యంగ్ ఫిల్మ్ మేకర్ ఛాలెంజ్-2026

By Srisailam· 22 Aug 2026· Hyderabad

తెలంగాణ FDC ఆధ్వర్యంలో 'యంగ్ ఫిల్మ్ మేకర్ ఛాలెంజ్- 2026 - సీజన్ 2' పోటీలు ప్రారంభమయ్యాయి. హైదరాబాద్‌లో FDC ఛైర్మన్ దిల్ రాజు సూచనతో MD జి. ముకుంద రెడ్డి, క్రియేటివ్ డైరెక్టర్ రాజ్ కొండా ఈ పోస్టర్‌ను రిలీజ్ చేశారు. తెలంగాణ చరిత్ర, సంస్కృతి, ప్రభుత్వ పథకాలపై షార్ట్ ఫిల్మ్స్ (3 నిమిషాలు), పాటలు (5 నిమిషాలు), జానపద గేయాలు, ఇన్ఫ్లుయెన్సర్ వీడియోల కేటగిరీల్లో ఈ కాంపిటీషన్ ఉంటుంది. సెప్టెంబర్ 15 లోగా ఎంట్రీలను పంపించాలి. ఫస్ట్ ప్రైజ్ గెలుచుకున్న వారికి రూ. 3 లక్షల బహుమతి లభిస్తుంది.

More in Local

Local· 17m ago

బీజేపీ జిల్లా కార్యదర్శి అరెస్ట్

TG: ఖమ్మం జిల్లా సత్తుపల్లిలో “ఫీజు బకాయి బీజేపీ లడాయి” కార్యక్రమానికి వెళ్లకుండా బీజేపీ జిల్లా కార్యదర్శి పాలా నాగ సురేంద్ర రెడ్డిని పోలీసులు ముందస్తుగా అరెస్ట్ చేశారు. దీనిపై పాలా నాగ సురేంద్ర రెడ్డి స్పందిస్తూ అరెస్టులతో ఉద్యమాన్ని ఆపలేరని అన్నారు. రాష్ట్ర ప్రభుత్వం ఫీజు బకాయిలను వెంటనే విడుదల చేయాలని డిమాండ్ చేశారు. బకాయిలు విడుదల చేయకపోతే పోరాటాన్ని మరింత ఉధృతం చేస్తామని హెచ్చరించారు. బీజేపీ కార్యకర్తలు అరెస్టులకు, కేసులకు భయపడరని స్పష్టం చేశారు.

Local· 30m ago

చైన్ స్నాచింగ్‌లపై అవగాహన

AP: అనంతపురం జిల్లా గుత్తి పట్టణంలోని ఎమ్మెస్ జూనియర్ కళాశాల గ్రౌండ్‌లో వాకర్స్‌కు చైన్ స్నాచింగ్‌లు, దొంగతనాలపై పోలీసులు అవగాహన కల్పించారు. గుత్తి సీఐ రామారావు ఆదేశాల మేరకు ఎస్సైలు సురేష్, అమీర్ ఖాన్ ఆధ్వర్యంలో హెడ్ కానిస్టేబుల్ హనుమంతప్ప ఈ కార్యక్రమం నిర్వహించారు. మహిళలు, వృద్ధులు, ఒంటరిగా ప్రయాణించే వారు అప్రమత్తంగా ఉండాలని సూచించారు. బయటకు వెళ్లేటప్పుడు ఖరీదైన బంగారు ఆభరణాలను బహిరంగంగా ధరించవద్దని, ద్విచక్ర వాహనాలపై వెనుక నుంచి వచ్చే వ్యక్తుల పట్ల జాగ్రత్తగా ఉండాలని తెలిపారు.

Local· 10h ago

కాంగ్రెస్ బలోపేతానికి ఐక్యంగా పనిచేయాలి

TG: మహబూబాబాద్ జిల్లా కేసముద్రం మండల కాంగ్రెస్ పార్టీ అధ్యక్షుడిగా నూతనంగా ఎన్నికైన చిలువేరు సమ్మయ్య గౌడ్‌ను కాట్రపల్లి గ్రామ కాంగ్రెస్ కమిటీ అధ్యక్షుడు జల్లే యాకాంబరం ఆధ్వర్యంలో ఘనంగా సన్మానించారు. ఈ సందర్భంగా కాంగ్రెస్ పార్టీ బలోపేతానికి నాయకులు, కార్యకర్తలు ఐక్యంగా కృషి చేయాలని సూచించారు. ప్రభుత్వం అమలు చేస్తున్న సంక్షేమ పథకాలు అర్హులైన పేదలకు చేరేలా పనిచేయాలని పిలుపునిచ్చారు. కార్యక్రమంలో కాంగ్రెస్ నాయకులు, కార్యకర్తలు పాల్గొని నూతన మండల అధ్యక్షుడు సమ్మయ్య గౌడ్‌కు శుభాకాంక్షలు తెలిపారు.

Local· 10h ago

రైతు బిడ్డకు MBBS సీటు.. అభినందనల వెల్లువ

TG: జగిత్యాల జిల్లా ఎండపల్లి మండలం కొండాపూర్‌కు చెందిన రైతు కుటుంబం కుమార్తె మహమ్మద్ ఆయేషా నీట్‌లో ఉత్తీర్ణత సాధించి జగిత్యాల ప్రభుత్వ మెడికల్ కాలేజీలో MBBS సీటు సాధించింది. ఎండపల్లి మండల ఎమ్మార్పీఎస్ అధ్యక్షుడు చెన్న కుమారస్వామి ఆయేషాను సన్మానించి అభినందించారు. గ్రామీణ ప్రాంతానికి చెందిన విద్యార్థిని వైద్య విద్యలో సీటు సాధించడం అభినందనీయమని, ఆయేషా గ్రామీణ విద్యార్థులకు స్ఫూర్తిగా నిలిచిందని పేర్కొన్నారు. పట్టుదలతో చదివితే గ్రామీణ విద్యార్థులు కూడా ఉన్నత లక్ష్యాలను సాధించగలరని తెలిపారు.