Latest
దుబ్బ రాజీవ్ నగర్‌లో బతుకమ్మ వేడుకలు
నిజామాబాద్ నగరంలోని దుబ్బ రాజీవ్ నగర్ కాలనీ 17వ డివిజన్‌లో బతుకమ్మ సంబరాలు ఘనంగా నిర్వహించారు. సమాచార హక్కు మహిళా అధ్యక్షురాలు సునీతారావు ఆధ్వర్యంలో జరిగిన ఈ వేడుకల్లో స్థానిక మహిళలు పెద్ద సంఖ్యలో పాల్గొన్నారు. రంగురంగుల పూలతో బతుకమ్మలను అందంగా పేర్చి, సంప్రదాయ ఆటపాటలతో సందడి చేశారు. తెలంగాణ సంస్కృతి, సంప్రదాయాలు ప్రతిబింబించేలా సాగిన ఈ వేడుకలతో కాలనీలో పండుగ వాతావరణం నెలకొంది.
ఘనంగా సద్దుల బతుకమ్మ సంబరాలు
హైదరాబాద్ నగరంలోని సికింద్రాబాద్ పరిసర ప్రాంతాల్లో ఆదివారం రాత్రి సద్దుల బతుకమ్మ సంబరాలు అంబరాన్నంటాయి. పెద్ద సంఖ్యలో మహిళలు బతుకమ్మలతో ఆటపాటలు ఆడుతూ సందడి చేశారు. కర్బల మైదాన్, నెక్లెస్ రోడ్‌లో జరిగిన వేడుకల్లో సనత్‌నగర్ ఎమ్మెల్యే తలసాని శ్రీనివాస్ యాదవ్ మహిళలతో కలిసి బతుకమ్మ ఆడారు. అడ్డగుట్ట పహాడీ హనుమాన్ దేవాలయం వద్ద జరిగిన వేడుకల్లో సికింద్రాబాద్ ఎమ్మెల్యే పద్మారావు పాల్గొన్నారు. అనంతరం హుస్సేన్ సాగర్‌లో నిమజ్జనం చేశారు.
టైగర్ ష్రాఫ్ ఘటన.. ఎవరినీ వదలం: షిండే
బాలీవుడ్ నటుడు టైగర్ ష్రాఫ్‌పై కాల్పుల ఘటన చోటుచేసుకోవడంతో నగర భద్రతపై చర్చ మొదలైంది. ఈ ఘటనపై మహారాష్ట్ర డిప్యూటీ CM ఏకనాధ్ షిండే స్పందిస్తూ.. నిందితులపై కఠిన చర్యలు తీసుకుంటామని హెచ్చరించారు. మరోవైపు ముంబైని సురక్షిత నగరంగా చెబుతున్న టైంలో ఇలాంటి ఘటనలు ఎలా జరుగుతున్నాయని ప్రతిపక్షాలు ఆరోపిస్తున్నారు. నగరంలో శాంతిభద్రతల పరిస్థితిపై ప్రభుత్వాన్ని నిలదీశాయి. ఈ ఘటనతో ప్రముఖుల నివాసాల వద్ద భద్రతా ఏర్పాట్లపై కూడా చర్చ జరుగుతోంది.
నామినేషన్స్ వేళ ఊహించని ట్విస్టులు!
మార్కాపురం జిల్లాలోని దర్శి, గిద్దలూరు మున్సిపాలిటీల్లో నామినేషన్ల వేళ ఆసక్తికర పరిణామాలు చోటుచేసుకున్నాయి. దర్శిలో పోలీసులు, వైసీపీ శ్రేణుల మధ్య గొడవ జరగడంతో టెన్షన్ వాతావరణం ఏర్పడింది. అక్కడ వైసీపీ అభ్యర్థి నామినేషన్ కూడా వేయలేకపోయారు. ఇక గిద్దలూరులో బీజేపీకి సీటు కేటాయిస్తే, ఎమ్మెల్యే అశోక్‌రెడ్డి సోదరుడితో పాటు మరో టీడీపీ నేత పోటీకి దిగి నామినేషన్లు వేశారు. అయినా కూడా ఎమ్మెల్యే మాత్రం బీజేపీ క్యాండిడేట్ నామినేషన్‌కే అటెండ్ అవ్వడం విశేషం.
