Latest
మిలాద్ ఉన్ నబీ పండుగ వేళ పటిష్ట బందోబస్తు
AP: మిలాద్ ఉన్ నబీ పర్వదినాన్ని పురస్కరించుకుని తూర్పుగోదావరి జిల్లా ఎస్పీ డి. నరసింహ కిషోర్ ముస్లిం సోదర సోదరీమణులకు శుభాకాంక్షలు తెలిపారు. పండుగను ప్రశాంత వాతావరణంలో నిర్వహించేందుకు పోలీసు యంత్రాంగం అప్రమత్తంగా ఉండాలని అధికారులను ఆదేశించారు. ఎలాంటి అవాంఛనీయ ఘటనలకు అవకాశం లేకుండా పటిష్ట బందోబస్తు ఏర్పాటు చేయాలని సూచించారు. ముఖ్యంగా మసీదులు, దర్గాల వద్ద ప్రత్యేక భద్రతా చర్యలు చేపట్టాలని, రద్దీ ప్రాంతాల్లో ట్రాఫిక్ నియంత్రణపై ప్రత్యేక దృష్టి సారించాలని ఆదేశించారు.
ఆన్లైన్లో విషపూరిత విత్తనాలు అమ్మారా? 😳
ఆన్లైన్లో దొరికే ప్రతి వస్తువూ తినడానికి సేఫ్ అనుకోవద్దు! కర్ణాటకలో ధతూరా పండ్లు, విత్తనాలు ఆన్లైన్ ప్లాట్ఫామ్లలో మానవ వినియోగానికి అమ్ముతున్నట్లు అధికారులు గుర్తించారు. దీంతో Amazon, Swiggy Instamart, BigBasket వంటి ప్లాట్ఫామ్లపై చర్యలు తీసుకున్నారు. ధతూరా మొక్కలోని కొన్ని భాగాల్లో విషపూరిత పదార్థాలు ఉంటాయి. వాటిని పొరపాటున తీసుకుంటే తీవ్రమైన ఆరోగ్య సమస్యలు వచ్చే ప్రమాదం ఉంది. అందుకే ఆన్లైన్లో కనిపించినంత మాత్రాన ఏ వస్తువునైనా ఆహారంగా తీసుకోవద్దని ఈ ఘటన మరోసారి గుర్తుచేస్తోంది.
ఆశావర్కర్ల డిమాండ్లు పరిష్కరించాలి: MLA సంజయ్
TG: తమ న్యాయమైన డిమాండ్ల సాధన కోసం ఆశా వర్కర్లు చేపట్టిన ధర్నాకు కోరుట్ల MLA సంజయ్ మద్దతుగా నిలిచారు. హైదరాబాద్లోని మెడికల్ కౌన్సిల్ కార్యాలయం ఎదుట ఆశా వర్కర్లు నిర్వహించిన ఆందోళనలో ఆయన పాల్గొని వారికి సంఘీభావం తెలిపారు. ఈ సందర్భంగా సంజయ్ మాట్లాడుతూ.. ఆశావర్కర్ల పట్ల ప్రభుత్వం చిన్నచూపు చూడటం సరికాదన్నారు. కరోనా కష్టకాలంలో ప్రాణాలను సైతం లెక్కచేయకుండా ప్రజలకు అందించిన సేవలను ప్రభుత్వం గుర్తించాలని కోరారు. ఆశా వర్కర్ల న్యాయమైన సమస్యలను వెంటనే పరిష్కరించాలని డిమాండ్ చేశారు.
