National

▶

National· 21 Aug 2026

రాజస్థాన్ లో CJP టీమ్ అడ్డగింత

రాజస్థాన్‌లోని బాగ్రూ గ్రామంలో ప్రభుత్వ స్కూల్ పరిస్థితి చూడటానికి వెళ్లిన Cockroach Janata Party (CJP) టీమ్‌ను కొందరు వ్యక్తులు అడ్డుకున్నారు. School Thik Karo క్యాంపెయిన్‌లో భాగంగా అక్కడికి వెళ్లిన CJP కో-కన్వీనర్ ఆశుతోష్ రాంకా, ఇతర కార్యకర్తలను వెనక్కి పంపించారు. తమ కార్యకర్తలపై దాడి చేసి “టెర్రరిస్టులు, నక్సలైట్లు” అంటూ అన్నారని CJP కార్యకర్త శివాంగి శర్మ చెప్పారు. “ఔట్‌సైడర్‌, ఇన్‌సైడర్‌ అని ఎందుకు? ఇది ఒక్క దేశం.. మన దేశంలోని పిల్లల గురించే మాట్లాడుతున్నాం” అని ఆమె అన్నారు.

National· 21 Aug 2026

43% పడిపోయిన ఉపాధి హామీ పనులు?

MGNREGA స్థానంలో కొత్తగా వచ్చిన VB-G RAM G స్కీమ్ ట్రాన్సిషన్ వల్ల రూరల్ ఎంప్లాయ్‌మెంట్ తీవ్రంగా పడిపోయింది. ఏప్రిల్-జూలై 2026లో ఉపాధి పనులు 43% తగ్గి, కేవలం 70 కోట్ల పర్సన్-డేస్‌కే లిమిట్ అయ్యాయి. గత రెండేళ్ల యావరేజ్ 128 కోట్లతో పోలిస్తే ఇది బిగ్ డ్రాప్. ముఖ్యంగా MP, UP, జార్ఖండ్ వంటి స్టేట్స్‌లో 60-85% వర్క్ తగ్గింది. బడ్జెట్‌లో ₹95,692 కోట్లు అలొకేట్ చేసినా, వర్కర్స్‌కి వేతనం సరిగ్గా అందక, పనులు ఆగిపోయి విలేజ్ వర్కర్స్ తీవ్ర ఆందోళనలో ఉన్నారు.

National· 21 Aug 2026

ఒకే వేదికపై సౌత్ పొలిటికల్ స్టార్స్

తమిళనాడులో జరిగిన 31వ సదరన్ జోనల్ కౌన్సిల్ మీట్ రాజకీయంగా స్పెషల్ అట్రాక్షన్‌గా నిలిచింది. సెంట్రల్ మినిస్టర్ అమిత్ షా సమక్షంలో జరిగిన సమావేశంలో సౌత్ స్టేట్స్‌కు చెందిన CMలు, పొలిటికల్ లీడర్స్ ఒకే వేదికపై కనిపించారు. తమిళనాడు CM జోసెఫ్ విజయ్ స్వాగత ప్రసంగం చేశారు. ఈ సమావేశంలో ఏపీ CM చంద్రబాబు, కర్ణాటక CM D.K. శివకుమార్, తెలంగాణ డిప్యూటీ CM భట్టివిక్రమార్క, కేరళ CM V.D. సతీశన్ పాల్గొన్నారు. దక్షిణాది రాజకీయాల్లో కీలకంగా ఉన్న లీడర్స్ ఒకే ఫ్రేమ్‌లో కనిపించడంతో ఈ విజువల్స్ ఆసక్తిగా మారాయి.

National· 20 Aug 2026

కన్నీళ్లు పెట్టిస్తున్న విద్యార్థి చివరి మాటలు!

మరో నీట్ అభ్యర్థి చదువు, భవిష్యత్తుపై ఒత్తిడి తట్టుకోలేక ఆత్మహత్య చేసుకున్నాడు. మహారాష్ట్రలోని శంభాజీనగర్‌లో సూరజ్ సుభాష్ షిండే (19) అనే విద్యార్థి 'అమ్మ, నాన్న క్షమించండి, వచ్చే జన్మలో ఖచ్చితంగా డాక్టర్ అవుతాను. జాగ్రత్తగా, సంతోషంగా ఉండండి' అని సూసైడ్ నోట్‌లో రాసి ఇంట్లో ఉరేసుకున్నాడు.

