అరకు ఏరియా హాస్పిటల్‌కు బిగ్ రికగ్నిషన్

By B V Appalanaidu· 5h ago· Yandapallivalasa, Araku Valley, Alluri Sitharama Raju

అల్లూరి సీతారామరాజు జిల్లా అరకు లోయ ఏరియా హాస్పిటల్‌కు ‘స్వచ్ఛంద్ర–స్వర్ణాంధ్ర’ కార్యక్రమంలో భాగంగా ‘స్వచ్ఛ ఆస్పత్రి’ విభాగంలో అవార్డు లభించింది. జిల్లా కలెక్టర్ టి.నిషాంతి చేతులమీదుగా ఏరియా హాస్పిటల్ మెడికల్ సూపరింటెండెంట్, జిల్లా DCHS డా.లగుడు రాము అవార్డును అందుకున్నారు. వరుసగా రెండోసారి ఈ గుర్తింపు దక్కడం గర్వకారణమని డా.లగుడు రాము తెలిపారు. ఆస్పత్రిలో పరిశుభ్రతతో పాటు రోగులకు మెరుగైన వైద్య సేవలు అందిస్తున్నందుకు ఈ అవార్డు లభించిందని చెప్పారు.

More in Local

Local· 14m ago

క్యాట్రియల్ తండాలో తాగునీటి కష్టాలు

మెదక్ జిల్లా రామాయంపేట మండలం క్యాట్రియల్ తండాలో తాగునీటి సౌకర్యం లేక ప్రజలు తీవ్ర ఇబ్బందులు ఎదుర్కొంటున్నారు. నీటి సమస్యను పరిష్కరిస్తామని హామీలు ఇచ్చినా ఇప్పటివరకు నెరవేరడం లేదని తండావాసులు ఆవేదన వ్యక్తం చేస్తున్నారు. ఇప్పటికైనా సంబంధిత అధికారులు, ప్రజాప్రతినిధులు స్పందించి తాగునీటి సమస్యను పరిష్కరించాలని గ్రామస్థులు కోరుతున్నారు.

▶

Local· 22m ago

ఆత్మకూరులో అంగన్వాడీ సేవా ఉత్సవం

మంగళగిరి మండలం ఆత్మకూరు గ్రామంలో అంగన్వాడీ సేవా ఉత్సవాన్ని ఘనంగా నిర్వహించారు. ఈ సందర్భంగా గ్రామంలోని అంగన్వాడీ కేంద్రాల్లో పనిచేస్తున్న టీచర్లు, హెల్పర్లను సన్మానించారు. చిన్నారుల సంరక్షణ, పౌష్టికాహారం, ప్రాథమిక విద్య అందించడంలో వారు చేస్తున్న సేవలను పలువురు అభినందించారు. కార్యక్రమంలో టీడీపీ, జనసేన, బీజేపీ నాయకులు, కార్యకర్తలు, గ్రామస్థులు పాల్గొని అంగన్వాడీ సిబ్బందికి శుభాకాంక్షలు తెలిపారు.

Local· 30m ago

ఉద్యోగ అవకాశాల కోసం ఫ్రీ స్కిల్ ట్రైనింగ్

నిజామాబాద్ జిల్లాలోని గ్రామీణ నిరుద్యోగ యువతకు DDU-GKY, NAC నిజామాబాద్ ఆధ్వర్యంలో 3 నెలల ఉచిత శిక్షణతో పాటు వసతి సౌకర్యం కల్పించనున్నట్లు NAC అసిస్టెంట్ డైరెక్టర్ జె.లింబాద్రి తెలిపారు. ఎలక్ట్రీషియన్, ల్యాండ్ సర్వేయర్ కోర్సుల్లో శిక్షణ ఇవ్వనున్నట్లు చెప్పారు. SSC లేదా అంతకంటే ఎక్కువ విద్యార్హత కలిగి, 18 నుంచి 35 ఏళ్ల మధ్య వయస్సు ఉన్న నిరుద్యోగ యువత దరఖాస్తు చేసుకోవచ్చన్నారు. ఆసక్తి ఉన్న అభ్యర్థులు 9296507557 నంబర్‌కు ఫోన్ చేయలని సూచించారు.

Local· 31m ago

గ్యార్మీ మహోత్సవానికి మంత్రి లోకేష్‌కు ఆహ్వానం

మంగళగిరి ఉండవల్లిలోని మంత్రి నారా లోకేశ్‌ నివాసంలో రత్నాల చెరువు గౌస్‌ పాక్‌ హజరత్‌ మహబూబ్‌ సుభాని గ్యార్మీ ఉత్సవ కమిటీ ప్రతినిధులు మర్యాదపూర్వకంగా కలిశారు. ఈ నెల 9న జండా చెట్టు వద్ద నిర్వహించనున్న 35వ గ్యార్మీ మహోత్సవానికి హాజరు కావాలని కోరుతూ కమిటీ కన్వీనర్‌ షేక్‌ సుభాని ఆధ్వర్యంలో మంత్రికి ఆహ్వాన పత్రిక అందజేశారు. పలువురు కమిటీ సభ్యులు పాల్గొన్నారు.