఈ అమౌంట్ అందుతుంది.
విద్యార్థుల భవిష్యత్తుతో ఆటలొద్దు
TG: ఫీజు రీయింబర్స్మెంట్ స్కీమ్ను నిర్వీర్యం చేయొద్దని BC సంఘం జాతీయ ఉపాధ్యక్షులు గుజ్జ సత్యం అన్నారు. మంగళవారం జాతీయ BC సంక్షేమ సంఘం జాతీయ అధ్యక్షుడు ఆర్.కృష్ణయ్య పిలుపు మేరకు రాష్ట్రవ్యాప్త కళాశాలల బహిష్కరణ కార్యక్రమంలో భాగంగా హైదరాబాద్లోని కొత్తపేట చౌరస్తాలో రాస్తారోకో నిర్వహించారు. ఫీజు రీయింబర్స్మెంట్ పథకాన్ని యథావిధిగా కొనసాగించాలని, పెండింగ్లో ఉన్న రూ.8,000 కోట్ల ఫీజు బకాయిలను వెంటనే విడుదల చేయాలి. విద్యార్థులపై అదనపు ఆర్థిక భారం మోపే విధానాలను వెనక్కి తీసుకోవాలన్నారు.
సోనమ్ వాంగ్చుక్ హెల్త్ కండిషన్ సీరియస్!
ధర్మేంద్ర ప్రధాన్ రాజీనామా చేయాలని సోనమ్ వాంగ్చుక్ చేస్తున్న నిరాహార దీక్ష 3వ రోజుకు చేరుకుంది. అయితే, ఈ పోరాటం లో ఒక ఆందోళనకరమైన విషయం వెలుగుచూసింది. దీక్ష కారణంగా ఆయన షుగర్ లెవెల్స్ సాధారణం కంటే తక్కువగా (66 కి) పడిపోయాయి. ఆరోగ్యం క్షీణిస్తున్నప్పటికీ ఆయన తన పోరాటాన్ని కంటిన్యూ చేస్తున్నారు.
రాఘవ లారెన్స్ ఏం చెప్పబోతున్నారు?
కొరియోగ్రాఫర్, హీరో అండ్ డైరెక్టర్ రాఘవ లారెన్స్ తన సోషల్ మీడియాలో ఒక సంచలన ట్వీట్ చేశారు. ఈరోజు మధ్యాహ్నం 12:00 గంటలకు రెండు ఇంపార్టెంట్ విషయాల గురించి మాట్లాడబోతున్నట్లు అనౌన్స్ చేశారు. రీసెంట్గా జరిగిన ప్రెస్ మీట్ వివాదంతో పాటు, తిరుచ్చి ఎలక్షన్ల గురించిన రూమర్స్పై ఆయన క్లారిటీ ఇవ్వనున్నారు. దీంతో లారెన్స్ పాలిటిక్స్లోకి ఎంట్రీ ఇస్తున్నారా లేదా అనే దానిపై అందరిలోనూ విపరీతమైన క్యూరియాసిటీ నెలకొంది.
మద్యంమత్తులో డ్రైవర్ బీభత్సం.. కొడుకు ముందే తల్లి స్పాట్డెడ్
TG: మేడ్చల్ జిల్లా దుండిగల్ PS పరిధిలోని బహుదూర్పల్లి మెయిన్ రోడ్పై మద్యంమత్తులో బొలెరో డ్రైవర్ బీభత్సం సృష్టించాడు. బైక్పై వెళ్తున్న తల్లీకొడుకును బొలెరో వాహనం వెనుక నుంచి ఢీకొట్టింది. ఈ ప్రమాదంలో తల్లి లతారెడ్డి(49) స్పాట్లోనే మృతిచెందగా.. కొడుకు వేదాంత్ రెడ్డికి తీవ్ర గాయాలయ్యాయి. పోలీసులు ఘటనా స్థలానికి చేరుకుని గాయపడిన వేదాంత్ను చికిత్స నిమిత్తం స్థానిక హాస్పిటల్కు తీసుకెళ్లారు. అలాగే లతారెడ్డి డెడ్బాడీని పోస్టుమార్టం నిమిత్తం ప్రభుత్వాస్పత్రికి తరలించారు. పోలీసులు కేసు నమోదు చేసి దర్యాప్తు చేపట్టారు.