కాకరవాయిలో కనులపండువగా సద్దుల బతుకమ్మ
ఖమ్మం జిల్లా తిరుమలాయపాలెం మండలం కాకరవాయి గ్రామంలో సద్దుల బతుకమ్మ సంబరాలు ఘనంగా నిర్వహించారు. సర్పంచ్ గూడూరు ఉపేందర్, పాలకవర్గం ఆధ్వర్యంలో జరిగిన వేడుకల్లో మహిళలు రంగురంగుల పూలతో బతుకమ్మలను పేర్చి, సంప్రదాయ ఆటపాటలు, కోలాటాలతో సందడి చేశారు. బతుకమ్మ పాటలతో గ్రామంలో పండుగ వాతావరణం నెలకొంది. తెలంగాణ సంస్కృతి, సంప్రదాయాలకు ప్రతీకగా నిలిచే పూల పండుగను గ్రామస్తులంతా ఐక్యంగా జరుపుకున్నారు. ఆడపడుచుల ఆనందోత్సాహాల మధ్య వేడుకలు కనులపండువగా సాగాయి.
పెద్దమ్మతల్లి ఆలయంలో భక్తిశ్రద్ధలతో దీపారాధన
నిజామాబాద్ జిల్లా వేల్పూర్ మండల కేంద్రంలో ముదిరాజ్ సంఘం ఆధ్వర్యంలో దుర్గామాత నవరాత్రి ఉత్సవాలు ఘనంగా నిర్వహిస్తున్నారు. ఆలయంలో దీపారాధన కార్యక్రమం నిర్వహించారు. అనంతరం అమ్మవారిని గ్రామంలో ఊరేగించారు. ఈ కార్యక్రమంలో మహిళలు, గ్రామ పెద్దలు, చిన్నారులు ఉత్సాహంగా పాల్గొన్నారు. భక్తిశ్రద్ధలతో నిర్వహించిన ఈ వేడుకలతో గ్రామంలో పండుగ వాతావరణం నెలకొంది.
మందమర్రిలో ఘనంగా బతుకమ్మ సంబరాలు
మంచిర్యాల జిల్లా మందమర్రిలో సద్దుల బతుకమ్మ వేడుకలను మహిళలు ఆనందోత్సాహాలతో జరుపుకున్నారు. 11వ వార్డు మూడవ జోన్ ఏరియాలో మహిళలంతా రంగురంగుల పూలతో బతుకమ్మలను అలంకరించి, సంప్రదాయ పాటలు పాడుతూ సంబరాల్లో పాల్గొన్నారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ ప్రకృతి ఆరాధనతో పాటు మహిళల ఐక్యతను చాటిచెబుతుందని పేర్కొన్నారు. భావితరాలకు తెలంగాణ సంప్రదాయాలను అందించాల్సిన బాధ్యత ప్రతి ఒక్కరిపై ఉందని తెలిపారు.
తెలంగాణ భవన్‌లో సద్దుల బతుకమ్మ సంబరాలు
ఖమ్మం జిల్లా కేంద్రంలోని బీఆర్ఎస్ పార్టీ కార్యాలయం తెలంగాణ భవన్‌లో సద్దుల బతుకమ్మ సంబరాలు ఘనంగా నిర్వహించారు. ఈ వేడుకలకు పాలేరు మాజీ ఎమ్మెల్యే కందాళ ఉపేందర్ రెడ్డి కుటుంబసమేతంగా హాజరయ్యారు. ఆయన సతీమణి విజయమ్మ, కుమార్తె దీప్తితో కలిసి ఉత్సాహంగా పాల్గొన్నారు. ఈ కార్యక్రమంలో బీఆర్ఎస్ పార్టీ అగ్రశ్రేణి నాయకులు, కార్యకర్తలు పాల్గొన్నారు.
ఆదివాసీ హక్కుల కోసం పోరాడుతా: పోడియం రామకృష్ణ
పోలవరం జిల్లా చింతూరు మండలం చట్టి ఎంపీటీసీ ఎన్నికల్లో ఆదివాసీ హక్కులు, గ్రామాల అభివృద్ధే లక్ష్యంగా ముందుకు సాగుతానని అభ్యర్థి పోడియం రామకృష్ణ తెలిపారు. ఆయనకు ఆంధ్రప్రదేశ్ ఆదివాసి జేఏసీ మద్దతు ప్రకటించింది. చట్టి ఎంపీటీసీ పరిధిలో విద్య, వైద్యం, తాగునీరు, రహదారులు, పారిశుద్ధ్య సదుపాయాల కల్పనకు కృషి చేస్తానన్నారు. గిరిజనుల భూమి హక్కుల పరిరక్షణ, 1/70, పీసా చట్టాల అమలు, అర్హులకు సంక్షేమ పథకాలు అందేలా చర్యలు తీసుకుంటానని చెప్పారు.
