ఏనుగల్లు మత్స్య సహకార సంఘం అధ్యక్షుడిగా గుండ రాకేష్!

By Ashok Ganapuram· 1h ago· Enugal, Parvathagiri, Warangal

వరంగల్ జిల్లా పర్వతగిరి మండలంలోని ఏనుగల్లు గ్రామంలో మత్స్య పారిశ్రామిక సహకార సంఘం పాలక మండలి ఎన్నికలు గురువారం జరిగాయి. మొత్తం 19 మంది అభ్యర్థులు పోటీ చేయగా, తొమ్మిది మంది పాలక మండలి సభ్యులుగా ఎన్నికయ్యారు. వారిలో గుండ రాకేష్ అధ్యక్షుడిగా, నర్ర చంద్రమౌళి ఉపాధ్యక్షుడిగా, ధోని దేవేందర్ కార్యదర్శిగా ఏకగ్రీవంగా ఎన్నికయ్యారు. నూతన పాలకవర్గానికి సంఘం సభ్యులు అభినందనలు తెలిపారు.

More in Local

Local· just now

భూసేకరణలో దళారులను నమ్మొద్దు!

రామగుండం, ఎన్టీపీసీ, సింగరేణి, రాజాపూర్ ప్రాంతాల్లో భూసేకరణ జరుగుతోంది. పెద్దపల్లి జిల్లాలో జాతీయ రహదారులు, రైల్వే మార్గాల విస్తరణకు కూడా భూసేకరణ చేపడుతున్నారు. ఈ ప్రక్రియలో కొంతమంది దళారులు, మధ్యవర్తులు ప్రజలను మోసం చేస్తున్నారని కలెక్టర్ కోయ శ్రీహర్ష తెలిపారు. ఎక్కువ నష్టపరిహారం ఇప్పిస్తామని నమ్మిస్తూ అమాయకుల నుంచి డబ్బులు వసూలు చేస్తున్నారన్నారు. ప్రభుత్వ మార్గదర్శకాల ప్రకారం అర్హులకు నష్టపరిహారం అందుతుందని స్పష్టం చేశారు.

Local· 1m ago

అడవిలో వేట.. ముగ్గురు అరెస్ట్!

మార్కాపురం జిల్లా గిద్దలూరు డివిజన్‌లో అడవి ప్రాంతంలో చుక్కల దుప్పిని వేటాడిన ముగ్గురిని పోలీసులు అరెస్ట్ చేశారు. గుండ్లకమ్మ రేంజ్, రాచెర్ల సెక్షన్, అంబవరం బీట్, ENB-I రిజర్వ్ ఫారెస్ట్ పరిధిలో ఉచ్చులు బిగించి వేటాడారు. నిందితులు గోగుల శ్రీను, భూపాని వెంకట లక్ష్మీ నారాయణ, గుర్రం పెద్ద గురవయ్య. కోర్టు 14 రోజుల రిమాండ్ విచ్చింది. వారిని ఒంగోలు డిస్ట్రిక్ట్ జైలుకు తరలించారు. చుక్కల దుప్పి రక్షణ జాబితాలో ఉంది. వేటాడటం తీవ్ర నేరం.

▶

Local· 10m ago

ధారకొండ–గంగవరం రోడ్డు.. ప్రమాదకరం!

భారీ వర్షాలతో అల్లూరి సీతారామరాజు జిల్లాలోని గూడెం కొత్త వీధిలోని ధారకొండ–గంగవరం రహదారి అధ్వానంగా మారింది. రోడ్డుపై వర్షపు నీరు చేరింది. ప్రయాణం ప్రమాదకరంగా మారిందని ప్రయాణికులు చెబుతున్నారు. వెళ్లి తిరిగి రావడానికి కూడా ఇబ్బందులు పడుతున్నారు. అధికారులు వెంటనే పరిశీలించి మరమ్మతులు చేపట్టాలని కోరుతున్నారు.

Local· 18m ago

సీనియర్ జర్నలిస్ట్ కుటుంబానికి సత్యవతి రాథోడ్ పరామర్శ!

మహబూబాబాద్ జిల్లా కురవి మండలం అయ్యగారిపల్లి గ్రామానికి చెందిన సీనియర్ జర్నలిస్ట్ పూర్ణచందర్ తండ్రి అనుగోజు కోటయ్య ఇటీవల మృతి చెందారు. మాజీ మంత్రి, బీఆర్ఎస్ జనరల్ సెక్రటరీ సత్యవతి రాథోడ్ శుక్రవారం వారి నివాసానికి వెళ్లి కుటుంబ సభ్యులను పరామర్శించారు. పూర్ణచందర్, కుటుంబ సభ్యులకు ప్రగాఢ సానుభూతి తెలిపారు. కార్యక్రమంలో బీఆర్ఎస్ నాయకులు బజ్జురి పిచ్చిరెడ్డి, ఐలి నరహరి గౌడ్, బొడ శ్రీను నాయక్, మాజీ సర్పంచ్ కె. వెంకన్న తదితరులు పాల్గొన్నారు.