National

National· 18 Aug 2026

GenZ ఎఫెక్ట్.. 1.95 లక్షల పోస్ట్‌లు బ్లాక్!

విద్యార్థుల నిరసనలు ఊపందుకోవడంతో ప్రభుత్వం సోషల్ మీడియాపై ఉక్కుపాదం మోపుతోంది. ఇండియన్ ఎక్స్‌ప్రెస్ రిపోర్ట్ ప్రకారం, ప్రభుత్వం దాదాపు 1.95 లక్షల బ్లాకింగ్ ఆర్డర్లను జారీ చేయగా.. ఇందులో ఒక్క ఇన్‌స్టాగ్రామ్‌లోనే అత్యధికంగా 1,00,000 పోస్ట్‌లపై చర్యలు తీసుకున్నారు. అలాగే ఫేస్‌బుక్‌లో 80,000, యూట్యూబ్‌లో 15,000 ఆర్డర్లు అమలయ్యాయి. హోం మంత్రిత్వ శాఖ 'సహయోగ్' పోర్టల్ ద్వారా హ్యూమన్ రివ్యూ లేకుండానే ఈ పోస్ట్‌లు ఆటోమేటిక్‌గా డిలీట్ అయ్యాయి.

▶

National· 18 Aug 2026

ఉత్తరప్రదేశ్‌లో మరో Gen Alpha ఉద్యమం!

ఉత్తరప్రదేశ్‌లోని అజంగఢ్ జిల్లా స్మిత్ ఇంటర్ కాలేజీలో విద్యార్థులు నిరసనకు దిగారు. 'కెమిస్ట్రీ సార్ లేకపోతే మా భవిష్యత్తు ఆసిడ్‌లా మండిపోతుంది' అని రాసి ఉన్న ప్లకార్డులతో పాఠశాల ముందు ధర్నాకు కూర్చున్నారు. స్కూల్లో ఉపాధ్యాయుల కొరతను తీర్చాలని, పెంచిన ఫీజులను వెంటనే తగ్గించాలని విద్యార్థులు డిమాండ్ చేస్తున్నారు.

▶

National· 18 Aug 2026

సభలో కరుణానిధి ప్రస్తావన.. Sorry చెప్పిన విజయ్!

తమిళనాడు అసెంబ్లీలో మాజీ సీఎం, DMK నేత కరుణానిధిని అటవీ శాఖ మంత్రి R.V. రంజిత్ కుమార్ ‘కలైంగర్‌’ అని సంబోధించకుండా నేరుగా మాట్లాడంపై వివాదం చెలరేగింది. DMK సభ్యులు అభ్యంతరం వ్యక్తం చేయడంతో సభలో ఉద్రిక్తత నెలకొంది. దీంతో CM జోసెఫ్ విజయ్ జోక్యం చేసుకుని మంత్రి తరఫున క్షమాపణలు చెప్పారు. కరుణానిధిని అలా ప్రస్తావించడం సరైంది కాదని అంగీకరించారు.

National· 18 Aug 2026

అయోధ్య రామ్‌మందిర్ కేసులో కీలక మలుపు!

అయోధ్య రామమందిరం విరాళాల దొంగతనం కేసులో స్పెషల్ ఇన్వెస్టిగేషన్ టీమ్ (SIT) సమర్పించిన ఫైనల్ రిపోర్ట్‌ను ఉత్తరప్రదేశ్ హోం డిపార్ట్మెంట్ శ్రీరామ జన్మభూమి తీర్థ క్షేత్ర ట్రస్ట్‌కి అందించింది. సుప్రీంకోర్టు జోక్యం చేసుకోవడానికి ముందే, జూన్ 13న రాష్ట్ర ప్రభుత్వం లక్నో డివిజనల్ కమిషనర్ విజయ్ విశ్వాస్ పంత్ నేతృత్వంలో ఈ త్రీ-మెంబర్ SITని ఏర్పాటు చేసింది. ఇక ఈ నివేదిక ఆధారంగా నెక్స్ట్ యాక్షన్ తీసుకోవాల్సి ఉంది.

National· 18 Aug 2026

ఝార్ఖండ్‌లో విద్యార్థుల గెలుపు.. సగం డిమాండ్లకు పరిష్కారం!

