Latest
వైజాగ్ స్టీల్ ప్లాంట్ ప్రమాదం: హాస్పిటల్‌లో బాధితుడి ఎమోషనల్ వర్డ్స్!
వైజాగ్ స్టీల్ ప్లాంట్ ప్రమాదంలో గాయపడిన ఒక కార్మికుడి పరిస్థితి ప్రస్తుతం చాలా క్రిటికల్‌గా ఉంది. హాస్పిటల్‌లో ట్రీట్‌మెంట్ తీసుకుంటూ, అతను తన వాళ్లకు చెప్పిన మాటలు అందరినీ కలిచివేస్తున్నాయి. "తమ్ముడిని బాగా చదివించు.. నువ్వు కూడా బాగా చదువుకో.. అమ్మను చాలా జాగ్రత్తగా చూసుకో" అంటూ ఆ బాధితుడు ఎమోషనల్ అయ్యాడు. ప్రస్తుతం ఈ హార్ట్ టచింగ్ వీడియో సోషల్ మీడియాలో వైరల్ అవుతోంది. అతను త్వరగా కోలుకోవాలని అందరూ కోరుకుంటున్నారు.
విశాఖ ఉక్కు ప్రమాదం.. భయానక వాస్తవాలు
విశాఖ స్టీల్ ప్లాంట్ ప్రమాదానికి కారణం ఉక్కు ద్రవం లీకు కావడం. ద్రవ ఉక్కు ఉష్ణోగ్రత ఎంత ప్రమాదమో ఈ ఘటన ద్వారా తెలుస్తుంది. ప్రమాద సమయంలో సుమారు 150టన్నుల ద్రవఉక్కు 1,540 డిగ్రీల సెల్సియస్‌కు పైగా ఉష్ణోగ్రతతో లాడిల్‌లో ఉన్నట్లు సమాచారం. ఈ ఉష్ణోగ్రత సాధారణ అగ్ని ప్రమాదాలతో పోల్చితే ఎన్నో రెట్లు ఎక్కువ. మనిషి చర్మం 60 నుంచి 70 డిగ్రీల సెల్సియస్ ఉష్ణోగ్రతకే తీవ్రగాయాలకు గురవుతుంది. 100 డిగ్రీల వద్ద నీరు మరిగిపోతుంది. కానీ ఉక్కు కరిగే స్థాయి 1,500 డిగ్రీలకుపైగా ఉంటుంది. అలాంటి పరిస్థితిలో శరీరంపై పడితే బతికే అవకాశం ఉండదు.
వైజాగ్ స్టీల్ ప్లాంట్ కార్మిక నేతలపై లోకేష్ ఫైర్!
వైజాగ్ స్టీల్ ప్లాంట్ ప్రమాద బాధితులను పరామర్శించేందుకు వెళ్లిన లోకేష్‌ను కార్మిక సంఘాల నేతలు నిలదీశారు. దీంతో అక్కడ కాసేపు హీటెడ్ ఆర్గ్యుమెంట్ జరిగింది. లీడర్ల ప్రవర్తనపై లోకేష్ తీవ్ర అసహనం వ్యక్తం చేశారు. "ఎందుకు అరుస్తున్నారు? నేను ఇక్కడ చనిపోయిన వారి ఫ్యామిలీస్‌తో మాట్లాడుతున్నాను. మీ కుటుంబంలో ఎవరూ చనిపోలేదు కదా" అంటూ కాస్త ఘాటుగానే కౌంటర్ ఇచ్చారు. ఈ ఇన్సిడెంట్ ఇప్పుడు సోషల్ మీడియాలో ఫుల్ వైరల్ అవుతోంది.
అత్యాచారం.. పోక్సో కేసు నమోదైనా చర్యల్లేవు..?
TG: ఖమ్మం పట్టణంలో 12ఏళ్ల బాలికపై లైంగిక దాడి జరిగింది. బాలికకు మాయమాటలు చెప్పి ఆమెపై బలవంతంగా అత్యాచారం చేసిన కామాంధుడు భవనం పైనుంచి తోసేశాడు. తీవ్రంగా గాయపడిన బాలికను హాస్పిటల్‌కు తరలించారు. బాలిక కుటుంబం నివాసం ఉంటున్న అపార్ట్మెంట్‌లో ఉంటున్న వ్యక్తే లైంగికదాడికి పాల్పడినట్లు సమాచారం. ఈ ఘటన ఈ నెల 6వ తేదీనే జరగ్గా ఆలస్యంగా వెలుగులోకి వచ్చింది. పోలీసులకు ఫిర్యాదు చేయగా నిందితుడిపై పోక్సో కేసు నమోదు చేశారు. అయితే ఇప్పటి వరకూ చర్యలు తీసుకోలేదు.
