ఓవర్సీస్ విద్యానిధి అప్‌డేట్

By A.Ajay· 49m ago

TG: విదేశాల్లో ఉన్నత విద్య చదవాలనుకునే తెలంగాణ BC, EBC విద్యార్థులకు ప్రభుత్వం గడువు పెంచింది. 'మహాత్మా జ్యోతిబా ఫూలే ఓవర్సీస్ విద్యానిధి పథకం' కింద అప్లికేషన్ల చివరి తేదీని అక్టోబర్ 15 వరకు పొడిగించినట్లు డిప్యూటీ CM భట్టి విక్రమార్క ప్రకటించారు. ఈ ఏడాది తొలి, రెండో విడతల్లో 180 మంది విద్యార్థులకు 18కోట్ల 40లక్షల సాయం విడుదల చేసినట్లు తెలిపారు. కుటుంబ వార్షిక ఆదాయం 5 లక్షల్లోపు ఉండాలి. డిగ్రీలో 60శాతం మార్కులు ఉండాలి. వివరాలు <a href="https://telanganaepass.cgg.gov.in/?utm_source.com">ePASS</a>లో చూడవచ్చు.

More in TG

TG· 10m ago

ఆర్చరీలో అదరగొట్టిన తెలుగమ్మాయి

తెలుగమ్మాయి చికిత తానిపర్తి ఆసియా క్రీడల్లో సత్తాచాటారు. ఆర్చరీలో రెండు స్వర్ణ పతకాలు సాధించిన జట్లలో భాగమై మెరిశారు. పెద్దపల్లి జిల్లా సుల్తాన్‌పూర్‌కు చెందిన చికితకు చిన్నప్పటి నుంచే ఆర్చరీపై ఆసక్తి ఉంది. ఆమె తండ్రి శ్రీనివాసరావు ప్రోత్సాహంతో క్రీడలో ముందుకు సాగారు. 2022లో సోనిపట్‌ ఆర్చరీ అకాడమీలో చేరిన చికిత.. కఠిన శిక్షణతో తన ప్రతిభను మెరుగుపర్చుకున్నారు. 2025 ప్రపంచ యూత్‌ ఛాంపియన్‌షిప్‌లో స్వర్ణ పతకం సాధించి గుర్తింపు పొందారు.

‘ప్యారడైజ్‌’లో ప్రియదర్శి నటనకు హరీశ్‌ రావు ఫిదా!

▶

TG· 54m ago

‘ప్యారడైజ్‌’లో ప్రియదర్శి నటనకు హరీశ్‌ రావు ఫిదా!

TG: ‘ప్యారడైజ్‌’లో ఎమ్మెల్యే శంకర్‌గా KCRని పోలిన పాత్రలో నటించి మెప్పించిన ప్రియదర్శినిని మాజీ మంత్రి హరీశ్‌‌రావు తన ఇంటికి పిలిచి సన్మానించారు. ఈ సందర్భంగా ప్రియదర్శి నటనను హరీశ్‌‌రావు ప్రత్యేకంగా ప్రశంసించారు. ‘బలగం’, ‘మల్లేశం’ నుంచి ‘ప్యారడైజ్‌’ వరకు విభిన్న పాత్రల్లో ప్రియదర్శి అద్భుతంగా నటించారని మెచ్చుకున్నారు. చిత్రబృందానికి అభినందనలు తెలిపిన ఆయన.. భవిష్యత్తులోనూ మరిన్ని మంచి చిత్రాల్లో నటించాలని కోరారు.

TG· 1h ago

వాగు.. దాటితేనే సాగు

మహబూబాబాద్‌ జిల్లా దంతాలపల్లి మండలం రామవరంలో పాలేరు వాగు దాటితేనే రైతులు పొలాలకు చేరుకోవాల్సి వస్తోంది. వర్షాలు పడితే వాగు ఉధృతంగా మారడంతో గ్రామస్థులు తెప్పలు, పడవలపై రాకపోకలు సాగిస్తున్నారు. సుమారు 80 ఏళ్లుగా ఈ సమస్య ఉందని గ్రామస్థులు చెబుతున్నారు. 120 మంది రైతులకు 230 ఎకరాల పొలాలు ఉన్నాయని పేర్కొన్నారు. వాగుపై బ్రిడ్జి నిర్మించాలని వారు కోరుతున్నారు. 2015లో బ్రిడ్జి నిర్మాణానికి 10 లక్షలు కేటాయించినా పనులు పూర్తికాలేదని తెలిపారు. దీంతో వర్షాకాలంలో రైతుల కష్టాలు కొనసాగుతున్నాయి.

TG· 1h ago

డబ్బులిస్తేనే పాస్‌ చేస్తా!

TG: వరంగల్‌లోని కాకతీయ మెడికల్‌ కాలేజీలో ఫోరెన్సిక్‌ విభాగం పీజీ విద్యార్థులు ప్రొఫెసర్‌పై కంప్లయింట్ చేశారు. థీసిస్‌ రికార్డులపై సంతకాలకు ఒక్కో విద్యార్థి నుంచి 30 వేలు, ప్రాక్టికల్‌ పరీక్షల కోసం 20 వేలు, పాస్‌ చేయడానికి 2 లక్షలు అడిగారని ఆరోపించారు. విద్యార్థులు కాలేజీ ప్రిన్సిపల్‌, వైద్య విద్యాశాఖ అధికారులకు కంప్లయింట్ చేశారు. దీనిపై ముగ్గురు సభ్యులతో విచారణ కమిటీని ఏర్పాటు చేశారు. కమిటీ నివేదికను ఉన్నతాధికారులకు పంపినట్లు ప్రిన్సిపల్‌ తెలిపారు.