గ్లోబల్ టెర్రరిస్ట్ మృతి.. మసీదు మెట్లపై నుంచి జారిపడి!
పాకిస్థాన్‌లోని లాహోర్‌లో లష్కరే తోయిబా (LeT) ఫౌండింగ్ మెంబర్ చౌదరి మహమ్మద్ సర్వార్ అలియాస్ అబూ హషీమ్ చనిపోయాడు. మసీదు మెట్లు ఎక్కుతుండగా జారి పడటంతో తలకు గాయాలై చనిపోయినట్లు వార్తలు వచ్చాయి. ఆ సంస్థ ఫైనాన్స్ విభాగంలో కీలకంగా పనిచేసిన సర్వార్, భారత్‌పై దాడులకు పాల్పడే లష్కరే కార్యకలాపాలకు డబ్బులు సమకూర్చడంలో పాత్ర పోషించాడు. 2008లో వ్యాపారుల నుంచి విరాళాలు సేకరించే టీమ్‌లకు నాయకత్వం వహించినట్లు అమెరికా ట్రెజరీ శాఖ తెలిపింది.
ప్రార్థనలు చేస్తుండగా ఊడిపడిన భారీ శిలువ
ఎకువడార్‌లోని ఓ చర్చిలో ప్రార్థనలు లైవ్‌లో జరుగుతుండగా షాకింగ్ ఘటన జరిగింది. ఫాదర్ Patricio Alfredo Sánchez Molinari ప్రార్థనలు చేస్తుండగా, వెనుక ఉన్న భారీ శిలువ ఒక్కసారిగా ఊడి ఆయనపై పడింది. ఈ ప్రమాదంలో ఫాదర్ చనిపోయినట్లు చర్చి వాళ్లు కూడా కన్ఫర్మ్ చేశారు. ఈ ఘటన అక్టోబర్ 17న గ్వాయాకిల్‌లో ఈ ఘటన జరిగింది. ఘటనకు సంబంధించిన వీడియో చర్చిలోని Live ప్రసారంలో రికార్డ్ అవ్వడంతో సోషల్ మీడియాలో వైరల్ అవుతోంది
తెలంగాణ యూనివర్సిటీల్లో ఉద్యోగాల భర్తీకి గ్రీన్ సిగ్నల్
తెలంగాణలోని ప్రభుత్వ యూనివర్సిటీల్లో 429 అసిస్టెంట్ ప్రొఫెసర్ పోస్టులను భర్తీ చేసేందుకు ప్రభుత్వం ఓకే చెప్పింది. ఇందులో ఉస్మానియా యూనివర్సిటీలో 252, కాకతీయ, శాతవాహన యూనివర్సిటీల్లో చెరో 49, పాలమూరు యూనివర్సిటీలో 45 పోస్టులు ఉన్నాయి. అంబేడ్కర్ ఓపెన్ యూనివర్సిటీ, తెలుగు యూనివర్సిటీల్లో చెరో 16, తెలంగాణ యూనివర్సిటీలో 2 పోస్టులు ఉన్నాయి. ఈ ఉద్యోగాలకు నోటిఫికేషన్లు త్వరలో వచ్చే అవకాశం ఉంది. అప్లై చేసే తేదీలు, అర్హతలు నోటిఫికేషన్‌లో తెలుస్తాయి.
టైగర్ ష్రాఫ్‌పై కాల్పులు.. బిష్ణోయ్ గ్యాంగ్ ప్రకటన!
