National

National· 28 Aug 2026

వెండి ధర తగ్గింది.. కిలోపై ₹5,000 డౌన్!

మూడు రోజులుగా పెద్దగా మార్పుల్లేకుండా ఉన్న వెండి ధరలు ఇవాళ స్వల్పంగా తగ్గాయి. దేశవ్యాప్తంగా 10 గ్రాముల వెండి ధర సుమారు ₹2,550కి చేరింది. అంటే కిలో వెండిపై దాదాపు ₹5,000 వరకు తగ్గుదల కనిపించింది. వరుసగా మూడు రోజులు స్థిరంగా ఉన్న తర్వాత వచ్చిన ఈ తగ్గుదలతో వెండి కొనాలనుకునేవాళ్లకు కొంత ఊరట లభించింది. అయితే నగరాన్ని బట్టి రిటైల్ ధరల్లో స్వల్ప తేడాలు ఉండొచ్చు. రాబోయే రోజుల్లో ధరలు మళ్లీ పెరుగుతాయా, తగ్గుతాయా అన్నది ఆసక్తిగా మారింది.

▶

National· 28 Aug 2026

కర్ణాటక మంత్రి రాజీనామా..ఆపై కన్నీళ్లు

కర్ణాటక ప్లానింగ్, గణాంకాల శాఖ మంత్రి బి.నాగేంద్ర తన మంత్రి పదవికి రాజీనామా చేశారు. మహర్షి వాల్మీకి షెడ్యూల్డ్ ట్రైబ్ డెవలప్‌మెంట్ కార్పొరేషన్‌లో అవినీతి ఆరోపణలతో ఆయన ఈ నిర్ణయం తీసుకున్నారు. పార్టీకి చెడ్డపేరు తేకూడదని ఈ నిర్ణయం తీసుకున్నానని ఆయన చెప్పారు. బీజేపీ మనువాద రాజకీయాలకు తను బలయ్యానని ఆయన కన్నీళ్లు పెట్టుకున్నారు.

National· 28 Aug 2026

తెలుగు స్టేట్స్ నుంచి బెంగళూరుకు కొత్త డైలీ ట్రైన్‌!

వరంగల్‌, విజయవాడ ప్రయాణికులకు రైల్వే గుడ్‌న్యూస్‌ చెప్పింది. దానాపూర్‌–బెంగళూర్‌ స్పెషల్‌ ట్రైన్లను ఇకపై డెయిలీ ఎక్స్‌ప్రెస్‌లుగా నడపనున్నారు. సెప్టెంబర్‌ 1 నుంచి వరంగల్‌, విజయవాడ నుంచి దానాపూర్‌, బెంగళూరుకు డైలీ ట్రైన్‌ ఫెసిలిటీ అందుబాటులోకి వస్తుంది. దానాపూర్‌–బెంగళూర్‌ ఎక్స్‌ప్రెస్‌ (22365) వరంగల్‌కు రాత్రి 7.00, విజయవాడ 11.35 గం. చేరుతుంది. బెంగళూర్‌–దానాపూర్‌ ఎక్స్‌ప్రెస్‌ (22366) విజయవాడకు సా. 2.55, వరంగల్‌కు 6.18 గం. చేరుతుంది. ప్రయాణికుల రద్దీ తగ్గించేందుకు ఈ మార్పు చేశారు.

National· 28 Aug 2026

బంగారం, వెండి ధరలకు బ్రేక్.. దిగొస్తున్న రేట్లు

దేశంలో గోల్డ్, సిల్వర్ రేట్లు క్రమంగా తగ్గుముఖం పడుతున్నాయి. ఈరోజు ఉదయం 6:30 గం. సమయానికి దిల్లీలో 24 క్యారెట్ల 10 గ్రా. బంగారం రూ.1,63,120, 22 క్యారెట్ల గోల్డ్ రూ.1,49,540గా నమోదైంది. కిలో వెండి రూ.2,59,900కి పడిపోయింది. ముంబైలో 24 క్యారెట్ల బంగారం రూ.1,62,970, 22 క్యారెట్ల ధర రూ.1,49,390గా ఉంది. హైదరాబాద్, విజయవాడ, విశాఖలోనూ ఇదే బంగారం ధరలు కొనసాగగా.. కిలో వెండి రూ.2,64,900గా నమోదైంది. గోల్డ్, సిల్వర్ రేట్స్ ఎప్పటికప్పుడు మారుతుంటాయి కాబట్టి కొనే ముందు మార్కెట్‌లో ఒకసారి చెక్ చేసుకోవడం బెటర్.

