ప్రవక్త బోధనలు ప్రతిఒక్కరికీ ఆదర్శం: ఎమ్మెల్సీ నవీన్ రెడ్డి

By Adithya D· 26 Aug 2026

TG: మహమ్మద్ ప్రవక్త బోధించిన శాంతి, దయ, కరుణ, సోదరభావం ప్రతి ఒక్కరిలో ఉండాలని ఎమ్మెల్సీ నవీన్ రెడ్డి అన్నారు. రంగారెడ్డి జిల్లా కొత్తూరు మండలం జహంగీర్‌పీర్ దర్గాలో ఈద్ మిలాద్ ఉన్ నబీ పర్వదినాన్ని పురస్కరించుకుని నిర్వహించిన ప్రత్యేక ప్రార్థనల్లో ఆయన పాల్గొన్నారు. ఈ సందర్భంగా ప్రవక్త మహమ్మద్ అందించిన మానవతా సందేశాలను ఎమ్మెల్సీ కొనియాడారు. సమాజంలో శాంతి, సౌభ్రాతృత్వం పెంపొందించేందుకు ప్రవక్త చూపిన మార్గాన్ని ప్రతి ఒక్కరూ ఆదర్శంగా తీసుకోవాలని పిలుపునిచ్చారు.

More in Local

Local· 2m ago

శాంతిభద్రతల పరిరక్షణకు ప్రజలు సహకరించాలి

AP: ప్రజలకు చేరువగా ఉంటూ వారి సమస్యలను తెలుసుకుని శాంతిభద్రతలను పటిష్ఠం చేసేందుకు పోలీసులు రాంపురం గ్రామంలో పల్లెనిద్ర కార్యక్రమం నిర్వహించారు. శ్రీకాకుళం జిల్లా మందస మండలంలోని రాంపురంలో శనివారం రాత్రి కాశీబుగ్గ డీఎస్పీ టి.భవాని, సీఐ ఎం.తిరుపతిరావు, ఎస్‌ఐ కె.కృష్ణ ప్రసాద్ గ్రామస్థులతో మమేకమయ్యారు. సమస్యలు, భద్రతా అంశాలపై ప్రజల అభిప్రాయాలను సేకరించారు. రానున్న స్థానిక సంస్థల ఎన్నికల నేపథ్యంలో ప్రశాంత వాతావరణం ఉండేలా సహకరించాలని కోరారు. సైబర్ నేరాలు, వివిధ చట్టాలపై ప్రజలకు అవగాహన కల్పించారు.

Local· 48m ago

చిరు వ్యాపారులకు జీవనోపాధి

నియోజకవర్గంలో చిరు వ్యాపారులకు జీవనోపాధి కల్పించాలనే ఉద్దేశంతో మంత్రి నారా లోకేష్ సొంత నిధులతో టిఫిన్ బండి, తోపుడు బండి, ఫ్లాట్‌ఫామ్ రిక్షాలను అందజేయడం అభినందనీయమని గుంటూరు పార్లమెంట్ టీడీపీ ప్రధాన కార్యదర్శి పోతినేని శ్రీనివాసరావు కొనియాడారు. మంగళగిరి 3వ వార్డుకు చెందిన ఉషారపు శిరీషకు టిఫిన్ బండి, 6వ వార్డుకు చెందిన సింగంపల్లి నారాయణకు తోపుడు బండి, రత్నాల చెరువుకు చెందిన బొర్ర సత్యనారాయణకు ఫ్లాట్‌ఫామ్ రిక్షా అందజేశారు.

బోర్డుల్లేవు.. ప్రొడక్షన్ లేదు..అయినా సీఎంఆర్

▶

Local· 49m ago

బోర్డుల్లేవు.. ప్రొడక్షన్ లేదు..అయినా సీఎంఆర్

నర్సాపూర్.జి మండలంలో లక్ష్మీ ప్రభు, జై హనుమాన్ రైస్ మిల్లుల్లో విజిలెన్స్, టాస్క్‌ఫోర్స్ అధికారులు తనిఖీలు చేపట్టారు. బోర్డులు, కనీస ఉత్పత్తి లేకున్నా మిల్లుల్లో సీఎంఆర్ ధాన్యం మాయమైనట్లు గుర్తించారు. యజమానులు అందుబాటులో లేకపోవడంతో పంచనామా నిర్వహించి కలెక్టర్‌కు నివేదిక సమర్పించారు. నిబంధనలకు విరుద్ధంగా స్టాక్ కేటాయించడంపై స్థానికంగా తీవ్ర విమర్శలు వస్తున్నాయి.

కుప్పగండ్లలో బీఆర్ఎస్ శ్రేణుల నిరసన ర్యాలీ

▶

Local· 50m ago

కుప్పగండ్లలో బీఆర్ఎస్ శ్రేణుల నిరసన ర్యాలీ

మిషన్‌ భగీరథ మాజీ వైస్‌ చైర్మన్‌ ఉప్పల వెంకటేష్ ఆధ్వర్యంలో వెల్దండ మండలంలోని కుప్పగండ్ల గ్రామంలో కాంగ్రెస్‌ ప్రభుత్వ 1000 రోజుల పాలనపై బీఆర్ఎస్ శ్రేణులు నిరసన ర్యాలీ చేశారు. నాయకులు, కార్యకర్తలు, అభిమానులు ఫ్లకార్డులతో నినాదాలు చేస్తూ నిరసన తెలిపారు. మాజీ సర్పంచ్‌ మొక్తల శేఖర్ మాట్లాడుతూ కాంగ్రెస్‌ 420 హామీలతో అధికారంలోకి వచ్చి అన్ని రంగాల్లో విఫలమైందని విమర్శించారు. రాబోయే ఎన్నికల్లో బీఆర్‌ఎస్‌ అధికారంలోకి వస్తుందని ధీమా వ్యక్తం చేశారు.