నవరాత్రుల టైంలో నాన్‌వెజ్ పిజ్జానా?.. హిందూత్వ సంస్థ ఆగ్రహం

By Vishi· 1h ago

ఉత్తరప్రదేశ్ రాష్ట్రం ఫతేపూర్ నగరంలో డొమినోస్ అవుట్లెట్ నుంచి ధీరజ్ కుమార్ అనే వ్యక్తి ఆన్‌లైన్‌లో వెజ్ పిజ్జా ఆర్డర్ చేశారు. రెస్టారెంట్ సిబ్బంది అతనికి నాన్‌వెజ్ పిజ్జా డెలివరీ చేశారు. నవరాత్రి టైంలో ఇలాంటి ఘటన జరగడంతో ధీరజ్ కుమార్ ఆగ్రహించారు. విషయం తెలిసిన బజరంగ్ దళ్‌ నేత ధర్మేంద్ర సింగ్, మరికొంతమంది కార్యకర్తలు డొమినోస్ అవుట్లెట్ వద్ద ఆందోళన చేపట్టారు. పండుగ వేళ నాన్‌వెజ్ విక్రయాలు జరపడంపై వారు తీవ్ర ఆగ్రహం వ్యక్తం చేశారు.

More in National

National· 1h ago

గంగానదిలో బోట్ బోల్తా.. 10 మంది మృతి!

బిహార్‌లోని వైశాలి జిల్లాలో గంగానదిలో బోట్ బోల్తా పడటంతో 10 మంది చనిపోయారు. రఘోపూర్‌లోని రామ్‌పూర్ దగ్గర జరిగిన ఈ ప్రమాద సమయంలో బోట్‌లో దాదాపు 20 మంది యువకులు, పిల్లలు ఉన్నట్లు సమాచారం. ప్రమాదం తర్వాత ఇప్పటివరకు 10 మృతదేహాలను బయటకు తీశారు. మిగతా వారి కోసం రెస్క్యూ ఆపరేషన్ కొనసాగుతోంది. ప్రమాదానికి గల కారణాలపై పూర్తి సమాచారం ఇంకా రావాల్సి ఉంది.

National· 1h ago

NCC గ్రూప్ ఫౌండర్ AVS రాజు కన్నుమూత

ప్రముఖ బిజినెస్‌మ్యాన్, NCC గ్రూప్ ఫౌండర్ AVS రాజు కన్నుమూశారు. కన్‌స్ట్రక్షన్ రంగంలో తనకంటూ ప్రత్యేక గుర్తింపు తెచ్చుకున్న ఆయన, నాగార్జున కన్‌స్ట్రక్షన్ కంపెనీని దేశంలోని ప్రముఖ ఇన్‌ఫ్రా కంపెనీల్లో ఒకటిగా ఎదిగేలా చేశారు. బిజినెస్ రంగంలో చేసిన సేవలకు గుర్తింపుగా 2010లో కేంద్ర ప్రభుత్వం ఆయనకు పద్మశ్రీ అవార్డు ఇచ్చింది. ఆయన మరణవార్తతో బిజినెస్ రంగంలో విషాదం నెలకొంది.

National· 1h ago

బీజేపీ వాళ్లు మమ్మల్ని విమర్శించడం విడ్డూరం: పవన్ ఖేరా

కేంద్ర హోంమంత్రి అమిత్ షా కామెంట్స్‌పై కాంగ్రెస్ నాయకుడు పవన్ ఖేరా రియాక్ట్ అయ్యారు. బీజేపీకి మెజారిటీ రావడానికి 50-60 ఏళ్లు పట్టిందని, తమ పార్టీ సుదీర్ఘకాలం అధికారంలో లేకపోవడాన్ని వాళ్లు విమర్శించడం విడ్డూరంగా ఉందని ఆయన అన్నారు. 2029లో కూడా తామే గెలుస్తామని బీజేపీ అంత నమ్మకంగా ఎలా చెబుతోందని ప్రశ్నించారు. దీని వెనుక CEC జ్ఞానేశ్ కుమార్ ఉన్నారా అని సందేహం వ్యక్తం చేశారు. ఓటర్ల జాబితా నుంచి ఏకంగా 13 కోట్ల మంది పేర్లు ఎలా తొలగించారని ప్రశ్నించారు.

National· 2h ago

మమతా బెనర్జీపై హత్యాయత్నం!?

పశ్చిమ బెంగాల్ మాజీ సీఎం మమతా బెనర్జీపై ఓ మహిళ దాడికి ప్రయత్నించిందని టీఎంసీ నేతలు ఆరోపించారు. కోల్‌కతాలో దుర్గాపూజ మండపం ఓపెనింగ్‌కు మమత వెళ్తున్న టైంలో ఆ మహిళ ఆమె చీరను లాగేందుకు ప్రయత్నించినట్లు చెప్పారు. వెంటనే అక్కడున్న టీఎంసీ కార్యకర్తలు ఆమెను అడ్డుకుని పోలీసులకు అప్పగించారు. మహిళ చీరలో దాచిన కత్తి కూడా దొరికిందని నేతలు చెబుతున్నారు. ఈ ఘటనపై పూర్తి వివరాలు ఇంకా తెలియాల్సి ఉంది.