Local

Local· 30 May 2026

గేమ్స్‌పై ఇంట్రెస్ట్ పెంపొందించుకోవాలి: ఎమ్మెల్యే గూడెం

TG: నేటి యూత్ గేమ్స్‌పై ఇంట్రెస్ట్ పెంపొందించుకోవాలని పటాన్చెరు ఎమ్మెల్యే గూడెం మహిపాల్ రెడ్డి సూచించారు. సంగారెడ్డి జిల్లా పటాన్చెరు మండలం భానురు విలేజ్‌లో ఏర్పాటు చేసిన పీపీఆర్ వాలీబాల్ టోర్నమెంట్‌ను ఎమ్మెల్యే ప్రారంభించారు. క్రీడలు శారీరక దృఢత్వంతోపాటు మానసిక వికాసానికి కూడా దోహదపడతాయని తెలిపారు. నేటి యూత్ ఎక్కువ టైమ్ ఫోన్లు, సోషల్ మీడియాకే పరిమితం కాకుండా గేమ్స్‌లో పాల్గొనడం ద్వారా ఆరోగ్యవంతమైన జీవనాన్ని అలవర్చుకోవాలని సూచించారు. క్రీడా సదుపాయాలను సద్వినియోగం చేసుకొని నేషనల్, ఇంటర్నేషనల్ లెవల్‌లో రాణించేలా కృషి చేయాలని కోరారు.

Local· 29 May 2026

అంగన్వాడీ టీచర్లకు అవమానం

TG: అంగన్వాడీ టీచర్లను కింద కూర్చోబెట్టి వారి ఎదుట ఐసీడీఎస్ సీడీపీవో, సూపర్వైజర్ కుర్చీలపై కూర్చొని అంగన్వాడీ టీచర్లను అవమానపరిచారు. ప్రజాపాలన- ప్రగతి ప్రణాళిక 99రోజుల కార్యాచరణ ప్రణాళికలో భాగంగా యాదాద్రిభువనగిరి జిల్లా వలిగొండలోని అంగన్వాడి కేంద్రంలో వెయ్యిరోజుల ప్రాముఖ్యత ప్రొగ్రామ్ నిర్వహించారు. తల్లులు, గర్భిణీలకు అవగాహన కల్పించే కార్యక్రమానికి ముఖ్యఅతిథిగా ఐసీడీఎస్ సీడీపీవో వెంకటరమణ, సూపర్‌వైజర్లు గోదా ధనమ్మ, పారిజాత బాలమణి కుర్చీలపై కూర్చొని మిగతా వారిని కింద కూర్చొబెట్టారు. మేము మీకంటే స్థాయిలో ఎక్కువ అనే విధంగా వారు బిహెవ్ చేయడంతో విమర్శలు వెల్లువెత్తుతున్నాయి.

Local· 29 May 2026

'ప్రజల్లో నమ్మకం పెంచేలా విజిబుల్ పోలీసింగ్ నిర్వహించాలి'

TG: ప్రజల్లో పోలీసులపై నమ్మకం పెంచేలా విజిబుల్ పోలీసింగ్ నిర్వహించాలని జిల్లా ఎస్పీ ఆకాంక్ష్ యాదవ్ సూచించారు. శుక్రవారం యాదాద్రిభువనగిరి జిల్లా వలిగొండ పోలీస్‌స్టేషన్‌ను ఆయన ఆకస్మికంగా తనిఖీ చేశారు. స్టేషన్ పనితీరు, సిబ్బంది క్రమశిక్షణ, అత్యవసర సమయాల్లో స్పందించే విధానాన్ని ఆయన స్వయంగా పరిశీలించారు. స్టేషన్‌లోని రిసెప్షన్ కౌంటర్, క్రైమ్ విభాగం, జనరల్ డైరీ నిర్వహణను ఎస్పీ అడిగి తెలుసుకున్నారు. పోలీస్‌స్టేషన్‌కు వచ్చే బాధితులకు తక్షణమే సహాయం అందించాలని తెలిపారు. శాంతిభద్రతల పరిరక్షణలో లేదా విధుల్లో నిర్లక్ష్యం వహిస్తే సంబంధిత అధికారులపై కఠిన చర్యలు ఉంటాయని హెచ్చరించారు.

