భీమదేవరపల్లి మండలంలో రోడ్డు ప్రమాదం

By rajinikanth nagilla· 1d ago· Bheemadevarpalle, Bheemadevarpalli, Hanumakonda

హనుమకొండ జిల్లా భీమదేవరపల్లి మండలం గట్ల నర్సింగాపూర్ క్రాస్ సమీపంలో మంగళవారం సాయంత్రం కారు అదుపుతప్పి పక్కనే ఉన్న పొలాల్లోకి దూసుకెళ్లింది. ఈ ప్రమాదంలో కారులో ప్రయాణిస్తున్న ఇద్దరికి స్వల్ప గాయాలయ్యాయి. ప్రమాదం ధాటికి కారు ముందు భాగం పూర్తిగా దెబ్బతింది. అయితే ఇద్దరికీ ప్రాణాపాయం తప్పడంతో స్థానికులు ఊపిరి పీల్చుకున్నారు. ప్రమాదానికి గల పూర్తి కారణాలు ఇంకా తెలియాల్సి ఉంది. ఘటనపై పోలీసులు వివరాలు సేకరిస్తున్నారు.

More in Local

Local· 14m ago

ఆయా పోస్టు భర్తీ కోసం దరఖాస్తుల ఆహ్వానం

ఆసిఫాబాద్ జిల్లా రెబ్బెన మండలంలోని గోలేటిలో గల భవిత కేంద్రంలో ఖాళీగా ఉన్న ఆయా పోస్టు భర్తీ కోసం మహిళా అభ్యర్థుల నుంచి దరఖాస్తులు ఆహ్వానిస్తు న్నట్లు ఎంఈవో వెంకటేశ్వర్ ఒక ప్రకటనలో తెలిపారు. దరఖాస్తు చేసుకునే అభ్యర్థులు స్థానికులై ఉండి పదో తరగతి ఉత్తీర్ణత కలిగి ఉండాలని తెలిపారు. ప్రత్యేక అవసరాలు కలిగిన పిల్లలను కలిగి ఉంటే ప్రాధాన్యత ఉంటుందన్నారు.

Local· 19m ago

మహిళపై హత్యాయత్నం.. నిందితుడికి ఏడేళ్ల జైలుశిక్ష

నిజామాబాద్ జిల్లా బూరుగుగల్లీకి చెందిన జంబిలం దిలీప్‌కు మహిళపై హత్యాయత్నం చేసిన కేసులో ఏడేళ్ల కఠిన కారాగార శిక్ష, 1,000 రూపాయల జరిమానా విధిస్తూ జిల్లా సెషన్స్ న్యాయమూర్తి జీవీఎన్ భారతలక్ష్మి తీర్పు ఇచ్చారు. జరిమానా చెల్లించకపోతే అదనంగా మూడు నెలల జైలు శిక్ష అనుభవించాలని ఆదేశించారు. తల్లి, భార్యను దిలీప్ వేధిస్తుండగా అడ్డుకున్న పొరుగింటి మహిళ రేషం లక్ష్మిపై దాడి చేసి హత్యకు యత్నించినట్లు కేసు నమోదైంది.

Local· 22m ago

ఇవాళ, రేపు ప్రజావేదిక కార్యక్రమం రద్దు

గుంటూరు జిల్లా మంగళగిరిలోని TDP కేంద్ర కార్యాలయం NTR భవన్‌లో ప్రతిరోజూ నిర్వహించే ప్రజా వేదిక కార్యక్రమాన్ని అక్టోబర్ 1, 2 తేదీల్లో రద్దు చేశారు. TDP అధినేత, రాష్ట్ర ముఖ్యమంత్రి నారా చంద్రబాబు నాయుడు ఆదేశాల మేరకు ఈ నిర్ణయం తీసుకున్నట్లు పార్టీ వర్గాలు తెలిపాయి. అక్టోబర్ 1న రాష్ట్రవ్యాప్తంగా ‘పేదల సేవలో’ కార్యక్రమంలో భాగంగా పెన్షన్ల పంపిణీ జరగనుంది. అక్టోబర్ 2న మహాత్మా గాంధీ జయంతి సందర్భంగా ప్రజా వేదిక నిర్వహించరు.

Local· 28m ago

కోదాడ నుంచి విజయవాడకు గంటకో డీలక్స్ బస్సు

సూర్యాపేట జిల్లా కోదాడ నుంచి విజయవాడకు ప్రయాణికుల సౌకర్యార్థం ప్రతి గంటకు ఒక డీలక్స్ బస్సు చొప్పున అంతర్రాష్ట్ర సర్వీసులు నడుపుతున్నట్లు, బుధవారం కోదాడ ఆర్టీసీ డిపో మేనేజర్ శ్రీనివాసరావు తెలిపారు. ఈ సర్వీసులకు ముందస్తు రిజర్వేషన్ సౌకర్యం అందుబాటులో ఉందన్నారు. ప్రయాణికులు ఈ అవకాశాన్ని సదుపాయాన్ని సద్వినియోగం చేసుకోవాలని కోరారు.