Local

Local· 7h ago

సూర్యాపేటలో రాంరెడ్డి దామోదర్ రెడ్డి విగ్రహావిష్కరణ

సూర్యాపేట జిల్లా కేంద్రంలోని పబ్లిక్ క్లబ్ ఫంక్షన్ హాల్‌లో మాజీ మంత్రి, మాజీ ఎమ్మెల్యే రాంరెడ్డి దామోదర్ రెడ్డి విగ్రహావిష్కరణ కార్యక్రమం ఘనంగా జరిగింది. ఈ కార్యక్రమానికి కాంగ్రెస్ నాయకులు, కార్యకర్తలు, ఆయన అభిమానులు పెద్ద సంఖ్యలో హాజరయ్యారు. ఆత్మీయ నేత విగ్రహం ముందు వ్యవసాయ మార్కెట్ కమిటీ చైర్మన్ కొప్పుల వేణారెడ్డి భావోద్వేగానికి గురయ్యారు. జిల్లా గ్రంథాలయ చైర్మన్ వంగవీటి రామారావు కూడా విగ్రహావిష్కరణలో పాల్గొన్నారు.

Local· 7h ago

లిఫ్ట్ ఇరిగేషన్‌పై ఆరోపణలు.. కాంగ్రెస్ కౌంటర్

ఖమ్మం జిల్లా వేంసూరు మండలం మర్లపాడులో లిఫ్ట్‌-1, లిఫ్ట్‌-2 నిర్వహణపై BRS నాయకులు చేస్తున్న ఆరోపణలను కాంగ్రెస్ నాయకులు ఖండించారు. సోమవారం గ్రామంలో నిర్వహించిన మీడియా సమావేశంలో మండల కాంగ్రెస్ అధ్యక్షుడు కాసర చంద్రశేఖర్ రెడ్డి మాట్లాడుతూ.. గత 30 ఏళ్లుగా ఆనవాయితీ ప్రకారం రైతుల నుంచి నామమాత్రపు నిర్వహణ రుసుము వసూలు చేస్తున్నట్లు తెలిపారు.

Local· 7h ago

ప్రజలకు ఎలాంటి ఇబ్బందులు కలగకుండా పటిష్ట బందోబస్తు

పెద్దపల్లి జిల్లా గోదావరిఖని సింగరేణి జవహర్‌లాల్ నెహ్రూ స్టేడియంలో జరగనున్న దసరా వేడుకలకు పోలీస్ సెక్యూరిటీ పెంచుతున్నారు. రామగుండం పోలీస్ కమిషనర్ అంబర్ కిషోర్ ఝా ఏర్పాట్లను పరిశీలించి అధికారులకు సూచనలు చేశారు. రావణ దహనం, క్రాకర్ షో, సినీ కళాకారుల ప్రోగ్రామ్స్ ఉండటంతో పెద్ద సంఖ్యలో జనం వచ్చే అవకాశం ఉంది.ట్రాఫిక్, పార్కింగ్ ఇబ్బందులు రాకుండా చూడాలని చెప్పారు. వేడుకలు పూర్తయ్యే వరకు పోలీసులు అలర్ట్‌గా ఉండాలని ఆదేశించారు.

Local· 7h ago

MBBS సీట్ సాధించిన విద్యార్థినికి సన్మానం

రాజన్న సిరిసిల్ల జిల్లా కోనరావుపేట మండలం నాగారం గ్రామానికి చెందిన ఫీల్డ్ అసిస్టెంట్ బుర్ర వేణి కూతురు శ్రీజ ఉస్మానియా మెడికల్ కాలేజీలో బీడీఎస్ సీటు సాధించింది. ఈ సందర్భంగా మాజీ సింగిల్ విండో చైర్మన్, మాజీ సర్పంచ్ గోపాడి సురేందర్ రావు ఆమెను ఘనంగా సన్మానించారు. శ్రీజ సాధించిన విజయం గ్రామానికి గర్వకారణమని, భవిష్యత్తులో మరిన్ని ఉన్నత శిఖరాలు అధిరోహించాలని ఆకాంక్షించారు.

