ఉత్తరాంధ్ర అభివృద్ధే లక్ష్యం : MLA

By Mohan· 45m ago· Palakonda, G.Madugula, Alluri Sitharama Raju

విజయనగరం జిల్లా రాజాంలో మాజీ జడ్పీ చైర్మన్ మజ్జి శ్రీను (చిన్న శ్రీను) చీపురుపల్లి ఎమ్మెల్యే కళా వెంకట్రావును కలిశారు. అనంతరం మీడియా సమావేశంలో ఎమ్మెల్యే మాట్లాడారు. భోగాపురం ఎయిర్పోర్ట్ రాకతో ఉత్తరాంధ్ర వెనుకబాటు తొలగిపోతుందని ఆయన అన్నారు. యువ నాయకుడు చిన్న శ్రీను TDPలో చేరడంతో పార్టీకి బలం పెరిగిందని తెలిపారు. చిన్న శ్రీను మాట్లాడుతూ.. రానున్న స్థానిక ఎన్నికల్లో కూటమి ప్రభుత్వానికి తన వంతు కృషి చేస్తానన్నారు. ఉత్తరాంధ్ర అభివృద్ధి కోసం సీనియర్ నాయకులతో కలిసి పనిచేస్తామని చెప్పారు.

More in Local

Local· 21m ago

రేపల్లె ఘటనలో కలెక్టర్, SP జోక్యం చేసుకోవాలి

జోగులాంబ గద్వాల జిల్లా రేపల్లెలో కులాంతర ప్రేమ వివాహం నేపథ్యంలో దళిత యువకుడి ఇంటిని బీసీ యువతి తరఫు వారు కూల్చేశారన్నది ఆరోపణ. ఈ మేరకు అఖిల పక్షాలు, బహుజన, ప్రజా సంఘాలు కలెక్టర్, SPకు మెమోరాండం ఇచ్చాయి. బాధిత కుటుంబాన్ని ఆదుకోవాలని, గ్రామాన్ని సందర్శించి వివరాలు సేకరించాలని కోరారు. ఇలాంటి ఘటనలు పునరావృతం కాకుండా చర్యలు తీసుకోవాలని డిమాండ్ చేశారు. గ్రామాల్లో చట్టంపై అవగాహన కార్యక్రమాలు నిర్వహించాలని సూచించారు.

Local· 29m ago

సమ్మె బాట పట్టిన VRAలు

కోనసీమ జిల్లా రాజోలులో గ్రామ రెవెన్యూ సహాయకులు సమ్మె చేపట్టారు. బుధవారం తహశీల్దార్ కార్యాలయం ఎదుట టెంట్ వేసి ఆందోళన చేస్తున్నారు. వీఆర్ఏ జాయింట్ యాక్షన్ కమిటీ పిలుపుతో ఈ సమ్మె జరుగుతోంది. సమస్యలు పరిష్కరించాలని డిమాండ్ చేశారు. గ్రామస్థాయిలో ప్రభుత్వానికి, ప్రజలకు మధ్య వారధిగా పనిచేస్తున్నామని చెప్పారు. ఎండ, వాన, పగలు, రాత్రి అనే తేడా లేకుండా విధులు నిర్వర్తిస్తున్నామన్నారు. కానీ కుటుంబానికి సరిపడే వేతనం అందడం లేదని ఆవేదన వ్యక్తం చేశారు. CM, Dy CM తమ సమస్యలను పరిశీలించి న్యాయం చేయాలన్నారు.

Local· 35m ago

NSUI బలోపేతానికి కృషి..!

జయశంకర్ భూపాలపల్లి జిల్లా ఎన్ఎస్యూఐ అధ్యక్షుడిగా పురుషోత్తం అనూప్ నియమితులయ్యారు. బుధవారం హైదరాబాద్ అసెంబ్లీ భవన్లో మంత్రి దుద్దిళ్ల శ్రీధర్ బాబును కలిశారు. తనను నియమించినందుకు కృతజ్ఞతలు తెలిపారు. ఆయన మార్గదర్శకత్వంలో పనిచేస్తూ ఎన్ఎస్యూఐని బలోపేతం చేస్తానన్నారు. విద్యార్థుల హక్కుల సాధనకు కృషి చేస్తానని స్పష్టం చేశారు.

Local· 51m ago

కాళేశ్వరం నీళ్లు రాలే.. పంట ఎండింది

వరంగల్ జిల్లా దుగ్గొండి మండలం వెంకటాపురంలో మహిళా రైతు లక్ష్మి నిరసన తెలిపారు. కాళేశ్వరం నీళ్లు రాక తన పంట ఎండిపోయిందని ఆమె ఆవేదన వ్యక్తం చేశారు. పొలంలో ఫ్లెక్సీ ఏర్పాటు చేసి తన నిరసనను చాటుకున్నారు. కాలువలో నీళ్లు అందితే పంట దక్కేదని ఆమె అన్నారు. ప్రస్తుతం అప్పులు తీర్చలేని పరిస్థితి ఏర్పడిందని తెలిపారు. ఇలాంటి పరిస్థితి ఇంకా ఎంత కాలమని, తక్షణమే ప్రభుత్వం, అధికారులు స్పందించాలని ఆమె డిమాండ్ చేస్తున్నారు.