నైతిక బాధ్యతతో పవన్ తప్పుకోవాలి

AP: కాకినాడ జిల్లా తుని మండలం అగ్రహారంలో మిస్సైన చిన్నారి జ్ఞానేశ్వరి కుటుంబాన్ని భారతీయ చైతన్య యువజన పార్టీ అధ్యక్షుడు బోడె రామచంద్ర యాదవ్ పరామర్శించారు. చిన్నారి జ్ఞానేశ్వరి ఆచూకీ కనుగొనడంలో ప్రభుత్వం పూర్తిగా విఫలమైందని ఆరోపించారు. ప్రతిపక్షంలో ఉన్నప్పుడు మహిళల అదృశ్య ఘటనలపై గట్టిగా మాట్లాడిన డిప్యూటీ CM పవన్ కళ్యాణ్, రెండేళ్ల చిన్నారి జ్ఞానేశ్వరి ఆచూకీ విషయంలో మాత్రం కనీసం స్పందించడం లేదని విమర్శించారు. ఘటనపై నైతిక బాధ్యత వహిస్తూ పవన్ కళ్యాణ్ వెంటనే తన డిప్యూటీ CM పదవికి రాజీనామా చేయాలని డిమాండ్ చేశారు.