అక్కన్నపేటలో బీజేపీ నేతల అరెస్ట్

By A VIJAY KUMAR· 1h ago· Husnabad, Husnabad, Siddipet

TG: ఫీజు రీయింబర్స్‌మెంట్ బకాయిలను వెంటనే విడుదల చేయాలని డిమాండ్ చేస్తూ హైదరాబాద్‌లో అసెంబ్లీ ముట్టడికి వెళ్తున్న సిద్దిపేట జిల్లా అక్కన్నపేట బీజేపీ నాయకులను పోలీసులు అరెస్టు చేశారు. తెలంగాణ BJYM ఆధ్వర్యంలో చేపట్టిన కార్యక్రమానికి తరలివెళ్తున్న నాయకులను అక్కన్నపేట పోలీసులు అదుపులోకి తీసుకున్నారు. ఈ సందర్భంగా నాయకులు మాట్లాడుతూ.. ప్రజల తరఫున ప్రశ్నించే గొంతును అణచివేయడం ప్రజాస్వామ్యాన్ని అవమానించడమేనన్నారు. ఫీజు రీయింబర్స్‌మెంట్ బకాయిలను తక్షణమే విడుదల చేయాలని ప్రభుత్వాన్ని డిమాండ్ చేశారు.

More in Local

Local· 2m ago

బిగ్ బాస్ హౌస్‌లోకి వెళ్లిన 16 మంది వీళ్లే!

రియాలిటీ షో 'బిగ్ బాస్ తెలుగు సీజన్ 10' గ్రాండ్‌గా స్టార్ట్ అయింది. హోస్ట్ నాగార్జున 'దశావతారం' థీమ్‌తో 16 మంది కంటెస్టెంట్లను హౌస్‌లోకి వెల్‌కమ్ చేశారు. ఈసారి కృష్ణుడు, చైత్ర రాయ్, వర్షిణి, వంశీ, ముకేష్, అదితి ఈశ్వరన్, రామ్ ప్రసాద్, సుధీర్, నరేష్, డెబ్జానీ, ఝాన్సీ, అమన్, చరణ్, షాలిని, రోహిత్, శ్రేష్ఠి బిగ్ బాస్ హౌస్‌లోకి ఎంట్రీ ఇచ్చారు. విభిన్న రంగాలకు చెందిన ఈ 16 మందితో ఈ సీజన్ స్టార్ట్ అయింది.

Local· 26m ago

దున్నపోతుకు వినతిపత్రం ఇచ్చిన గ్రామస్తులు

TG: కాంగ్రెస్ ప్రభుత్వం ఎన్నికల్లో ఇచ్చిన 6 గ్యారంటీలు, 13 డిక్లరేషన్లు అమలు చేయడంలో విఫలమైందంటూ ఆదిలాబాద్ జిల్లా ఇచ్చోడ మండలం ముఖరా(కె) గ్రామస్తులు వినూత్న నిరసన చేపట్టారు. “ముఖ్యమంత్రికి మొరపెట్టుకున్నా పట్టించుకోవడం లేదు.. ఆయనకు చెప్పినా, దున్నపోతుకు చెప్పినా ఒక్కటే” అంటూ గ్రామంలోని దున్నపోతుకు వినతిపత్రం అందజేశారు. మాజీ సర్పంచ్ గాడ్గే మీనాక్షి మాట్లాడుతూ.. 100 రోజుల్లో హామీలను అమలు చేస్తామని చెప్పి కాంగ్రెస్ ప్రభుత్వం ప్రజలను మోసం చేసిందని విమర్శించారు.

Local· 34m ago

తార్నాకలో బండ కార్తికరెడ్డి ముందస్తు అరెస్ట్

TG: ఫీజు రీయింబర్స్‌మెంట్‌, స్కాలర్‌షిప్‌ బకాయిలను వెంటనే విడుదల చేయాలని బీజేపీ చేపట్టిన అసెంబ్లీ ముట్టడి నేపథ్యంలో హైదరాబాద్‌ తార్నాకలో మాజీ మేయర్‌, బీజేపీ రాష్ట్ర ఉపాధ్యక్షురాలు బండ కార్తికరెడ్డిని పోలీసులు ముందస్తుగా అరెస్ట్ చేశారు. ఇందిరాపార్కు వద్ద నిరసనకు అనుమతి కోరినా పోలీసులు నిరాకరించారని ఆమె తెలిపారు. కాంగ్రెస్ ప్రభుత్వం ఎన్నికల హామీలను అమలు చేయడంలో విఫలమైందని విమర్శించారు. ఫీజు రీయింబర్స్‌మెంట్‌, స్కాలర్‌షిప్‌ బకాయిలు చెల్లించకుండా విద్యార్థుల భవిష్యత్తుతో చెలగాటం ఆడుతుందన్నారు.

Local· 48m ago

చిన్నపోర్ల గేట్ వద్ద విద్యార్థుల ధర్నా

TG: నారాయణపేట జిల్లా ఊట్కూర్ మండలం చిన్నపోర్ల గేట్ వద్ద బస్సుల సమయపాలన, అదనపు సర్వీసులు ఏర్పాటు చేయాలని డిమాండ్ చేస్తూ విద్యార్థులు సోమవారం రోడ్డుపై బైఠాయించి ధర్నా నిర్వహించారు. బస్సులు నిర్ణీత సమయానికి రాకపోవడంతో పాఠశాలలు, కళాశాలలకు ఆలస్యంగా చేరుకోవాల్సి వస్తోందని విద్యార్థులు ఆవేదన వ్యక్తం చేశారు. ఉదయం వేళల్లో రద్దీ అధికంగా ఉండటంతో బస్సులు సరిపోక తీవ్ర ఇబ్బందులు పడుతున్నామని తెలిపారు. విద్యార్థుల ధర్నాతో కొంతసేపు వాహనాల రాకపోకలకు అంతరాయం ఏర్పడింది. అ