National· 27 Aug 2026

బ్యాంకుల్లో డబ్బు భారీగా పెరిగిందా?

బ్యాంకుల్లో డబ్బు ఒక్కసారిగా ఎక్కువైపోయింది.. ఇప్పుడు ఈ అదనపు డబ్బును ఏం చేయాలన్నదే RBI ముందున్న ప్రశ్న. ప్రస్తుతం బ్యాంకింగ్ వ్యవస్థలో సుమారు ₹3.4 లక్షల కోట్ల అదనపు డబ్బు ఉందని అంచనా. రాబోయే రోజుల్లో ఇది ఇంకా పెరగొచ్చని మార్కెట్ వర్గాలు చెబుతున్నాయి. విదేశాల్లో ఉన్న భారతీయులు బ్యాంకుల్లో పెట్టిన డాలర్ డిపాజిట్ల ప్రభావం కూడా దీనికి ఒక కారణం. అందుకే RBI ఈ అదనపు డబ్బును క్రమంగా వెనక్కి తీసుకునే మార్గాలపై ఫోకస్ పెట్టొచ్చని నిపుణులు భావిస్తున్నారు.

National· 27 Aug 2026

రైలు ప్రయాణికులకు Important Alert

రైలు ప్రయాణికులకు Important Alert. రైల్వే స్టేషన్లు, ప్లాట్‌ఫారాలు, రైలు బోగీల్లో చెత్త వేస్తే ఇకపై భారీ జరిమానా చెల్లించాల్సి వస్తుంది. చెత్త వేయడం, ఉమ్మివేయడం, రైల్వే ఆస్తులను పాడు చేయడం చేస్తే విధించే జరిమానాను రూ.500 నుంచి రూ.1,000కి పెంచింది. ఈ మార్పులు ఆగస్టు 24న జారీ చేసిన గెజిట్ నోటిఫికేషన్ ద్వారా అమల్లోకి వచ్చాయి. రైలు బోగీలు, రైల్వే స్టేషన్లలను పరిశుభ్రతను పెంచే లక్ష్యంతో రైల్వే ఈ నిర్ణయం తీసుకుంది.

National· 27 Aug 2026

ఒక్క నెలలో..60 మంది నవజాత శిశువులు మృతి

పశ్చిమ బెంగాల్‌లోని మాల్డా మెడికల్ కాలేజ్ అండ్ హాస్పిటల్‌లో ఆగస్టులో 60 నవజాత శిశువులు చనిపోయారు. ఇందులో 10 మంది ఆగస్టు రెండో వారంలోనే చనిపోయారు. 60 మందిలో 44 మంది ఇతర హాస్పిటల్స్ లేదా నర్సింగ్ హోమ్‌ల నుంచి క్రిటికల్ కండీషన్లలో ఇక్కడికి తీసుకొచ్చారు. మిగిలిన 16 మంది ఈ హాస్పిటల్లోనే పుట్టారు. వాళ్లు ఇక్కడికి రావడానికి ముందే అనారోగ్యంతో ఉన్నారని, అందుకే మరణించారని హాస్పిటల్ వర్గాలు చెప్తున్నాయి. జిల్లా అధికారులు ఈ అంశాన్ని పరిశీలిస్తున్నాయి.

