మ్యాన్‌హోల్ ఘటన.. ఇంకా దొరకని బాలయ్య

By DK· 1 Aug 2026· హైదరాబాద్

TG: హైదరాబాద్ హఫీజ్‌పేట్ వైశాలీనగర్ <a href="https://www.theclearcutnews.com/n/dEoT7aN">మ్యాన్‌హోల్‌లో</a> కొట్టుకుపోయిన బాలయ్య కోసం మూడో రోజూ గాలింపు కొనసాగుతోంది. GHMC, SDRF, అగ్నిమాపక శాఖలకు చెందిన సుమారు 450 మంది సిబ్బంది ముమ్మరంగా గాలిస్తున్నారు. మియాపూర్ నుంచి పటాన్‌చెరు ముత్తంగి వరకు రోబోటిక్ టెక్నాలజీతో నాలాలను పరిశీలిస్తున్నారు. మరోవైపు బాలయ్య నిజంగా నాలాలో పడిపోయాడా లేదా అనే కోణంలో పోలీసులు దర్యాప్తు కొనసాగిస్తున్నారు. గాలింపు చర్యల సందర్భంగా ఏళ్లుగా పేరుకుపోయిన చెత్తను తొలగిస్తూ నాలాలను పూర్తిగా శుభ్రం చేస్తున్నారు.

More in TG

TG· 32m ago

కాళేశ్వరంపై KCR సమాధానం చెప్పాలి: వివేక్

TG: KCR అసెంబ్లీకి వచ్చి కాళేశ్వరం ప్రాజెక్టు ఎందుకు కుంగిపోయిందో సమాధానం చెప్పాలని రాష్ట్ర కార్మిక, గనుల శాఖ మంత్రి వివేక్ వెంకటస్వామి డిమాండ్ చేశారు. కాంగ్రెస్ ప్రజా పాలన 1000 రోజులు పూర్తయిన సందర్భంగా మంచిర్యాల జిల్లా జైపూర్ మండలంలో నిర్వహించిన సంబరాల్లో మంత్రి పాల్గొని బైక్ ర్యాలీ చేపట్టారు. కాళేశ్వరం ప్రాజెక్టుతో రాష్ట్రాన్ని అప్పుల ఊబిలోకి నెట్టారని కేసీఆర్‌పై విమర్శలు చేశారు. చెన్నూరు నియోజకవర్గాన్ని అన్ని రంగాల్లో అభివృద్ధి చేసి రాష్ట్రంలోనే రోల్ మోడల్‌గా తీర్చిదిద్దుతానన్నారు.

TG· 1h ago

SIRపై CM రేవంత్ రెడ్డి హాట్ కామెంట్స్

కొడంగల్‌లోని తన ఇంట్లో కార్యకర్తలు, లోకల్ లీడర్స్‌తో CM రేవంత్ రెడ్డి మీట్ అయ్యారు. కొడంగల్ ప్రజలు తనను గుండెల్లో పెట్టుకోవడం వల్లే నేషనల్ లెవల్‌లో ఈ ప్రాంతానికి గుర్తింపు, గౌరవం వచ్చిందన్నారు. SIR పేరుతో కేంద్రం ఓట్ల డిలీట్ చేసే కుట్ర చేస్తోందని ఆరోపించారు. BJP అధికారంలో లేని రాష్ట్రాలనే టార్గెట్ చేస్తున్నారని, బెంగాల్‌లో ఇదే జరిగిందన్నారు. కాంగ్రెస్ అనుకూల ఓట్లను, SC, ST, మైనారిటీ ఓట్లను డిలీట్ చేయడానికి ట్రై చేస్తున్నారని విమర్శించారు. దీన్ని అడ్డుకోవాల్సిన బాధ్యత మండల నాయకులదేనన్నారు.

TG· 4h ago

జనవరి 3ను ఉపాధ్యాయ దినోత్సవంగా గుర్తించాలి

TG: సావిత్రిబాయి ఫూలే జయంతి అయిన జనవరి 3ను ప్రజా ఉపాధ్యాయ దినోత్సవంగా గుర్తించాలని ఉస్మానియా విశ్వవిద్యాలయ ప్రొఫెసర్‌ K.నాగేశ్వర్‌ అన్నారు. సెప్టెంబర్‌ 5న సర్వేపల్లి రాధాకృష్ణన్‌ జయంతిని ఉపాధ్యాయ దినోత్సవంగా నిర్వహిస్తున్నప్పటికీ, మహిళలు, దళిత-బహుజనులకు విద్య అందించేందుకు సావిత్రిబాయి చేసిన కృషికి తగిన గుర్తింపు ఇవ్వాలన్నారు. 1848లో బాలికల కోసం పాఠశాలను ప్రారంభించిన ఆమె, తీవ్ర వ్యతిరేకతను ఎదుర్కొంటూనే విద్యాహక్కు కోసం పోరాడారని తెలిపారు.

TG· 8h ago

పదవి పోయినా పార్టీని వీడను: చిన్నారెడ్డి

TG: రేవంత్‌రెడ్డి ముఖ్యమంత్రి కావాలని కోరుకున్న వారిలో నేనే మొదటి వ్యక్తిని అని కాంగ్రెస్ సీనియర్ నేత జిల్లెల చిన్నారెడ్డి అన్నారు. వనపర్తి జిల్లా గోపాల్‌పేట మండలం జయన్న తిరుమలాపురంలో ఆయన మాట్లాడారు. పదవి కోల్పోయినా కాంగ్రెస్‌తో తన అనుబంధం కొనసాగుతుందని స్పష్టంచేశారు. పార్టీకి 48 ఏళ్లుగా సేవలందించానని, వచ్చే ఎన్నికల్లో అధిష్ఠానం ఎవరికి టికెట్ ఇచ్చినా వారి గెలుపు కోసం పనిచేస్తానన్నారు. గతంలో తనకు ఎమ్మెల్యే టికెట్, రాజ్యసభ అవకాశం, మంత్రి పదవి దక్కకపోయినా పార్టీ నిర్ణయానికి కట్టుబడి పనిచేశానన్నారు.