నూతక్కిలో MLM మోసం.. 36 లక్షలు!

By BUJJIBABU· 1h ago· Bhadravathi Nagar, Mangalagiri, Guntur

గుంటూరు జిల్లా మంగళగిరి మండలం నూతక్కి గ్రామంలో WINFITH సంస్థ పేరుతో సుమారు 36 లక్షలు వసూలు చేసి మోసం చేశారని పలువురు బాధితులు ఆరోపించారు. లక్షా 20 వేలు పెట్టుబడి పెడితే ఐదు నెలల్లో 2 లక్షలు తిరిగి ఇస్తామని చెప్పి, ఏజెంట్ షేక్ రజాక్ ద్వారా సుమారు 30 మంది నుంచి డబ్బులు వసూలు చేసినట్లు బాధితులు తెలిపారు. కానీ ఆరు నెలలకే సంస్థ కార్యకలాపాలు నిలిచిపోయాయని, తమ డబ్బు తిరిగి ఇప్పించాలని, బాధ్యులపై చట్టపరమైన చర్యలు తీసుకోవాలని అధికారులను కోరారు.

More in Local

Local· just now

ఫార్మసిస్ట్ డే.. GGUSOPలో సందడి!

తూర్పుగోదావరి జిల్లా రాజమహేంద్రవరం జి.జి.యు. స్కూల్ ఆఫ్ ఫార్మసీలో ప్రపంచ ఫార్మసిస్ట్ దినోత్సవం ఘనంగా జరిగింది. "స్వస్థ భారత్–కంబాటింగ్ AMR" థీమ్‌తో విద్యార్థులకు యాంటీమైక్రోబయల్ రెసిస్టెన్స్‌పై అవగాహన కల్పించారు. డీన్ డా. ఎం.డి. ధన్ రాజు మాట్లాడుతూ యాంటీబయాటిక్స్ వైద్యుల సూచనల మేరకే వాడాలని సూచించారు. ఫార్మసిస్ట్ డాక్టర్, పేషెంట్ మధ్య కీలక లింక్ అన్నారు. కార్యక్రమంలో డా. వి.డి. సుందర్, షేక్ మీరా, అధ్యాపకులు, 160 మంది విద్యార్థులు పాల్గొన్నారు.

Local· 5m ago

బైపాస్ రోడ్డు బాధిత రైతుల ఆందోళన

బాపట్ల జిల్లాలోని ల ఓడరేవు బైపాస్ రోడ్డు (167-A) శంకుస్థాపనకు వచ్చిన ప్రజాప్రతినిధులు, అధికారులకు రైతులు మెమోరాండం ఇచ్చేందుకు ట్రై చేశారు. కానీ వారు తీసుకోలేదని PDM నేతలు చెప్పారు. నష్టపరిహారం ఇవ్వకుండా శంకుస్థాపన చేయడం ఆందోళనకరమన్నారు. ఈ చర్యలను ఖండించారు. రైతులకు చెల్లించాల్సిన నష్టపరిహారం వెంటనే ఇవ్వాలని డిమాండ్ చేశారు.

Local· 8m ago

జిల్లా ఉత్తమ టీచర్ అవార్డు.. రవీందర్ సత్తా!

వికారాబాద్ జిల్లా బషీరాబాద్ మండలం PRTUTS అధ్యక్షులు ఎం. రవీందర్ జిల్లా ఉత్తమ ఉపాధ్యాయ పురస్కారానికి ఎంపికయ్యారు. విద్యార్థుల అభ్యున్నతికి ఆయన అందిస్తున్న సేవలను గుర్తించి ఈ అవార్డు ఇచ్చారు. రవీందర్‌కు PRTUTS నాయకులు, తోటి ఉపాధ్యాయులు, పలువురు శుభాకాంక్షలు తెలిపారు.

Local· 9m ago

వరదలో పంటలు నష్టం.. MLC పర్యటన!

వర్షాలు రైతులను కుదేలు చేశాయి. విజయనగరం జిల్లా వంగర మండలంలో కొండచకరాపల్లి, కొప్పర ప్రాంతాల్లో వరి, కూరగాయలు, అరటి తోటలు దెబ్బతిన్నాయి. వైఎస్సార్సీపీ ఎమ్మెల్సీ పాలవలస విక్రాంత్ ఆ ప్రాంతాలను పరిశీలించారు. బాధిత రైతులను పరామర్శించారు. పంట నష్టాన్ని వెంటనే అంచనా వేయాలని, ప్రభుత్వం తరఫున నష్టపరిహారం అందించాలని అధికారులను కోరారు. అర్హులైన ప్రతి రైతుకు న్యాయం జరగాలన్నారు.