8 లక్షల మంది యువతతో PM Modi
రేపు దేశవ్యాప్తంగా లక్షలాది యువత ఒకే వేదికపైకి రానున్నారు. ఆగస్టు 27న జరిగే ‘ఖేలో ఇండియా సంవాద్’లో ప్రధాని మోదీ సుమారు 8 లక్షల మంది యువతతో వర్చువల్గా మాట్లాడనున్నారు. యువతను క్రీడలతో పాటు దేశ అభివృద్ధిలో మరింత భాగస్వామ్యం చేయడంపై ఈ కార్యక్రమం ఫోకస్ పెట్టనుంది. దేశంలోని వివిధ ప్రాంతాల నుంచి యువత పాల్గొనడంతో వారి ఆలోచనలు, ఆసక్తులు, ఆశయాలకు ఈ వేదిక ప్రాధాన్యం ఇవ్వనుంది. ఇంతమంది యువతతో ఒకేసారి మాట్లాడనున్న ప్రధాని ఏ అంశాలపై ఫోకస్ చేస్తారు? ఎలాంటి సందేశం ఇస్తారన్నదే ఇప్పుడు ఆసక్తిగా మారింది.
పాము కనిపిస్తే.. ఇక ఫోన్లోనే Rescue Help!
ఇంట్లో ఒక్కసారిగా పాము కనిపిస్తే, భయంతో దాన్ని పట్టుకోవాలని లేదా చంపాలని ప్రయత్నించడం ప్రమాదమే. ఈ సమస్యకు టెక్నాలజీతో పరిష్కారం చూపేందుకు మధ్యప్రదేశ్ ఫారెస్ట్ డిపార్ట్మెంట్ ‘SHIVAA’ అనే డిజిటల్ ప్లాట్ఫామ్ను సిద్ధం చేస్తోంది. ఇందులో దగ్గర్లో ఉన్న రిజిస్టర్డ్ స్నేక్ రెస్క్యూయర్ను సంప్రదించే అవకాశం ఉంటుంది. పాముకాటు జరిగితే ఫస్ట్ ఎయిడ్ సూచనలు, యాంటీ-స్నేక్ వెనం అందుబాటులో ఉన్న హాస్పిటల్స్ సమాచారం కూడా లభిస్తుంది. అక్టోబర్ 2–8 మధ్య వైల్డ్లైఫ్ వీక్లో దీనిని ప్రారంభించేందుకు ప్లాన్ చేస్తున్నారు.
ప్రజాసమస్యలపై కమిటీలు చొరవ చూపాలి: గుత్తా
TG: ప్రజా సమస్యలను లోతుగా అధ్యయనం చేసి, వాటి పరిష్కారానికి ప్రభుత్వానికి అవసరమైన సూచనలు చేయడంలో శాసన కమిటీలు కీలకపాత్ర పోషించాలని శాసనమండలి ఛైర్మన్ గుత్తా సుఖేందర్రెడ్డి సూచించారు. శాసనమండలి సమావేశ మందిరంలో షెడ్యూల్డ్ తెగల సంక్షేమం, వెనకబడిన తరగతుల సంక్షేమం, మహిళలు, పిల్లలు, దివ్యాంగులు, వృద్ధుల సంక్షేమ కమిటీల సమావేశాలు జరిగాయి. ఈ సందర్భంగా గుత్తా మాట్లాడుతూ.. ప్రభుత్వ సంక్షేమ పథకాలు అర్హులైన ప్రతి ఒక్కరికీ చేరేలా కమిటీలు పర్యవేక్షించాలని అన్నారు.
UPIకి 10 ఏళ్లు.. జేబులో డబ్బు ఎందుకు తగ్గిపోయింది?
ఒకప్పుడు టీ తాగాలన్నా జేబులో క్యాష్ ఉందా అని చూసుకునేవాళ్లం.. ఇప్పుడు షాప్లో QR కోడ్ ఉందా అని చూస్తున్నాం! 2016లో మొదలైన UPI పదేళ్లలో మన పేమెంట్ అలవాట్లనే మార్చేసింది. మొదటి ఏడాది 1.78 కోట్లుగా ఉన్న లావాదేవీలు.. 2025-26లో ఏకంగా 24,162 కోట్లకు చేరాయి. అంటే రోజుకు సగటున 66 కోట్ల లావాదేవీలు జరుగుతున్నాయి. క్యాష్ వెంట తీసుకెళ్లడం తగ్గిపోయింది.. ఇప్పుడు పర్సు మర్చిపోయినా పర్లేదు, ఫోన్ మాత్రం మర్చిపోకూడదనే పరిస్థితి వచ్చింది. మన చేతిలో ఉన్న డబ్బు కన్నా.. ఫోన్పైనే నమ్మకం పెరిగిపోయింది!
