ఎమ్మెల్సీ ఎన్నికలపై ఆర్డీవో కీలక సూచన

By Bala· 1h ago

భూపాలపల్లి ఆర్డీవో హరికృష్ణ పట్టభద్రులు ఎమ్మెల్సీ ఎన్నికల కోసం ఓటరుగా నమోదు చేసుకోవాలని సూచించారు. ఎన్నికల కమిషన్ ఆదేశాల మేరకు రాజకీయ పార్టీల ప్రతినిధులతో సమావేశం నిర్వహించి ఓటరు నమోదు, పోలింగ్ కేంద్రాలపై చర్చించారు. 2025 నవంబర్ 11లోగా డిగ్రీ పూర్తి చేసిన అర్హులు ఆన్‌లైన్‌లో దరఖాస్తు చేసుకుని, దాని ప్రతిని సంబంధిత తహసీల్దార్ కార్యాలయంలో అందజేయాలని తెలిపారు. గతంలో ఓటు వేసినవారు కూడా మళ్లీ దరఖాస్తు చేయాలని సూచించారు.

More in Local

Local· 2m ago

అనంతపురం రూరల్ ASPగా అశ్విన్ మణిదీప్

అనంతపురం జిల్లా రూరల్ ASPగా అశ్విన్ మణిదీప్ నియమితులయ్యారు. ఈ మేరకు రాష్ట్ర ప్రభుత్వం తాజాగా ఉత్తర్వులు జారీ చేసింది. కొంతకాలంగా ఖాళీగా ఉన్న రూరల్ ASP పోస్టులో ఆయనను నియమించారు. ఇదే జిల్లాలో IPS శిక్షణ పొందిన అశ్విన్ మణిదీప్.. గతంలో నమోదైన హనీట్రాప్ కేసు దర్యాప్తులో కీలకంగా వ్యవహరించారు.

Local· 31m ago

అంగన్వాడీ ఉత్సవాల్లో పోషకాహారంపై అవగాహన

కర్నూలు జిల్లా గూడూరు మండలం తిరువెంగళాయపల్లి అరుంధతివాడలో అంగన్వాడీ ఉత్సవాలు నిర్వహించారు. సేవా సంకల్ప్ అభియాన్‌లో భాగంగా సూపర్‌వైజర్ చెంచులక్ష్మి ఆధ్వర్యంలో కార్యక్రమం జరిగింది. ICDS CDPO ఎస్.కె. మహబూబి పాల్గొని తల్లులకు పోషకాహారంపై అవగాహన కల్పించారు. పిల్లలు, తల్లులు ఆరోగ్యంగా ఉండేందుకు పోషకాలు అందించే ఆహార పదార్థాలను తీసుకోవాలని సూచించారు. కార్యక్రమంలో సూపర్‌వైజర్లు, అంగన్వాడీ టీచర్ ఈశ్వరమ్మ, ఆశాకార్యకర్తలు పాల్గొన్నారు.

Local· 36m ago

వృద్ధుల కోసం అవగాహన ర్యాలీ

వనపర్తిలో అంతర్జాతీయ వృద్ధుల దినోత్సవం సందర్భంగా వృద్ధుల హక్కులు, రక్షణ చట్టాలపై అవగాహన కల్పించేందుకు ర్యాలీ నిర్వహించారు. పాలిటెక్నిక్ కళాశాల మైదానం నుంచి ప్రభుత్వ బాలుర జూనియర్ కళాశాల వరకు జరిగిన ర్యాలీని అదనపు కలెక్టర్ బీమ్యా నాయక్ ప్రారంభించారు. వృద్ధులను నిర్లక్ష్యం చేయకుండా వారి అవసరాలను గుర్తించి అండగా నిలవడం సమాజ బాధ్యత అని ఆయన అన్నారు. కార్యక్రమంలో అధికారులు పాల్గొన్నారు.

Local· 44m ago

శతాధిక వృద్ధుడి మృతి

సిద్దిపేట జిల్లా బెజ్జంకి మండలం గాగిల్లాపూర్ గ్రామంలో విషాదం నెలకొంది. శతాధిక వయసు వరకు జీవించి మూడు తరాలను చూసిన అన్నాడి కృష్ణారెడ్డి 105 ఏళ్ల వయసులో గురువారం కన్నుమూశారు. వృద్ధాప్యంతో ఆయన మృతి చెందడంతో కుటుంబ సభ్యులు, బంధువులు, గ్రామస్తులు తీవ్ర విషాదంలో మునిగిపోయారు. కృష్ణారెడ్డికి ఇద్దరు కుమారులు, మనుమలు ఉన్నారు. ఆయన మృతితో గ్రామంలో విషాద వాతావరణం నెలకొంది. కృష్ణారెడ్డి మృతి పట్ల పలువురు ప్రముఖులు, గ్రామస్తులు ప్రగాఢ సంతాపం వ్యక్తం చేశారు.