భారీగా పడిపోయిన బంగారం ధరలు!
బంగారం కొనాలనుకునే వారికి గుడ్న్యూస్! మార్కెట్లో బంగారం ధరలు భారీగా తగ్గాయి. మంగళవారం ఉదయం 10 గంటల సమయానికి హైదరాబాద్, విజయవాడలో 24 క్యారెట్ల 10 గ్రాముల గోల్డ్ రేట్ రూ.1,40,130 కి చేరింది. అలాగే 22 క్యారెట్ల 10 గ్రాముల బంగారం ధర రూ.1,28,450 గా ఉంది. అయితే, గోల్డ్ రేట్స్ ఎప్పటికప్పుడు మారుతుంటాయి కాబట్టి, మీరు షాపింగ్కి వెళ్లే ముందు ఒకసారి కరెంట్ లైవ్ ప్రైస్ చెక్ చేసుకోవడం బెస్ట్.
ఆయన ప్రాణాలు రక్షించే బాధ్యత ప్రభుత్వానిదే: మంద కృష్ణ
TG: BRS పార్టీ రాష్ట్ర ప్రధాన కార్యదర్శి, మాజీ IPS అధికారి RS ప్రవీణ్కుమార్ ప్రాణాలను రక్షించే బాధ్యత ప్రభుత్వానిదేనని MRPS జాతీయ అధ్యక్షుడు మంద కృష్ణమాదిగ పేర్కొన్నారు. ఆర్ఎస్ ప్రవీణ్కుమార్కు భద్రత కుదించడంపై CM రేవంత్రెడ్డికి ఆయన బహిరంగ లేఖ రాశారు. ఎలాంటి ముందస్తు సమాచారం, నోటీసులు ఇవ్వకుండా చట్ట విరుద్ధంగా సెక్యూరిటీని సర్కార్ తొలగించిందని లేఖలో వివరించారు. ప్రభుత్వాన్ని ప్రశ్నిస్తున్నందుకు ప్రతిపక్ష నేత, మాజీ పోలీస్ అధికారికి సెక్యూరిటీ ఎలా తొలగిస్తారని నిలదీశారు.
డెలివరీ బాయ్పై రాజు వెడ్స్ రాంబాయి హీరో దాడి
TG: 'రాజు వెడ్స్ రాంబాయి' చిత్రంతో ఘనవిజయం సాధించిన యంగ్ హీరో అఖిల్ రాజ్ ఉద్దెమరి వివాదంలో చిక్కుకున్నారు. ఆన్లైన్లో ఆర్డర్ చేసిన ఫుడ్ తప్పుగా తెచ్చాడనే నెపంతో అఖిల్ రాజ్, అతని కుటుంబసభ్యులు ఓ డెలివరీ బాయ్పై దాడి చేశారు. దాడికి యత్నించిన వీడియో సోషల్ మీడియాలో వైరల్గా మారింది. తాను క్షమాపణలు చెప్పినా వినకుండా హీరో కొట్టడానికి వచ్చాడని, అతని తల్లి తన ముఖంపై ఉమ్మివేసి అవమానించిందని సదరు డెలివరీ బాయ్ ఆవేదన వ్యక్తం చేశాడు. హీరో ప్రవర్తనపై నెటిజన్లు తీవ్ర ఆగ్రహం వ్యక్తం చేస్తున్నారు.
పొలంలో బంగారు నగలు.. రాత్రంతా తవ్వకాలు
TG: వరంగల్ జిల్లా చెన్నారావుపేట మండలం కోపాకులపాడులోని ఆరెకరాల భూమిని కౌలుకు తీసుకోవడానికి జనం పోటీ పడుతున్నారు. మాకు ఇవ్వాలంటే మాకు ఇవ్వాలని యజమానిపై ఒత్తిడి తెస్తున్నారు. ఇంత డిమాండ్ ఎందుకంటే ఈ భూమిని కౌలుకు చేసిన రైతుకు బంగారు నగలు దొరికాయి. ఓ కౌలు రైతు ఆ భూమిలో పత్తి సాగు చేస్తున్నాడు. ఈ నెల 24న కలుపు తీయిస్తుండగా కూలీలకు బంగారు ఆభరణాలు దొరికినట్లు ప్రచారం జరిగింది. యజమాని కూలీలను పిలిచి అడిగితే, వాళ్లు బంగారం చూపించారు. దీనిపై యజమాని PSలో ఫిర్యాదు చేశారు. బంగారం ప్రచారంతో రాత్రి వేళల్లో చుట్టుపక్కల గ్రామాల వారు పొలాల్లో తవ్వకాలు చేపడుతున్నారు.