National· 27 Aug 2026

Acting Chief Justiceని మార్చాలని..సుప్రీం జడ్జి లెటర్స్

రాజస్థాన్ హైకోర్టు Acting Chief Justice జస్టిస్ సంజీవ్ ప్రకాష్ శర్మను బదిలీ చేయాలని CJI సూర్యకాంత్‌కు సుప్రీం కోర్టు జడ్జి సందీప్ మెహతా ఏకంగా మూడు లెటర్స్ రాయడం ప్రస్తుతం చర్చగా మారింది. Acting Chief Justiceలో నాయకత్వ లక్షణాలు లేవని, కేసులు అనవసరంగా తన బెంచ్‌కు మార్చుకుంటున్నారని ఆ లెటర్స్‌లో ఆయన వివరించారు. హైకోర్టు గెస్ట్‌హౌస్ కోసం అవసరం లేకుండా పెద్ద భవనం నిర్మించాలని ప్లాన్ చేసి ప్రజా డబ్బు వేస్ట్ చేస్తున్నారని ఆరోపించారు. జస్టిస్ శర్మ గత ఏడాది సెప్టెంబర్ నుంచి యాక్టింగ్ చీఫ్‌గా ఉన్నారు.

National· 27 Aug 2026

నేపాల్ వరదల్లో 80 మంది గల్లంతు.. కన్నీరుపెట్టుకున్న సద్గురు

నేపాల్–టిబెట్ బోర్డర్‌లో భారీ వరదలు బీభత్సం సృష్టించాయి. కైలాశ్ మానస సరోవర్ యాత్ర ముగించుకుని తిరిగి వస్తున్న ఇషా ఫౌండేషన్‌కు చెందిన 80 మంది సభ్యులు మిస్ అయ్యారు. వరదల్లో దాదాపు 170 మంది మృతి చెందగా, 1,500 మందికి పైగా ఆచూకీ తెలియకుండా పోయింది. దీంతో ఘటనపై సద్గురు కన్నీరుపెట్టుకున్నారు. ఈరోజు అక్కడికి వెలదామనుకున్నా కుదరలేదని అన్నారు. రెస్క్యూ ఆపరేషన్‌లో పాల్గొనేందుకు సద్గురు, తన టీమ్‌తో అక్కడికి వెళ్లేందుకు భారత్, చైనాల అనుమతి కోరుతున్నారు.

National· 27 Aug 2026

వచ్చే ఒలింపిక్స్‌లో సత్తా చాటాలి: మోదీ

నేషనల్ స్పోర్ట్స్ డే సందర్భంగా ప్రధాని నరేంద్ర మోదీ ఖేలో ఇండియా సంవాద్‌లో వర్చువల్‌గా పాల్గొన్నారు. దేశవ్యాప్తంగా యువ అథ్లెట్లతో మాట్లాడారు. స్పోర్ట్స్ కేవలం మెడల్స్ కోసం కాదని, యువతలోని శక్తిని వెలికితీసే సాధనాలని అన్నారు. 5-15 ఏళ్ల పిల్లల్లో టాలెంట్‌ను గుర్తించి ఎంకరేజ్ చేయాలన్నారు. వచ్చే ఒలింపిక్స్‌లో భారత్ మరిన్ని మెడల్స్ సాధించేందుకు ప్రభుత్వం అండగా ఉంటుందని హామీ ఇచ్చారు. ఆ ఒలింపిక్స్‌లో భారత్ చెప్పుకోదగ్గ స్థాయిలో మెడల్స్ సాధించాలని ఆయన కోరారు.

National· 27 Aug 2026

నేపాల్ వరదలు..భారత్‌లో నదులకు అలర్ట్

వరదలు నేపాల్ దేశాన్ని అతలాకుతలం చేశాయి. ఇదే టైంలో భారత్‌లోని నదులకు కూడా అలర్ట్ ఏర్పడింది. వరద నీళ్లు పైనుంచి గండక్ నది ద్వారా భారత్‌లోకి ప్రవహించే అవకాశం ఉందని నిపుణులు అంటున్నారు. దీంతో బిహార్ రాష్ట్రం వాల్మీకినగర్‌లోని గండక్ బ్యారేజ్ వద్ద అన్ని 36 గేట్లు తెరిచారు. ఒక రోజులో సుమారు 1.50 లక్షల క్యూసెక్స్ నీరు విడుదల చేశారు. లో-లైయింగ్ ఏరియాలు, బ్రిడ్జ్‌లను వాచ్ చేస్తున్నారు. UPలో మహారాజ్‌గంజ్, కుషీనగర్ జిల్లాల్లో హై అలర్ట్ ప్రకటించారు.

