ఠారెత్తిస్తున్న ఎండలు.. మరో 10 రోజులు ఇంతే

By aravinda nyayapati· 10 Apr 2026· Telugu Report· Hyderabad

తెలంగాణలో భానుడు భగభగలాడనున్నాడు! ఏప్రిల్ 10 నుండి 13 వరకు రాష్ట్రవ్యాప్తంగా తీవ్రమైన వడగాల్పులు వీస్తాయని వాతావరణ శాఖ (IMD) హెచ్చరించింది. ఈ నెల 22 వరకు ఎండలు అత్యధికంగా ఉంటాయని చెప్పింది. కొన్ని జిల్లాల్లో ఉష్ణోగ్రతలు 44°C దాటే అవకాశం ఉండటంతో ప్రభుత్వం హైఅలర్ట్ ప్రకటించింది. ప్రభుత్వ సూచనలు: మధ్యాహ్నం 12 నుండి 3 గంటల వరకు బయటకు రావద్దు. లేత రంగు కాటన్ దుస్తులు ధరించాలి, ఎప్పుడూ హైడ్రేటెడ్‌గా (నీరు, ORS తాగుతూ) ఉండాలి. ఉప్పు, కారం, నూనె వస్తువులకు దూరంగా ఉండాలి. తలనొప్పి, కండరాల బలహీనత లేదా స్పృహ తప్పడం వంటి లక్షణాలు కనిపిస్తే వెంటనే ఆసుపత్రికి వెళ్లాలి. హైదరాబాద్‌లో ఉష్ణోగ్రతలు 40°C వరకు నమోదయ్యే అవకాశం ఉంది. ముఖ్యంగా ఉత్తర, తూర్పు తెలంగాణ జిల్లాల్లో ఎండ తీవ్రత అత్యధికంగా ఉంటుందని వాతావరణ నిపుణులు హెచ్చరిస్తున్నారు. జాగ్రత్తగా ఉండండి!

More in Local

Local· 29m ago

భర్త కళ్లెదుటే భార్య మృతి

AP: భర్తతో కలిసి బైక్‌పై వెళ్తున్న మహిళ ప్రమాదవశాత్తు కిందపడి మృతి చెందడంతో పోలవరంలో విషాదం నెలకొంది. ఏలూరు జిల్లా పోలవరం వద్ద జరిగిన రోడ్డు ప్రమాదంలో లక్ష్మి (38) బైక్‌పై నుంచి కిందపడిపోయారు. తలకు తీవ్ర గాయాలు కావడంతో ఆమె అక్కడికక్కడే మృతి చెందారు. భర్త కళ్లెదుటే భార్య మృతి చెందడంతో కుటుంబ సభ్యులు తీవ్ర విషాదంలో మునిగిపోయారు. ఘటనపై పోలీసులు కేసు నమోదు చేసి దర్యాప్తు చేపట్టారు.

Local· 40m ago

ఖాళీ స్థలాలను హరిత వనాలుగా మార్చాలి

AP: పరిశ్రమలు ఖాళీ స్థలాలను హరిత వనాలుగా అభివృద్ధి చేసి గ్రీన్‌బెల్ట్‌ను విస్తరించాలని ఏపీ గ్రీన్ ఛైర్మన్ నాగబాబు సూచించారు. విశాఖపట్నం జిల్లాలోని దివిస్ పరిశ్రమలో గ్రీన్‌బెల్ట్ అభివృద్ధి, ప్లాంటేషన్ కార్యక్రమాలను ఆయన సమీక్షించారు. మియావాకి విధానంలో దట్టమైన వనాలను అభివృద్ధి చేయాలని, నాటిన మొక్కల సంరక్షణకు ప్రత్యేక ప్రాధాన్యం ఇవ్వాలని ఆదేశించారు. అనంతరం పరిశ్రమ ఉద్యోగులతో కలిసి మొక్కలు నాటారు. పరిశ్రమల పరిసరాల్లో పచ్చదనం పెంపొందించేందుకు చర్యలు చేపట్టాలని నాగబాబు సూచించారు.

Local· 43m ago

విద్యార్థి నాయకులకు బాధ్యతల అప్పగింత

TG: విద్యార్థుల్లో నాయకత్వ లక్షణాలు, క్రమశిక్షణ, బాధ్యత, సేవాభావాన్ని పెంపొందించడమే ఇన్వెస్టిచర్ సెరిమనీ ఉద్దేశమని నర్సంపేట శ్రీ చైతన్య పాఠశాల ప్రిన్సిపాల్ కె.అమర్నాథ్ తెలిపారు. వరంగల్ జిల్లా నర్సంపేటలోని శ్రీ చైతన్య పాఠశాలలో ఇన్వెస్టిచర్ సెరిమనీ నిర్వహించారు. ముఖ్య అతిథి AGM పద్మాకర్ నూతన విద్యార్థి నాయకులకు బ్యాడ్జీలు అందజేసి బాధ్యతలు అప్పగించారు. అనంతరం విద్యార్థి నాయకులతో ప్రమాణ స్వీకారం చేయించారు. విద్యార్థుల మార్చ్‌పాస్ట్‌, సాంస్కృతిక కార్యక్రమాలు ఆకట్టుకున్నాయి.

Local· 1h ago

మహిళా ప్రజాప్రతినిధులకు భద్రత కల్పించాలి

TG: మహిళా ప్రజాప్రతినిధులపై అనుచితంగా వ్యవహరించిన బాధ్యులపై కఠిన చర్యలు తీసుకోవాలని BRS మహిళా నాయకులు డిమాండ్ చేశారు. నిజామాబాద్‌లోని ఎన్టీఆర్ చౌరస్తా ధర్నా చౌక్‌లో మాజీ ఎమ్మెల్యే గణేష్ బిగాల ఆధ్వర్యంలో ధర్నా నిర్వహించారు. అసెంబ్లీ ఆవరణలో మహిళా ఎమ్మెల్యేలు సునీతా లక్ష్మారెడ్డి, సబితా ఇంద్రారెడ్డిపై జరిగిన ఘటనను నిరసిస్తూ ఆందోళన చేపట్టారు. మహిళా ప్రజాప్రతినిధుల భద్రతకు ప్రభుత్వం హామీ ఇవ్వాలని డిమాండ్ చేశారు.