గచ్చిబౌలి పోలీస్ స్టేషన్ పరిధిలో భారీ చోరీ
హైదరాబాద్‌లోని గచ్చిబౌలి పోలీస్‌స్టేషన్ పరిధిలో హిల్ రిడ్జ్ విల్లాలో ఉంటున్న ఓ పారిశ్రామికవేత్త ఇంట్లో కేజీ బంగారు ఆభరణాల చోరీ జరిగింది. ఇంట్లో పనిచేసే నేపాల్‌కు చెందిన భార్యాభర్తలే ఆభరణాలతో పరారయ్యారు. కొద్దిరోజుల క్రితం యజమాని కుటుంబం ముంబాయి వెళ్లి తిరిగి వచ్చేసరికి నేపాలీ దంపతులు కనిపించలేదు. ఇంట్లో తాళాలు పగలగొట్టినట్లు ఎలాంటి గుర్తులు లేకపోవడంతో తమకు చెప్పకుండా వెళ్లిపోయారని భావించారు. పూజ గదిలోని విగ్రహానికి ఉన్న బంగారు గొలుసు కనిపించకపోవడం, మరికొన్ని బంగారు ఆభరణాలు కూడా మాయం కావడంతో పోలీసులకు ఫిర్యాదు చేశారు.
ఒక్కొక్కరికి కోటి చొప్పున పరిహారం ఇవ్వాలి: KA పాల్
విశాఖ స్టీల్ ప్లాంట్ ప్రమాద బాధితుల కుటుంబాలకు ఒక్కొక్కరికి కోటి రూపాయల చొప్పున పరిహారం చెల్లించాలని ప్రజాశాంతి పార్టీ అధ్యక్షుడు KA పాల్ డిమాండ్ చేశారు. CM చంద్రబాబు నాయుడు, కేంద్రమంత్రి కుమార స్వామి తమ పదవులకు రాజీనామా చేయాలన్నారు. రూ. 10వేల కోట్ల నష్టాలతో స్టీల్ ప్లాంట్ నడుస్తోందని, నిధులు లేకనే భద్రతా ప్రమాణాలు పాటించడం లేదని ఆరోపించారు. స్టీల్ ప్లాంట్ అభివృద్ధికి సంబంధించి డిప్యూటీ సీఎం పవన్ కళ్యాణ్, బీజేపీ ఇచ్చిన హామీలను నెరవేర్చాలన్నారు.
డెడ్‌బాడీలను గుర్తించడానికి నాలుగురోజులు
విశాఖ స్టీల్ ప్లాంట్ ప్రమాదంలో మృతి చెందిన వారిని గుర్తించడం ఇప్పుడు పెద్ద సవాలుగా మారింది. నిన్న రాత్రి నుంచి కేజీహెచ్‌లోనే డెడ్‌బాడీలను భద్రపరచగా.. ఇప్పటి వరకూ ఇద్దరి మృతదేహాలను మాత్రమే వారి కుటుంబసభ్యులు గుర్తించారు. భానుకుమార్, రమణ డెడ్‌బాడీలను కుటుంబసభ్యులు గుర్తించగా.. మిగతా వారు గుర్తుపట్టలేనంతగా కాలిపోయారని కేజీహెచ్ డాక్టర్లు తెలిపారు. కుటుంబసభ్యులు పోలీసుల సమక్షంలో తమవారిని గుర్తుపడితే డీఎన్ఏ టెస్టులు చేస్తామని, ఆ రిపోర్టులు వచ్చేందుకు మరో నాలుగురోజుల సమయం పడుతుందని తెలిపారు.
అవును ఇది రోడ్డే.. కంకర వేసి రోడ్డు మరిచారు
TG: నాగర్‌కర్నూల్ జిల్లా బల్మూరు మండలం తోడేళ్లగడ్డ గ్రామంలో కంకర వేసి రోడ్డు వేయడం మరిచారు. గతంలో ఉన్న మట్టి రోడ్డుపైనే కేవలం కంకర పరిచి అధికారులు చేతులు దులుపుకోవడంతో గ్రామస్తులు ఆగ్రహం వ్యక్తం చేస్తున్నారు. పూర్తిస్థాయి బీటీ రోడ్డు వేయకుండా నిర్లక్ష్యం చేయడంతో చిన్నపాటి వర్షానికే కంకర కొట్టుకుపోయి రోడ్డు గుంతలు, బురదమయంగా మారుతోంది. ఈ గుంతల రోడ్డుపై అత్యవసర సమయాల్లో అంబులెన్స్‌లు, ఇతర వాహనాలు విలేజ్‌లోకి రాలేని దుస్థితి ఏర్పడింది.
