International

International· 11 Oct 2026

ఖలిస్థాన్‌పై భారత్ డబుల్ స్టాండ్?

కెనడాలో ఖలిస్థాన్‌కు శాంతియుతంగా సపోర్ట్ చేయడంపై తమకు అభ్యంతరం లేదని భారత హైకమిషనర్ దినేశ్ పట్నాయక్ క్లారిటీ ఇచ్చారు. కానీ అదే పేరుతో హింసకు దిగినా, గన్స్ స్మగ్లింగ్, డ్రగ్స్ అక్రమ రవాణా, బెదిరింపులు చేసినా ఊరుకునేది లేదని స్పష్టం చేశారు. తమ అభిప్రాయాన్ని చెప్పడం వేరు.. క్రిమినల్ పనులు చేయడం వేరని తేల్చిచెప్పారు. కెనడాలో మాట్లాడే స్వేచ్ఛను గౌరవిస్తూనే, హింసకు మాత్రం చెక్ పెట్టాలన్నది భారత్ స్టాండ్!

▶

International· 11 Oct 2026

బెర్లిన్‌లో ఇండియన్స్ ప్రొటెస్ట్.

జర్మనీలోని బెర్లిన్‌లో నివసిస్తున్న ఇండియన్స్ ఢిల్లీలో జరుగుతున్న ప్రొటెస్ట్‌కు మద్దతుగా ప్రొటెస్ట్ చేశారు. స్వదేశానికి దూరంగా ఉన్నా, తమ గొంతును వినిపిస్తామని స్పష్టం చేశారు. భయానికి, సరిహద్దులకు తమ నిరసన ఆగదని, నిజం కోసం ప్రశ్నిస్తూనే ఉంటామని తెలిపారు. ప్రజాస్వామ్యాన్ని కాపాడేందుకు, అన్యాయాన్ని ఎదిరించేందుకు అందరూ నిలబడాలని పిలుపునిచ్చారు. “ఇంక్విలాబ్ జిందాబాద్” అంటూ నినాదం చేస్తూ ప్రొటెస్ట్ చేసిన వీడియోస్ సోషల్ మీడియాలో పోస్ట్ చేస్తున్నారు.

▶

International· 11 Oct 2026

సౌదీ ఎయిర్‌పోర్ట్‌లో దాడి.. 12 మంది మృతి

సౌదీ అరేబియా రాజధాని రియాద్‌లోని కింగ్ ఖాలిద్ ఇంటర్నేషనల్ ఎయిర్‌పోర్ట్‌లో దాడి జరిగింది. ఈ ఘటనలో కనీసం 12 మంది చనిపోగా, 309 మంది గాయపడ్డారు. గాయపడిన వారిలో కొందరి పరిస్థితి విషమంగా ఉంది. దాడికి హౌతీ తిరుగుబాటుదారులే కారణమని సౌదీ నేతృత్వంలోని సైనిక కూటమి ఆరోపించింది. ఎయిర్‌పోర్ట్‌లో సేవలు నిలిపివేశారు. ఈ దాడికి ప్రతీకారం తీర్చుకుంటామని సౌదీ కూటమి హెచ్చరించింది.

International· 10 Oct 2026

ఢిల్లీలో 7వేల మంది డిటైన్.. ఐక్యరాజ్యసమితి (UN) ఆందోళన!

ఢిల్లీలో నిరసనల సందర్భంగా సుమారు 7వేల మందిని పోలీసులు డిటైన్ చేశారు. ఈ ఘటనపై UN హ్యూమన్ రైట్స్ ప్రతినిధి థమీన్ అల్-ఖీతాన్ ఆందోళన వ్యక్తం చేశారు. శాంతియుతంగా నిరసన తెలిపే హక్కును గౌరవించాలని, అవసరానికి మించి ఆంక్షలు విధించకూడదని అధికారులను కోరారు. అక్రమంగా నిర్బంధించిన వారిని వెంటనే, ఎలాంటి షరతులు లేకుండా విడుదల చేయాలని, సమస్యలపై చర్చలు జరపాలని ఐక్యరాజ్యసమితి (UN) పిలుపునిచ్చింది.