▶

National· 20 Aug 2026

ఢిల్లీ ప్రెస్ క్లబ్ ఆఫ్ ఇండియాలో ‘మోదీ చాలీసా’

ఢిల్లీ ప్రెస్ క్లబ్ ఆఫ్ ఇండియాలో కొందరు ‘మోదీ చాలీసా’ను పఠించారు. బ్యానర్‌పై ‘భగవాన్ శ్రీ నరేంద్ర మోదీ చాలీసా’ అని రాశారు. అక్కడున్నవారు “జై జై మోదీ..హర్ హర్ మోదీ” అని నినాదాలు చేశారు. విల్లు పట్టుకున్న రాముడి రూపంలో ఉన్న మోదీ చిత్రానికి హారతి ఇచ్చారు. డాక్టర్ రాజన్ సింగ్, మహామండలేశ్వర్ వైభవి మహారాజ్ తదితరులు పాల్గొన్నారు. తాము ఈ కార్యక్రమాన్ని నిర్వహించలేదని ప్రెస్ క్లబ్ ఆఫ్ ఇండియా చెప్పింది. హాల్‌ను ఒక సంస్థ ప్రెస్ కాన్ఫరెన్స్ కోసం తీసుకుందని, కానీ విషయం తెలిసి ఆ ప్రోగ్రామ్‌ను ఆపేశామంది.

National· 20 Aug 2026

మాజీ కాంగ్రెస్ ఎంపీ సజ్జన్‌కుమార్ కన్నుమూత

1984 సిక్కు వ్యతిరేక అల్లర్ల కేసులో దోషిగా తేలి జీవిత ఖైదు అనుభవిస్తున్న మాజీ కాంగ్రెస్ ఎంపీ సజ్జన్‌కుమార్ (80) మరణించారు. తిహార్ జైలులో ఉన్న ఆయన హెల్త్ పాడవడంతో ఆసుపత్రికి తరలించారు. అప్పటికే ఆయన మరణించినట్లు వైద్యులు ధృవీకరించారు. మాజీ ప్రధాని ఇందిరాగాంధీ హత్య తర్వాత 1984 నవంబర్ 1, 2వ తేదీల్లో జరిగిన అల్లర్లలో ఐదుగురి మృతికి ఆయన కారణమైనట్లు కోర్టు తేల్చింది. దిల్లీ హైకోర్టు 2018 డిసెంబర్ 17న సజ్జన్‌కుమార్‌కు జీవిత ఖైదు విధించింది.

National· 20 Aug 2026

మంత్రులకు సోషల్‌ మీడియా ఫేమ్‌ చెక్‌.. Gen Zపై ఫోకస్‌

సెంట్రల్ మినిస్టర్స్ సోషల్‌ మీడియా పనితీరుపై కేంద్రం రివ్యూ చేసింది. మే 1 నుంచి ఆగస్ట్ 15 వరకు X, ఇన్‌స్టాగ్రామ్‌, ఫేస్‌బుక్‌, లింక్డ్‌ఇన్‌లో మంత్రుల పోస్టులు, లైక్స్‌, ఎంగేజ్‌మెంట్‌, ఫాలోవర్ల వివరాలను విశ్లేషించారు. ఈ రిపోర్ట్స్‌ను మంత్రులకు ఇచ్చి, డిజిటల్‌ ప్లాట్‌ఫామ్‌లలో యాక్టివిటీని పెచుకోవాలని సూచించారు. సోషల్‌ మీడియా ద్వారా Gen Zతో మరింతగా కనెక్ట్ కావాలని ప్రధాని మోదీ చెప్పినట్లు తెలుస్తోంది. దీంతో ఈ సమీక్షకు ఇంపార్టెన్స్ ఏర్పడింది.

National· 20 Aug 2026

విద్యా వ్యవస్థ మార్చాల్సిందే: నేహా బోరా

AP: కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేసినంత మాత్రాన సమస్యలు పరిష్కారం కావని AISA జాతీయ అధ్యక్షురాలు, జెన్ జీ ఉద్యమ నేత నేహా బోరా అన్నారు. విజయవాడ ప్రెస్‌క్లబ్‌లో జరిగిన మీట్ ది ప్రెస్‌లో ఆమె మాట్లాడారు. దేశ విద్యా వ్యవస్థలో సమూల మార్పులు తీసుకురావాల్సిన అవసరం ఉందని పేర్కొన్నారు. నీట్ పేపర్ లీక్, పరీక్ష రద్దు వ్యవహారాల్లో కేంద్రం నిర్లక్ష్యంగా వ్యవహరించిందని విమర్శించారు. ఢిల్లీలో నిరాహార దీక్ష సందర్భంగా తమను రెచ్చగొట్టేందుకు ప్రయత్నించారని ఆరోపించారు.

