అధికారం పోయాకే హక్కులు గుర్తొచ్చాయా: ఉత్తమ్

By dk· 6 Aug 2026· హైదరాబాద్

TG: తొమ్మిదిన్నరేళ్లు తెలంగాణ సంపదను దోచుకున్న BRS నాయకులు ఇప్పుడు మొసలి కన్నీరు కారుస్తున్నారని మంత్రి ఉత్తమ్ కుమార్ రెడ్డి విమర్శించారు. హైదరాబాద్‌లో మీడియాతో ఆయన మాట్లాడారు. తెలంగాణ నీటి హక్కుల పరిరక్షణలో కాంగ్రెస్ ప్రభుత్వం రాజీ పడదని స్పష్టం చేశారు. కాళేశ్వరం ప్రాజెక్ట్ నిర్మాణంలో ముడుపుల ఆరోపణలపై హరీశ్ రావు సమాధానం చెప్పాలని డిమాండ్ చేశారు. AP ప్రభుత్వం ప్రాజెక్టులను వ్యతిరేకించిన ప్రతిసారి తమ ప్రభుత్వం తెలంగాణ ప్రయోజనాలను కాపాడిందన్నారు.

More in TG

TG· 46m ago

SIRపై CM రేవంత్ రెడ్డి హాట్ కామెంట్స్

కొడంగల్‌లోని తన ఇంట్లో కార్యకర్తలు, లోకల్ లీడర్స్‌తో CM రేవంత్ రెడ్డి మీట్ అయ్యారు. కొడంగల్ ప్రజలు తనను గుండెల్లో పెట్టుకోవడం వల్లే నేషనల్ లెవల్‌లో ఈ ప్రాంతానికి గుర్తింపు, గౌరవం వచ్చిందన్నారు. SIR పేరుతో కేంద్రం ఓట్ల డిలీట్ చేసే కుట్ర చేస్తోందని ఆరోపించారు. BJP అధికారంలో లేని రాష్ట్రాలనే టార్గెట్ చేస్తున్నారని, బెంగాల్‌లో ఇదే జరిగిందన్నారు. కాంగ్రెస్ అనుకూల ఓట్లను, SC, ST, మైనారిటీ ఓట్లను డిలీట్ చేయడానికి ట్రై చేస్తున్నారని విమర్శించారు. దీన్ని అడ్డుకోవాల్సిన బాధ్యత మండల నాయకులదేనన్నారు.

TG· 3h ago

జనవరి 3ను ఉపాధ్యాయ దినోత్సవంగా గుర్తించాలి

TG: సావిత్రిబాయి ఫూలే జయంతి అయిన జనవరి 3ను ప్రజా ఉపాధ్యాయ దినోత్సవంగా గుర్తించాలని ఉస్మానియా విశ్వవిద్యాలయ ప్రొఫెసర్‌ K.నాగేశ్వర్‌ అన్నారు. సెప్టెంబర్‌ 5న సర్వేపల్లి రాధాకృష్ణన్‌ జయంతిని ఉపాధ్యాయ దినోత్సవంగా నిర్వహిస్తున్నప్పటికీ, మహిళలు, దళిత-బహుజనులకు విద్య అందించేందుకు సావిత్రిబాయి చేసిన కృషికి తగిన గుర్తింపు ఇవ్వాలన్నారు. 1848లో బాలికల కోసం పాఠశాలను ప్రారంభించిన ఆమె, తీవ్ర వ్యతిరేకతను ఎదుర్కొంటూనే విద్యాహక్కు కోసం పోరాడారని తెలిపారు.

TG· 7h ago

పదవి పోయినా పార్టీని వీడను: చిన్నారెడ్డి

TG: రేవంత్‌రెడ్డి ముఖ్యమంత్రి కావాలని కోరుకున్న వారిలో నేనే మొదటి వ్యక్తిని అని కాంగ్రెస్ సీనియర్ నేత జిల్లెల చిన్నారెడ్డి అన్నారు. వనపర్తి జిల్లా గోపాల్‌పేట మండలం జయన్న తిరుమలాపురంలో ఆయన మాట్లాడారు. పదవి కోల్పోయినా కాంగ్రెస్‌తో తన అనుబంధం కొనసాగుతుందని స్పష్టంచేశారు. పార్టీకి 48 ఏళ్లుగా సేవలందించానని, వచ్చే ఎన్నికల్లో అధిష్ఠానం ఎవరికి టికెట్ ఇచ్చినా వారి గెలుపు కోసం పనిచేస్తానన్నారు. గతంలో తనకు ఎమ్మెల్యే టికెట్, రాజ్యసభ అవకాశం, మంత్రి పదవి దక్కకపోయినా పార్టీ నిర్ణయానికి కట్టుబడి పనిచేశానన్నారు.

TG· 8h ago

కొడంగల్‌ ప్రాజెక్టుపై రేవంత్ కీలక ఆదేశాలు

TG: కొడంగల్ నియోజకవర్గానికి తాగు, సాగునీరు అందించే నారాయణపేట–కొడంగల్ ఎత్తిపోతల పథకం పనులను వేగంగా పూర్తి చేయాలని CM రేవంత్‌రెడ్డి అధికారులను ఆదేశించారు. నారాయణపేట జిల్లా మద్దూరు, వికారాబాద్ జిల్లా దౌల్తాబాద్, దుద్యాల మండలాల్లో జరుగుతున్న అభివృద్ధి పనులను పరిశీలించిన CM.. హకీంపేట ఎడ్యుకేషన్ హబ్‌లో సమీక్ష నిర్వహించారు. ప్రాజెక్టు పనులకు ఇప్పటివరకు రూ.1,053 కోట్లు ఖర్చు చేశామని తెలిపారు. ఫేజ్-2 టెండర్లు త్వరగా పిలవాలని, భూత్పూర్ జలాశయం సామర్థ్యం పెంపుపై నివేదిక ఇవ్వాలని సూచించారు.