ఝార్ఖండ్‌లో రిక్రూట్‌మెంట్ పరీక్షల అవకతవకలపై స్టూడెంట్స్ నిరసనలకు ప్రభుత్వం స్పందించింది. JSSC-CGL పరీక్షను రద్దు చేయడంతో పాటు ప్రైవేట్ ఏజెన్సీ TDPL నిర్వహించిన 2014 నుంచి అన్ని పరీక్షలను రద్దు చేసింది. పరీక్షల కోసం స్పెషల్ కమిటీని ఏర్పాటు చేయడంతో విద్యార్థుల కొన్ని డిమాండ్లు నెరవేరాయి. అయితే అన్ని డిమాండ్లు పూర్తిగా పరిష్కారం కాలేదు. ముఖ్యంగా అవకతవకలపై CBIతో దర్యాప్తు చేయించాలన్న డిమాండ్‌పై ప్రభుత్వం స్పష్టమైన నిర్ణయం తీసుకోలేదు. దీంతో ఈ అంశంపై విద్యార్థుల అసంతృప్తి కొనసాగుతోంది.

National· 18 Aug 2026

పొట్టకూటి కోసం వెళ్లి.. ప్రాణాలు కోల్పోయిన 8 మంది

మధ్యప్రదేశ్‌ రాష్ట్రం భీండ్ జిల్లాలో ఈరోజు ఉదయం ఘోర రోడ్డు ప్రమాదం జరిగింది. గ్వాలియర్–భీండ్ నేషనల్ హైవేపై ఛిమ్కా గ్రామం దగ్గరలో కూలీలతో వెళ్తున్న పికప్ వెహికల్ ఎదురుగా వస్తున్న డంపర్‌ను ఢీకొట్టింది. ఈ ప్రమాదంలో 8 మంది కూలీలు మృతి చెందారు. మరో 32 మందికి గాయాలయ్యాయి. గ్వాలియర్‌లో వరి నాట్లు పనులు ముగించుకుని ఉత్తరప్రదేశ్‌లోని లఖింపూర్ ఖేరీకి తిరిగి వెళ్తుండగా ప్రమాదం జరిగింది. రోడ్డుపై ఉన్న పశువులను తప్పించేందుకు డ్రైవర్ వాహనంపై పట్టు కోల్పోయినట్లు పోలీసులు గుర్తించారు.

National· 18 Aug 2026

JSSC-CGL పరీక్ష రద్దు.. దీక్ష విరమించిన విద్యార్థి నేత

ఝార్ఖండ్‌లో JSSC కంబైన్డ్ గ్రాడ్యుయేట్ లెవల్ (CGL) పరీక్ష రద్దు కావడంతో దేవేంద్రనాథ్ మహతో తన నిరాహార దీక్షను విరమించారు. పరీక్ష రద్దు చేయాలని కోరుతూ స్టూడెంట్స్ వారాలుగా నిరసనలు చేయడంతో నిన్న రాత్రి CM హేమంత్ సోరెన్ పరీక్షను రద్దు చేస్తున్నట్లు ప్రకటించారు. రాంచీలోని సదర్ హాస్పిటల్లో ట్రీట్‌మెంట్ తీసుకుంటున్న మహతోను మంత్రులు, MLAలు కలిసి చర్చలు జరిపారు. ప్రభుత్వం స్పష్టమైన హామీ ఇవ్వడంతో దీక్ష విరమిస్తున్నట్లు మహతో ప్రకటించారు.

National· 18 Aug 2026

సుప్రీంకోర్టు వేదికగా CJP బిగ్ స్టెప్

కాక్రోచ్ జనతా పార్టీ (CJP) నిరసనలు, FIRల ఉపసంహరణ, పోలీసుల దౌర్జన్యానికి సంబంధించిన అంశాలపై సుప్రీంకోర్టులో కొనసాగుతున్న విచారణల నేపథ్యంలో, CJP ప్రతినిధి <a href="https://x.com/SauravDassss/status/2089400426831773742?s=20">సౌరవ్ దాస్</a> కీలక ప్రకటన చేశారు. పోలీసుల దౌర్జన్యంపై సుప్రీంకోర్టులో జరిగే విచారణను పరిశీలించిన అనంతరం, సుప్రీంకోర్టు ఆవరణలో ఇవాళ విలేకరుల సమావేశం నిర్వహించనున్నట్లు తెలిపారు. ఈ సందర్భంగా సీజేపీ చేపట్టిన నిరసనలు, వాటికి సంబంధించి నమోదైన ఎఫ్‌ఐఆర్‌ల ఉపసంహరణ అంశం, పోలీసుల వ్యవహారశైలిపై తమ వైఖరిని వెల్లడించనున్నట్లు పేర్కొన్నారు.

