అసెంబ్లీ ముట్టడికి యత్నం.. పలువురు జనసేన నేతల అరెస్ట్

By Sunke Vinith· 57m ago

TG: ప్రజా సమస్యల పరిష్కారం కోరుతూ హైదరాబాద్‌లో అసెంబ్లీ ముట్టడికి యత్నించిన జనసేన తెలంగాణ రాష్ట్ర ఇంచార్జ్ నేమూరి శంకర్ గౌడ్‌తో పాటు పలువురు జనసేన నాయకులను పోలీసులు అదుపులోకి తీసుకున్నారు. అసెంబ్లీ పరిసరాల్లో ఉద్రిక్త పరిస్థితులు తలెత్తకుండా ముందస్తు చర్యల్లో భాగంగా వారిని అదుపులోకి తీసుకున్నట్లు పోలీసులు తెలిపారు. అనంతరం నేమూరి శంకర్ గౌడ్‌తో పాటు నాయకులను సమీప పోలీస్ స్టేషన్‌కు తరలించారు. ప్రజా సమస్యలను ప్రభుత్వం పరిష్కరించాలని జనసేన నాయకులు డిమాండ్ చేశారు.

More in Local

▶

Local· 3m ago

తాత మధు ఎమ్మెల్సీ పదవిని రద్దు చేయాలి

TG: అసెంబ్లీ స్పీకర్‌ గడ్డం ప్రసాద్‌కుమార్‌పై BRS ఎమ్మెల్సీ తాతా మధుసూదన్‌ చేసిన వ్యాఖ్యలు అహంకారానికి నిదర్శనమని వరంగల్ జిల్లా నర్సంపేట దళిత కాంగ్రెస్‌ నేత బాణాల శ్రీనివాస్‌ అన్నారు. నర్సంపేటలో నిర్వహించిన విలేకరుల సమావేశంలో ఆయన మాట్లాడారు. స్పీకర్‌పై అనుచిత వ్యాఖ్యలు చేసిన తాతా మధు శాసనమండలి సభ్యత్వాన్ని రద్దు చేయాలని, SC, ST అట్రాసిటీ చట్టం కింద కేసు నమోదు చేయాలని డిమాండ్‌ చేశారు. BRS నేతలు దళిత సమాజానికి క్షమాపణ చెప్పాలని కోరారు. సమావేశంలో పలువురు కాంగ్రెస్‌ నాయకులు పాల్గొన్నారు.

Local· 11m ago

సీఎం సహాయనిధి చెక్కుల పంపిణీ

TG: వరంగల్ జిల్లా ఖానాపురంలో అనారోగ్యానికి గురై చికిత్స పొందిన ఆరుగురు బాధితులకు సీఎం సహాయనిధి చెక్కులను మంగళవారం పంపిణీ చేశారు. ఎమ్మెల్యే దొంతి మాధవరెడ్డి సహకారంతో నర్సంపేట ఏఎంసీ వైస్‌చైర్మన్, ఖానాపురం మండల కాంగ్రెస్‌ అధ్యక్షుడు శాఖమూరి హరిబాబు లబ్ధిదారులకు చెక్కులు అందజేశారు. కొరటాల వెంకటేశ్వర్లుకు రూ.26,500, చూడి ప్రతాపరెడ్డికి రూ.60 వేలు, సుమాలికి రూ.54 వేలు, కలఅమ్మకు రూ.95 వేలు, గొల్లపల్లి కుమారస్వామికి రూ.5,500, వి.వెంకటేశ్వర్లుకు రూ.24 వేలు మంజూరయ్యాయి.

సిబ్బంది లేకున్నా ఫ్యాన్లు.. విద్యుత్ వృథా

▶

Local· 37m ago

సిబ్బంది లేకున్నా ఫ్యాన్లు.. విద్యుత్ వృథా

TG: జగిత్యాల జిల్లాలో పౌరసరఫరాల శాఖ కార్యాలయంలో సిబ్బంది లేకున్నా ఫ్యాన్లు నిరంతరం తిరుగుతూ విద్యుత్ వృథా అవుతున్నాయి. మధ్యాహ్న సమయంలో కార్యాలయంలో సిబ్బంది అందుబాటులో లేకపోయినా విద్యుత్ పరికరాలను ఆపకుండా వదిలేయడం అధికారుల నిర్లక్ష్యానికి నిదర్శనంగా నిలుస్తోందని స్థానికులు విమర్శించారు. ప్రజాధనంతో విద్యుత్ బిల్లులు చెల్లిస్తున్న నేపథ్యంలో ఇలాంటి వృథాను వెంటనే అరికట్టాలని కోరుతున్నారు. సంబంధిత అధికారులు స్పందించి కార్యాలయాల్లో విద్యుత్ వినియోగంపై పర్యవేక్షణ పెంచాలని స్థానికులు కోరారు.

Local· 45m ago

జాతీయ ఆరోగ్య లక్ష్యాలు సాధించాలి: డాక్టర్ పవిత్ర

TG: పెద్దపల్లి జిల్లాలో జాతీయ ఆరోగ్య కార్యక్రమాల లక్ష్యాలను సిబ్బంది సమన్వయంతో పనిచేసి సాధించాలని జిల్లా వైద్య ఆరోగ్యశాఖ అధికారి డాక్టర్ వై. పవిత్ర సూచించారు. విధి నిర్వహణలో నిర్లక్ష్యం, సమయపాలన లోపిస్తే చర్యలు తప్పవని హెచ్చరించారు. వర్షాకాలంలో మలేరియా, డెంగ్యూ, ఫైలేరియా తదితర వ్యాధులపై ఇంటింటి సర్వే నిర్వహించి రక్త నమూనాలు సేకరించాలని ఆదేశించారు. గర్భిణీలు, పిల్లలకు సకాలంలో వైద్య సేవలు, టీకాలు అందించాలని, అర్హులైన బాలికలకు HPV వ్యాక్సిన్ అందేలా చూడాలని సూచించారు.