ముంబైలో బాలీవుడ్ నటుడు టైగర్ ష్రాఫ్‌పై కాల్పులు జరిగిన ఘటనలో ఆయన సురక్షితంగా బయటపడగా, డ్రైవర్‌కు గాయాలయ్యాయి. ఈ కాల్పులకు లారెన్స్ బిష్ణోయ్ గ్యాంగ్‌కు సంబంధించిన వ్యక్తులు బాధ్యత తీసుకున్నట్లు వార్తలు వచ్చాయి. సల్మాన్ ఖాన్‌తో కలిసి పనిచేయొద్దంటూ కొందరు నటులకు హెచ్చరికలు ఇచ్చినట్లు కూడా సమాచారం. అయితే ఈ విషయాలను పోలీసులు ఇంకా అధికారికంగా ధృవీకరించలేదు. కాల్పులకు కారణమేంటి, అసలు నిందితులు ఎవరనేది దర్యాప్తులో తేలాల్సి ఉంది.
అబ్దుల్లాపూర్‌లో సద్దుల బతుకమ్మ సంబరాలు
రంగారెడ్డి జిల్లా అబ్దుల్లాపూర్ మెట్ గ్రామం 4వ వార్డులో వార్డు మెంబర్ మొగుళ్ళ జీవన్ రెడ్డి ఆధ్వర్యంలో సద్దుల బతుకమ్మ వేడుకలు గ్రాండ్‌గా జరిగాయి. పెద్ద సంఖ్యలో చిన్నపెద్ద, మహిళలందరూ ఉత్సాహంగా పాల్గొన్నారు. ఈ సందర్భంగా అందరికీ సద్దుల బతుకమ్మ, దసరా శుభాకాంక్షలు తెలిపిన జీవన్ రెడ్డి.. ప్రజలందరూ హ్యాపీగా ఉండాలని కోరుకున్నారు.
అడుగడుగునా గుంతలే.. పట్టించుకోని అధికారులు?
వికారాబాద్ జిల్లాలోని మేకవనంపల్లి నుంచి మర్పల్లి వెళ్లే రోడ్డు పాడైపోవడంతో ఆ రూట్లో వెళ్లేవాళ్లు ఇబ్బంది పడుతున్నారు. రోడ్డంతా పెద్ద పెద్ద గుంతలు ఉండడంతో జర్నీ చేయడం కష్టంగా మారిందని స్థానికులు ఆవేదన వ్యక్తం చేస్తున్నారు. ఈ రోడ్డు పరిస్థితిపై అధికారులు వెంటనే స్పందించి, రిపేర్ చేయించాలని ప్రజలు కోరుతున్నారు.
బీరోలు గ్రామపంచాయతీలో ఘనంగా బతుకమ్మ
ఖమ్మం జిల్లా తిరుమలాయపాలెం మండలం బీరోలు గ్రామంలో గ్రామపంచాయతీ ఆధ్వర్యంలో బతుకమ్మ వేడుకలు ఘనంగా ప్రారంభమయ్యాయి. సర్పంచ్ గుమ్మడి దేవబిక్షం, పాలకమండలి సభ్యులు ఈ కార్యక్రమంలో పాల్గొన్నారు. మహిళలు, గ్రామ పెద్దలు, యువతీ యువకులు, చిన్నారులు రంగురంగుల పూలతో బతుకమ్మలను పేర్చి ఉత్సాహంగా సంబరాలు జరుపుకున్నారు. తెలంగాణ సంస్కృతి, సంప్రదాయాలకు ప్రతీకగా నిలిచే ఈ వేడుకలతో గ్రామంలో పండుగ వాతావరణం నెలకొంది.
పర్యాటకులకు అరకు పైనరీలో సరికొత్త ఆకర్షణలు!
అల్లూరి సీతారామరాజు జిల్లా అరకు పైనరీలో పర్యాటకుల కోసం అటవీ శాఖ ప్రత్యేక సదుపాయాలు అందుబాటులోకి తెచ్చింది. పైన్ చెట్ల మధ్య విలువిద్య (ఆర్చరీ), మట్టి కుండల తయారీ (పోటరీ) శిక్షణను ఆదివారం ప్రారంభించింది. ప్రకృతి ఒడిలో వినోదంతో పాటు కొత్త నైపుణ్యాలను నేర్చుకునే అవకాశం కల్పిస్తున్నట్లు FRO బొర్రా కోటేశ్వరరావు, పైనరీ ఇన్‌చార్జి శేఖర్ తెలిపారు. ఈ సదుపాయాలు ఉదయం 9 నుంచి సాయంత్రం 5 గంటల వరకు అందుబాటులో ఉంటాయని పేర్కొన్నారు.