National· 17 Aug 2026

రామ్ మందిర్ విరాళాల వివాదం అప్డేట్

అయోధ్య రామ్ టెంపుల్ డొనేషన్స్ దుర్వినియోగం కేసు విచారణపై సుప్రీంకోర్టు ఇంట్రెస్టింగ్ కామెంట్స్ చేసింది. CJI జస్టిస్ సూర్య కాంత్ నేతృత్వంలోని త్రిసభ్య బెంచ్ ఈ కేసులో ప్రస్తుతానికి జోక్యం చేసుకోబోమని, స్పెషల్ ఇన్వెస్టిగేషన్ టీమ్ (SIT) ఈ ఇన్వెస్టిగేషన్‌ను లాజికల్ కన్‌క్లూజన్‌కు తీసుకువెళ్లాలని స్పష్టం చేసింది. ఒకవేళ SIT పనితీరు సరిగ్గా లేకపోతేనే తాము ఇన్వాల్వ్ అవుతామని హెచ్చరించింది. ఎవరివద్దైనా సూచనలు ఉంటే డైరెక్ట్‌గా సోలిసిటర్ జనరల్ ఆఫీస్‌ను కాంటాక్ట్ చేయవచ్చని తెలిపింది.

▶

National· 17 Aug 2026

జార్ఖండ్‌లో మాస్ ప్రోటెస్ట్ హెచ్చరిక- దేవేంద్ర నాథ్ మహతో

జార్ఖండ్‌లో ఎడ్యుకేషన్ సిస్టమ్‌లో పర్మనెంట్ రిఫార్మ్స్ కోసం విద్యార్థి నాయకుడు <a href="https://x.com/DevendraNathMa9/status/2089038393963626843?s=20">దేవేంద్ర నాథ్ మహతో</a> చేపట్టిన హంగర్ స్ట్రైక్ 15వ రోజుకు చేరింది. ఆయన హెల్త్ కండిషన్ చాలా క్రిటికల్‌గా మారింది. ప్రభుత్వం తమను చర్చలకు పిలిచిందని, నేడు జరగబోయే టాక్స్‌లో పాజిటివ్ అవుట్‌కమ్ వస్తుందని ఆశిస్తున్నట్లు తెలిపారు. ఒకవేళ ఈ టాక్స్ సక్సెస్ కాకపోతే విద్యార్థులందరితో కలిసి పెద్ద ఎత్తున మాస్ మూవ్‌మెంట్ స్టార్ట్ చేస్తామని, ఎంత ఫోర్స్ ఉపయోగించినా ఈ నిరసనను ఆపలేరని ఆయన హెచ్చరించారు.

National· 17 Aug 2026

BJP నేషనల్ టీమ్‌లో పురందేశ్వరి.. తెలంగాణకు నో ఛాన్స్‌!

BJP నేషనల్ ఎగ్జిక్యూటివ్ కమిటీని పార్టీ అధిష్ఠానం ప్రకటించింది. నేషనల్ వైస్ ప్రెసిడెంట్‌గా 13 మందిని నియమించగా.. ఆ లిస్ట్‌లో APకి చెందిన దగ్గుబాటి పురందేశ్వరి చోటు దక్కించుకున్నారు. నేషనల్ జనరల్ సెక్రటరీగా స్మృతి ఇరానీని నియమించారు. పార్టీ జాయింట్‌ కోఆర్డినేటర్‌గా విష్ణువర్ధన్‌రెడ్డికి అవకాశం కల్పించారు. తెలంగాణకు నేషనల్ ఎగ్జిక్యూటివ్ కమిటీలో చోటు దక్కకపోగా.. నేషనల్ వైస్ ప్రెసిడెంట్‌గా ఉన్న డీకే అరుణను తప్పించారు.