International· 10 Oct 2026

విదేశీ చదువులకు కొత్త ఫారిన్ డెస్టినేషన్స్‌!

ఎడ్యుకేషన్, జాబ్స్ కోసం ఇండియన్స్ ఇప్పుడు జర్మనీ, పోలాండ్ వంటి యూరప్ కంట్రీస్‌‌కు ఎక్కువగా వెళ్తున్నారని రిపోర్ట్స్ చెప్తున్నాయి. అమెరికా, బ్రిటన్‌లో పెరుగుతున్న ఖర్చులు, వీసా రూల్స్ రిజన్స్‌తో ఇతర దేశాలకు వెళ్తున్నారు. యూరప్‌లో ఉద్యోగ అవకాశాలు, అందుబాటులో ఉండే విద్య ఖర్చులు ఆకర్షిస్తున్నాయి. ఇంజినీరింగ్‌పై ఇంటరెస్ట్ తగ్గడం, బిజినెస్, హెల్త్‌కేర్ కోర్సులపై స్టూడెంట్స్ దృష్టి పెడుతున్నారు.

International· 10 Oct 2026

ఖతార్‌కు హౌతీ నేత వార్నింగ్..

Houthi నేత అబ్దుల్ మాలిక్ అల్ హౌతీ యెమెన్‌లో సౌదీ అరేబియా చేపడుతున్న సైనిక చర్యలకు మద్దతు ఇస్తే పరిణామాలు ఎదుర్కోవాల్సి వస్తుందని హౌతీ ఖతార్‌ను హెచ్చరించారు. గతంలో పాకిస్థాన్, టర్కీకి కూడా ఇలాంటి హెచ్చరికలు చేశారు. ఖతార్‌లో అమెరికా ముఖ్యమైన సైనిక బేస్ అల్ ఉదైద్ ఉంది. ఇది ప్రాంతీయ ఉద్రిక్తత పెంచే అవకాశం ఉంది.

▶

International· 10 Oct 2026

పనామాలో భారీ భూకంపం..

పనామాలో శుక్రవారం భారీ భూకంపం సంభవించింది. రిక్టర్ స్కేలుపై 7.7 తీవ్రతతో నమోదైంది. భూమికి 12.6 కిలోమీటర్ల లోతులో వచ్చిన ఈ భూకంపం దాదాపు నిమిషం పాటు కొనసాగింది. దీంతో భవనాలు, రోడ్లు దెబ్బతిన్నాయి. పనామా సిటీలో ప్రజలు ఎత్తైన బిల్డింగ్స్ నుంచి బయటకు పరుగులు తీశారు. 40సార్లకు పైగా ప్రకంపనలు కూడా వచ్చాయి. అయితే ప్రాణ, అస్తి నష్టం వివరాలను అధికారులు అంచనా వేస్తున్నారు.

International· 9 Oct 2026

బస్ డ్రైవర్ కూతురు నుంచి నోబెల్ అవార్డ్ దాకా!

నోబెల్ శాంతి <a href="https://www.theclearcutnews.com/n/xWpaVxz">బహుమతిని</a> సాధించిన నవనీతమ్ పిళ్లై ప్రయాణం ఎంతో స్ఫూర్తిదాయకం. 1942లో సౌత్ ఆఫ్రికాలోని డర్బన్‌లో తమిళ కుటుంబంలో పుట్టిన ఆమె.. చిన్నతనంలో ఆర్థిక కష్టాలు, వర్ణవివక్షను ఎదుర్కొన్నారు. ఆమె తండ్రి బస్ డ్రైవర్‌గా పనిచేస్తూనే కూతురు చదువుకు అండగా నిలిచారు. లాయర్ కావాలన్న కలతో ముందుకు సాగిన నవనీతమ్.. దక్షిణాఫ్రికాలో తొలి మహిళా జడ్జిగా హిస్టరీ క్రియేట్ చేశారు. మానవ హక్కుల పరిరక్షణలోనూ కీలక పాత్ర పోషించారు.