▶

Local· 7h ago

దసరా కోసం ముస్తాబైన వేల్పూర్‌లోని జంబి హనుమాన్ ఆలయం

నిజామాబాద్ జిల్లా వేల్పూర్‌ మండల కేంద్రంలో దసరా పండగ కోసం జంబి హనుమాన్ ఆలయాన్ని అందంగా అలంకరించారు. ఉద్యోగాలు, పనుల కోసం ఇతర ప్రాంతాల్లో సెటిల్ అయిన గ్రామస్తులు కూడా దసరా వచ్చిందంటే సొంతూరికి వస్తారు. ఆలయం దగ్గర పూజలు చేసి, ఒకరికొకరు శుభాకాంక్షలు చెప్పుకుంటారు. గ్రామస్తులంతా కలిసి పండగను ఘనంగా జరుపుకుంటారు. ఈ సందర్భంగా సాంస్కృతిక కార్యక్రమాలు కూడా నిర్వహిస్తారు. దీంతో గ్రామంలో పండగ సందడి కనిపిస్తుంది.

Local· 7h ago

ఆర్టీసీ బస్సులో చోరీ.. తల్లీకూతుళ్ల బంగారం మాయం!

వికారాబాద్ జిల్లా తాండూరులో RTC బస్సులో తల్లీకూతుళ్ల పర్సు కత్తిరించి 2.5 తులాల బంగారు ఆభరణాలను గుర్తుతెలియని వ్యక్తులు చోరీ చేశారు. పాత తాండూరుకు చెందిన ఆండాలమ్మ, కుమార్తె శిరీష సోమవారం హైదరాబాద్ వెళ్లేందుకు బస్సు ఎక్కారు. టికెట్ కోసం ఆధార్ కార్డు తీసే క్రమంలో పర్సు కత్తిరించి ఉండటాన్ని గుర్తించారు. అందులోని బంగారం కనిపించకపోవడంతో పోలీసులకు ఫిర్యాదు చేశారు. ఘటనపై పోలీసులు ఎంక్వైరీ చేపట్టారు.

Local· 7h ago

బస్సులోనే పండంటి బిడ్డకు జన్మనిచ్చిన మహిళ

వికారాబాద్ జిల్లా తాండూరు నుంచి చించోలికి బస్సులో వెళ్తున్న కర్ణాటకలోని జట్టూర్ గ్రామానికి చెందిన పుష్పలతకు దారిలోనే పురిటి నొప్పులు వచ్చాయి. దీంతో డ్రైవర్ వెంటనే బస్సును దగ్గర్లోని ప్రభుత్వ మాతా శిశు ఆసుపత్రికి తీసుకెళ్లారు. అయితే, ఆసుపత్రికి చేరుకునేలోపే పుష్పలత బస్సులోనే ఆడబిడ్డకు జన్మనిచ్చారు. తర్వాత తల్లీబిడ్డలను ఆసుపత్రిలో చేర్చగా ఇద్దరూ క్షేమంగా ఉన్నారు. సరైన సమయంలో స్పందించి సాయం చేసిన డ్రైవర్‌కు కుటుంబ సభ్యులు కృతజ్ఞతలు చెప్పారు.

Local· 8h ago

గ్రామంలో కాలువల పూడిక తొలగింపు

తిరుపతి జిల్లా ఏర్పేడు మండలం మేర్లపాక గ్రామంలో పారిశుద్ధ్య పనులు వేగవంతం చేశారు. గ్రామంలోని ప్రధాన, మురుగు కాలువల్లో పేరుకుపోయిన పూడికను తొలగించి నీటి ప్రవాహానికి ఆటంకాలు లేకుండా చర్యలు చేపట్టారు. రహదారుల పక్కన చెత్తాచెదారం, పిచ్చిమొక్కలను తొలగించారు. జేసీబీలు, ఎక్స్కవేటర్ల సాయంతో ప్రధాన, అంతర్గత రహదారులను శుభ్రం చేసి గ్రామాన్ని పరిశుభ్రంగా తీర్చిదిద్దే పనులు చేపట్టారు.

▶

Local· 8h ago

హైకోర్టు సమీపంలో భారీ అగ్నిప్రమాదం

హైదరాబాద్‌ ఓల్డ్ సిటీలో భారీ అగ్నిప్రమాదం చోటుచేసుకుంది. హైకోర్టు సమీపంలోని మదీనా క్రాస్‌ రోడ్‌ వద్ద ఉన్న ‘బాంబే హోజరీ’ వస్త్ర దుకాణం, గోదాములో తెల్లవారుజామున మంటలు చెలరేగాయి. సమాచారం అందుకున్న అగ్నిమాపక సిబ్బంది, చార్మినార్ పోలీసులు వెంటనే ఘటనా స్థలానికి చేరుకుని సహాయక చర్యలు చేపట్టారు. అగ్నిప్రమాదానికి గల కారణాలు, నష్టం వివరాలు తెలియాల్సి ఉంది.