Local· 29 May 2026

పిడుగుపాటుకు దూడలు మృతి

TG: జోగులాంబగద్వాల జిల్లా మల్దకల్ మండలం సద్దలోనిపల్లిలో పిడుగుపాటుకు రెండు దూడలు మృతి చెందాయి. ఫ్రైడే మార్నింగ్ ఉరుములు, మెరుపులతో కూడిన భారీ వర్షానికి సద్దలోనిపల్లి విలేజ్‌లో పిడుగు పడడంతో రైతు బంట్రోతు కుశలన్నకు చెందిన రెండు కోడె దూడలు మృతి చెందాయి. రెండు దూడల విలువ రూ. 1.50,000 ఉంటుందని, ప్రభుత్వం తమను ఆదుకోవాలని కోరారు.

Local· 29 May 2026

కరెంట్ షాక్‌తో చిన్నారి మృతి

AP: కరెంట్ షాక్‌తో ఓ చిన్నారి చనిపోయింది. విజయవాడ జక్కంపూడి వైఎస్సాఆర్ కాలనీకి చెందిన ఏసుబాబు, నాగలక్ష్మి దంపతుల కుమార్తె మాధవి (5) కాలనీలోని ఖాళీ ప్రదేశంలో ఆడుకుంటుంది. అక్కడే ఓపెన్ చేసి ఉన్న కరెంట్ మీటర్ బాక్స్‌లను పట్టుకోవడంతో కరెంట్ షాక్‌తో బాలిక చనిపోయింది. గమనించిన స్థానికులు విషయాన్ని కుటుంబ సభ్యులకు చెప్పారు. వారు వెంటనే హాస్పిటల్‌కు తీసుకెళ్లగా అప్పటికే చనిపోయినట్లు డాక్టర్స్ తెలిపారు.

Local· 28 May 2026

బస్‌స్టేషన్‌లో చోరీ.. 24 అవర్స్‌లో రికవరీ

TG: మెదక్ జిల్లా రామాయంపేట బస్‌స్టేషన్‌లో బుధవారం జరిగిన దొంగతనం కేసును స్థానిక పోలీస్‌లు 24 అవర్స్‌లో ఛేదించారు. కర్ణాటక స్టేట్‌కు చెందిన ఇద్దరు మహిళ నిందితులను అరెస్ట్ చేశారు. కర్ణాటక రాష్ట్రం బీదర్ జిల్లా గుల్బర్గాకు చెందిన శ్వేత కాలే, శిల్పా వేలును రిమాండ్‌కు తరలించినట్లు రామాయంపేట సీఐ సైదా నాయక్ తెలిపారు. చోరీ అయిన 4.9 గ్రాముల బంగారు ఆభరణాలను రికవరీ చేశారు. కేసు ఛేదనలో చాకచక్యంగా వ్యవహరించిన SI బాలరాజు, పోలీస్ సిబ్బందిని అభినందించారు.

Local· 28 May 2026

'సమస్యల సుడిగుండంలో సూర్యాపేట'

TG: సూర్యాపేట మున్సిపాలిటీ పరిధిలోని సమస్యల పరిష్కారం కోసం జూన్ 2వ తేదీ నుంచి సీపీఐ (ఎంఎల్) ఆధ్వర్యంలో జరిగే పాదయాత్రను జయప్రదం చేయాలని ఆ పార్టీ జిల్లా కార్యదర్శి కొత్తపల్లి శివకుమార్ పిలుపునిచ్చారు. గురువారం సూర్యాపేటలోని కామ్రేడ్ విక్రమ్ భవన్‌లో పాదయాత్రకు సంబంధించిన కరపత్రాలను ఆవిష్కరించారు. అలుపెరగని ఉద్యమ పోరాటాలు చేసి, ఎందరో ఉద్యమకారులకు జన్మనిచ్చిన సూర్యాపేట నేడు సమస్యల సుడిగుండంలో చిక్కుకుందన్నారు.