International· 9 Oct 2026

అక్కడ ఆడవాళ్లకు ‘శతమానంభవతి’

ఇటలీలోని ఒక చిన్న గ్రామంలో మహిళలు 100 సంవత్సరాలు పైబడి జీవిస్తున్నారనే విషయాన్ని శాస్త్రవేత్తలు కనుగొన్నారు. ఇటలీకి చెందిన Sardinia ద్వీపంలో ఉన్న Bolotana అనే కొండ ప్రాంత గ్రామం ఇది. ఈ గ్రామంలో 70 ఏళ్లు దాటిన మహిళల్లో దాదాపు 13.8 శాతం మంది 100 ఏళ్ల వయస్సును చేరుకుంటున్నారు. ఇటలీలోని ఇతర ప్రాంతాల్లో లేదా అమెరికా వంటి అభివృద్ధి చెందిన దేశాల్లో ఈ శాతం కేవలం 3.5 శాతంగానే ఉంది. ప్రపంచంలోని మిగతా ప్రాంతాలతో పోలిస్తే ఇక్కడి మహిళలు 100 ఏళ్లు జీవించే అవకాశం నాలుగింతలు ఎక్కువ.

International· 9 Oct 2026

పోరాటాలే పిళ్లై జీవితం

నవనీతమ్ పిళ్లై.. రువాండా ఇంటర్నేషనల్ క్రిమినల్ ట్రిబ్యునల్, ఇంటర్నేషనల్ క్రిమినల్ కోర్టు, UNO హ్యూమన్ రైట్స్ కమిషనర్‌గా పనిచేస్తూ మానవ హక్కులు, అంతర్జాతీయ చట్టం కోసం దశాబ్దాలుగా కృషి చేశారు. యుద్ధ నేరాలు, మానవత్వ వ్యతిరేక నేరాలు, హత్యల కేసుల్లో న్యాయం చేయడంలో ఆమె కీలక పాత్ర పోషించారు. ఆమె కృషి,.. <a href="https://www.theclearcutnews.com/n/xWpaVxz">శాంతి, అంతర్జాతీయ చట్టాన్ని </a>ప్రోత్సహించినందుకు ఈ సంవత్సరం ఆమెకు నోబెల్ శాంతి బహుమతిని ప్రకటించారు నిర్వాహకులు.

International· 9 Oct 2026

2026 నోబెల్ శాంతి బహుమతి ప్రకటన

ఈ సంవత్సరం నోబెల్ శాంతి బహుమతిని.. నవనీతమ్ పిళ్లైకి ప్రకటించారు. భారతీయ తమిళ సంతతికి చెందిన ఆమె.. సౌతాఫ్రికాలో మొదటి మహిళా న్యాయమూర్తిగా చరిత్రకెక్కారు. సౌతాఫ్రికాలో హైకోర్టు జడ్జిగా పనిచేసిన నవనీతమ్.. మానవ హక్కుల కోసం దశాబ్దాలుగా పోరాడుతున్నారు. <a href="https://www.theclearcutnews.com/n/YxXK96b">ఆమె కృషికి గుర్తింపుగా</a> ఈ అవార్డును ప్రకటించారు. పిళ్లై తల్లిదండ్రులు నారాయణ స్వామి నాయుడు, శాంతమ్మ నాయుడు. తాతల కాలంలోనే ఆమె సౌతాఫ్రికాకు వలస వెళ్లారు.

