ఎన్నికల వేళ పోలీసుల నిఘా.. చెక్‌పోస్టు ఏర్పాటు

By GOLLAPALLI SUDHAKAR RAO· 57m ago· Duttalur, Duttalur, Sri Potti Sriramulu Nellore

పొట్టి శ్రీరాములు నెల్లూరు జిల్లా ఉదయగిరి సర్కిల్ పరిధిలో స్థానిక ఎన్నికల నేపథ్యంలో పోలీసులు తనిఖీలు ముమ్మరం చేశారు. శాంతిభద్రతల పరిరక్షణతో పాటు అక్రమ నగదు, మద్యం రవాణాను అరికట్టే లక్ష్యంతో సీతారామపురం సెంటర్ కూడలిలో పోలీస్ చెక్‌పోస్టు ఏర్పాటు చేశారు. ఉదయగిరి సర్కిల్ ఇన్‌స్పెక్టర్ అంకమరావు సూచనలతో SI వెంకట రాజేశ్ ఆధ్వర్యంలో తనిఖీలు నిర్వహిస్తున్నారు. ఆ మార్గంలో వెళ్లే వాహనాలను తనిఖీ చేస్తూ అనుమానాస్పద కదలికలపై నిఘా ఉంచుతున్నారు.

More in Local

Local· 16m ago

Healthy Bites, Happy Life

కాకినాడ జిల్లా కొత్త కందరాడ గీతమ్ స్కూల్‌లో హెల్తీ ఫుడ్ ఇంపార్టెన్స్‌ తెలియజేసేలా "Healthy Bites, Happy Life" కాంపిటీషన్ జరిగింది. పిండివంటలు, మిల్లెట్స్, స్ప్రౌట్స్, ఫ్రూట్స్‌తో చేసిన డిషెస్‌ను స్టూడెంట్స్ ప్రదర్శించారు. జంక్ ఫుడ్‌కి దూరంగా ఉండాలని ఇలా స్టూడెంట్స్ మెసేజ్ ఇచ్చారు. రోజురోజుకూ పెరిగిపోతున్న ఫాస్ట్ ఫుడ్ హ్యాబిట్స్‌ను తగ్గించడానికే ఈ కాంపిటీషన్ అని స్కూల్ డైరెక్టర్ తెలిపారు. ఇందులో విన్ అయిన స్టూడెంట్స్ కి వాళ్ల పేరెంట్స్ కి కూడా గిఫ్ట్స్ ఇచ్చారు.

Local· 48m ago

11 నుంచి అమ్మవారి దసరా ఉత్సవాలు షురూ

పొట్టి శ్రీరాములు నెల్లూరు జిల్లా వరికుంటపాడు మండలం తూర్పు రొంపిదొడ్లలోని శ్రీ మానసాదేవి (నాగలక్ష్మీ అమ్మవారి) దేవస్థానంలో ఈ నెల 11నుంచి 20వ తేదీ వరకు దసరా మహోత్సవాలు నిర్వహించనున్నారు. పది రోజులపాటు అమ్మవారికి వివిధ దివ్య అలంకారాలు, ప్రత్యేక పూజలు నిర్వహించనున్నారు. విజయదశమి రోజున శమీ వృక్ష పూజ, పవళింపు సేవ, నైవేద్యాలు, హారతులు నిర్వహించడంతో పాటు భక్తులకు అన్నప్రసాదం పంపిణీ చేయనున్నట్లు దేవస్థాన కమిటీ సభ్యులు తెలిపారు.

హుస్నాబాద్‌లో RTC యూనియన్ ఎన్నికలు.. ఉత్కంఠ

▶

Local· 49m ago

హుస్నాబాద్‌లో RTC యూనియన్ ఎన్నికలు.. ఉత్కంఠ

సిద్దిపేట జిల్లా హుస్నాబాద్ RTC డిపోలో పదేళ్ల విరామం తర్వాత జరుగుతున్న యూనియన్ ఎన్నికలు ఉత్కంఠ రేపుతున్నాయి. డిపో పరిధిలో మొత్తం 208 మంది ఓటర్లు ఉండగా, రెండు కూటముల మధ్య హోరాహోరీ పోటీ నెలకొంది. శుక్రవారం ఉదయం నుంచే కార్మికులు డిపో వద్దకు చేరుకుని తమ ఓటు హక్కును వినియోగించుకుంటున్నారు. ఎన్నికల నేపథ్యంలో డిపో పరిసరాల్లో సందడి నెలకొంది. పదేళ్ల తర్వాత జరుగుతున్న ఎన్నికలు కావడంతో ఫలితంపై ఆసక్తి నెలకొంది.

Local· 51m ago

నర్సంపేట మెడికల్ కాలేజీలో వైద్యుల నిరసన

వరంగల్ జిల్లా నర్సంపేట మెడికల్ కాలేజీలో ఇంటర్న్‌షిప్ చేస్తున్న FMGE వైద్యులు ఆసుపత్రి ఆవరణలో ఆందోళన చేపట్టారు. సమానంగా పని చేస్తున్న తమకు ఇతర ఇంటర్న్‌లతో సమానంగా స్టైఫండ్ ఇవ్వాలని డిమాండ్ చేశారు. “EQUAL WORK = EQUAL PAY”, “మా శ్రమకు స్టైఫండ్ మా హక్కు” అంటూ ప్లకార్డులతో నినాదాలు చేశారు. విదేశాల్లో MBBS పూర్తి చేసి, FMGE పరీక్షలో ఉత్తీర్ణులైన తమకు 12 గంటల డ్యూటీలతో పాటు ఎమర్జెన్సీ, రాత్రి విధులు కూడా కేటాయిస్తున్నారని తెలిపారు.