మద్యం ధరలకు రెక్కలు..

By Lokesh· 1h ago· Indiatimes

తెలంగాణలో కొన్ని విదేశీ మద్యం బ్రాండ్ల MRP ధరలను సవరించారు. దీంతో 750ml Dom Perignon Rose Champagne బాటిల్‌ ధర ₹1,08,200 నుంచి ₹1,16,560కు పెరిగింది. అంటే ఒక్కో బాటిల్‌పై ₹8,360 పెరిగింది. Moet Ice Champagne ధర ₹15,400 నుంచి ₹18,870కు, Brut Imperial Champagne ధర ₹11,650 నుంచి ₹14,270కు చేరింది. మరికొన్ని ఎంపిక చేసిన వోడ్కా, జిన్‌, స్కాచ్‌ విస్కీ, సింగిల్‌ మాల్ట్‌ విస్కీ, టెకిలా, వైన్‌ బ్రాండ్ల ధరలు కూడా ₹170 నుంచి ₹960 వరకు పెరిగాయి.

More in TG

TG· 44m ago

ఆదిలాబాద్‌లో వందల కోట్ల పెట్టుబడుల మోసం

TG: ఆదిలాబాద్‌లో వందల కోట్ల పెట్టుబడుల మోసం వెలుగు చూసింది. యూనిక్ సంస్థల పేరుతో అధిక లాభాల ఆశ చూపి ప్రజల నుంచి భారీగా డబ్బులు వసూలు చేశారు. ఈ కేసులో ప్రధాన నిందితుడిని పోలీసులు అరెస్ట్ చేశారు. దేశవ్యాప్తంగా సుమారు 10 వేల మంది బాధితులు ఉన్నట్లు ప్రాథమిక అంచనాలో తేలింది. తెలంగాణలో 14 కేసులు నమోదు కాగా, ఆదిలాబాద్ జిల్లాలో 2,000 మంది నుంచి రూ.7–8 కోట్ల లావాదేవీలు జరిగినట్లు పోలీసులు వెల్లడించారు.

TG· 45m ago

గ్లోబల్ సమ్మిట్‌.. 2.0

తెలంగాణ సంస్కృతి, కళలు, చారిత్రక కట్టడాలు, పర్యాటక ప్రాంతాలను ప్రపంచానికి పరిచయం చేసేందుకు రాష్ట్ర ప్రభుత్వం ప్రత్యేక ఏర్పాట్లు చేస్తోంది. డిసెంబర్ 7, 8, 9 తేదీల్లో నిర్వహించనున్న గ్లోబల్ సమ్మిట్‌-2.0లో తెలంగాణ గొప్పదనాన్ని చాటిచెప్పాలని నిర్ణయించింది. రామప్ప గుడి, గద్వాల చీరలు, బతుకమ్మ, పేరొందిన పర్యాటక ప్రాంతాలు, రాష్ట్ర కళలు, హస్తకళలను ప్రపంచ స్థాయిలో ప్రదర్శించేందుకు ప్రణాళికలు సిద్ధం చేస్తోంది. ఈ కార్యక్రమాల ద్వారా తెలంగాణకు మరింత గుర్తింపు తీసుకురావాలని ప్రభుత్వం భావిస్తోంది.

TG· 1h ago

గోవా డ్రగ్ పెడ్లర్ లిస్టులో వెయ్యిమంది తెలుగోళ్లు!

TG: గోవాలో డ్రగ్స్‌ సరఫరా చేస్తున్న ఇద్దరిని ఈగల్‌ ఫోర్స్‌ అధికారులు అరెస్టు చేశారు. నిందితుల్లో ఒకరైన ప్రీతీష్‌ నారాయణ్‌ బోర్కర్‌ ఫోన్‌ కాంటాక్ట్‌ లిస్టులో తెలుగు రాష్ట్రాలకు చెందిన వెయ్యి మంది వివరాలు ఉన్నట్లు గుర్తించారు. వీరిలో తెలంగాణకు చెందిన 800 మంది, APకి చెందిన 200 మంది ఉన్నట్లు అధికారులు అనుమానిస్తున్నారు. దీనిపై అధికారులు దర్యాప్తు చేస్తున్నారు. రీసెంట్ గా గోవా వెళ్లిన సీఎం రేవంత్.. తెలంగాణకి డ్రగ్స్ గోవా నుంచే వస్తున్నాయని ఆరోపించారు.

TG· 1h ago

NIMSలో OP టైమింగ్స్ పెంపు..

TG: హైదరాబాద్‌ NIMS హాస్పిటల్‌లో OP రిజిస్ట్రేషన్ల టైం మధ్యాహ్నం 2 గంటల వరకు పొడిగించారు. గతంలో ఉదయం 8 నుంచి 11 గంటల వరకే రిజిస్ట్రేషన్లు జరిగేవి. ఈ నిర్ణయంతో దూరప్రాంతాల నుంచి వచ్చే పేషంట్స్‌కి ప్రయోజనం కలగనుంది. MRI కాకుండా ఇతర మెడికల్ టెస్టులు అదే రోజు టెస్ట్ చేసి, ఒకటి రెండు గంటల్లోనే రిపోర్టులు అందించేలా చర్యలు తీసుకుంటున్నారు. దీంతో పేషంట్స్‌ అదే రోజు డాక్టర్‌లను సంప్రదించి చికిత్స పొందవచ్చు. డాక్టర్లు సాయంత్రం వరకు అందుబాటులో ఉండనున్నారు.