International· 9 Oct 2026

చిన్నారుల చూపుపై నిర్లక్ష్యం వద్దు

ప్రపంచవ్యాప్తంగా సుమారు 1.9 కోట్ల మంది చిన్నారులు చూపు సమస్యలతో బాధపడుతున్నారని 'World Health Organization' అంచనా వేసింది. వీరిలో 14 లక్షల మంది పూర్తిగా చూపు కోల్పోయారు. భారత్‌లోనూ సుమారు 3 లక్షల మంది చిన్నారులు అంధత్వంతో బాధపడుతున్నట్లు ఈ నివేదికలో తెలిపారు. చిన్నతనంలోనే కంటి సమస్యలను గుర్తిస్తే చాలా వరకు చికిత్సతో నివారించవచ్చు. అందుకే టీకాలు, సాధారణ ఆరోగ్య పరీక్షల సమయంలోనూ పిల్లల కళ్లను పరీక్షించాలని వైద్య నిపుణులు సూచిస్తున్నారు.

International· 9 Oct 2026

భగ్గుమంటున్న నూనెల ధరలు.. ఇంకా పెరుగుతాయా?

ప్రపంచవ్యాప్తంగా వంటనూనెల ధరలు పెరుగుతున్నాయి. ఐక్యరాజ్యసమితి ఆహార, వ్యవసాయ సంస్థ (FAO) ప్రకారం, 2026 సెప్టెంబర్‌లో వంటనూనెల ధరల సూచీ 198.6 పాయింట్లకు చేరింది. రష్యా–ఉక్రెయిన్ యుద్ధం, వాతావరణ మార్పులు, నూనెలను బయోడీజిల్ తయారీకి ఎక్కువగా వాడటం దీనికి ప్రధాన కారణాలు. ఇండోనేషియా బయోడీజిల్ తయారీని పెంచడంతో ఎగుమతులకు అందుబాటులో ఉండే పామాయిల్ సప్లై తగ్గొచ్చు. భారత్ దిగుమతులపై ఆధారపడటంతో ఇండియాలో నూనెల ధరలు మరింత పెరిగే ఛాన్సుంది.

International· 9 Oct 2026

Green Card సస్పెన్షన్‌.. TCS రియాక్షన్‌ ఇదే!

అమెరికాలో Green Card కోసం ఎంప్లాయిస్‌‌కు స్పాన్సర్ చేసే PERM ప్రోగ్రామ్ నుంచి సస్పెండ్ అయినా TCS ధీమాగా ఉంది. ఈ నిర్ణయం తమ హైరింగ్ స్ట్రాటజీ, కస్టమర్ సేవలపై పెద్దగా ప్రభావం చూపదని తెలిపింది. గత రెండేళ్లలో PERM అప్లికేషన్లు సింగిల్ డిజిట్‌కే పరిమితమయ్యాయని పేర్కొంది. అమెరికా లేబర్ డిపార్ట్‌మెంట్ ఆర్డర్స్‌ను పాటిస్తామని తెలిపింది. వచ్చే ఐదేళ్లలో అమెరికాలో మరో 15 వేల మంది స్థానికులకు జాబ్స్ ఇవ్వనున్నట్లు వెల్లడించింది.

International· 9 Oct 2026

ప్రకృతిని పరిచయం చేసే లైబ్రరీ!

అమెరికాలోని కొలరాడో రాష్ట్రం థార్న్టన్‌లో ప్రకృతిని దగ్గరగా తెలుసుకునేందుకు ప్రత్యేక లైబ్రరీని ఏర్పాటు చేశారు. ‘అనీథింక్ నేచర్ లైబ్రరీ’ పేరుతో అందుబాటులోకి వచ్చిన ఈ లైబ్రరీలో పుస్తకాలతో పాటు ప్రకృతిని తెలుసుకునేందుకు ఉపయోగపడే వస్తువులను ఉచితంగా తీసుకెళ్లవచ్చు. పక్షులను చూడటానికి బైనాక్యులర్లు, మొక్కలను పెంచేందుకు అవసరమైన వస్తువులు, చిన్న జీవులను దగ్గరగా చూడటానికి ఉపయోగించే పరికరాలు, అడవి జంతువులను గమనించే కెమెరాలు అందుబాటులో ఉన్నాయి. పిల్లలు, పెద్దల్లో ప్రకృతిపై ఆసక్తి పెంచడం దీని ముఖ్య ఉద్దేశం.

