National

National· 16 Aug 2026

జాతీయ గీతాన్ని మార్చాల్సిందే: ముఖేష్ ఖన్నా

దేశ జాతీయ గీతంగా ఉన్న 'జన గణ మన' స్థానంలో 'వందేమాతరం'ను తీసుకురావాలని ప్రముఖ నటుడు ముఖేష్ ఖన్నా అన్నారు. రవీంద్రనాథ్ ఠాగూర్ బ్రిటీష్ రాణిని పొగుడుతూ 'జన గణ మన' రాశారని, అది మన జాతీయ గీతం కాకూడదని ఆయన తెలిపారు. పూర్తిగా మనదైన 'వందేమాతరం'పై తాను ఏడు నిమిషాల ఐకానిక్ పాటను రికార్డ్ చేశానని, అది ఆరు నెలల్లో విడుదలవుతుందని చెప్పారు.

National· 16 Aug 2026

ఆస్తులు ఉన్నా అంత్యక్రియలకు ఎవరూ రాలేదు!

ఆస్తులున్నా ఆత్మీయులు లేక ఓ కుబేరుడు అనాథగా కన్నుమూశాడు. ఉత్తరప్రదేశ్‌కు చెందిన కోటీశ్వరుడు రాజకుమార్ సక్సేనాకు ఆస్తులు, ముగ్గురు కొడుకులు, కూతురు, భార్య ఉన్నారు. ఆస్తులన్నీ రాయించుకున్నాక అతడిని ఇంట్లోంచి వెళ్లగొట్టారు. వృద్ధాశ్రమంలో ఉన్న ఆయన అనారోగ్యంతో ఈ నెల 11న ఆస్పత్రిలో మరణించారు. చనిపోయేముందు కుటుంబాన్ని చూడాలనుకున్నా ఆయన కోరిక తీరలేదు. డాక్టర్లు సమాచారమిచ్చినా తమకేం సంబంధం లేదని చెప్పారు. చివరికి పోలీసులే స్వచ్ఛంద సంస్థ సాయంతో అంత్యక్రియలు జరిపించారు.

National· 16 Aug 2026

28 ఏళ్లకే అనన్య రాజ్ కన్నుమూత

బాలీవుడ్ నటి అనన్య రాజ్‌ 28 ఏళ్ల చిన్న వయసులోనే కన్నుమూశారు. కొంతకాలంగా అనారోగ్యంతో బాధపడుతున్న ఆమె, జూలై 15న నిద్రలోనే తుదిశ్వాస విడిచారని కుటుంబ సభ్యులు తెలిపారు. ఆమె హిందీలో '7 అవర్స్ టు గో', 'ది ఫైనల్ ఎగ్జిట్', 'ఘోస్ట్' లాంటి సినిమాల్లో నటించారు. తెలుగులోనూ 'తగ్గేదే లే' అనే సినిమాలో నటించారు.

▶

National· 16 Aug 2026

కైట్ ఎగరేస్తుండగా కరెంటు తీగకు తగిలింది.. ఏమైందంటే?

దిల్లీలోని కొండ్లి ప్రాంతంలో విషాద ఘటన జరిగింది. టెర్రస్‌పై గాలిపటం (కైట్) ఎగరేస్తున్న ఓ బాలుడి గాలిపటం దారం కరెంటు తీగను తాకడంతో ఎలక్ట్రిక్ షాక్‌కు గురై గాయాలయ్యాయి. దీంతో పేరెంట్స్, పిల్లలు అప్రమత్తంగా ఉండాలని అధికారులు సూచిస్తున్నారు. ఎలక్ట్రిక్ ఓవర్‌హెడ్‌ లైన్లకు దగ్గరలోని టెర్రస్‌లు, భవనాలపై గాలిపటాలు ఎగరేయకూడదు. ముఖ్యంగా మెటల్‌తో ఉన్న దారాలు, మాంజాను అసలు వాడకూడదు. చిన్న నిర్లక్ష్యం ప్రాణాలకే ప్రమాదంగా మారే అవకాశముంది.

