ఫీల్డ్ అసిస్టెంట్ల సమ్మె నోటీసు.. అరకులోయలో హెచ్చరిక!

By B V Appalanaidu· 1h ago· Yandapallivalasa, Araku Valley, Alluri Sitharama Raju

అల్లూరి సీతారామరాజు జిల్లా అరకులోయ మండలంలో ఉపాధి హామీ ఫీల్డ్ అసిస్టెంట్లు సమ్మె బాట పట్టారు. కనీస వేతనం రూ.26 వేలు, ఉద్యోగ భద్రత కల్పించాలని డిమాండ్ చేశారు. జాయింట్ యాక్షన్ కమిటీ పిలుపు మేరకు పొట్టంగి ప్రసాద్ ఆధ్వర్యంలో గురువారం ఎంపీడీవోకు సమ్మె నోటీసు అందించారు. అక్టోబర్ 5లోపు సమస్యలు పరిష్కరించకపోతే రాష్ట్రవ్యాప్తంగా సమ్మె చేపడతామని హెచ్చరించారు. బదిలీలు, పదోన్నతులు, ఏజెన్సీ అలవెన్స్ కల్పించాలని కోరారు.

More in Local

▶

Local· 25m ago

కేఎల్ యూనివర్సిటీలో అగ్నిప్రమాదం

తాడేపల్లి: గుంటూరు జిల్లా తాడేపల్లి మండలంలోని కేఎల్ యూనివర్సిటీలో గురువారం రాత్రి అగ్నిప్రమాదం చోటుచేసుకుంది. యూనివర్సిటీ ప్రాంగణంలోని లైబ్రరీలో ఒక్కసారిగా మంటలు చెలరేగడంతో భారీగా పొగలు వ్యాపించాయి. మంటల తీవ్రతకు లైబ్రరీలోని పలు సామగ్రి పూర్తిగా దగ్ధమైనట్లు సమాచారం. అగ్నిప్రమాదానికి గల కారణాలు, జరిగిన నష్టం ఎంతమేరకు ఉందనే వివరాలు తెలియాల్సి ఉంది. అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తీసుకువచ్చేందుకు చర్యలు చేపట్టారు.

Local· 50m ago

MLC అభ్యర్థిగా జీడి కుమార్.. వరంగల్ నుంచి పోటీ!

నల్గొండ-ఖమ్మం-వరంగల్ పట్టభద్రుల ఎమ్మెల్సీ ఎన్నికల రంగంలో కీలక పరిణామం. Congress నుంచి రాంరెడ్డి సర్వోత్తమ్ రెడ్డి<br>, BRS నుంచి అనుగుల రాకేష్ రెడ్డి బరిలో ఉన్నారు. ఇప్పుడు ప్రజా వెలుగు పార్టీ నుంచి జీడి కుమార్ పోటీ చేయబోతున్నారు. స్టేషన్ ఘన్‌పూర్ స్థానికుడైన ఆయనకు పట్టభద్రుల మద్దతు భారీగా ఉందని చెబుతున్నారు. ఈసారి తానే గెలుస్తానని జీడి కుమార్ ధీమా వ్యక్తం చేశారు.

Local· 52m ago

మంగళగిరి AIIMSలో గాంధీ జయంతి సెలవు.. OPD బంద్!

గుంటూరు జిల్లా మంగళగిరి AIIMSలో గాంధీ జయంతి సందర్భంగా OPD సేవలకు సెలవు ప్రకటించారు. అక్టోబర్ 2న అత్యవసర విభాగం మినహా మిగతా OPDలకు సెలవు ఉంటుంది. అత్యవసర వైద్య సేవలు మాత్రం యథావిధిగా కొనసాగుతాయని నిర్వాహకులు తెలిపారు. అత్యవసర పరిస్థితుల్లో వచ్చే రోగులకు సిబ్బంది అందుబాటులో ఉంటారని పేర్కొన్నారు. సాధారణ OPD సేవలు ఉండవని రోగులు, వారి కుటుంబ సభ్యులు గమనించాలని సూచించారు.

Local· 53m ago

PM-కిసాన్ సేవలు సచివాలయాలకు.. అరకులోయలో నిరసన!

అల్లూరి సీతారామరాజు జిల్లా అరకులోయలో ఆదివాసీ గిరిజన సంఘం ఆధ్వర్యంలో నిరసన జరిగింది. రైతులతో కలిసి సహాయ వ్యవసాయ సంచాలకుల కార్యాలయం ఎదుట ప్రదర్శన చేపట్టారు. ఈ-కేవైసీ, ఆధార్ లింక్, ల్యాండ్ సీడింగ్ సమస్యలతో రైతులు ఇబ్బందులు పడుతున్నారని గత్తుం బుజ్జిబాబు తెలిపారు. PM-కిసాన్ సేవలను VAA/VHAలకు ఇవ్వాలని డిమాండ్ చేశారు. ఈ కార్యక్రమంలో సుంకరమెట్ట మాజీ సర్పంచ్ గెమ్మెల చిన్నబాబు, కొర్ర చిట్టిబాబు, కిల్లో అప్పారావు, రైతులు పాల్గొన్నారు.