బస్సు-కంటైనర్ ఢీ.. క్షణాల్లో మారిపోయిన ప్రయాణం
TG: సూర్యాపేట జిల్లా కోదాడ మండలం దొరకుంట శివారులో బుధవారం తెల్లవారుజామున ఘోర ప్రమాదం జరిగింది. హైదరాబాద్ నుంచి ఏలూరు వెళ్తున్న ప్రైవేట్ ట్రావెల్స్ బస్సు రోడ్డుపై ఆగి ఉన్న కంటైనర్ను వెనుక నుంచి బలంగా ఢీకొట్టింది. ఘటనలో ఆరుగురు అక్కడికక్కడే మృతి చెందగా, పలువురు తీవ్రంగా గాయపడ్డారు క్షతగాత్రులను కోదాడ ప్రభుత్వ ఆస్పత్రికి తరలించి చికిత్స అందిస్తున్నారు. పోలీసులు ఘటనాస్థలికి చేరుకుని సహాయక చర్యలు చేపట్టారు. ప్రమాదానికి కారణం డ్రైవర్ నిర్లక్ష్యమా, అతివేగమా అనే కోణంలో దర్యాప్తు చేస్తున్నారు.
మూసీ పనుల్లో వేగం పెంచాలి: రేవంత్ రెడ్డి
TG: మూసీ పునరుజ్జీవ ప్రాజెక్టు రెండోదశ పనులను వేగంగా ప్రారంభించేందుకు CM రేవంత్రెడ్డి కీలక ఆదేశాలు జారీ చేశారు. మూసీ ప్రాజెక్టుపై CM సమీక్ష నిర్వహించారు. నాగోల్ నుంచి గౌరెల్లి వరకు వ్యవసాయ భూములు, ఖాళీ స్థలాలు అధికంగా ఉన్నందున అక్కడ అభివృద్ధి పనులను త్వరగా చేపట్టాలని సూచించారు. అవసరమైన భూమిని గుర్తించేందుకు జిల్లా కలెక్టర్లు సర్వే నిర్వహించాలని, HMDA విధానంలో భూసమీకరణ చేపట్టాలని ఆదేశించారు. FTL, బఫర్జోన్, అసైన్డ్ భూముల విషయంలో చట్టపరమైన సమస్యలు రాకుండా స్పష్టమైన విధానం రూపొందించాలన్నారు.
గ్రీన్ ఎనర్జీ రంగంతో APకి కొత్త శకం: మంత్రి లోకేశ్
పునరుత్పాదక ఇంధన రంగంలో ఆంధ్రప్రదేశ్ను దేశంలో నంబర్ వన్గా నిలపాలన్న లక్ష్యంతో రాష్ట్రప్రభుత్వం అడుగులు వేస్తోందని మంత్రి నారా లోకేశ్ తెలిపారు. అనంతపురం జిల్లా కణేకల్లు మండలం హులికెరలో రూ.10వేల కోట్ల పెట్టుబడితో సుజ్లాన్ సంస్థ ఏర్పాటు చేయనున్న 1,325 మెగావాట్ల పవన విద్యుత్ ప్రాజెక్టులకు శంకుస్థాపన చేశారు. రాయదుర్గం, ఉరవకొండ, కళ్యాణదుర్గం నియోజకవర్గాల్లో ప్రాజెక్టులు ఏర్పాటు కానున్నాయి. గ్రీన్ ఎనర్జీ రంగంలో యువతకు ఉపాధి కల్పించేందుకు ఉరవకొండ, విజయవాడలో స్కిల్ సెంటర్స్ ఏర్పాటు చేశామన్నారు.