National· 16 Aug 2026

దర్శకుడు రాజా సేన్ కన్నుమూత!

నేషనల్ అవార్డ్ విన్నర్, ప్రముఖ బెంగాలీ సినిమా డైరెక్టర్ (దాము, ఆత్మీయ స్వజన్, దేశ్, దేవీపక్ష లాంటి సినిమాలు చేసిన) రాజా సేన్ (71) గారు కన్నుమూశారు. కొన్నాళ్లుగా ఆయన వెన్నునొప్పితో బాధపడుతున్నారు. అయితే గుండె, కిడ్నీ, ఊపిరితిత్తుల సమస్యలు కూడా ఎక్కువ కావడంతో కోల్‌కతాలోని ఓ హాస్పిటల్‌లో వెంటిలేటర్‌పై చికిత్స అందిస్తూ ఉండగానే ఇవాళ మరణించారు. ఆయన మరణం పట్ల సినీ ప్రముఖులు సంతాపం తెలియజేస్తున్నారు.

National· 15 Aug 2026

హైకోర్టుల్లో 30 శాతం జడ్జి పోస్టులు ఖాళీ

దేశంలో ఉన్న హైకోర్టు జడ్జి పోస్టుల్లో 30 శాతం కంటే ఎక్కువ ఖాళీగా ఉన్నాయని కేంద్ర న్యాయ మంత్రిత్వ శాఖ గణాంకాలు చెబుతున్నాయి. మొత్తం 1,122 పోస్టుల్లో జూలై నాటికి 341 పోస్టులు ఖాళీగా ఉన్నాయి. ఇప్పటికే భారీగా వర్క్ లోడ్‌తో న్యాయమూర్తులపై ఒత్తిడి పెరుగుతోంది. హైకోర్టుల్లో 60 లక్షలకు పైగా కేసులు పెండింగ్‌లో ఉన్నాయి. వీటిలో సగం కేసులు ఐదేళ్లకు పైగా పెండింగ్‌లో ఉన్నాయి. అలహాబాద్ హైకోర్టులో అత్యధికంగా 52 ఖాళీలు ఉన్నాయి. కలకత్తా హైకోర్టులో 31, పంజాబ్-హర్యానా హైకోర్టులో 30 ఖాళీలు ఉన్నాయి.

▶

National· 15 Aug 2026

నెక్స్ట్ పెద్ద ఎత్తున ప్రొటెస్ట్స్?

80వ ఇండిపెండెన్స్ డే సందర్భంగా హరిద్వార్‌లోని పతంజలి యోగపీఠ్‌లో రామ్‌దేవ్ బాబా ఎడ్యుకేషన్ సిస్టమ్‌పై కామెంట్స్ చేశారు. దేశంలో ఎడ్యుకేషన్ సిస్టమ్‌లోని లోపాలు, గవర్నమెంట్ జాబ్ రిక్రూట్‌మెంట్లలో జరుగుతున్న అక్రమాలపై ఆందోళన వ్యక్తం చేశారు. స్కూళ్లలో సౌకర్యాలు లేకపోవడాన్ని ప్రస్తావించారు. పేపర్ లీక్స్ వల్ల స్టూడెంట్స్ రోడ్లపైకి వస్తున్నారని, ఎడ్యుకేషన్ అండ్ రిక్రూట్‌మెంట్ సిస్టమ్‌ను వెంటనే రీఫార్మ్ చేయాలని అన్నారు. లేకపోతే పెద్ద ఎత్తున ప్రొటెస్ట్స్ జరిగే అవకాశం ఉందని అన్నారు.

▶

National· 15 Aug 2026

సోనియా గాంధీ వైఖరిపై BJP ఫైర్?