International· 9 Oct 2026

IT కంపెనీలకు షాక్‌!

ట్రంప్ సర్కార్ 8 దిగ్గజ IT కంపెనీలపై ఆంక్షలు విధించింది. కాగ్నిజెంట్, ఇన్ఫోసిస్, టాటా, విప్రో, హెచ్‌సీఎల్, క్యాప్‌జెమినీ, మైక్రోసాఫ్ట్, అడోబ్‌లను విదేశీ ఉద్యోగులకు గ్రీన్‌కార్డు కోసం దరఖాస్తు చేసే ప్రోగ్రామ్ నుంచి తొలగించింది. మరోవైపు, అమెరికాలో చదివిన విదేశీ విద్యార్థుల ఓపీటీ ఉద్యోగ అనుమతికి తొలి ఏడాది ₹67 లక్షల 78 వేల, రెన్యువల్‌కు ₹29 లక్షలు 5 వేల ఫీజు విధించే ప్రతిపాదన వచ్చింది. ఈ ప్రభావం భారతీయ ఉద్యోగులు, విద్యార్థులపై పడే అవకాశం ఉంది.

International· 8 Oct 2026

8 ఐటీ కంపెనీలపై అమెరికా కీలక చర్య

మైక్రోసాఫ్ట్, అడోబ్, కాగ్నిజెంట్, ఇన్ఫోసిస్, టాటా, విప్రో, హెచ్‌సీఎల్, క్యాప్‌జెమినీని PERM ప్రోగ్రామ్ నుంచి సస్పెండ్ చేసింది. ఈ ప్రోగ్రామ్ ద్వారా విదేశీ ఉద్యోగులకు గ్రీన్ కార్డ్ కోసం కంపెనీలు అప్లికేషన్ చేస్తాయి. ఈ సంస్థల పెండింగ్ అప్లికేషన్లను ఇకపై ప్రాసెస్ చేయబోమని అమెరికా కార్మిక శాఖ తెలిపింది. అమెరికా ఉద్యోగులకు ప్రాధాన్యం ఇవ్వడమే లక్ష్యమని అధికారులు చెప్పారు. మైక్రోసాఫ్ట్, అడోబ్‌పై ఫెడరల్ దర్యాప్తులు కొనసాగుతున్నాయని కూడా తెలిపారు.

International· 8 Oct 2026

లిటరేచర్‌లో నోబెల్ గెలిచిన అన్నే కార్సన్.. ఎవరీమె?

కెనడాకు చెందిన కవయిత్రి, రైటర్, ట్రాన్స్‌లేటర్ ‘Anne Carson’కు ఈ ఏడాది లిటరేచర్‌లో నోబెల్ అవార్డు దక్కింది. పోయెట్రీ, ఫిక్షన్, స్కాలర్‌షిప్‌లను కలిపి న్యూ స్టైల్ రైటింగ్స్‌ చేసినందుకు ఆమెను సెలెక్ట్ చేశారు. ఏన్షియంట్ గ్రీక్ లిటరేచర్‌ను కూడా ఆమె ట్రాన్స్‌లేట్ చేశారు. 30 ఏళ్లకు పైగా క్లాసిక్స్ ప్రొఫెసర్‌గా పనిచేశారు. నోబెల్‌ ప్రైజ్ కింద ఆమె 12 మిలియన్ స్వీడిష్ క్రోనర్ (దాదాపు 11 కోట్ల రూపాయలు) క్యాష్ ప్రైజ్ అందుకోనున్నారు.