తెలంగాణ టూరిజంపై CS మాస్టర్ ప్లాన్
తెలంగాణ టూరిజాన్ని జాతీయ, అంతర్జాతీయ స్థాయిలో మరింత విస్తరించేందుకు ప్రభుత్వం ప్రత్యేక ప్రణాళికలతో ముందుకెళ్తోందని ప్రభుత్వ ప్రధాన కార్యదర్శి సంజయ్ జాజు పేర్కొన్నారు. హైదరాబాద్లో సచివాలయంలో పర్యాటక రంగంపై CS అన్ని జిల్లాల కలెక్టర్లతో వీడియో కాన్ఫరెన్స్ నిర్వహించారు. రాష్ట్ర పర్యాటక రంగ అభివృద్ధిపై ప్రత్యేక దృష్టి పెట్టాలని జిల్లా కలెక్టర్లను ఆదేశించారు. రాష్ట్రంలో ఇప్పటికే 27 ప్రత్యేక పర్యాటక ప్రాంతాలను గుర్తించామని, వాటిని మరింత ఆకర్షణీయంగా తీర్చిదిద్దేందుకు చర్యలు తీసుకోవాలని సూచించారు.
Alarm మోగగానే Snooze కొడుతున్నారా..?
అలారం మోగింది.. “ఇంకో 5 మినిట్స్” అంటూ స్నూజ్ కొడుతున్నారా..? 😴 ఒక్కసారి కాదు.. మళ్లీ మళ్లీ స్నూజ్ చేస్తుంటే నిద్ర పదే పదే డిస్టర్బ్ అవుతుంది. దీంతో లేచిన తర్వాత కూడా మత్తుగా, ఫ్రెష్గా లేనట్టు అనిపించొచ్చు. అయితే స్నూజ్ చేయడం ప్రతి ఒక్కరికీ హానికరమే అని చెప్పడానికి స్ట్రాంగ్ ఎవిడెన్స్ లేదు. రెగ్యులర్గా సరిపడా నిద్రపోవడం, ప్రతిరోజూ ఒకే టైమ్కు లేవడం బెటర్. అలారం రోజూ మీతో “ఇంకో 5 మినిట్స్” యుద్ధం చేస్తుంటే.. అసలు మీ స్లీప్ టైమ్నే చెక్ చేయాల్సిన టైమ్ కావచ్చు!
Social Battery అంటే ఏంటి?
ఫ్రెండ్స్తో ఔటింగ్, పార్టీ లేదా ఫంక్షన్కి వెళ్లాక.. “ఇంక చాలు, ఇంటికి వెళ్లాలి” అనిపిస్తుందా? దీన్నే చాలామంది “సోషల్ బ్యాటరీ అయిపోయింది” అంటారు. అంటే నిజంగా బ్యాటరీ అయిపోవడం కాదు. ఎక్కువసేపు జనాలతో మాట్లాడటం, సోషల్ ఈవెంట్స్లో ఉండటం వల్ల మెంటల్గా అలసిపోయి, కొంతసేపు ఒంటరిగా ఉండాలనిపించడం. ఇది ఇంట్రోవర్ట్స్లో ఎక్కువగా కనిపించినా, ఎవరికైనా ఇలా అనిపించొచ్చు. కొద్దిసేపు ప్రశాంతంగా గడిపితే మళ్లీ ఫ్రెష్గా అనిపిస్తుంది. ఫోన్కి ఛార్జర్ ఎలా అవసరమో.. కొన్నిసార్లు మనకూ “మన Time” అంతే అవసరం!
ప్రభుత్వ పనుల్లో AI.. ఇక మరింత పెరగనుందా?