▶

National· 17 Aug 2026

IT ఆఫీసులో ఒక్కసారిగా మంటలు.. 12 ఫైర్‌ ఇంజిన్లు!

ముంబైలోని చర్చ్‌గేట్‌ ప్రాంతంలో ఉన్న ఇన్‌కమ్ ట్యాక్స్ ఆఫీస్ భవనంలో భారీ అగ్ని ప్రమాదం జరిగింది. భవనం నుంచి పెద్ద ఎత్తున మంటలు, దట్టమైన పొగ ఎగసిపడటంతో స్థానికులు ఆందోళనకు గురయ్యారు. వెంటనే ఫైర్‌ సిబ్బంది ఘటనా స్థలానికి చేరుకున్నారు. మంటలను అదుపులోకి తీసుకురావడానికి 12 ఫైర్‌ ఇంజిన్లను వాడుతున్నారు. అగ్ని ప్రమాదానికి గల కారణాలు, ప్రాణ, ఆస్తి నష్టంపై పూర్తి వివరాలు తెలియాల్సి ఉంది.

National· 17 Aug 2026

సోషల్ మీడియాపై సుప్రీంకోర్టు సీరియస్!

కోర్టులో జడ్జీలు మాట్లాడే మాటలను సోషల్ మీడియాలో పోస్ట్ చేసి ప్రచారం చేయడంపై సుప్రీంకోర్టు ఫోకస్ పెట్టింది. తీర్పులపై విమర్శలు ఓకే కానీ, చెప్పని మాటలను క్రియేట్ చేసి ప్రచారం చేస్తే న్యాయ వ్యవస్థ ఇమేజ్ డ్యామేజ్ అవుతుందని అడ్వకేట్ రాజా చౌదరి కోర్టులో పిటిషన్ వేశారు. దీనిపై CJI సూర్యకాంత్ రియాక్ట్ అవుతూ ఈ విషయంలో జడ్జీలు చాలా జాగ్రత్తగా ఉండాల్సి వస్తోందని చెప్పారు. ఈ సోషల్ మీడియా ఫేక్ ట్రోలింగ్ అంశంపై పూర్తి విచారణ జరిపేందుకు సుప్రీంకోర్టు సిద్ధమైంది.

National· 17 Aug 2026

కార్పొరేట్ ఉద్యోగాలు వదిలి...డాన్సర్లుగా మారిన యువత!

ఢిల్లీలో యూత్ డ్యాన్స్ పై ఉన్న ఇష్టంతో కార్పొరేట్ ఉద్యోగాలను వదిలేసి, సొంతంగా బిజినెస్‌లు పెట్టి సక్సెస్‌ఫుల్ ఎంటర్‌ప్రెన్యూర్స్‌గా దూసుకెళ్తున్నారు. కమ్నా అరోరా, ఉత్సవ్ మల్హోత్రా అనే జంట 'ఎల్లో స్ట్రైప్స్ డ్యాన్స్ కంపెనీ' స్టార్ట్ చేసి పెళ్లిళ్లలో డ్యాన్స్ కొరియోగ్రఫీ చేయడంతో పాటు కేఫ్‌లు కూడా నడుపుతున్నారు. నిధి భాటియా అనే మహిళ ఐటీ జాబ్ వదిలేసి 'క్రియేటివ్ డిటాక్స్' పేరుతో ఆర్ట్, డ్యాన్స్ స్టూడియో మొదలుపెడితే, మాన్సి గార్గ్ అనే అమ్మాయి 'సోల్ స్టూడియో' ద్వారా ట్రైనింగ్ ఇస్తోంది.

▶

National· 17 Aug 2026

హోటల్‌లో మంటలు.. 7 మంది సజీవ దహనం!