National· 19 Aug 2026

ఉప్పు అనుకుని డిటర్జెంట్ వేశారు… 36 మంది పిల్లలు అస్వస్థత

స్కూల్‌లో మధ్యాహ్న భోజనం తిన్న పిల్లలకు ఒక్కసారిగా వాంతులు, తల తిరగడం మొదలయ్యాయి. బిహార్‌లోని నలందా జిల్లాలోని పరాసి ప్రభుత్వ పాఠశాలలో కనీసం 36 మంది బాలికలు అస్వస్థతకు గురయ్యారు. భోజనంలో ఉప్పు తక్కువగా ఉందని కొందరు చెప్పడంతో, వంటమనిషి ఉప్పు అనుకుని డిటర్జెంట్ పౌడర్ కలిపినట్లు స్థానికులు చెబుతున్నారు. వంటగదిలో ఉప్పు, డిటర్జెంట్ డబ్బాలు ఒకే చోట ఉండటమే ఈ పొరపాటుకు కారణమై ఉండొచ్చని సమాచారం. పిల్లలను ఆసుపత్రికి తరలించగా, అందరూ ప్రమాదం నుంచి బయటపడ్డారని అధికారులు తెలిపారు.

National· 19 Aug 2026

షార్ట్స్ వేసుకున్నారని టూరిస్టులను కొట్టారా? 😳

పుణేలోని సింహగఢ్ కోటకు వెళ్లిన నలుగురు టూరిస్టులను వారు షార్ట్స్, స్లీవ్‌లెస్ దుస్తులు వేసుకున్నారనే కారణంతో కొందరు అడ్డుకుని కొట్టినట్లు ఆరోపణలు వచ్చాయి. ఈ నలుగురిలో ముగ్గురు మహిళలు ఉన్నట్లు పోలీసులు తెలిపారు. “షార్ట్స్ ఎందుకు వేసుకున్నారు?” అంటూ ప్రశ్నించి, చెంపదెబ్బలు కొట్టినట్లు ఫిర్యాదు నమోదైంది. ఈ ఘటనపై ఎనిమిది మందిపై కేసు నమోదైంది. దీంతో ఇప్పుడు చర్చ డ్రెస్ కోడ్ గురించే కాదు.. పబ్లిక్ ప్లేస్‌లో ఎవరి దుస్తులు నచ్చలేదని వారిపై దాడి చేసే హక్కు ఎవరికైనా ఉందా? అనే ప్రశ్న చుట్టూ తిరుగుతోంది.

National· 19 Aug 2026

Delhi Airport టాప్ 11లోకి ఎలా వెళ్లింది? ✈️

ఢిల్లీ ఇందిరాగాంధీ అంతర్జాతీయ విమానాశ్రయం మరోసారి వార్తల్లోకి వచ్చింది. 2025లో 7.81 కోట్లకు పైగా ప్రయాణికులను హ్యాండిల్ చేసి, ప్రపంచంలో అత్యంత రద్దీగా ఉన్న విమానాశ్రయాల జాబితాలో 11వ స్థానంలో నిలిచింది. తాజా ACI డేటా ప్రకారం, ప్రపంచ టాప్ 20లో చోటు దక్కించుకున్న ఏకైక భారత విమానాశ్రయం కూడా ఇదే. సియోల్, లాస్ ఏంజెల్స్, పారిస్ వంటి పెద్ద ఎయిర్‌పోర్టులను దాటి ఢిల్లీ ముందుకు రావడం ఆసక్తికరమే. మన రాజధాని ఎయిర్ ట్రాఫిక్ స్కేల్ ఇప్పుడు ప్రపంచ స్థాయిలో ఎంత పెద్దదైందో ఈ ర్యాంక్ చెబుతోంది.

National· 19 Aug 2026

చిన్న హోటళ్లు.. పెద్ద డిమాండ్!