BRS ఆధ్వర్యంలో సద్దుల బతుకమ్మ
ఖమ్మం జిల్లా పిండిప్రోలు గ్రామంలో బీఆర్ఎస్ పార్టీ ఆధ్వర్యంలో సద్దుల బతుకమ్మ వేడుకలు జరిగాయి. కలర్‌ఫుల్ పూలతో పేర్చిన బతుకమ్మలతో ఆడపడుచులు, చిన్నారులు ట్రడిషనల్ సాంగ్స్‌కి డాన్సులు చేస్తూ సందడి చేశారు. ఉప సర్పంచ్ చామకూరి రాజు, చామకూరి యువ సైన్యం ఆధ్వర్యంలో చేసిన ఈ ప్రోగ్రామ్‌లో తాతా మధు అందించిన గిఫ్ట్స్ చూసి ఆడపడుచులు ఆనందం వ్యక్తం చేశారు.
తెలంగాణ సంప్రదాయాల వైభవమే బతుకమ్మ: ఎమ్మెల్యే
హనుమకొండ జిల్లా పరకాల అంగడి మైదానంలో నిర్వహించిన సద్దుల బతుకమ్మ వేడుకల్లో ఎమ్మెల్యే రేవూరి ప్రకాశ్ రెడ్డి పాల్గొని మహిళలకు పండుగ శుభాకాంక్షలు తెలిపారు. అంతకుముందు ఆత్మకూరు, గుడెప్పాడ్ గ్రామాల్లో వేడుకల్లో పాల్గొన్నారు. దామర చెరువు వద్ద బతుకమ్మ నిమజ్జన ఏర్పాట్లను పరిశీలించారు. బతుకమ్మ తెలంగాణ సంస్కృతి, సంప్రదాయాలకు ప్రతీకగా నిలుస్తుందని, మహిళల ఆత్మగౌరవాన్ని చాటుతుందని పేర్కొన్నారు.
విశ్వక్ సేన్ ‘#Cult’ ట్రైలర్ రిలీజ్..
టాలీవుడ్ హీరో విశ్వక్ సేన్ నటిస్తూ, దర్శకత్వం వహించిన ‘#Cult’ మూవీ<a href="https://youtu.be/MDv5HHUNsbE?si=y8RY3lYKsR2Gun55"> ట్రైలర్ రిలీజ్</a> అయింది. ట్రైలర్‌లో విశ్వక్ సేన్ కొత్త లుక్‌లో కనిపిస్తూ, తన యాక్షన్‌తో ఆకట్టుకున్నారు. ‘KGF’ ఫేమ్ రవి బస్రూర్ అందించిన బ్యాక్‌గ్రౌండ్ మ్యూజిక్ ట్రైలర్‌కు హైలైట్‌గా నిలిచింది. ఈ సినిమాలో గాయత్రి భరద్వాజ్, తరక్ పొన్నప్ప, మురళీ శర్మ కీలక పాత్రల్లో నటించారు. ఈ యాక్షన్ హారర్ థ్రిల్లర్ అక్టోబర్ 30న థియేటర్లలోకి రానుంది.
కోడ్ ఉల్లంఘిస్తూ ఎంపీ అవినాష్ పెద్ద కాన్వాయ్‌తో రావడమేంటి?
మూడుసార్లు కడప ఎంపీగా గెలిచిన వైఎస్ అవినాష్ రెడ్డికి ఎలక్షన్ రూల్స్ తెలియవా అని జమ్మలమడుగు ఎమ్మెల్యే ఆదినారాయణ రెడ్డి ఫైర్ అయ్యారు. పులివెందుల టీడీపీ ఆఫీస్‌లో మాట్లాడిన ఆయన, మున్సిపల్ ఎన్నికల నామినేషన్ల కోసం అవినాష్ పెద్ద కాన్వాయ్‌తో రావడంపై మండిపడ్డారు. 'మాదే అధికారం.. మాదే పెత్తనం' అనే రోజులు పోయాయని గుర్తుచేశారు. వైసీపీ టైమ్‌లో ప్రతిపక్షాల కాండిడేట్లను నామినేషన్లు కూడా వేయనివ్వని సంగతి ఎంపీ మర్చిపోయారా అని ఆదినారాయణ రెడ్డి నిలదీశారు.