గవర్నమెంట్ స్కూళ్లలో AI టెక్నాలజీ
AP విద్యాశాఖ గవర్నమెంట్ స్కూళ్లలో విద్యార్థుల హాజరు నమోదు కోసం కృత్రిమ మేధస్సు (AI) ఆధారిత సరికొత్త ఫేస్ రికగ్నిషన్ విధానాన్ని ప్రవేశపెట్టింది. ఉపాధ్యాయుల సమయం ఆదా అవ్వడానికి, హాజరు పారదర్శకతకు, కచ్చితత్వానికి ఈ విధానం ఎంతో ఉపయోగపడుతుంది. మంగళగిరి, తాడేపల్లి, విజయవాడలో ప్రయోగాత్మకంగా మొదలైన ఈ విధానం త్వరలో రాష్ట్రవ్యాప్తంగా అమలు కానుంది. విద్యార్థుల ముఖాలను ఫేస్ రికగ్నిషన్ ద్వారా గుర్తించి, గ్రూప్ ఫొటో తీయగానే ఆటోమేటిక్గా హాజరు నమోదవుతుంది. టైమ్ సేవ్ అవ్వడమే కాకుండా, హాజరు నమోదులో కచ్చితత్వం, పారదర్శకత పెరుగుతాయని అధికారులు భావిస్తున్నారు.
కాన్సాస్ వరదల్లో AP యువకుడు మృతి
AP: అమెరికాలోని కాన్సాస్ ప్రాంతంలో సంభవించిన వరదల్లో బాపట్ల జిల్లా పర్చూరు మండలం దేవరపల్లికి చెందిన దొప్పలపూడి వెంకటేశ్(32) గల్లంతయ్యాడు. అతడి డెడ్బాడీ తన కారుకు సమీపంలోనే బురదలో కూరుకుపోయి ఉన్నట్లు అమెరికా పోలీసులు గుర్తించి, కుటుంబసభ్యులకు సమాచారం అందించారు. మూడేళ్ల క్రితం ఉన్నత విద్య (MS) కోసం అమెరికా వెళ్లిన వెంకటేశ్, చదువు పూర్తిచేసుకుని అక్కడే ఉద్యోగం చేస్తున్నాడు. చేతికి అందివచ్చిన కుమారుడు ప్రాణాలు కోల్పోవడంతో వెంకటేశ్ కుటుంబ సభ్యులు కన్నీరుమున్నీరుగా విలపిస్తున్నారు.
ఆస్తి కోసం తండ్రినే నమ్మించి మోసం చేశారు
TG: సూర్యాపేట జిల్లా ఆత్మకూర్ (S) మండలం మిడతనపల్లి గ్రామానికి చెందిన ఏనిగ ఎల్లారెడ్డికి వ్యవసాయ భూమి ఉంది. ఈ భూమిపైనే ఆయన ఆధారపడి జీవిస్తున్నాడు. ఎల్లారెడ్డికి ముగ్గురు కూతుర్లు పాశం లక్ష్మమ్మ, చిదుముల్ల మల్లేశ్వరి, కుంట్ల సునీత తమ భర్తలతో కలిసి తండ్రిని నూతనకల్ తహసీల్దార్ కార్యాలయానికి తీసుకెళ్లారు. వృద్ధాప్య రక్షణ కల్పిస్తామని నమ్మించి ఆయనకు తెలియకుండానే సంతకాలు చేయించుకుని భూమిని తమ పేర్లపై మార్పిడి చేసుకున్నట్లు ఎల్లారెడ్డి ఆరోపించారు. కన్నకూతుర్లే తనను మోసం చేశారని, తిరిగి నా పేరిట పాస్బుక్ ఇప్పించాలని కలెక్టర్ను వేడుకున్నారు.