వెస్ట్ బెంగాల్‌లోని బీర్భూమ్‌ జిల్లా తారాపీఠ్‌లో ఈరోజు తెల్లవారుజామున హోటల్‌లో భారీ అగ్నిప్రమాదం జరిగింది. నాలుగు అంతస్తుల హోటల్‌ గ్రౌండ్‌ ఫ్లోర్‌లో దాదాపు ఉదయం 5 గం. మంటలు చెలరేగాయి. ఆ సమయంలో ఎక్కువ మంది అతిథులు నిద్రలో ఉండటంతో కొందరు లోపల చిక్కుకున్నారు. ఈ ఘటనలో 7 మంది మృతి చెందగా, కొందరికి గాయాలయ్యాయి. వారిని రాంపూర్‌హాట్‌ గవర్నమెంట్ హాస్పిటల్‌కు తీసుకెళ్లారు. షార్ట్‌ సర్క్యూట్‌ కారణంగా మంటలు చెలరేగినట్లు అధికారులు అనుమానిస్తున్నారు.

National· 17 Aug 2026

వైర్‌ పడిందన్న భయంతో పరుగులు.. ఆలయంలో విషాదం!

బిహార్‌లోని లఖిసరాయ్‌ జిల్లా అశోక్‌ధామ్‌ ఆలయంలో ఈరోజు ఉదయం తీవ్ర విషాదం జరిగింది. శ్రావణ మాసం మూడో సోమవారం కావడంతో భారీగా భక్తులు వచ్చారు. తెల్లవారుజామున 6.45 గం. సమయంలో ఎలక్ట్రిక్ వైర్‌ పడిందన్న భయంతో భక్తుల మధ్య తొక్కిసలాట జరిగింది. ఈ ఘటనలో ఏడుగురు భక్తులు మృతి చెందగా, 12 మందికి గాయాలయ్యాయి. తొక్కిసలాట ఘటనకు ఖచ్చితమైన కారణంపై అధికారులు దర్యాప్తు చేస్తున్నారు.

▶

National· 17 Aug 2026

మోదీ 'Dimagi Naxals' వ్యాఖ్యలపై ప్రకాశ్‌రాజ్‌ విమర్శలు

ప్రధాని నరేంద్ర మోదీ ఇండిపెండెన్స్ డే స్పీచ్‌లో చేసిన ‘దిమాగీ నక్సల్స్‌’ వ్యాఖ్యలపై నటుడు ప్రకాశ్‌రాజ్‌ స్పందించారు. ప్రభుత్వాన్ని ప్రశ్నించే, భిన్నాభిప్రాయాలు వ్యక్తం చేసే వారిని ఇలా పిలుస్తున్నారని ఆయన విమర్శించారు. గతంలో ‘అర్బన్‌ నక్సల్స్‌’, ‘దేశవిరోధులు’ అంటూ పేర్లు పెట్టారని, ఇప్పుడు ‘దిమాగీ నక్సల్స్‌’ అని కొత్త పేరు పెట్టారని కౌంటర్‌ ఇచ్చారు. ప్రభుత్వ స్కూల్స్ పరిస్థితిని ప్రజలకు చూపిస్తున్న ‘స్కూల్‌ ఠీక్‌ కరో’ కార్యక్రమాన్ని కూడా ప్రస్తావించారు.

National· 17 Aug 2026

NTA నిర్లక్ష్యానికి అభ్యర్థులే బలి.. మూడు NET పేపర్లు రద్దు!

UGC NET జూన్ 2026 పరీక్షల్లో ఇంగ్లిష్, కామర్స్, సోషియాలజీ సబ్జెక్టుల పేపర్లను NTA రద్దు చేసింది. ఈ మూడు పరీక్షల్లో తప్పులు, లోపాలున్నాయని అభ్యర్థుల నుంచి కంప్లైంట్స్ రావడంతో స్పెషల్ కమిటీ పరిశీలించింది. ఇందులో లోపాలు ఉన్నట్లు స్పెషల్ కమిటీ గుర్తించింది. తరువాత రీ-టెస్ట్ నిర్వహించాలని NTA నిర్ణయించింది. ఇంగ్లిష్, కామర్స్ ఎగ్జామ్స్ సెప్టెంబర్ 9న, సోషియాలజీ ఎగ్జామ్ సెప్టెంబర్ 10న జరగనున్నాయి. JRF, అసిస్టెంట్ ప్రొఫెసర్ అర్హతతో పాటు PhD అడ్మిషన్స్‌కు UGC NET కీలకం.