కడప.. జిల్లా బద్వేలులో ఘర్షణ

By Krishna· 58m ago

AP: ఆంధ్రప్రదేశ్‌ స్థానిక సంస్థల ఎన్నికల్లో తీవ్ర ఘర్షణలు జరుగుతున్నాయి. కడప జిల్లా బద్వేల్ మున్సిపల్ ఆఫీసులో TDP, YCP కార్యకర్తలు గొడవకు దిగారు. నామినేషన్ వేసేందుకు ముందుగా తాము వచ్చామంటే, తాము వచ్చామని ఘర్షణ పడ్డారు. పోలీసుల ముందే కొట్టుకునే పరిస్థితి వచ్చింది. వారిని అదుపు చెయ్యడానికి పోలీసులకు అరగంట పట్టింది. ఇలా అనేక ప్రాంతాల్లో ఘర్షణలు జరుగుతుండటం ఆందోళన కలిగిస్తోంది. అసలు ఈ ఎన్నికలు ప్రశాంతంగా జరుగుతాయా అనే సందేహాలు తలెత్తుతున్నాయి.

More in AP

AP· 30m ago

"TDP అరాచకం": సజ్జల

AP: నిన్న, ఇవాళ TDP అరాచకం సృష్టిస్తోంది అని YCP సీనియర్ నేత సజ్జల రామకృష్ణ ఆరోపించారు. "కావాలని కాలిక్యులేటెడ్‌గా హింస చేస్తున్నారు. అసలు ఎక్కడా నామినేషన్ వెయ్యకుండా చెయ్యడమే టార్గెట్‌గా దాడులు చేస్తున్నారు. మా అభ్యర్థులను ఎత్తుకుపోతున్నారు. ఎలక్షన్ కమిషన్ డమ్మీ అయిపోయింది. YCP అభ్యర్థుల నామినేషన్లను అధికారులు తీసుకోవట్లేదు. పోలీసులే YCP అభ్యర్థులను తరిమేస్తున్నారు" అని ఆయన అన్నారు. గెలుస్తామనే నమ్మకం లేకే TDP ఇలా చేయిస్తోందని సజ్జల విమర్శించారు.

AP· 43m ago

AP మున్సిపల్ ఎలక్షన్స్.. TDP రెండో లిస్ట్ రిలీజ్

AP: ఏపీ మున్సిపల్ ఎలక్షన్స్ కోసం టీడీపీ రెండో లిస్ట్ ప్రకటించింది. మచిలీపట్నం కార్పొరేషన్‌కు షేక్ అబ్దుల్ అబిదాతో పాటు 21 మున్సిపాలిటీలు, నగర పంచాయతీలకు అభ్యర్థులను ఖరారు చేసింది. ఈ లిస్ట్‌లో నిలోఫర్ షేక్, దోడ్ల విజయలక్ష్మి, హనీ స్పందన, యశోద, రొంగల అనుష, షేక్ సమీరా, కన్నెకంటి అమూల్య, షకీరా, చింతకాయల పద్మావతి, మాచాని సునీత సహా పలువురికి చోటు కల్పించింది. మిగతా అభ్యర్థుల పేర్లు పైన ఇచ్చిన ఫొటోలో ఉన్నాయి.

AP· 1h ago

AP హైకోర్టులో YCP పిటిషన్

AP: తిరుపతి, కడప, పులివెందులలో తమ అభ్యర్థులపై TDP గూండాలు దాడులు, హింసకు పాల్పడ్డారని ఆరోపిస్తూ.. YCP ఏపీ హైకోర్టులో హౌస్ మోషన్ పిటిషన్ వేసింది. నామినేషన్ కేంద్రాలు, పోలింగ్ కేంద్రాల దగ్గర పారా మిలిటరీ ఫోర్స్‌ని ఏర్పాటు చెయ్యాలని కోరింది. పోలీసులు ఉన్నా.. పట్టించుకోవట్లేదనీ, రక్షణ కల్పించట్లేదని పిటిషన్‌లో కంప్లైంట్ చేసింది. సీసీ కెమెరాలు, వెబ్ కాస్టింగ్‌పై సింగిల్ బెంచ్ ఇచ్చిన తీర్పును కూడా YCP సవాల్ చేసింది.

AP· 1h ago

TDP, జనసేన మధ్య రచ్చ

AP: ఆంధ్రప్రదేశ్, NTR జిల్లా, తిరువూరు మున్సిపల్ ఛైర్మన్ అభ్యర్థి విషయంలో TDP, జనసేన మధ్య తీవ్ర విభేదాలు బయటపడ్డాయి. పొత్తు సర్దుబాట్లలో భాగంగా.. తిరువూరు స్థానం జనసేనకు దక్కింది. ఆ ప్రకారం ఆ పార్టీ తమ అభ్యర్థిగా మాధవి పేరును ప్రకటించింది. ఐతే.. ఇది ఏమాత్రం నచ్చని TDP MLA కొలికపూడి శ్రీనివాసరావు.. తన తరపున నాగ శ్రావణిని అభ్యర్థిగా ప్రకటించారు. ఇది రచ్చ రేపుతోంది. TDP హైకమాండ్ నిర్ణయాన్నే కొలికపూడి సవాల్ చేసినట్లైంది. మరి చంద్రబాబు ఎలా స్పందిస్తారన్నది తేలాల్సిన అంశం.