అమిత్ షాకు అభిజీత్ దీప్కే వార్నింగ్

By Vishi· 1d ago

ముంబైలోని శివాజీ పార్క్‌లో CJP ఆందోళన ప్రారంభించింది. ప్రధాన ఎన్నికల కమిషనర్ జ్ఞానేష్ కుమార్ రాజీనామా చేయాలని డిమాండ్‌తో జరిగిన ఈ నిరసనలో అభిజీత్ దీప్కేతోపాటు ఇతర ప్రముఖులు పాల్గొన్నారు. ఈ సందర్భంగా అభిజీత్ హోం మంత్రి అమిత్ షాకు వార్నింగ్ ఇచ్చారు. “అమిత్ షా.. ఈసారి లాఠీచార్జ్ కోసం ఆర్డర్లు ఇవ్వకండి. జూలై 20న మీరు ఇప్పటికే ఒక పెద్ద తప్పు చేశారు. అదే తప్పు మళ్లీ చేస్తే మేం మీ రాజీనామా కోసం డిమాండ్ చేస్తాం” అని చెప్పారు.

More in Current Affairs

Current Affairs· 5h ago

9, 10వ తేదీల్లో దేశవ్యాప్త ఆందోళనలకు SFI, DYFI పిలుపు

ఈనెల 9, 10వ తేదీల్లో DYFI, SFI సంఘాలు సంయుక్తంగా నిరసన కార్యక్రమాలు చేపట్టనున్నట్టు ప్రకటించాయి. ఢిల్లీ పోలీసుల ప్రవర్తనను నిరసిస్తూ, CEC జ్ఞానేష్ కుమార్ రాజీనామా చేయాలని డిమాండ్ చేశారు. అక్టోబర్ 9న చే గువేరా వర్ధంతి సందర్భంగా దేశంలోని ప్రధాన నగరాల్లో భారీ నిరసన ప్రదర్శనలు నిర్వహించనున్నారు. అక్టోబర్ 10న ఢిల్లీలోని జంతర్ మంతర్ వరకు శాంతియుత నిరసన ర్యాలీ చేపడతారు. ECI కి వ్యతిరేకంగా విద్యార్థుల నుంచి అభిప్రాయ సేకరణ నిర్వహించనున్నారు.

Current Affairs· 5h ago

శాంతియుత నిరసనలపై నిర్బంధమా? అభిజీత్ దీప్కే

కేంద్ర హోంమంత్రి అమిత్ షా ఆదేశాలకు అనుగుణంగా ఢిల్లీ పోలీసులు ప్రవర్తిస్తున్నారని CJP వ్యవస్థాపకుడు అభిజీత్ దీప్కే ఆరోపించారు. నిరసనకారులను అణచివేయడం ద్వారా ఢిల్లీ పోలీస్ వ్యవస్థ దేశానికే కాకుండా, ఆ సంస్థకు కూడా అవమానాన్ని తెచ్చిపెడుతోందని విమర్శించారు. ముంబై పోలీసులను చూసి ఢిల్లీ పోలీసులు నేర్చుకోవాలని హితవు పలికారు. ఢిల్లీలో నిరసన తెలుపుతున్న వాళ్లపై పోలీసులు అనవసర బలాన్ని ప్రయోగించి భయాందోళనలు సృష్టిస్తున్నారని ఆరోపించారు.

▶

Current Affairs· 5h ago

పోలీసుల అదుపులో నేహా బోరా

ఢిల్లీలో నిరసన తెలుపుతున్న విద్యార్థులను పోలీసులు మళ్లీ అదుపులోకి తీసుకున్నారు. విద్యార్థి నాయకురాలు నేహా బోరాను ఈడ్చుకుంటూ తీసుకెళ్లారు. తాము నిరసన తెలుపుతుండగా ఢిల్లీ పోలీసులు మళ్లీ అరెస్టు చేసి, పోలీసు బస్సుల్లో తీసుకెళ్లారని నేహా బోరా Xలో తెలిపారు. నిరసన తెలుపుతున్న విద్యార్థులను పోలీసులు అడ్డుకోవడంతో అక్కడ ఉద్రిక్త వాతావరణం నెలకొంది.

▶

Current Affairs· 5h ago

పోలీసుల దౌర్జన్యంపై నేహా బోరా ఫైర్

CEC జ్ఞానేష్ కుమార్ రాజీనామా చేయాలని డిమాండ్ చేస్తూ ఢిల్లీలోని జంతర్ మంతర్ దగ్గర AISA చేపట్టిన ప్రొటెస్ట్‌లో పోలీసులు ప్రవర్తించిన తీరుపై నేహా బోరా తీవ్రంగా మండిపడ్డారు. అనుమతి లేదంటూ ఆంక్షలు విధించిన పోలీసులు.. బారికేడ్లు దాటేందుకు యత్నించిన నేహా బోరాను, ఇతర విద్యార్థి నాయకులను రోడ్డుపై ఈడ్చుకెళ్లి బలవంతంగా వ్యాన్ ఎక్కించారు. తమపై జరిగిన ఈ దాడికి సంబంధించిన వీడియోను షేర్ చేస్తూ.. "ఇదా ఢిల్లీ పోలీసుల శాంతి, సేవ, న్యాయం!" అంటూ నేహా <a href="https://x.com/neha_aisa/status/2106347648857075876?s=20">ట్వీట్</a> చేశారు.