Local· 8h ago

దుర్గమ్మ వేడుకల్లో పాల్గొన్న ఎమ్మెల్యే, ఎమ్మెల్సీ

మేడ్చల్-మల్కాజ్‌గిరి జిల్లా నిజాంపేట్ సర్కిల్ పరిధిలో జరిగిన దుర్గమ్మ నవరాత్రి వేడుకల్లో ఎమ్మెల్యే KP వివేకానంద్, ఎమ్మెల్సీ శంభీపూర్ రాజు పాల్గొన్నారు. అమ్మవారికి ప్రత్యేక పూజలు చేసి, ప్రజలంతా ఆరోగ్యంగా, సంతోషంగా ఉండాలని కోరుకున్నారు. తర్వాత కేటీఆర్ వెల్ఫేర్ అసోసియేషన్ ఏర్పాటు చేసిన అన్నదాన కార్యక్రమాన్ని ప్రారంభించారు. ఈ కార్యక్రమంలో బీఆర్ఎస్ నాయకులు, కార్యకర్తలు, అసోసియేషన్ సభ్యులు, భక్తులు పాల్గొన్నారు.

Local· 8h ago

విద్యుత్ సరఫరాకు అంతరాయం

శ్రీకాకుళం జిల్లా టెక్కలి మండలంలో ఈ నెల 21న విద్యుత్ మరమ్మతు పనుల కారణంగా పవర్ కట్ ఉంటుందని ఏఈ నరసింగరావు సోమవారం తెలిపారు. ఉదయం 9 నుంచి మధ్యాహ్నం 2 గంటల వరకు విద్యుత్ సరఫరాలో అంతరాయం ఏర్పడుతుందన్నారు. సబ్స్టేషన్-1 పరిధిలో లైన్ మెయింటెనెన్స్ పనులు జరుగుతాయని, బర్మాకాలనీ, గోపినాథపురం, కచేరీవీధి తదితర ప్రాంతాల్లో సరఫరా నిలిచిపోతుందన్నారు.

▶

Local· 8h ago

జువెలరీ షాపులో ఒక్కసారిగా మంటలు

కరీంనగర్ జిల్లా జమ్మికుంటలోని విజయలక్ష్మి జువెలరీ షాపులో ఒక్కసారిగా మంటలు చెలరేగాయి. దీంతో షాపు చుట్టూ దట్టమైన పొగ వ్యాపించింది. సమాచారం అందగానే ఫైర్ సిబ్బంది అక్కడికి వచ్చి మంటలను ఆర్పేశారు. షార్ట్ సర్క్యూట్ వల్లే ప్రమాదం జరిగి ఉంటుందని స్థానికులు చెబుతున్నారు. మంటలు రావడంతో చుట్టుపక్కల ఉన్నవారు ఆందోళనకు గురయ్యారు. అయితే, ఈ ప్రమాదంలో ఎంత నష్టం జరిగిందనే వివరాలు ఇంకా తెలియలేదు.

Local· 8h ago

'ఎన్నికల కోడ్ ఉల్లంఘిస్తే చర్యలు'

సత్యసాయి జిల్లాలో ZPTC,MPTC ఎన్నికల నేపథ్యంలో ఎన్నికల ప్రవర్తనా నియమావళిని పకడ్బందీగా అమలు చేయాలని ఎన్నికల పరిశీలకులు పి. అరుణ్ బాబు సూచించారు. నిబంధనలు ఉల్లంఘించిన వారిపై చట్టప్రకారం చర్యలు తీసుకోవాలని అధికారులను ఆదేశించారు. ఎన్నికల ప్రక్రియను ప్రభావితం చేసే అంశాలపై నిరంతరం పర్యవేక్షణ చేపట్టాలని స్పష్టం చేశారు.