Local· 27 May 2026

ప్రజాసమస్యలను తక్షణమే పరిష్కరించాలి: సీతక్క

TG: ప్రజాసమస్యలను తక్షణమే పరిష్కరించాలని మంత్రి దనసరి సీతక్క అధికారులను ఆదేశించారు. మహబూబాబాద్ జిల్లా కొత్తగూడ మండలం ఓటాయిలో బుధవారం నిర్వహించిన 'ప్రజాదర్బార్'కు విశేష స్పందన లభించింది. ప్రజల సమస్యలను తెలుసుకునేందుకు మంత్రి సీతక్క స్వయంగా ఈ కార్యక్రమానికి హాజరయ్యారు. ఎండల తీవ్రత దృష్ట్యా ప్రజలకు ఎలాంటి ఇబ్బందులు కలుగకుండా అధికారులు ప్రత్యేక ఏర్పాట్లు చేశారు. ఈ దర్బార్‌లో ఇందిరమ్మ ఇళ్లు, పెన్షన్లు, ఇతర సమస్యలపై స్థానికులు పెద్దఎత్తున మంత్రికి దరఖాస్తులు అందజేశారు.

Local· 27 May 2026

రైతులు పుకార్లు నమ్మొద్దు : కలెక్టర్ ప్రతిమాసింగ్

TG: అకాల వర్షాల వల్ల తడిసిన ధాన్యాన్ని కొనుగోలు చేస్తామని, రైతులు పుకార్లను నమ్మి మోసపోవద్దని మెదక్ జిల్లా కలెక్టర్ ప్రతిమా సింగ్ రైతులకు విజ్ఞప్తి చేశారు. బుధవారం నర్సాపూర్ మండలం తుల్జారంపేట్ గ్రామంలోని ఐకేపీ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని ఆర్డీవో రామకృష్ణ, తహసీల్దార్ శ్రీనివాస్‌తో కలిసి పరిశీలించారు. అకాల వర్షాలకు తడిసిన ధాన్యాన్ని పరిశీలించారు. నిన్న కురిసిన వర్షానికి జిల్లా వ్యాప్తంగా 400 మెట్రిక్ టన్నుల ధాన్యం తడిసిందని రిపోర్ట్ ఉందని, ఆరబెట్టి తడిసిన ధాన్యాన్ని బాయిల్డ్ రైస్ మిల్లులకు పంపించి రైతులకు న్యాయం చేస్తామన్నారు.

Local· 27 May 2026

ధాన్యం బస్తాలు దహనం చేసి నిరసన

TG: మెదక్ జిల్లా వెల్దుర్తి మండలం ఉప్పు లింగాపూర్ వద్ద రైతులు ఆందోళన చేపట్టారు. ధాన్యం కొనుగోలు చేయాలని డిమాండ్ చేస్తూ మెదక్ - వెల్దుర్తి ప్రధాన రహదారిపై ధాన్యం బస్తాలు దహనం చేసి నిరసన తెలిపారు. గత నెల రోజులుగా కొనుగోలు కేంద్రాల వద్ద ఇబ్బంది పడుతున్నామని, అధికారులు పట్టించుకోవడం లేదంటూ ఆగ్రహం వ్యక్తం చేశారు. అధికారులు వచ్చి ధాన్యం కొనుగోలు చేసే వరకు తాము వెళ్ళమంటూ రోడ్డుపై గ్యాస్ పొయ్యి పెట్టి నిరసన కార్యక్రమాన్ని చేపట్టారు. జిల్లా కలెక్టర్ రావాలంటూ నినాదాలు చేశారు. పోలీసులను సైతం అక్కడి నుండి వెళ్లకుండా అడ్డుకున్నారు.

Local· 27 May 2026

ఆరుగాలం కష్టం.. తడిసి ముద్ధైన ధాన్యం

TG: మెదక్ జిల్లా వెల్దుర్తి మండలంలో కురిసిన వర్షం అన్నదాతలను తీవ్రంగా నష్టపరిచింది. మంగళవారం అర్ధరాత్రి ఈదురుగాలులతో కూడిన భారీ వర్షం కురవడంతో కొనుగోలు కేంద్రం వద్ద ఆరబోసిన ధాన్యం పూర్తిగా తడిసి ముద్దయింది. నెల రోజులుగా కొనుగోలు కేంద్రాల వద్ద పడిగాపులు కాస్తున్నా అధికారులు పట్టించుకోవడంలేదంటూ రైతులు ఆగ్రహం వ్యక్తం చేస్తున్నారు. లారీలు, హమాలీలు, గన్ని బ్యాగుల కొరత వల్ల తాము తీవ్రంగా నష్టపోతున్నామని ఆవేదన వ్యక్తం చేస్తున్నారు. తడిసిన ధాన్యాన్ని పూర్తిగా ప్రభుత్వం కొనుగోలు చేయాలని రైతులు కోరారు.