వాయిస్ మెసేజ్తో ప్రభుత్వానికి ఫిర్యాదు
AP: ప్రజలతో నిత్యం సంబంధాలున్న శాఖలు, విభాగాల్లో ప్రభుత్వ సేవలు పొందడం సులభతరం చేయాలని CM చంద్రబాబు అధికారులను ఆదేశించారు. సచివాలయంలో వివిధ శాఖల పనితీరుపై CM సమీక్షించారు. ప్రజా ఫిర్యాదుల వ్యవస్థను ప్రజలకు మరింత అందుబాటులోకి తేవాలని, దీని కోసం ఆన్లైన్లో ఫిర్యాదు చేసే అవకాశాన్ని కల్పించాలని సూచించారు. వాయిస్ మెసేజ్ ద్వారా కూడా ఫిర్యాదులు స్వీకరించాలని, నెట్వర్క్ సమస్యలు లేకుండా చూడాలన్నారు. సుమారు 3వేల ప్రాంతాల్లో కనెక్టివిటీ సమస్య ఉందని, రాబోయే మూడు నెలల్లో సమస్య పరిష్కరించేలా నెట్వర్క్ సంస్థలతో మాట్లాడాలని అధికారులను ఆదేశించారు.
6 నెలల్లో 78 కేసులు.. ACB రికార్డ్
AP: రాష్ట్రంలో ACB దూకుడు పెంచింది. జనవరి నుంచి జూన్ వరకూ రాష్ట్రవ్యాప్తంగా 78కి పైగా కేసులు నమోదు చేసి రికార్డు సృష్టించింది. నెలకు పదికి తగ్గకుండా ACB అధికారులు ట్రాప్ కేసులు నమోదు చేస్తున్నారు. ఆరు నెలల్లో 13 మంది అవినీతి అధికారులను అక్రమాస్తుల కేసుల్లో జైలుకు పంపారు. సబ్ రిజిస్ట్రార్ కార్యాలయాలు, మున్సిపాలిటీల్లోని పట్టణ ప్రణాళిక విభాగాల్లో ప్రజల్ని పీడించే అవినీతి ఆఫీసర్స్కు చెక్ పెడుతున్నారు. ప్రభుత్వ కార్యాలయాల్లో ఎవరైనా లంచం అడిగితే తమకు ఫిర్యాదు చేయాలని ACB DG అతుల్ సింగ్ ప్రజలకు సూచించారు.
భట్టి బిగ్ అనౌన్స్మెంట్.. ఉద్యోగులకు రిలీఫ్
TG: ఉద్యోగులు, పింఛన్దారుల బకాయిల చెల్లింపుల కోసం మరో రూ.2 వేల కోట్లను విడుదల చేస్తున్నట్లు డిప్యూటీ సీఎం భట్టి విక్రమార్క తెలిపారు. గత నెలలో మొదటి విడతగా రూ.2 వేల కోట్లు విడుదల చేయగా, తాజాగా మరో రూ.2 వేల కోట్లను విడుదల చేసినట్లు, దీంతో రూ.4వేల కోట్ల చెల్లింపు పూర్తియిందని భట్టి స్పష్టం చేశారు. పదవీ విరమణ చేసిన ఉద్యోగుల సంక్షేమానికి ప్రభుత్వం అత్యంత ప్రాధాన్యమిస్తోందని, అందులో భాగంగా రిటైర్డ్ ఉద్యోగులు, జిల్లా పరిషత్ ఉపాధ్యాయులకు సంబంధించి చాలాకాలంగా పెండింగ్లో ఉన్న జనరల్ ప్రావిడెంట్ ఫండ్ (GPS) బకాయిలను వందశాతం చెల్లించామన్నారు.