ఇక ప్రభుత్వ పనుల్లో AI ఒక ప్రయోగంగా కాకుండా.. రోజువారీ పనుల్లోనూ కనిపించబోతోందా? కేంద్రం డిజిటల్ ఇండియా ప్రాజెక్టుల కోసం మరిన్ని AI, మెషిన్ లెర్నింగ్ భాగస్వాములను చేర్చుకునే ప్రక్రియను మళ్లీ ప్రారంభించింది. ఇప్పటికే ఎంపిక చేసిన సంస్థలతో పాటు టెక్ కంపెనీలను తీసుకురావడం దీని ఉద్దేశం. క్యాబినెట్ నోట్స్ను సారాంశం చేయడం, ముఖ గుర్తింపుతో హాజరు నమోదు, డిజిలాకర్లో AI ఆధారిత సేవలు వంటి పనులకు ఈ టెక్నాలజీని ఉపయోగించే అవకాశం ఉందని టెండర్లో పేర్కొన్నారు.
Bitcoin మళ్లీ $80,000 దాటింది!
Bitcoin ఒక్కసారిగా మళ్లీ స్పీడ్ పెంచింది! ఆగస్టు 25న తొలిసారి మే తర్వాత $80,000 మార్క్ను దాటింది. గత వారం రోజుల్లోనే దాదాపు 25% పెరిగింది. అమెరికా Treasury దీర్ఘకాలిక బాండ్లను ఎక్కువగా కొనుగోలు చేయబోతోందన్న వార్తలతో డాలర్ బలహీనపడొచ్చనే భయాలు పెరిగాయి. దీంతో కొందరు Investors Bitcoin, Gold వైపు మళ్లారు. మరోవైపు అమెరికాలో Cryptoకి సంబంధించి కొత్త, అనుకూలమైన రూల్స్ వస్తాయన్న అంచనాలు కూడా ఈ పెరుగుదలకు మరింత బలాన్నిచ్చాయి. దీంతో కొనుగోళ్లు ఒక్కసారిగా పెరగడం Bitcoin ర్యాలీకి మరింత ఊపునిచ్చింది.
16లోపు పిల్లలకు Social Media కట్?
పిల్లలకు ఫోన్ ఇవ్వొచ్చు.. కానీ Social Media మాత్రం వద్దంటోంది న్యూజిలాండ్! 16 ఏళ్లలోపు పిల్లలు Instagram, TikTok, Facebook లాంటి Social Media వాడకుండా కొత్త బిల్లు తీసుకొస్తోంది అక్కడి ప్రభుత్వం. రోజూ గంటల తరబడి Social Mediaలో ఉండటం వల్ల పిల్లల చదువు, నిద్ర, కుటుంబ జీవితం, మానసిక ఆరోగ్యంపై ప్రభావం పడుతోందని ప్రభుత్వం చెబుతోంది. రూల్ పాటించని కంపెనీలకు ప్రపంచ ఆదాయంలో 10% వరకు ఫైన్ వేయాలని ప్రతిపాదించారు. అయితే ఈ రూల్పై రాజకీయంగా వ్యతిరేకత కూడా ఉంది.
🏸గాయత్రి, త్రిసాని అభినందించిన CM రేవంత్
TG : వరల్డ్ బ్యాడ్మింటన్ ఛాంపియన్షిప్ ఉమెన్స్ డబుల్స్లో కాంస్య పతకం (Bronze Medal) గెలిచిన గాయత్రి గోపీచంద్, త్రిసా జాలీలను CM రేవంత్ రెడ్డి ప్రత్యేకంగా అభినందించారు. కోచ్ పుల్లెల గోపీచంద్, పీవీవీ లక్ష్మితో కలిసి వారు CMని జూబ్లీహిల్స్లోని ఆయన నివాసంలో కలిశారు. మెడల్ సాధించినందుకు వీరికి CM బెస్ట్ విషెస్ చెప్పారు.
