పండగ సీజన్‌లో స్పెషల్ ట్రైన్లు.. జర్నీకి నో టెన్షన్!

By Nani Eluri· 1h ago· News18

దసరా, దీపావళి సీజన్‌లో తిరుపతి, అరుణాచలం వెళ్లాలనుకునేవారికి రైల్వే గుడ్‌న్యూస్ చెప్పింది. ఈ రూట్లలో స్పెషల్ ట్రైన్లు అందుబాటులోకి రావడంతో ప్రయాణికులకు అదనపు బెర్తులు దొరికే ఛాన్స్ ఉంది. అరుణాచలం వెళ్లే భక్తుల కోసం నరసాపురం–తిరువణ్ణామలై మధ్య ప్రత్యేక రైళ్లు నడుస్తున్నాయి. మరోవైపు తిరుపతి రూట్‌లోనూ స్పెషల్ సర్వీసులు ఉన్నాయి. పండగ ట్రిప్ ప్లాన్ చేస్తే టికెట్ బుకింగ్‌లో లేట్ చేయకుండా ముందే చెక్ చేసుకోవడం బెటర్.

More in Infotainment

Infotainment· 1h ago

అరకు ట్రిప్‌కు కొత్త థ్రిల్!

అరకు ట్రిప్ ప్లాన్ చేస్తున్నారా? అయితే ఈ అప్‌డేట్ మీకోసమే. అక్టోబర్ 5 నుంచి పద్మాపురం గార్డెన్స్‌లో హాట్ ఎయిర్ బెలూన్ రైడ్ మళ్లీ అందుబాటులోకి వచ్చింది. బెలూన్‌లో దాదాపు 300 మీటర్ల ఎత్తుకు వెళ్లి అరకు లోయలు, కొండల అందాలను పై నుంచి చూడొచ్చు. జిల్లా కలెక్టర్ నిషాంతి ఈ సర్వీసును రీస్టార్ట్ చేశారు. సేఫ్టీ రూల్స్‌తో ఈ రైడ్‌ను నడుపుతున్నట్లు అధికారులు తెలిపారు. నేచర్ లవర్స్‌కు ఇది మంచి ఎక్స్‌పీరియన్స్ కానుంది. సూర్యోదయం, సూర్యాస్తమయం టైమ్‌లో వ్యూ మరింత స్పెషల్‌గా ఉండనుంది.

Infotainment· 7h ago

CJI కంటే CEC PowerFull ఆ?

ఎలక్షన్ కమిషనర్లకు ఉన్న చట్టపరమైన రక్షణ జడ్జిల కంటే ఎక్కువుగా ఉందంటూ సుప్రీంకోర్టు కామెంట్స్ చేసింది. 2023 చట్టం ప్రకారం CEC, ECలపై ఎలాంటి సివిల్ లేదా క్రిమినల్ కేసులు పెట్టడానికి వీల్లేకుండా లైఫ్‌లాంగ్ రక్షణ ఉందని ధర్మాసనం గుర్తుచేసింది. ఈ స్థాయి రక్షణ చివరకు సుప్రీంకోర్టు జడ్జిలకు కూడా ఉండదని జస్టిస్ బాగ్చీ అన్నారు. CEC జ్ఞానేష్ కుమార్ ఏకపక్ష నిర్ణయాలపై దాఖలైన పిటిషన్‌‌పై విచారణ జరిపిన CJI సూర్యకాంత్ బెంచ్.. ఈ అంశంపై వివరణ ఇవ్వాలని కేంద్రానికి, ECIకి నోటీసులు ఇచ్చింది.

Infotainment· 19h ago

నక్షత్రాలు ఏ రంగులో ఉంటాయి?

మనం ఆకాశంలోకి చూసినప్పుడు నక్షత్రాలన్నీ మెరుస్తుంటాయి. అయితే నక్షత్రాల రంగులన్నీ ఒకేలా ఉండవు. నీలం, తెలుపు, పసుపు, నారింజ, ఎరుపు.. ఇలాంటి రంగుల్లో ఉంటాయి. నక్షత్రం ఉపరితల ఉష్ణోగ్రత దాని రంగును నిర్ణయిస్తుంది. ఇది ‘blackbody radiation’ అనే థియరీ మీద ఆధారపడి ఉంటుంది. చాలా వేడి నక్షత్రాలు, అంటే 25,000–40,000 K (Kelvin – వేడిని కొలిచే పరిమాణం) ఉంటే నీలం, మధ్యస్థ ఉష్ణోగ్రతతో ఉంటే తెలుపు, ఇంకాస్త తక్కువ వేడివి పసుపు, చల్లనివి నారింజ, ఇంకా చల్లనివి ఎరుపు రంగులో ఉంటాయి.

Infotainment· 20h ago

దేశంలో సూర్యుడు ఆఖరిగా ఉదయించేదెక్కడ?

మన దేశంలో సూర్యుడు మొదట ఉదయించే చోటు అరుణాచల్ ప్రదేశ్‌లోని డోంగ్ వ్యాలీ. అయితే చివరిగా.. అంటే ఆలస్యంగా ఉదయించే చోటు ఎక్కడో తెలుసా? గుజరాత్ రాష్ట్రం కచ్‌లోని గుహార్ మోతీ. ఇది దేశానికి పశ్చిమ-అంచు బిందువు. మన భూమి పశ్చిమం నుంచి తూర్పు వైపుకు తిరుగుతుంది. అందువల్ల తూర్పు ప్రాంతాలకు సూర్యకిరణాలు ముందుగా చేరుతాయి. పశ్చిమ ప్రాంతాలకు చివరిగా చేరుతాయి. అందుకే అరుణాచల్ ప్రదేశ్, గుజరాత్ మధ్య సూర్యోదయ సమయంలో 1.5 నుంచి 2 గంటల వరకు తేడా ఉంటుంది.