Local· 27 May 2026

పొలాల్లో గడ్డి కాల్చడంతో పర్యావరణానికి నష్టం

మెదక్ జిల్లా: పంట కోత అనంతరం పొలాల్లో మిగిలిన వరి, మొక్కజొన్న గడ్డిని కాల్చడం వల్ల నేల సారవంతం తగ్గడంతోపాటు పర్యావరణానికి తీవ్ర నష్టం కలుగుతుందని మాసాయిపేట మండల వ్యవసాయ అధికారిణి కవిత తెలిపారు. పంట అవశేషాలను కాల్చడం వల్ల నేలలోని సేంద్రియ పదార్థం, ప్రయోజనకర సూక్ష్మజీవులు నశించి పోషకాల లోపం ఏర్పడుతుందని చెప్పారు. పంట గడ్డిని కాల్చడం వల్ల వాయు కాలుష్యం, గ్రీన్‌హౌస్ వాయువుల ఉద్గారం పెరిగి ఆరోగ్య సమస్యలు తలెత్తే ప్రమాదం ఉందన్నారు.

Local· 26 May 2026

'అనుమానాస్పద వ్యక్తులపై ప్రత్యేక నిఘా పెట్టాలి'

TG: బక్రీద్ పండుగ నేపథ్యంలో మెదక్ టౌన్ పరిధిలోని బోధన్ చౌరస్తా వద్ద ఏర్పాటు చేసిన ప్రత్యేక చెక్‌పోస్టును మెదక్ జిల్లా ఎస్పీ డీవీ శ్రీనివాస రావు ఆకస్మికంగా తనిఖీ చేశారు. ఈ సందర్భంగా వాహనాల తనిఖీ విధానం, రికార్డుల నిర్వహణ, విధుల్లో ఉన్న పోలీసు సిబ్బంది పనితీరును పరిశీలించి పలు సూచనలు చేశారు. ప్రతి వాహనాన్ని క్షుణ్ణంగా తనిఖీ చేయాలని, సంబంధిత అనుమతి పత్రాలు, రవాణా ధ్రువపత్రాలను తప్పనిసరిగా పరిశీలించాలని ఆదేశించారు. తనిఖీ చేసిన వాహనాల వివరాలను రిజిస్టర్లలో నమోదు చేయాలని సూచించారు. అనుమానాస్పద వ్యక్తులు, వస్తువులపై ప్రత్యేక నిఘా ఉంచాలన్నారు.

Local· 26 May 2026

తమ ధాన్యానికి తొందరగా తూకం వేయండి సారూ

TG: మెదక్ జిల్లా చిన్న శంకరంపేట మండలం సూరారంలో నెలరోజులు దాటినా ధాన్యాన్ని తూకం వేయడంలేదని, లారీలు రాక ఇబ్బందులు ఎదుర్కొంటున్నామని రైతులు ఆవేదన వ్యక్తంచేశారు. తన హెల్త్ బాగలేక హాస్పిటల్‌కు వెళ్లి వచ్చానని, 45రోజులు దాటినా ఇప్పటికీ ధాన్యం తూకం వేయలేదని రైతు నాగులు తన బాధను తెలిపాడు. కొనుగోలు కేంద్రం నుంచి ధాన్యం లోడ్ చేసి రైస్‌మిల్‌కు పంపి ఐదురోజులు గడుస్తుందని, లారీలు రాక ఇబ్బందులు ఎదుర్కొంటున్నామని, నలుగురు ఐదుగురు రైతులతో కలిసి లారీలను తీసుకొచ్చి ధాన్యాన్ని తరలిస్తున్నామని నిర్వాహకురాలు ఊర్మిళ తెలిపారు. అందుకే వరుసక్రమంలో లారీలను పెట్టలేకపోతున్నామని ఆమె చెప్పారు.

