పార్క్‌ చేసిన కారులో మంటలు

By Lokesh· 59m ago· X

హైదరాబాద్‌లోని ఉప్పల్‌ పోలీస్‌ స్టేషన్‌ పరిధిలో బుధవారం సాయంత్రం 4:30 గంటల సమయంలో పార్క్‌ చేసి ఉన్న మారుతి సుజుకి ఎర్టిగా కారులో మంటలు చెలరేగాయి. స్థానికులు సమాచారం ఇవ్వడంతో అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తెచ్చారు. అప్పటికే కారు ఇంజిన్‌ భాగం చాలా వరకు దెబ్బతిన్నట్లు సమాచారం. అగ్నిప్రమాదానికి గల కారణం ఇంకా తెలియలేదు.

More in TG

TG· 8m ago

బరువు తగ్గుతారంటూ నాసిరకం మందులు!

TG: బరువు తగ్గేందుకు ఆన్‌లైన్‌లో దొరికే అనుమతి లేని మందులు వాడొద్దని తెలంగాణ డ్రగ్‌ కంట్రోల్‌ అధికారులు హెచ్చరించారు. రెటాట్రూటైడ్‌, టెసామోరెలిన్‌ వంటి మందులు, సోషల్‌ మీడియా ద్వారా కొనుగోలు చేసి వాడుతున్నట్లు గుర్తించారు. వీటితో తీవ్రమైన ఇన్ఫెక్షన్లు, ఇతర ఆరోగ్య సమస్యలు వచ్చే ప్రమాదం ఉందని తెలిపారు. డాక్టర్ సలహా లేకుండా ఇలాంటి మందులు వాడొద్దని అధికారులు సూచించారు. అనుమతి లేని మందులను అమ్మితే చట్టపరమైన చర్యలు తీసుకుంటామని హెచ్చరించారు.

TG· 25m ago

ఎల్‌నినో కంటే కాంగ్రెస్ పాలనే డేంజర్: హరీష్ రావు

TG: రాష్ట్రంలో విద్యుత్ సంక్షోభానికి కాంగ్రెస్ ప్రభుత్వ వైఫల్యమే కారణమని BRS నేత హరీష్ రావు విమర్శించారు. ఎల్‌నినోపై శాస్త్రవేత్తలు 9 నెలలుగా హెచ్చరిస్తున్నా ప్రభుత్వం పట్టించుకోలేదని ఆరోపించారు. విద్యుత్ రంగంపై సమీక్షలు చేయకుండా కరెంట్ కోతలకు కారణమయ్యారని మండిపడ్డారు. తప్పును అధికారులపై నెట్టి, వారిని సస్పెండ్ చేస్తామని బెదిరిస్తున్నారని విమర్శించారు. అధికారుల ఉద్యోగాల కంటే, ప్రజల నుంచి వచ్చే ప్రశ్నలపై దృష్టి పెట్టాలని రేవంత్‌కు హితవు పలికారు.

నర్సింగ్ కాలేజీలో ఫర్నిచర్ ధ్వంసం.. NSUI కార్యకర్తల అరెస్ట్

▶

TG· 1h ago

నర్సింగ్ కాలేజీలో ఫర్నిచర్ ధ్వంసం.. NSUI కార్యకర్తల అరెస్ట్

TG: హైదరాబాద్‌ L.B. నగర్‌ పోలీస్‌ స్టేషన్‌ పరిధిలోని మన్సూరాబాద్‌ కేర్‌ నర్సింగ్‌ కాలేజీలో NSUI కార్యకర్తలు ఫర్నిచర్‌ను ధ్వంసం చేశారు. విద్యార్థులకు సరైన వసతులు లేవంటూ వారు నిరసన చేపట్టారు. కాలేజీ యాజమాన్యం నిలదీయడంతో తిరిగి గుంపుగా వచ్చి దాడి చేశారు. యాజమాన్యం కంప్లయింట్ చేయడంతో పోలీసులు కేసు నమోదు చేశారు. ఈ ఘటనలో నలుగురిని అరెస్ట్‌ చేసి రిమాండ్‌కు తరలించగా, మరో నలుగురు మైనర్లను అదుపులోకి తీసుకున్నారు.

TG· 2h ago

ఆదిలాబాద్‌లో వందల కోట్ల పెట్టుబడుల మోసం

TG: ఆదిలాబాద్‌లో వందల కోట్ల పెట్టుబడుల మోసం వెలుగు చూసింది. యూనిక్ సంస్థల పేరుతో అధిక లాభాల ఆశ చూపి ప్రజల నుంచి భారీగా డబ్బులు వసూలు చేశారు. ఈ కేసులో ప్రధాన నిందితుడిని పోలీసులు అరెస్ట్ చేశారు. దేశవ్యాప్తంగా సుమారు 10 వేల మంది బాధితులు ఉన్నట్లు ప్రాథమిక అంచనాలో తేలింది. తెలంగాణలో 14 కేసులు నమోదు కాగా, ఆదిలాబాద్ జిల్లాలో 2,000 మంది నుంచి రూ.7–8 కోట్ల లావాదేవీలు జరిగినట్లు పోలీసులు వెల్లడించారు.