గోవా డ్రగ్ పెడ్లర్ లిస్టులో వెయ్యిమంది తెలుగోళ్లు!

By A.Ajay· 1h ago

TG: గోవాలో డ్రగ్స్‌ సరఫరా చేస్తున్న ఇద్దరిని ఈగల్‌ ఫోర్స్‌ అధికారులు అరెస్టు చేశారు. నిందితుల్లో ఒకరైన ప్రీతీష్‌ నారాయణ్‌ బోర్కర్‌ ఫోన్‌ కాంటాక్ట్‌ లిస్టులో తెలుగు రాష్ట్రాలకు చెందిన వెయ్యి మంది వివరాలు ఉన్నట్లు గుర్తించారు. వీరిలో తెలంగాణకు చెందిన 800 మంది, APకి చెందిన 200 మంది ఉన్నట్లు అధికారులు అనుమానిస్తున్నారు. దీనిపై అధికారులు దర్యాప్తు చేస్తున్నారు. రీసెంట్ గా గోవా వెళ్లిన సీఎం రేవంత్.. తెలంగాణకి డ్రగ్స్ గోవా నుంచే వస్తున్నాయని ఆరోపించారు.

More in TG

▶

TG· 16m ago

పార్క్‌ చేసిన కారులో మంటలు

హైదరాబాద్‌లోని ఉప్పల్‌ పోలీస్‌ స్టేషన్‌ పరిధిలో బుధవారం సాయంత్రం 4:30 గంటల సమయంలో పార్క్‌ చేసి ఉన్న మారుతి సుజుకి ఎర్టిగా కారులో మంటలు చెలరేగాయి. స్థానికులు సమాచారం ఇవ్వడంతో అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తెచ్చారు. అప్పటికే కారు ఇంజిన్‌ భాగం చాలా వరకు దెబ్బతిన్నట్లు సమాచారం. అగ్నిప్రమాదానికి గల కారణం ఇంకా తెలియలేదు.

నర్సింగ్ కాలేజీలో ఫర్నిచర్ ధ్వంసం.. NSUI కార్యకర్తల అరెస్ట్

▶

TG· 41m ago

నర్సింగ్ కాలేజీలో ఫర్నిచర్ ధ్వంసం.. NSUI కార్యకర్తల అరెస్ట్

TG: హైదరాబాద్‌ L.B. నగర్‌ పోలీస్‌ స్టేషన్‌ పరిధిలోని మన్సూరాబాద్‌ కేర్‌ నర్సింగ్‌ కాలేజీలో NSUI కార్యకర్తలు ఫర్నిచర్‌ను ధ్వంసం చేశారు. విద్యార్థులకు సరైన వసతులు లేవంటూ వారు నిరసన చేపట్టారు. కాలేజీ యాజమాన్యం నిలదీయడంతో తిరిగి గుంపుగా వచ్చి దాడి చేశారు. యాజమాన్యం కంప్లయింట్ చేయడంతో పోలీసులు కేసు నమోదు చేశారు. ఈ ఘటనలో నలుగురిని అరెస్ట్‌ చేసి రిమాండ్‌కు తరలించగా, మరో నలుగురు మైనర్లను అదుపులోకి తీసుకున్నారు.

TG· 1h ago

ఆదిలాబాద్‌లో వందల కోట్ల పెట్టుబడుల మోసం

TG: ఆదిలాబాద్‌లో వందల కోట్ల పెట్టుబడుల మోసం వెలుగు చూసింది. యూనిక్ సంస్థల పేరుతో అధిక లాభాల ఆశ చూపి ప్రజల నుంచి భారీగా డబ్బులు వసూలు చేశారు. ఈ కేసులో ప్రధాన నిందితుడిని పోలీసులు అరెస్ట్ చేశారు. దేశవ్యాప్తంగా సుమారు 10 వేల మంది బాధితులు ఉన్నట్లు ప్రాథమిక అంచనాలో తేలింది. తెలంగాణలో 14 కేసులు నమోదు కాగా, ఆదిలాబాద్ జిల్లాలో 2,000 మంది నుంచి రూ.7–8 కోట్ల లావాదేవీలు జరిగినట్లు పోలీసులు వెల్లడించారు.

TG· 1h ago

గ్లోబల్ సమ్మిట్‌.. 2.0

తెలంగాణ సంస్కృతి, కళలు, చారిత్రక కట్టడాలు, పర్యాటక ప్రాంతాలను ప్రపంచానికి పరిచయం చేసేందుకు రాష్ట్ర ప్రభుత్వం ప్రత్యేక ఏర్పాట్లు చేస్తోంది. డిసెంబర్ 7, 8, 9 తేదీల్లో నిర్వహించనున్న గ్లోబల్ సమ్మిట్‌-2.0లో తెలంగాణ గొప్పదనాన్ని చాటిచెప్పాలని నిర్ణయించింది. రామప్ప గుడి, గద్వాల చీరలు, బతుకమ్మ, పేరొందిన పర్యాటక ప్రాంతాలు, రాష్ట్ర కళలు, హస్తకళలను ప్రపంచ స్థాయిలో ప్రదర్శించేందుకు ప్రణాళికలు సిద్ధం చేస్తోంది. ఈ కార్యక్రమాల ద్వారా తెలంగాణకు మరింత గుర్తింపు తీసుకురావాలని ప్రభుత్వం భావిస్తోంది.