National· 27 Aug 2026

కాంగోలో Ebola అదుపు తప్పుతోందా?

Ebola మళ్లీ పెద్ద ప్రమాదంగా మారుతోంది.. ముఖ్యంగా డెమొక్రాటిక్ రిపబ్లిక్ ఆఫ్ కాంగోలో పరిస్థితి వేగంగా క్షీణిస్తోంది. ఈసారి అరుదైన బుండిబుగ్యో వైరస్ వ్యాపిస్తోంది. ఆగస్టు 23 నాటికి 5,514 కేసులు, 2,642 మరణాలు నమోదయ్యాయి. గత వారం ఒక్కటిలోనే 300 మందికి పైగా చనిపోయారు. వైరస్ వ్యాప్తి చాలా వేగంగా ఉండటంతో దీన్ని అదుపులోకి తేవడం కష్టమవుతోంది. పైగా ప్రభావిత ప్రాంతాల్లో ఘర్షణలు, రోడ్లు-వైద్య సదుపాయాల కొరత, ఆరోగ్య సిబ్బందిపై దాడులు పరిస్థితిని మరింత కష్టంగా మారుస్తున్నాయి.

National· 26 Aug 2026

మన మెదడులోనే కంప్యూటర్!

మన మెదడులోనే ఓ చిన్న కంప్యూటర్ ఉంటే ఎలా ఉంటుంది? ఇది సైన్స్ ఫిక్షన్‌లా అనిపించినా.. సైంటిస్టులు ఇప్పటికే ఆ దిశగా అడుగులు వేస్తున్నారు. మెదడులో అమర్చే చిన్న చిప్స్ ద్వారా మన ఆలోచనలతోనే కంప్యూటర్‌ను కంట్రోల్ చేసే టెక్నాలజీపై రీసెర్చ్ జరుగుతోంది. పక్షవాతం లేదా శరీరాన్ని కదపలేని వారికి ఈ టెక్నాలజీ ఎంతో ఉపయోగపడొచ్చు. అయితే ఇది సాధారణ మనుషుల కోసం వెంటనే అందుబాటులోకి రాదు. చిప్‌ను సురక్షితంగా అమర్చడం, శరీరం దాన్ని అంగీకరించడం, డేటా భద్రత వంటి సమస్యలు ఇంకా ఉన్నాయి.

▶

▶▶

National· 26 Aug 2026

కొన్ని క్షణాల్లోనే అంతా కొట్టుకుపోయింది!

నేపాల్–టిబెట్ సరిహద్దులో ఒక్కసారిగా మట్టి, రాళ్లు, నీటితో భారీ వరద దూసుకురావడంతో తీవ్ర నష్టం జరిగింది. నేపాల్‌లో ఇప్పటివరకు 95 మంది చనిపోయినట్టు అధికారులు చెబుతున్నారు. మరోవైపు వందల మంది ఆచూకీ తెలియడం లేదు. ఇళ్లు, రోడ్లు, వంతెనలు, విద్యుత్ ప్రాజెక్టులు వరదలో కొట్టుకుపోయాయి. కొండపై నుంచి భారీగా మట్టి, రాళ్లు నదిలోకి జారిపడటంతో ఈ వరద మొదలై ఉండొచ్చని అధికారులు అనుమానిస్తున్నారు. సహాయక బృందాలు గల్లంతైన వారి కోసం గాలిస్తున్నాయి. దెబ్బతిన్న రోడ్ల కారణంగా కొన్ని ప్రాంతాలకు చేరుకోవడం కష్టంగా మారింది.

National· 26 Aug 2026

Metaకి భారీ షాక్.. $17.1B సెటిల్‌మెంట్!