80వ ఇండిపెండెన్స్ డే సందర్భంగా కాంగ్రెస్ ఆఫీస్‌లో జరిగిన వేడుకల్లో 'వందేమాతరం' ఫుల్ సాంగ్ ప్లే చేయడంపై BJP, కాంగ్రెస్ మధ్య హాట్ పాలిటిక్స్ నడుస్తున్నాయి. పాట పాడుతున్న టైమ్‌లో సోనియా గాంధీ దానిని ఆపడానికి ట్రై చేశారని BJP లీడర్లు ఆరోపించారు. దీన్ని కాంగ్రెస్ పార్టీ సీరియస్‌గా ఖండించింది. చాలాసేపటి నుంచి నిల్చుని ఉన్న కాంగ్రెస్ ప్రెసిడెంట్ మల్లికార్జున్ ఖర్గే కోసం సోనియా గాంధీ చైర్ తెమ్మని మాత్రమే చెప్పారని, పాటను ఆపే ఉద్దేశం కాంగ్రెస్‌కి లేదని స్పష్టం చేసింది.

National· 15 Aug 2026

మోదీ స్పీచ్‌లో ‘సప్తధార’.. ఆ ఏడు సూత్రాలేంటి?

80వ స్వాతంత్య్ర దినోత్సవం సందర్భంగా ఎర్రకోట నుంచి ప్రధాని నరేంద్ర మోదీ దేశ ప్రజలను ఉద్దేశించి మాట్లాడారు. 2047 నాటికి భారత్‌ను అభివృద్ధి చెందిన దేశంగా తీర్చిదిద్దడమే లక్ష్యమని చెప్పారు. ‘శక్తి కీ సప్తధారా’ పేరుతో Manufacturing, Agriculture, Technology, Defence, Gati Shakti, Green Energy వంటి రంగాల అభివృద్ధికి ఇంపార్టెన్స్ ఇవ్వాలని పిలుపునిచ్చారు. కోటి మంది యువతకు AI ట్రైనింగ్, కాంపిటిటివ్ ఎగ్జామ్స్‌కు ఫ్రీ ఆన్‌లైన్‌ కోచింగ్‌ ఇస్తామని ప్రకటించారు.

▶

National· 15 Aug 2026

తిరంగా యాత్రకి దేవేంద్రనాథ్ మహతోకి నో పర్మిషన్?

జార్ఖండ్ విద్యార్థుల హక్కుల కోసం దేవేంద్రనాథ్ మహతో గత 15 రోజులుగా హంగర్ స్ట్రైక్ చేస్తున్నారు. రాంచీలో స్టూడెంట్స్ నిర్వహిస్తున్న తిరంగా యాత్రలో పాల్గొనేందుకు ఆయన ప్రయత్నించగా తీవ్ర ఉద్రిక్తత నెలకొంది. హాస్పిటల్ నుంచి బయటకు రాకుండా 50 మందికి పైగా పోలీస్ ఆఫీసర్లు ఆయనను అడ్డుకున్నారు. ఆయనను బలవంతంగా లోపలికి తీసుకెళ్తున్న విజువల్స్ సోషల్ మీడియాలో వైరల్ అవుతున్నాయి.

▶

National· 15 Aug 2026

11 నెలల పాపను నదిలోకి విసిరిన తండ్రి

ఉత్తరప్రదేశ్‌ రాష్ట్రం ఆగ్రాలో దారుణ ఘటన జరిగింది. సికంద్రా దగ్గర్లోని రింకు అనే వ్యక్తి తన 11 నెలల పాపను యమునా నదిలోకి విసిరినట్లు ఆరోపణలు వచ్చాయి. ఆగస్టు 17న పాప బర్త్ డే సందర్భంగా భార్య లక్ష్మితో కలిసి బట్టలు కొనడానికి వెళ్తుండగా ఈ ఘటన జరిగింది. అక్బరీ బ్రిడ్జ్ వద్ద పాపతో సెల్ఫీ తీసుకుంటానని చెప్పి నదిలోకి విసిరినట్లు తెలుస్తోంది. భార్యను కూడా నదిలోకి తోసేందుకు ప్రయత్నించాడు. స్థానికులు అడ్డుకోగా, పాప కోసం వెతుకుతున్నారు.