రెండేళ్లు గడిచినా తమ సమస్యలు పరిష్కరించలేదు
AP: కూటమి ప్రభుత్వం అధికారంలోకి వచ్చి రెండేళ్లు గడిచినా ఇప్పటివరకు తమ సమస్యలు పరిష్కరించలేదని AP రెవెన్యూ అసోసియేషన్ అధ్యక్షుడు బొప్పరాజు వెంకటేశ్వర్లు విమర్శించారు. తూర్పుగోదావరి జిల్లా కలెక్టర్ కీర్తి చేకూరిని కలిసి ఉద్యోగుల సమస్యలపై వినతిపత్రం అందజేశారు. చంద్రబాబు ప్రభుత్వం వస్తే బకాయిలు చెల్లిస్తారని ఉద్యోగులంతా ఆశించారని కానీ, ప్రభుత్వం ఏ ఉద్యోగికి ఎంత బకాయి ఇవ్వాలో చెప్పాలని కోరినా కనీస స్పందనలేదని ఫైరయ్యారు. ఆరు నెలలకోసారి పెరగాల్సిన DAను రెండేళ్లుగా ప్రభుత్వం ప్రకటించలేదన్నారు. అలాగే, PRC కమిషన్ను ఇప్పటివరకు నియమించలేదన్నారు.
ప్రాజెక్టులు వెలవెల.. సాగునీటిపై ఆందోళన
AP: రాష్ట్రంలోని గోదావరి, కృషా నదుల పరీవాహక ప్రాంతాల్లోని జలాశయాల్లోకి జూన్ నెల దాటుతున్నా నీటి ప్రవాహాలు పెద్దగా రాలేదు. మిగతా ప్రాజెక్టులదీ అదే పరిస్థితి. దీంతో వాటి పరిధిలో ఉన్న ఆయకట్టుకు జులైలో వివిధ తేదీల్లో సాగునీటి విడుదల ప్రణాళికలపై పునరాలోచన తప్పేలా లేదు. గత ఏడాది రాష్ట్రంలోని వివిధ జలాశయాల్లో ఈ పాటికి 564.39 TMCల నీటి నిల్వలుండగా.. ఈ ఏడాది ఇప్పటివరకు 416 TMCలే ఉన్నాయి. భారీ సాగునీటి ప్రాజెక్టుల్లో గత సంవత్సరం 524 TMCల నీటి నిల్వలుంటే.. ప్రస్తుతం 381.33 TMCలు మాత్రమే ఉండటం ఆందోళనకు గురిచేస్తుంది.
తెలంగాణ రైతులకు గుడ్ న్యూస్: రేపటి నుంచే 'రైతు భరోసా' క్యాష్ క్రెడిట్!
తెలంగాణ రైతులకు ప్రభుత్వం గుడ్ న్యూస్ చెప్పింది. వానాకాలం సీజన్కు సంబంధించిన 'రైతు భరోసా' ఫండ్స్ రేపటి నుంచే డిస్ట్రిబ్యూట్ కానున్నాయి. హైదరాబాద్ శిల్పకళా వేదికలో జరిగే ఒక స్పెషల్ ప్రోగ్రామ్తో ఈ స్కీమ్ స్టార్ట్ అవుతుంది. ఎకరాకు రూ. 6,000 చొప్పున అమౌంట్ను డైరెక్ట్గా రైతుల బ్యాంక్ అకౌంట్లలో జమ చేయనున్నారు.
రోడ్డు పక్కన పకోడీలు తింటే అంతేనా!
కాకినాడ జిల్లా దుగ్గుదుర్రు గ్రామంలో దారుణం జరిగింది. రోడ్డు పక్కన ఉన్న ఒక బండి దగ్గర కొన్న పకోడీలు తిని ఒకేసారి 50 మంది తీవ్ర అస్వస్థతకు గురయ్యారు. పకోడీలు తిన్న కొద్దిసేపటికే వాంతులు, కడుపునొప్పితో జనాలు ఇబ్బంది పడ్డారు. బాధితులందరినీ వెంటనే కాకినాడ లోకల్ హాస్పిటల్కు తరలించి ట్రీట్మెంట్ అందిస్తున్నారు. ఫుడ్ పాయిజన్ వల్లే ఇలా జరిగిందని డాక్టర్లు చెప్తున్నారు. ఈ ఇన్సిడెంట్తో ఆ ఏరియాలో ఒక్కసారిగా టెన్షన్ వాతావరణం నెలకొంది.