Local· 8h ago

ఉపాధి పనులకు వెళ్లి ప్రాణాలు కోల్పోయిన కూలీ

నిజామాబాద్ జిల్లా వేల్పూర్ మండలం రామన్నపేటలో ఉపాధి హామీ పనులు చేస్తుండగా భగవాన్ దాస్ (52)కు ఒక్కసారిగా గుండెపోటు వచ్చింది. దీంతో ఆయన అక్కడే కుప్పకూలిపోయాడు. ఇది చూసిన తోటి కూలీలు వెంటనే ఆయనను హాస్పిటల్‌కు తీసుకెళ్లారు. అయితే అప్పటికే ఆయన చనిపోయినట్లు డాక్టర్లు చెప్పారు. రోజువారీ పనులకు వెళ్లిన భగవాన్ దాస్ ఇలా చనిపోవడంతో స్థానికంగా విషాదం నెలకొంది.

Local· 8h ago

కార్మికుల కుటుంబాలకు చెక్కులు పంపిణీ

కాకినాడ జిల్లాలో వివిధ కారణాలతో మరణించిన ఆరుగురు హెచ్ఎంఎస్ కార్మికుల కుటుంబాలకు ₹ 29,91,885 విలువైన జీవిత బీమా, సంక్షేమ చెక్కులను కాకినాడ సిటీ ఎమ్మెల్యే వనమాడి కొండబాబు పంపిణీ చేశారు. హెచ్ఎంఎస్ ఆధ్వర్యంలో నిర్వహించిన కార్యక్రమంలో బాధిత కుటుంబాలకు చెక్కులు అందజేసి, ఆర్థిక భరోసా కల్పించారు. ఈ కార్యక్రమంలో హెచ్ఎంఎస్ అధ్యక్షుడు పెన్నపోతు రాము, తదితరులు పాల్గొన్నారు.

Local· 8h ago

జిల్లాలో భారీగా గంజాయి పట్టివేత..!

అనకాపల్లి జిల్లా నర్సీపట్నంలో రూరల్ సీఐ రేవతమ్మ ఆధ్వర్యంలో 230 కేజీల గంజాయిని పోలీసులు స్వాధీనం చేసుకున్నారు. DSP పోతిరెడ్డి శ్రీనివాసరావు తెలిపిన వివరాల ప్రకారం.. తమిళనాడుకు చెందిన ప్రధాన నిందితుడు శశికుమార్తో పాటు మరో నలుగురిని అరెస్ట్ చేశారు. వారి వద్ద నుంచి ఒక కారు, రెండు బైకులు, ₹1.20 లక్షల నగదును స్వాధీనం చేసుకున్నట్లు వెల్లడించారు.

Local· 8h ago

పోలీసు అమరవీరుల సంస్మరణ కార్యక్రమానికి పటిష్ట భద్రత

గుంటూరు జిల్లా మంగళగిరిలో అక్టోబర్ 21న ఆరో ఏపీఎస్పీ బెటాలియన్‌లో పోలీసు అమరవీరుల సంస్మరణ దినోత్సవం జరగనుంది. ఈ కార్యక్రమానికి పటిష్ట భద్రత ఏర్పాటు చేయాలని SP వకుల్ జిందాల్ ఆదేశించారు. సీఎం పర్యటన నేపథ్యంలో వేదిక, పార్కింగ్, ట్రాఫిక్ ఏర్పాట్లను పరిశీలించారు. ప్రముఖులు, అమరవీరుల కుటుంబాలకు ఇబ్బందులు కలగకుండా అన్ని శాఖల అధికారులు సమన్వయంతో పనిచేయాలని చెప్పారు. అన్ని శాఖలకు సూచనలు ఇచ్చారు

Local· 9h ago

ఘనంగా నల్లమల్ల మహా బతుకమ్మ వేడుకలు

నాగర్ కర్నూల్ జిల్లా అచ్చంపేటలో శ్రీశైలం – హైదరాబాద్ ప్రధాన రహదారిపై ఉన్న ఐ లవ్ అచ్చంపేట పార్క్ వద్ద ఆదివారం రాత్రి నల్లమల్ల మహా బతుకమ్మ వేడుకలను ఘనంగా నిర్వహించారు.ఈ వేడుకలకు ముఖ్య అతిథిగా అచ్చంపేట ఎమ్మెల్యే డాక్టర్ వంశీకృష్ణ దంపతులు హాజరై బతుకమ్మకు పూజలు చేసి ,నల్లమల్ల మహా బతుకమ్మ ఉత్సవాలను ప్రారంభించారు. ఈ బతుకమ్మ వేడుకల్లో మహిళలంతా పాల్గొని సంబరాలు ఘనంగా నిర్వహించారని ఎమ్మెల్యే తెలిపారు.