Local· 26 May 2026

పెండింగ్‌ కేసుల్లో దర్యాప్తు వేగవంతం చేయాలి: ఎస్పీ

TG: ప్రజలకు పోలీసులు మెరుగైన సేవలు అందించాలని, పెండింగ్‌ కేసుల దర్యాప్తు వేగవంతం చేయాలని మెదక్ ఎస్పీ డీవీ.శ్రీనివాస్ రావు సూచించారు. మెదక్ జిల్లా చిన్న శంకరంపేట్ పోలీస్‌‌స్టేషన్‌ను ఎస్పీ మంగళవారం ఆకస్మికంగా తనిఖీ చేశారు. ఈ సందర్భంగా స్టేషన్‌లో నిర్వహిస్తున్న రికార్డులు, పెండింగ్‌ కేసులు, నేర నియంత్రణ చర్యలు, సిబ్బంది విధి నిర్వహణ తదితర అంశాలను పరిశీలించి అధికారులకు పలు సూచనలు చేశారు. పెండింగ్‌లో ఉన్న కేసుల వివరాలను సమీక్షించిన ఎస్పీ.. కేసుల దర్యాప్తును వేగవంతంగా పూర్తి చేసి బాధితులకు త్వరితగతిన న్యాయం అందేలా చర్యలు తీసుకోవాలని అధికారులను ఆదేశించారు.

Local· 26 May 2026

ప్రాణం తీసిన ఈత సరదా

TG: సరదాగా ఈతకని వెళ్లి చెరువులో పడి యువకుడు మృతి చెందిన ఘటన మెదక్ జిల్లా నర్సాపూర్‌లో చోటు చేసుకుంది. రంగారెడ్డి జిల్లా గండిపేట్ మండలం మణికొండకు చెందిన కమల్ అనే యువకుడు మంగళవారం తన స్నేహితులతో కలిసి నర్సాపూర్ పట్టణంలోని రాయరావు చెరువులో పడి మృతి చెందాడు. పోలీసులు కమల్ డెడ్‌బాడీని బయటకు తీసి నర్సాపూర్ గవర్నమెంట్ హాస్పిటల్‌కు తీసుకెళ్లారు. ఘటనపై పోలీసులు కేసు నమోదు చేసి దర్యాప్తు చేపట్టారు.

Local· 26 May 2026

'అభివృద్ధి పనుల్లో వేగం పెంచాలి'

TG: హన్మకొండ జిల్లా భీమదేవరపల్లి మండలం వంగరలో నిర్మిస్తున్న పీవీ విజ్ఞాన కేంద్రం అభివృద్ధి పనులను వేగవంతంగా పూర్తిచేయాలని జిల్లా కలెక్టర్ చాహత్ బాజ్ పాయి సంబంధితశాఖల అధికారులను ఆదేశించారు. మంగళవారం మాజీ ప్రధానమంత్రి దివంగత నేత పాములపర్తి వెంకట నరసింహారావు స్వగ్రామమైన వంగరలో నిర్మిస్తున్న పీవీ విజ్ఞాన కేంద్రాన్ని కలెక్టర్ పరిశీలించారు. ఈ సందర్భంగా పీవీ స్ఫూర్తి వనంలోని ఫోటోగ్యాలరీ, సైన్స్ మ్యూజియం, సమావేశ మందిరాన్ని సందర్శించిన కలెక్టర్, అసంపూర్తిగా ఉన్న పనులను సత్వరమే పూర్తి చేయాలని పర్యాటక శాఖ, కుడా అధికారులకు సూచించారు.

Local· 29 Apr 2026

ఫ్రీ బస్సులపై అనంతపురం లేడీస్ ఆగ్రహం !

ఫ్రీ బస్సుల వల్ల ప్రతీ రోజు ఇబ్బందులు పడుతున్నామని వాటిని ఎత్తేయాలంటూ అనంతపురం మహిళలు అంటున్నారు. పెద వడుగూరుకు చెందిన మహిళలు అనంతపురం వెళ్లడానికి గుత్తి బస్టాండ్ కు వచ్చారు. బస్సులు స్టాండ్ లో ఆపకుండా బస్టాండ్ వెనక వైపు నుంచి వెళిపోతున్నాయని మండిపడ్డారు. బస్సుల కోసం చూసే ఓపిక నశించిందన్నారు. మహిళలంటే అంత చులకన ఏంటనీ, మరీ టికెట్ కొనలేని స్థితిలో ఎవరూ లేరని, ఫ్రీ బస్సులు ఎత్తేయాలని చిరాకు పడ్డారు.