దేశంలో ఇప్పుడు 20 కంటే తక్కువ సీట్లు ఉండే చిన్న హోటళ్ల (మైక్రో డైనర్స్)కు ఎక్కువగా డిమాండ్ పెరుగుతోంది. ఇక్కడ తినడానికి జనాలు ఆన్‌లైన్‌లో పోటీపడి ముందే సీట్లు బుక్ చేసుకుంటున్నారు. హంగులు, ఆడంబరాలు లేకపోయినా, టేస్టీ ఫుడ్ అందించడమే ఈ హోటళ్ల ప్రత్యేకత. ప్రశాంతమైన వాతావరణం ఉండటం, డైరెక్ట్ గా చెఫ్‌తో మాట్లాడే అవకాశం లభించడంతో ప్రజలు వీటిని ఎంతగానో ఇష్టపడుతున్నారు. బెంగళూరు, ముంబై, కోల్‌కతా వంటి సిటీల్లో ఈ కొత్త హోటళ్ల ట్రెండ్ బాగా పెరుగుతుంది.

▶

National· 19 Aug 2026

ఓట్లు అడిగే ముందు..బడులను మార్చండి!: అభిజీత్ దీప్కే

విద్య, ఉద్యోగం, భవిష్యత్‌పై చైతన్యం కలిగించేలా CJP ఫౌండర్ అభిజీత్ దీప్కే గ్రామా ప్రజలతో మాట్లాడారు. “మా ఓట్లు కావాలంటే ముందుగా ప్రభుత్వ బడులను బాగుచేయాలి” అని వారికి స్పష్టం చేశారు. పిల్లల చదువు విషయంలో పేరెంట్స్ బాధ్యతగా ఉండాలని సూచించారు. ప్రైవేట్ స్కూల్లో చదువుతున్న విద్యార్థుల భవిష్యత్‌తో పాటు గ్రామాల్లో కూడా విద్యావకాశాలపై ఆలోచించాల్సిన అవసరముందన్నారు. చదువు పూర్తయ్యాక యువత వ్యవసాయం, కన్స్ట్రక్షన్ వంటి పనులకే కాకుండా మంచి అవకాశాలు అందిపుచ్చుకునేలా మార్పు రావాలని పిలుపునిచ్చారు.

National· 19 Aug 2026

మహిళా ఉద్యోగులకు గుడ్‌న్యూస్.. విజయ్ మరో కీలక నిర్ణయం!

మహిళా ప్రభుత్వ ఉద్యోగుల కోసం తమిళనాడు సర్కార్ కీలక నిర్ణయం తీసుకుంది. మూడో బిడ్డకు కూడా 365 రోజుల పెయిడ్ మ్యాటర్నిటీ లీవ్స్ కల్పించనున్నట్లు ఆ రాష్ట్ర మంత్రి డి. సరత్‌కుమార్ అసెంబ్లీలో ప్రకటించారు. ఇప్పటివరకు మూడో బిడ్డకు 12 వారాల సెలవు మాత్రమే ఉండేది. మొదటి ఇద్దరు పిల్లలకు వర్తించే 365 రోజుల సెలవులను మూడో బిడ్డకూ కూడా ఉండేలా ప్రభుత్వం నిర్ణయం తీసుకుంది. మహిళా ఉద్యోగులు డెలివరీ తర్వాత శిశు సంరక్షణకు ఈ నిర్ణయం మరింత తోడ్పడనుంది.

National· 18 Aug 2026

పసిబిడ్డతో అసెంబ్లీకి ఎమ్మెల్యే.. విమర్శలకు గట్టి కౌంటర్!

తమిళనాడు అసెంబ్లీకి తమిళగ వెట్రి కళగం (TVK) పార్టీ ఎమ్మెల్యే ఆర్. పల్లవి తన పసిబిడ్డతో రావడం సోషల్ మీడియాలో చర్చగా మారింది. పాపను కేర్‌టేకర్ దగ్గర బయట ఉంచి ఆమె సభకు హాజరవుతున్నారు. దీనిపై కొందరు మెచ్చుకోగా, మరికొందరు 'కేవలం పబ్లిసిటీ కోసమే ఈ సీన్లు చేస్తున్నారు' అని కామెంట్లు చేశారు. ఈ విమర్శలపై ఎమ్మెల్యే స్పందిస్తూ 'పాప చిన్నది, ఇంట్లో ఒంటరిగా వదిలేసి రాలేను. తల్లిగా నా బాధ్యత చూసుకుంటూనే, ఎమ్మెల్యేగా పని చేయడంలో తప్పేంటి?' అని అడిగారు. ఎవరి పరిస్థితి తెలుసుకోకుండా ట్రోల్ చేయడం సరికాదన్నారు.

