ఉద్యోగ అవకాశాల కోసం ఫ్రీ స్కిల్ ట్రైనింగ్

By Ravi M· 1h ago· Nizamabad, Nizamabad South, Nizamabad

నిజామాబాద్ జిల్లాలోని గ్రామీణ నిరుద్యోగ యువతకు DDU-GKY, NAC నిజామాబాద్ ఆధ్వర్యంలో 3 నెలల ఉచిత శిక్షణతో పాటు వసతి సౌకర్యం కల్పించనున్నట్లు NAC అసిస్టెంట్ డైరెక్టర్ జె.లింబాద్రి తెలిపారు. ఎలక్ట్రీషియన్, ల్యాండ్ సర్వేయర్ కోర్సుల్లో శిక్షణ ఇవ్వనున్నట్లు చెప్పారు. SSC లేదా అంతకంటే ఎక్కువ విద్యార్హత కలిగి, 18 నుంచి 35 ఏళ్ల మధ్య వయస్సు ఉన్న నిరుద్యోగ యువత దరఖాస్తు చేసుకోవచ్చన్నారు. ఆసక్తి ఉన్న అభ్యర్థులు 9296507557 నంబర్‌కు ఫోన్ చేయలని సూచించారు.

More in Local

Local· just now

రామాయంపేట సబ్‌స్టేషన్‌ ఎదుట రైతులు ఆందోళన

మెదక్ జిల్లా రామాయంపేట సబ్‌స్టేషన్‌ ఎదుట రైతులు రోడ్డుపై బైఠాయించి నిరసన తెలిపారు. వ్యవసాయానికి 24 గంటల విద్యుత్‌ సరఫరా చేస్తామని ప్రభుత్వం చెబుతున్నప్పటికీ క్షేత్రస్థాయిలో పరిస్థితులు భిన్నంగా ఉన్నాయని రైతులు ఆరోపించారు. విద్యుత్‌ సరఫరా సక్రమంగా లేకపోవడంతో పంటలకు నీరందించలేక ఇబ్బందులు పడుతున్నామని ఆవేదన వ్యక్తం చేశారు. కనీసం 12 గంటలు కూడా కరెంట్‌ సరఫరా కావడం లేదని, కొన్ని సందర్భాల్లో 6 నుంచి 8 గంటలు కూడా సక్రమంగా విద్యుత్‌ అందడం లేదని తెలిపారు.

Local· 1m ago

బిజ్జగూడ రోడ్డు వెంటనే పూర్తి చేయాలని నిరసన

అల్లూరి సీతారామరాజు జిల్లా అరకు మండలం బస్కి పంచాయతీ పరిధిలోని బిజ్జగూడలో రోడ్డు నిర్మాణ పనులను వెంటనే పూర్తి చేయాలని మాజీ MPTC దశరధ్ డిమాండ్ చేశారు. CPM ఆధ్వర్యంలో నిరసన చేపట్టారు. 2024లో అడవితల్లి బాట పథకం కింద రోడ్డు మంజూరైంది. కాంట్రాక్టర్ బస్కి నుంచి కొంత్రాయిగూడ మీదుగా బిజ్జగూడ వరకు పనులు ప్రారంభించి సగం వరకు కంకర, మట్టిపోసి మధ్యలోనే నిలిపివేశారు. భారీ వర్షాలకు కొట్టుకుపోయి రోడ్డు గుంతలమయం అయిందన్నారు.

Local· 5m ago

5వ వార్డులో ప్రత్యేక ఆధార్ డ్రైవ్

గుంటూరు జిల్లా తాడేపల్లి 5వ వార్డులో యానాది కాలనీ ప్రజల ఆధార్, రేషన్ కార్డు తదితర సమస్యల పరిష్కారానికి శనివారం ప్రత్యేక ఆధార్ డ్రైవ్ నిర్వహించారు. మంత్రి నారా లోకేష్ సూచనల మేరకు తహసీల్దార్ ఆధ్వర్యంలో ఈ కార్యక్రమాన్ని ఏర్పాటు చేశారు. డ్రైవ్‌లో కొత్తగా ఆధార్ నమోదు, ఆధార్ వివరాల అప్‌డేట్, e-KYC, బయోమెట్రిక్ అప్‌డేట్ సేవలు అందించారు. రేషన్ కార్డు సమస్యలను పరిష్కరించడంతో పాటు అర్హులకు కుల ధ్రువీకరణ పత్రాల సేవలను కూడా అందుబాటులోకి తీసుకువచ్చారు.

▶

Local· 5m ago

సికింద్రాబాద్ స్టేషన్‌లో దొంగతనం

సికింద్రాబాద్ రైల్వే స్టేషన్‌లో అపస్మారక స్థితిలో పడి ఉన్న ఓ ప్రయాణికుడిని లక్ష్యంగా చేసుకుని దొంగతనం జరిగింది. బాధితుడు స్పృహ లేని సమయంలో అతడి జేబులో నుంచి గుర్తుతెలియని వ్యక్తి తెలివిగా మొబైల్ ఫోన్‌ను కాజేసి పారిపోయాడు. ఈ ఘటనపై రైల్వే పోలీసులు దర్యాప్తు చేపట్టి, నిందితుడిని పట్టుకునేందుకు సీసీటీవీ దృశ్యాలను పరిశీలిస్తున్నారు