ప్రజావేదికకు పోటెత్తిన జనం.. 214 ఫిర్యాదులు

By arjun banu1434· 25 Aug 2026· Ambedkar Konaseema

AP: ప్రజల సమస్యలను నేరుగా తెలుసుకుని సకాలంలో పరిష్కరించాలని అధికారులను డీఆర్వో వి.సుబ్బారావు ఆదేశించారు. కోనసీమ జిల్లా కలెక్టరేట్‌లోని గోదావరి భవన్‌లో జిల్లా స్థాయి ప్రజా ఫిర్యాదుల పరిష్కార వేదిక నిర్వహించారు. కార్యక్రమంలో జిల్లా నలుమూలల నుంచి వచ్చిన ప్రజల నుంచి అధికారులు వినతులు స్వీకరించారు. భూరికార్డుల ఆన్‌లైన్ నమోదు, రీసర్వే, భూ ఆక్రమణలు, ఉద్యోగాలు, పారిశుధ్యం, మురుగు కాలువల సమస్యలు, ఇళ్ల స్థలాలు, గృహాలు, పింఛన్లు, సదరం సర్టిఫికెట్లు, రహదారుల మంజూరు తదితర అంశాలపై మొత్తం 214 అర్జీలు అందాయి.

More in Local

Local· 9m ago

సుంకేసులలో తగ్గిన నీరు.. రైతుల్లో టెన్షన్

TG: జోగులాంబ గద్వాల జిల్లా రాజోలి సమీపంలోని సుంకేసుల బ్యారేజీలో నీటి నిల్వలు తగ్గడంతో ఆయకట్టు రైతులు ఆందోళన వ్యక్తం చేస్తున్నారు. సాగునీరు అందకపోవడంతో వరి, పత్తి, ఉల్లి ఖరీఫ్‌ పంటలు ఎండిపోయే పరిస్థితి ఏర్పడిందని రైతులు ఆవేదన వ్యక్తం చేశారు. పంటలకు సకాలంలో నీరు అందకపోతే దిగుబడులు తగ్గి తీవ్ర ఆర్థిక నష్టం వాటిల్లే ప్రమాదం ఉందన్నారు. తాగునీటి అవసరాలకు ఇబ్బంది కలగకుండా కర్ణాటక నుంచి సుంకేసుల బ్యారేజీకి నీటిని విడుదల చేసేలా చర్యలు తీసుకోవాలని ప్రజాప్రతినిధులను రైతులు కోరారు.

Local· 52m ago

కొబ్బరి చెట్టుపై పిడుగు.. స్థానికుల ఉలిక్కిపాటు

AP: గుంటూరు జిల్లా ప్రత్తిపాడులో పిడుగు ఘటనతో స్థానికులు ఒక్కసారిగా ఉలిక్కిపడ్డారు. విశ్రాంత రవాణా శాఖ ఉద్యోగి ఎం. చిన్నారావు ఇంటి సమీపంలోని కొబ్బరి చెట్టుపై ఆదివారం సాయంత్రం పిడుగు పడింది. పిడుగు ప్రభావంతో కొబ్బరి చెట్టు దెబ్బతిన్నది. భారీ శబ్దంతో ఘటన చోటుచేసుకోవడంతో చుట్టుపక్కల ప్రజలు ఆందోళనకు గురయ్యారు. అయితే పిడుగు పడిన సమయంలో చెట్టు సమీపంలో ఎవరూ లేకపోవడంతో పెను ప్రమాదం తప్పింది. ప్రాణనష్టం జరగకపోవడంతో స్థానికులు ఊపిరి పీల్చుకున్నారు.

Local· 55m ago

పోలింగ్ కేంద్రాలను పరిశీలించిన RDO

TG: కరీంనగర్ జిల్లా జమ్మికుంటలో SIR స్పెషల్ క్యాంపెయిన్ డే సందర్భంగా హుజూరాబాద్ RDO జల కుమారి ప్రభుత్వ డిగ్రీ కళాశాల, ప్రభుత్వ బాలికల పాఠశాలలోని పోలింగ్ కేంద్రాలను పరిశీలించారు. ఈ సందర్భంగా BLOల పనితీరు, ఓటర్లకు అందుతున్న సేవలను పరిశీలించి తగిన సూచనలు, సలహాలు అందించారు. SIR ప్రక్రియను నిబంధనల ప్రకారం సమర్థవంతంగా నిర్వహించాలని సూచించారు. కార్యక్రమంలో తహసీల్దార్ జి. సుధాకర్, డిప్యూటీ తహసీల్దార్ శంకర్, గిర్ధావర్ సత్యనారాయణ, GPOలు శ్రావణ్, రాజ్ కిరణ్, హరీష్, వివేక్ తదితరులు పాల్గొన్నారు.

Local· 58m ago

ఉప్పునూతలలో మరోసారి గుప్తనిధుల కలకలం

TG: నాగర్‌కర్నూల్ జిల్లా ఉప్పునూతలలో మరోసారి గుప్తనిధుల తవ్వకాల ఘటన కలకలం రేపింది. గతరాత్రి మండల కేంద్రానికి 2 KM దూరంలోని రంగంపేట రహదారి పక్కన గుర్తుతెలియని వ్యక్తులు తవ్వకాలు చేపట్టారు. గమనించిన స్థానికులు పోలీసులకు సమాచారం అందించారు. పోలీసులు అక్కడికి చేరుకునేలోపే నిందితులు జేసీబీ, రెండు బైకులను వదిలి పరారయ్యారు. వాహనాలను పోలీసులు స్టేషన్‌కు తరలించారు. తవ్వకాలు ఎవరు చేపట్టారు, గుప్తనిధుల కోసమేనా అనే కోణాల్లో పోలీసులు దర్యాప్తు చేస్తున్నారు. జూలైలోనూ గుప్తనిధుల తవ్వకాల ఘటన చోటుచేసుకుంది.