విశాఖ స్టీల్ ప్లాంట్ ప్రమాదం.. కంట్రోల్‌రూమ్ ఏర్పాటు
విశాఖ స్టీల్ ప్లాంట్ ప్రమాదం గురించి పూర్తి సమాచారం ప్రజలకు, సంబంధిత సంస్థలకు చేరవేసేందుకు జిల్లా కలెక్టర్ అభిషిక్త్ కిషోర్ తన కార్యాలయంలో 24x7 కంట్రోల్‌రూమ్ ఏర్పాటు చేశారు. గాయపడిన వారికి సంబంధించిన వివరాల కోసం కంట్రోల్‌రూమ్ ఫోన్ నెంబరు 08912590100, 08912590102కి కాల్ చెయ్యవచ్చు. స్టీల్‌ప్లాంట్‌లో జరిగిన ఘోర ప్రమాదంలో తొమ్మిదిమంది మృతి చెందగా మరో ఆరుగురికి తీవ్ర గాయాలయ్యాయి.
మృతుల కుటుంబాలకు రూ. 25 లక్షల పరిహారం
విశాఖ స్టీల్ ప్లాంట్ ఫైర్ యాక్సిడెంట్‌లో 9మంది మృతి చెందగా, మరి కొంతమంది ఆసుపత్రిలో చికిత్స పొందుతున్నారు. కేంద్రమంత్రి కుమారస్వామి, రామ్మోహన్ నాయుడుతో కలిసి చికిత్స పొందుతున్న వారిని పరామర్శించారు. అనంతరం ప్రమాద సంఘటనా స్థలాన్ని పరిశీలించారు. చనిపోయిన వారి కుటుంబాలకు రూ.25 లక్షల చొప్పున పరిహారం ఇవ్వనున్నట్లు సోషల్ మీడియా వేదికగా ప్రకటించారు. తీవ్రంగా గాయపడిన వారికి పదిలక్షల చొప్పున అందిస్తామని స్పష్టంచేశారు.
లవ్‌మ్యారేజ్.. జరిమానా చెల్లించలేదని కుల బహిష్కరణ
TG : కామారెడ్డి జిల్లా భిక్కనూరు మండలం రామేశ్వర్‌పల్లికి చెందిన నవీన్ ఓ యువతిని గత ఏడాది లవ్ మ్యారేజ్ చేసుకున్నాడు. హైదరాబాద్‌లోని ECIL ఆర్యసమాజ్‌లో ప్రేమ వివాహం చేసుకున్నాడు. కులపెద్దల అనుమతి లేకుండా చేసుకున్నందుకు రూ.50వేల జరిమానా సంఘానికి చెల్లించాలని సంఘం పెద్దలు తెలిపారు. ఆ మొత్తాన్ని చెల్లించనందుకు తమను కుల బహిష్కరణ చేశారని నవీన్ తల్లిదండ్రులు డొంకెన్ మంజుల, నర్సింలు ప్రజావాణిలో కలెక్టర్‌కు ఫిర్యాదు చేశారు.
దొరికిన కాడికి దోచి.. చెరువులో చేపలు లూటీ
TG: మృగశిర కార్తె సందర్భంగా మహబూబాబాద్ జిల్లా కురవి మండలంలోని పలు గ్రామాలు, గిరిజన తండా వాసులు పెద్దఎత్తున కురవి పెద్దచెరువు వద్దకు తరలివచ్చారు. చెరువులో చేపల వేటకు దిగారు. భారీగా వలలు, గాలాలు వేసి చేపలను పట్టుకున్నారు. వలలు లేని వారు.. చీరలు, లుంగీలలో దొరికిన కాడికి చేపలను దోచుకున్నారు. విషయం సొసైటీ సభ్యులకు తెలియడంతో వెంటనే పోలీసులకు సమాచారం ఇచ్చారు. పోలీసులు అక్కడికి వచ్చి వారిని చెదరగొట్టారు. చెరువు వద్ద ఉంచిన 60బైక్‌లను, వలలు సీజ్ చేసి 14మందిని అరెస్ట్ చేశారు.