National· 15 Aug 2026

Independence Day వేడుకల్లో త్రిష 🇮🇳

తమిళనాడు ప్రభుత్వం నిర్వహించిన Independence Day సెలబ్రేషన్స్‌లో హీరోయిన్ త్రిష సెంటర్ ఆఫ్ అట్రాక్షన్‌గా నిలిచారు. వీక్షకుల గ్యాలరీలో ముందు వరుసలో సీఎం విజయ్ పేరెంట్స్ పక్కనే ఆమె కూర్చున్నారు. అక్కడి అధికారులను నవ్వుతూ పలకరించారు. ఈ వీడియో ప్రస్తుతం నెట్టింట వైరల్‌గా మారింది.

▶

National· 15 Aug 2026

ఇండిపెండెన్స్ డే రోజు మోదీను Gift కోరిన సోనమ్ వాంగ్‌చుక్!

ఇండిపెండెన్స్‌ డేకు PM నరేంద్ర మోదీ నుంచి దేశానికి ఒక స్పెషల్ గిఫ్ట్‌ను ఆశిస్తున్నానని యాక్టివిస్ట్ సోనమ్ వాంగ్‌చుక్ అన్నారు. 2014లో ప్రధాని ఇచ్చిన హామీలో భాగంగా పార్లమెంట్‌ను నేరరహితంగా మార్చే దిశగా కీలక నిర్ణయం తీసుకోవాలని కోరారు. డెమోక్రసీని మరింత క్లీన్ అప్ చేసే ఈ అంశానికి ఆపోజిషన్ లీడర్ రాహుల్ గాంధీతో పాటు అన్ని పొలిటికల్ పార్టీలు సపోర్ట్ ఇవ్వాలని ఆకాంక్షించారు. సెల్ఫ్‌లెస్‌గా పనిచేసే వ్యక్తుల పేర్లను సూచించాలని, వారి నుంచి నేర్చుకునే అవకాశం కల్పించాలని కోరారు.

National· 15 Aug 2026

చరిత్రలో తొలిసారి వందేమాతరం..ఎర్రకోట ముస్తాబు

దేశ 80వ స్వాతంత్ర్య దినోత్సవ వేడుకలకు భారత్ సిద్ధమైంది. శనివారం ఆగస్టు 15న న్యూదిల్లీలోని ఎర్రకోట వేదికగా ప్రధాని నరేంద్ర మోదీ వరుసగా 13వసారి జాతీయ జెండాను ఎగురవేయనున్నారు. తరువాత జాతినుద్దేశించి ప్రసంగిస్తారు. ఈసారి వేడుకల్లో తొలిసారిగా వందేమాతరం గేయాన్ని ఆలపించనున్నారు. మరోవైపు ఎర్రకోట పరిసరాల్లో హై సెక్యూరిటీ ఏర్పాటు చేశారు. వెయ్యి సీసీటీవీ కెమెరాలు, ఫేషియల్ రికగ్నిషన్ కెమెరాలతో నిఘా పెంచారు.

National· 14 Aug 2026

స్వాతంత్ర్య దినోత్సవ వేడుకలను బహిష్కరించాలని NSF పిలుపు

ఆగస్టు 15 స్వాతంత్ర్య దినోత్సవ వేడుకల్లో విద్యార్థులు పాల్గొనకూడదని నాగాలాండ్ రాష్ట్రంలోని నాగా స్టూడెంట్స్ ఫెడరేషన్(NSF) అన్ని పాఠశాలలు, కళాశాలలకు సూచనలిచ్చింది. ఇటీవల విడుదల చేసిన నోటిఫికేషన్‌లో ‘నాగా ప్రజలు స్వాతంత్ర్య దినోత్సవం, జాతీయ జెండా, జాతీయ గీతానికి వ్యతిరేకం కాదని’ తెలిపింది. పూర్తి వెర్షన్ వందేమాతరం(ఆరు స్టాంజాలు)ను బలవంతంగా పాడించడం మాత్రం అంగీకరించమని తెలిపింది. ఇది మతపరమైన భక్తితో ఉండటం వల్ల క్రైస్తవ మెజారిటీ నాగా సమాజానికి ఇది విరుద్ధమని అంటున్నారు.