National· 18 Aug 2026

మహారాష్ట్రలో మత మార్పిడుల నిరోధక చట్టం!

మహారాష్ట్ర ప్రభుత్వం ‘<a href="https://economictimes.indiatimes.com/news/india/maharashtra-freedom-of-religion-act-to-come-into-force-on-august-28-what-changes/articleshow/133320393.cms">ద మహారాష్ట్ర ఫ్రీడం ఆఫ్ రిలీజియన్ యాక్ట్, 2026</a>’ పేరుతో కొత్త చట్టాన్ని తెచ్చింది. మోసం చేసి లేదా బలవంతంగా మతం మార్చితే గరిష్టంగా 7 ఏళ్ల జైలు శిక్ష, రూ.5 లక్షల వరకు జరిమానా విధిస్తారు. ఇది బెయిల్ రాని నేరం. ఎవరైనా ఇష్టంతో మతం మారాలన్నా 60 రోజుల ముందే దరఖాస్తు చేసుకోవాలి. చట్టవ్యతిరేకంగా మతం మారినవారి పిల్లలకు తల్లి మతమే వర్తిస్తుంది. బలవంతపు మార్పిడులను అడ్డుకోవడానికే ఈ చట్టమని ప్రభుత్వం చెప్పగా, కొందరు మాత్రం ఇది వ్యక్తిగత స్వేచ్ఛను దెబ్బతీస్తుందని విమర్శిస్తున్నారు.

National· 18 Aug 2026

ఆఫర్ లెటర్ ఉంది… ఉద్యోగం మాత్రం లేదు! 😳

ఊహించండి… నెలలుగా ఉద్యోగం కోసం ఎదురుచూశారు. ఆఫర్ వచ్చింది. జాయినింగ్ డేట్ కూడా ఫిక్స్ అయింది. ఇక కొత్త జీవితానికి రెడీ అవుతున్న సమయంలో, జాయినింగ్‌కు ఐదు రోజుల ముందు ఆఫర్ రద్దయితే ఎలా ఉంటుంది? భారతీయ గ్రాడ్యుయేట్ తేజస్వ్ అగర్వాల్‌కు ఇలాంటి అనుభవమే ఎదురైంది. ఆగస్టు 18న ఒరాకిల్‌లో సాఫ్ట్‌వేర్ డెవలపర్‌గా చేరాల్సి ఉండగా, ఆఫర్‌ను రద్దు చేసినట్లు ఆయన <a href="https://www.linkedin.com/posts/tejasw464_tejaswagrawalresume-ugcPost-7495079436397162498-Ktnw/?utm_source=share&amp;utm_medium=member_desktop&amp;rcm=ACoAAExY3CYBKjyriNTuPUsNR_7VtmGSH_AgEg8">LinkedIn</a>లో వెల్లడించారు. మేలో ఇదే ఆఫర్‌ను ఒకసారి రద్దు చేసి, జూలైలో తిరిగి ఇచ్చారట. ఉద్యోగం దొరికిందని సంబరపడేలోపే… అది ఉంటుందా అనే ప్రశ్న మొదలవుతోంది.

National· 18 Aug 2026

మళ్లీ వర్షాలు గట్టిగానే పడబోతున్నాయా?

ఇటీవల వర్షాలు కాస్త తగ్గడంతో “ఇక తగ్గిపోయినట్టే!” అనుకుంటున్నారా? మళ్లీ మాన్సూన్ యాక్టివ్ అవుతోంది. ఆగస్టు 20 నుంచి 24 వరకు తూర్పు, మధ్య భారతంలో వర్షాలు బాగా పెరిగే అవకాశం ఉందని వాతావరణ శాఖ చెబుతోంది. ముఖ్యంగా జార్ఖండ్, బిహార్, ఒడిశా, పశ్చిమ బెంగాల్, ఛత్తీస్‌గఢ్, తూర్పు మధ్యప్రదేశ్‌లో భారీ వర్షాలు పడొచ్చు. జార్ఖండ్‌లో కొన్ని ప్రాంతాల్లో మరింత తీవ్రమైన వర్షాలు కురిసే అవకాశం ఉంది. దీంతో లోతట్టు ప్రాంతాల్లో నీటిముంపు, వరదలు, రోడ్లపై రాకపోకలకు ఇబ్బందులు వచ్చే అవకాశం ఉంది.