10 రోజుల్లో భూ రీసర్వే పూర్తి చేయాలి

By శ్రీనివాస్ నాగర్ కర్నూల్· 1h ago· Kalwakurthy (Ct), Kalwakurthy, Nagarkurnool

TG: నాగర్ కర్నూల్ జిల్లా వెంకటాపూర్ గ్రామంలో భూ రీసర్వే ప్రక్రియను కలెక్టర్ హేమంత కేశవ్ పాటిల్ పరిశీలించారు. భూముల హద్దులు, విస్తీర్ణం, సర్వే నంబర్లను రికార్డులతో సరిపోల్చి ఖచ్చితత్వం, పారదర్శకతతో రీ-సర్వే నిర్వహించాలని అధికారులను ఆదేశించారు. 10 రోజుల్లో రీ-సర్వే ప్రక్రియను పూర్తి చేయాలని సూచించారు. అలాగే SIR ప్రక్రియను బూత్ స్థాయి అధికారులు, ఏజెంట్ల సమన్వయంతో సజావుగా పూర్తి చేయాలని ఆదేశించారు. రీసర్వేలో ఎలాంటి పొరపాట్లకు తావులేకుండా రికార్డుల పరిశీలనతో ప్రక్రియను పూర్తిచేయాలని సూచించారు.

More in Local

Local· 4m ago

చదువులో ప్రతిభ చూపితే నగదు ప్రోత్సాహకం

TG: నిజామాబాద్ జిల్లా నందిపేట్ తెలంగాణ రాష్ట్ర మోడల్ స్కూల్ విద్యార్థులను సర్పంచ్ ఎర్రం సిలిండర్ లింగం ప్రోత్సహించారు. సోమవారం పాఠశాలలో ప్రభుత్వం అందించిన యూనిఫాం దుస్తులు, షూస్‌ను విద్యార్థులకు పంపిణీ చేశారు. పదో తరగతిలో 550కుపైగా మార్కులు సాధించే ప్రతి విద్యార్థికి తన సొంత నిధుల నుంచి రూ.10 వేల నగదు బహుమతి అందిస్తానని ప్రకటించారు. అనంతరం పాఠశాల ప్రాంగణంలోని ఆకుకూరల నర్సరీని ప్రారంభించారు. విద్యార్థులు కష్టపడి చదివి మంచి ఫలితాలు సాధించాలని ఆకాంక్షించారు.

Local· 8m ago

రాజుగూడ పంచాయతీ భవనం ప్రారంభించాలని వినతి

TG: మంచిర్యాల జిల్లా దండేపల్లి మండలం రాజుగూడ నూతన గ్రామపంచాయతీ భవనాన్ని వెంటనే ప్రారంభించాలని సర్పంచ్ జైనేని రాజవ్వ-భీమయ్య, ఉపసర్పంచ్ మర్సుకోల్ల ప్రభాకర్ డిమాండ్ చేశారు. ఈ మేరకు ప్రజావాణిలో అధికారులకు వినతిపత్రం అందజేశారు. కార్యక్రమంలో వార్డు సభ్యులు తట్ర శంకర్, మార్నేని పద్మ, భీమక్క, ఆడాయి అనసూర్యతో పాటు మాజీ సర్పంచ్ మర్సుకోల్ల లచ్చు పటేల్, బట్టు రాజయ్య, అడాయి శంకర్, గడ్డం భీమయ్య, హన్మంతరావు తదితర గ్రామస్థులు పాల్గొన్నారు.

Local· 14m ago

మీడియా ప్రధాన కార్యదర్శిగా నిజామోద్దీన్ ఎన్నిక

TG: మంచిర్యాల జిల్లా లక్షెట్టిపేట సర్కిల్ ఎలక్ట్రానిక్ మీడియా ప్రధాన కార్యదర్శిగా ఎన్నికైన MD నిజామోద్దీన్‌ను తాళ్లపేట గ్రామపంచాయతీ కార్యాలయంలో ఘనంగా సన్మానించారు. మాజీ వైస్ ఎంపీపీ ఆకుల రాజేందర్, సర్పంచులు కుర్సెంగ కళావతి, జైనేని రాజవ్వ, ఉపసర్పంచులు పుట్టపాక తిరుపతి, మర్సుకోల్ల ప్రభాకర్ తదితరులు శాలువాలతో సత్కరించి, స్వీట్లు తినిపించి శుభాకాంక్షలు తెలిపారు. కార్యక్రమంలో మాజీ సర్పంచ్ మర్సుకోల్ల లచ్చు పటేల్‌తో పాటు పలువురు నాయకులు, ప్రజాప్రతినిధులు పాల్గొని నిజామోద్దీన్‌కు అభినందనలు తెలిపారు.

Local· 17m ago

ప్రజాసంఘాల తీరుపై కాంగ్రెస్ నేతల ఫైర్

TG: రంగారెడ్డి జిల్లా షాద్‌నగర్‌లో ప్రజా, పౌరహక్కుల సంఘాల నాయకుల తీరుపై కాంగ్రెస్ నేతలు ఆగ్రహం వ్యక్తం చేశారు. కాంగ్రెస్ ప్రభుత్వాన్ని ప్రశ్నించడం వెనుక రాజకీయ ఉద్దేశాలు ఉన్నాయని కాంగ్రెస్ గిరిజన, ఆదివాసి కోఆర్డినేటర్ పి. రఘు, మార్కెట్ కమిటీ వైస్ చైర్మన్ మహమ్మద్ అలీ ఖాన్ బాబర్, జిల్లా కాంగ్రెస్ ప్రధాన కార్యదర్శి ఎం.డి. ఇబ్రహీం ఆరోపించారు. లక్ష్మీదేవిపల్లి రిజర్వాయర్ భూసేకరణకు ఎమ్మెల్యే నిధులు తీసుకువస్తే డీపీఆర్ చూపాలంటూ ప్రశ్నించడం అనుమానాలకు తావిస్తుందన్నారు.