గుడ్‌న్యూస్.. ఫ్రీ స్కిల్ ట్రైనింగ్ కోర్సులు
TG: జయశంకర్ భూపాలపల్లి జిల్లా కాటారం ఐటిడిఏ పరిధిలో ST యువతకు ఉచిత స్కిల్ ట్రైనింగ్, కంప్యూటర్, స్పోకెన్ ఇంగ్లీష్ కోర్సులకు ఈ నెల 10లోపు దరఖాస్తు చేసుకోవాలని ITDA అధికారులు తెలిపారు. కంప్యూటర్ స్కిల్స్, స్పోకెన్ ఇంగ్లీష్, సాఫ్ట్ స్కిల్స్, సోలార్ పంప్ టెక్నీషియన్, గెస్ట్ సర్వీస్ ఎగ్జిక్యూటివ్, గెస్ట్ సర్వీస్ అసోసియేట్ వంటి కోర్సులను అందించనున్నారు. మూడనెలల పాటు నిర్వహించే ఈ కోర్సులు పూర్తిగా ఉచితంగా ఉండటమే కాకుండా హాస్టల్, భోజన సౌకర్యాలు కల్పిస్తారు. పదోతరగతి, ఇంటర్మీడియట్ లేదా డిగ్రీ పూర్తిచేసిన ఎస్టీ అభ్యర్థులు అర్హులు.
పెన్షన్ డబ్బుల కోసం తండ్రిని చంపిన పిల్లలు.. చివరికీ
TG: మల్కాజిగిరి PS పరిధి మౌలాలి RTC కాలనీకి చెందిన మారుతి సుతార్ రైల్వేఉద్యోగి. అతని పెన్షన్ బెనిఫిట్స్‌పై కన్నేసిన భార్య గంగాభాయి, కొడుకు కిషన్ సుతార్, కూతురు ప్రాపుల్లా మర్డర్‌కు ప్లాన్ చేశారు. మారుతి సుతార్‌కు విషాన్ని అన్నంలో కలిపి పెట్టడంతో మరణించాడు. ఆ తర్వాత డెడ్‌బాడీని మాయం చేసేందుకు ముక్కలు ముక్కలుగా చేసి బకెట్‌లో వేస్తుండగా తీవ్రమైన దుర్వాసన రావడంతో స్థానికులు పోలీసులకు ఫిర్యాదు చేశారు. సాక్ష్యాధారాలు నిరూపణ కావడంతో కోర్టు కిషన్ సుతార్(47), ప్రాపుల్లా(36)లకు ఉరిశిక్ష, గంగాభాయి(65)కు జీవితఖైదు శిక్షను విధిస్తూ తీర్పునిచ్చింది.
వైజాగ్ స్టీల్ ప్లాంట్‌పై నిర్లక్ష్యం: గుడివాడ అమర్‌నాథ్
AP: వైజాగ్ స్టీల్ ప్లాంట్‌పై ప్రభుత్వం ఉద్దేశపూర్వకంగానే నిర్లక్ష్యం వహిస్తోందని మాజీ మంత్రి గుడివాడ అమర్‌నాథ్ అన్నారు. స్టీల్‌ప్లాంట్‌లో ఘోర ప్రమాదం జరిగి, ఉద్యోగులు మరణించిన ఘటనకు యాజమాన్యం వ్యవహారశైలే కారణమని ఆరోపించారు. ప్రభుత్వ అలసత్వం వల్లే ప్లాంట్‌లో కార్మికుల భద్రత గాల్లో కలిసిపోతోందని చెప్పారు. తక్షణమే పూర్తిస్థాయి విచారణ జరపాలని డిమాండ్ చేశారు.
పంటపొలాల్లో మొసలి పిల్లలు కలకలం
TG : సంగారెడ్డి జిల్లా సదాశివపేట మండలంలోని మిలిగిరిపేట గ్రామశివారులో మొసలి పిల్లలు కనిపించడం కలకలం రేపింది. పశువులను మేపుతున్న కాపరులకు సుమారు 20కిపైగా మొసలి పిల్లలు కనిపించడంతో కంగుతిన్నారు. గ్రామస్తులకు, అటవీశాఖ అధికారులకు సమాచారం అందించారు. మిలిగిరిపేట ప్రాజెక్టు పరిధిలోని వాగు సమీపంలో సుమారు 60కు పైగా మొసలి గుడ్లు ఉన్నట్లు గుర్తించారు. అధికారులు మొసలి పిల్లలు, గుడ్లను సురక్షితంగా సంగారెడ్డి జిల్లా కల్పగూర్ గ్రామంలోని అభయారణ్యానికి తరలించారు.