Metaకి భారీ దెబ్బ తగిలింది! అమెరికాలోని 47 రాష్ట్రాలు, వాషింగ్టన్ డీసీ సహా ఇతర ప్రాంతాలు దాఖలు చేసిన కేసుల నుంచి బయటపడేందుకు Meta $17.1B వరకు చెల్లించేలా సెటిల్‌మెంట్‌కు ఒప్పుకుంది. Facebook, Instagramలో పిల్లలు, టీనేజర్లను ఎక్కువసేపు ఉండేలా చేసే ఫీచర్లు పెట్టారని, వాటి వల్ల యువతకు హాని జరుగుతుందని తెలిసినా సంస్థ చర్యలు తీసుకోలేదని ఆరోపణలు వచ్చాయి. Meta మాత్రం ఎలాంటి తప్పు చేయలేదని చెబుతోంది. ఈ ఒప్పందానికి కోర్టు ఆమోదం ఇంకా రావాల్సి ఉంది.

National· 26 Aug 2026

79లోనూ పని ఆపని వ్యక్తి కథ!

79 ఏళ్ల వయసులోనూ రోజూ సైకిల్‌పై పార్సల్స్ ఇస్తున్న ఓ వ్యక్తి ఇప్పుడు సోషల్ మీడియాలో అందరి దృష్టిని ఆకర్షిస్తున్నాడు. జార్ఖండ్‌లోని జంషెడ్‌పూర్‌కు చెందిన సీకే ముఖర్జీ గత 33 ఏళ్లుగా కొరియర్ పని చేస్తున్నారు. ఎండైనా, వానైనా సైకిల్‌పై తిరుగుతూ పార్సల్స్ అందిస్తున్నారు. ఇంత వయసులోనూ ఇలా ఎలా పనిచేస్తున్నారని అడిగితే.. తనకు జనాలు ఇచ్చే ప్రేమ, గౌరవమే ముందుకు వెళ్లే బలమని చెప్పారు. ఇటీవల రెండు కళ్లకు ఆపరేషన్ జరిగినా పని ఆపలేదు. కుటుంబాన్ని చూసుకోవడానికి కూడా ఈ పని కొనసాగిస్తున్నానని చెప్పారు.

National· 26 Aug 2026

3,400 కిస్సులు.. ₹5,500 ఫైన్!

కిస్సులతో ప్రేమ చూపించాలనుకున్నారు.. చివరికి పోలీసులకు దొరికిపోయారు! మధ్యప్రదేశ్ గ్వాలియర్‌కు చెందిన ఆదిత్య సికర్వార్ కారుపై అతని గర్ల్‌ఫ్రెండ్ దాదాపు 3,400 లిప్‌స్టిక్ కిస్ మార్కులు వేసింది. ఈ పని కోసం నాలుగు గంటలు పట్టింది. వీడియో సోషల్ మీడియాలో వైరల్ కావడంతో పోలీసులు కారు నంబర్ ద్వారా గుర్తించారు. కార్ లుక్ మార్చడం, రోడ్ సేఫ్టీ రూల్స్‌కు విరుద్ధంగా ఉందని చెప్పి ₹5,500 ఫైన్ వేశారు. కిస్ మార్కులన్నీ తొలగించి కారును క్లీన్ చేయించారు. వైరల్ కావాలనుకున్న స్టంట్.. చివరికి ఫైన్‌తో ముగిసింది!

National· 26 Aug 2026

నికోబార్ ప్రాజెక్టులకు బ్రేక్ చెప్పిన UN కమిటీ!

గ్రేట్ నికోబార్‌లో చేపట్టనున్న భారీ ఇన్‌ఫ్రాస్ట్రక్చర్ ప్రాజెక్టులపై యునైటెడ్ నేషన్స్ కమిటీ కీలక సూచనలు చేసింది. పర్యావరణం, ఆర్థిక, సామాజిక అంశాలపై పూర్తి స్థాయి డీటెయిల్డ్ స్టడీ పూర్తయ్యే వరకు ప్రాజెక్టు పనులను టెంపరరీగా ఆపివేయాలని కోరింది. ఈ ప్రాజెక్టుల వల్ల అక్కడి దట్టమైన అడవులు, ఎకోసిస్టమ్, స్థానిక గిరిజన జీవనంపై ఎఫెక్ట్ పడే అవకాశముందని ఆందోళన వ్యక్తం చేసింది. పూర్తి రిసెర్చ్ స్టడీస్ చేసిన తర్వాతే ముందుకు వెళ్లాలని సూచించింది.