🌱 జీవ ఎరువులతో ఖర్చు తక్కువ
AP : అనంతగిరి మండలం చిలకలగెడ్డ రైతు సేవా కేంద్రంలో ఆత్మ (ATMA) ఆధ్వర్యంలో రైతులకు జీవ ఎరువులపై ట్రైనింగ్ ఇచ్చారు. అరకు ఏడీఏ మోహనరావు, ఏఓ రంగారావు పాల్గొని జీవ ఎరువుల రకాలు, వాటిని ఎలా వాడాలి, వచ్చే లాభాలను వివరించారు. ఈ ఎరువులు వాడితే నేల సారం పెరిగి పంట ఖర్చు తగ్గుతుందని చెప్పారు. కెమికల్ ఎరువులు తగ్గించి, ఇష్టంగా ఆర్గానిక్ పద్ధతులు పాటించాలని రైతులకు ఆఫీసర్లు సలహా ఇచ్చారు.
హాస్పిటల్లో తాగే నీళ్ల దగ్గరే తిరుగుతున్న కుక్కలు🐕
TG : జగిత్యాల జిల్లా మెట్పల్లి గవర్నమెంట్ హాస్పిటల్లో పారిశుద్ధ్యం, సెక్యూరిటీ బాలేదని రోగులు ఇబ్బందులు పడుతున్నారు. హాస్పిటల్లో వీధి కుక్కలు తిరుగుతూ భయపెడుతున్నాయి. చివరకు పేషెంట్లు తాగే వాటర్ ట్యాంక్ దగ్గరే కుక్కలు తిరుగుతున్న ఫొటోలు బయటపడ్డాయి. దీనివల్ల ఇన్ఫెక్షన్లు వచ్చే ఛాన్స్ ఉందని జనాలు భయపడుతున్నారు. అధికారులు రోజూ చూస్తున్నా పట్టించుకోవడం లేదని, ఇప్పటికైనా చర్యలు తీసుకోవాలని డిమాండ్ చేస్తున్నారు.
📄 ఒరిజినల్ సర్టిఫికెట్లు మిస్సింగ్.. దొరికితే హెల్ప్ చేయండి
TG : వరంగల్ జిల్లా పర్వతగిరి మండలానికి చెందిన అగ్గండుల అనిత తన 10వ తరగతి ఒరిజినల్ సర్టిఫికెట్లు పోగొట్టుకున్నారు. నర్సంపేట బస్టాండ్ దగ్గర ఒరిజినల్ TC, Original Memo, Short Memo ఉన్న కవర్ పోయింది. దీనిపై ఇప్పటికే నర్సంపేట పోలీస్ స్టేషన్లో కంప్లయింట్ చేశారు. ఎవరికైనా ఈ సర్టిఫికెట్స్ దొరికితే వెంటనే నర్సంపేట పోలీస్ స్టేషన్లో లేదా సంబంధిత పర్సన్కి ఇచ్చి హెల్ప్ చేయాలని కోరుతున్నారు.
📚 నవోదయ విద్యాసంస్థల డెవలప్మెంట్కు స్పెషల్ ప్లాన్
TG : నాగర్కర్నూల్ జవహర్ నవోదయ విద్యాలయంలో స్టూడెంట్స్కి బెటర్ ఎడ్యుకేషన్, ఫెసిలిటీస్ అందించేందుకు స్పెషల్ ప్లాన్ రెడీ చేయాలని కలెక్టర్ హేమంత్ కేశవ్ పాటీల్ అధికారులను ఆదేశించారు. కలెక్టరేట్లో జరిగిన అడ్వైజరీ కమిటీ మీటింగ్లో ఆయన మాట్లాడారు. పాఠశాలకు రోడ్ రిపేర్లు, విద్యార్థుల కోసం 20 కొత్త కంప్యూటర్లు కావాలని ప్రిన్సిపాల్ కోరగా, అన్ని వసతులకు ప్రపోజల్స్ రెడీ చేస్తే జిల్లా యంత్రాంగం నుంచి ఫుల్ సపోర్ట్ ఇస్తామని కలెక్టర్ హామీ ఇచ్చారు.