విశాఖ స్టీల్ ప్లాంట్ లో అగ్ని ప్రమాదం.. 8 మంది మృతి
విశాఖ స్టీల్ ప్లాంట్ లో ఘోర ప్రమాదం జరిగింది. SMS-2, STC-3 హీట్ ఎఫ్ జీలో స్టీల్ మెటల్ లిక్విడ్ ల్యాడిల్ పేలడంతో ఉక్కుద్రవం లీకైంది. 1500 డిగ్రీల వేడితో స్టీల్ మెటల్ లిక్విడ్ ల్యాడిల్ ద్వారా ఉక్కు ద్రవాన్ని లిఫ్ట్ చేస్తుంటే అది లీకై మంటలు చెలరేగాయి. ఈ ప్రమాదంలో 8 మంది కార్మికులు మృతి చెందారు. మరో ఇద్దరి పరిస్థితి విషమంగా ఉంది.
AR రెహమాన్ మ్యాజిక్‌పై రామ్ చరణ్ ఎమోషనల్ కామెంట్స్!
తన లేటెస్ట్ మూవీ 'పెద్ది' బ్యాక్‌గ్రౌండ్ స్కోర్‌పై హీరో రామ్ చరణ్ ఇంట్రెస్టింగ్ కామెంట్స్ చేశారు. సినిమా సెకండ్ హాఫ్‌లో తాము ఎంతో కష్టపడి చేసిన సీన్స్‌కి బ్యాక్‌గ్రౌండ్ మ్యూజిక్ ఎలా వస్తుందో అని ముందు భయపడ్డామని ఆయన చెప్పారు. కానీ, ఆ సీన్స్‌ని AR రెహమాన్ తన మ్యూజిక్‌తో వేరే స్థాయికి తీసుకువెళ్లారని, అందుకూ ఆయనకు ఎప్పటికీ రుణపడి ఉంటామంటూ చరణ్ ఎమోషనల్ అయ్యారు.
కాక్రోచెస్ నెక్స్ట్ ప్రొటెస్ట్ ఎక్కడంటే?
కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలంటూ మహారాష్ట్ర క్యాపిటల్ పుణేలో నిరసనకు కాక్రోచెస్ పార్టీ పిలుపునిచ్చారు. జూన్ 11న సాయంత్రం 4 గంటలకు 'సావిత్రిబాయి ఫూలే పుణే యూనివర్సిటీ' లో ఈ ప్రొటెస్ట్ ఉంటుందని 'కాక్‌రోచ్ ఈజ్ బ్యాక్' అనే సోషల్ మీడియా హ్యాండిల్ ల్లో అనౌన్స్ చేశారు.
మళ్లీ కొత్త జన్మ ఎత్తినట్టుంది : శ్రీజ ఎమోషనల్ వీడియో
మెగాస్టార్ చిరంజీవి కుమార్తె శ్రీజ కొణిదెల తన వ్యక్తిగత జీవితంలో జరిగిన చేదు అనుభవాల నుంచి ఎలా బయటకొచ్చారో ఒక ఎమోషనల్ పోస్టు పెట్టారు. బాధితురాలు అన్న ముద్ర నుంచి బయటపడడానికి 15 నెలల పాటు ఒక కోర్సు చేశానన్నారు. నాకే ఎందుకిలా జరిగింది ? నాకే ఎందుకింత బాధ ? మళ్లీ మళ్లీ నాకే ఎందుకిలా జరుగుతోంది ? ఇలాంటి ప్రశ్నలతో గతంలోనే నేను స్టక్ అయిపోయాను. నేను బాధితురాలిని అన్న ఫీలింగ్ నుంచి బయటపడడానికి ఆ కోర్సు బాగా ఉపయోగపడిందని చెప్పారు. శ్రీజ వీడియోలో ఏం చెప్పారో మీరే చూడండి.
స్కూల్ ఫీజుతో పాటు 'పెద్ది' సినిమా ఫీజు కూడా పెట్టుకోండి!
మైత్రి రవి 'పెద్ది' మూవీ గురుంచి ఇంట్రెస్టింగ్ కామెంట్స్ చేశారు. "పేరెంట్స్ అందరికీ నాదొక రిక్వెస్ట్.. స్కూల్ ఫీజు, యూనిఫామ్ ఫీజులతో పాటు.. 'పెద్ది' సినిమా ఫీజు కూడా విడిగా పెట్టుకుని మీ పిల్లలకి ఈ సినిమా చూపించండి. వాళ్ళు చాలా ఇన్‌స్పైర్ అవుతారు" అని ఆయన చెప్పారు. ప్రస్తుతం ఈ పాజిటివ్ కామెంట్స్ సోషల్ మీడియాలో వైరల్ అవుతున్నాయి.