National· 14 Aug 2026

ఢిల్లీ ఎయిమ్స్‌లో చేరిన కేంద్ర ఆరోగ్యశాఖ మంత్రి జేపీ నడ్డా

కేంద్ర ఆరోగ్య, కుటుంబ సంక్షేమ శాఖ మంత్రి జేపీ నడ్డా అస్వస్థతకు గురికావడంతో కుటుంబసభ్యులు ఆయనను ఢిల్లీ ఎయిమ్స్‌లో చేర్చారు. ప్రస్తుతం ఆయన డాక్టర్స్ పర్యవేక్షణలో ఉన్నారు. ఆయనకు అనేక రకాల పరీక్షలు నిర్వహించారు. ప్రస్తుతం జేపీ నద్దా ఆరోగ్యం నిలకడగా ఉందని, కార్డియాలజీ వైద్యుల పర్యవేక్షణలో ఉన్నారని ఆస్పత్రివర్గాలు ఒక ప్రకటనలో తెలిపాయి.

National· 14 Aug 2026

ఎర్రకోటపై 'వందేమాతరం' 150 ఏళ్ల పండగ!

ఈ ఆగస్టు 15న మనదేశం 80వ స్వాతంత్య్ర దినోత్సవాన్ని జరుపుకోబోతోంది. ఢిల్లీ ఎర్రకోటపై ప్రధాని మోదీ జెండా ఎగరేసి జాతిని ఉద్దేశించి మాట్లాడతారు. ఈసారి ప్రత్యేకత ఏంటంటే.. 'వందేమాతరం' 150 ఏళ్లు పూర్తవుతున్న సందర్భంగా లక్షలాది మందికి స్ఫూర్తినిచ్చిన ఈ జాతీయ గేయాన్ని ఎర్రకోట బురుజుల నుంచి తొలిసారిగా పాడతారు. హెలికాప్టర్ ద్వారా పూలవాన కురిపిస్తూ వందేమాతరం బ్యానర్‌ను చూపిస్తారు. 'యువశక్తి'కి ప్రాధాన్యమిస్తూ 2,500 మంది NCC, మై భారత్ వాలంటీర్లు జ్ఞాన్‌పథ్‌లో ప్రత్యేక ప్రదర్శన ఇవ్వనున్నారు.

National· 14 Aug 2026

రాత్రిపూట గజ్జెల సౌండ్స్.. భయంతో హాస్టల్ ఖాళీ!

మహారాష్ట్రలోని అమరావతిలో దెయ్యాల భయంతో గవర్నమెంట్ ట్రైబల్ ఆశ్రమ్ స్కూల్‌కు చెందిన 608 మంది స్టూడెంట్స్ ఇంటికి వెళ్లిపోయారు. స్కూల్లో రాత్రిపూట గజ్జెల సౌండ్స్, నవ్వులు, ఏడుపులు వినిపిస్తున్నాయని కొందరు స్టూడెంట్స్ చెప్పడంతో టెన్షన్ వాతావరణం నెలకొంది. అధికారులు దీన్ని సీరియస్‌గా తీసుకుని బాలికలకు హెల్త్ టెస్టులు చేయించారు. తీవ్రమైన హిస్టీరియా వంటి సమస్యల కారణంగా లక్షణాలు ఉండొచ్చని డాక్టర్లు చెప్పినట్లు హెడ్‌మాస్టర్ తెలిపారు. రూమర్స్‌ను నమ్మి ప్యానిక్ కావొద్దని అధికారులు పేరెంట్స్‌కు సూచించారు.