Latest
హుబ్బళ్లిలో రేప్ బాధితురాలి బిడ్డ అమ్మకం- ఆ మైనర్ మళ్లీ ప్రిగ్నెంట్
కర్ణాటకలోని హుబ్బళ్ళిలో అత్యంత ఘోరమైన ఘటన వెలుగుచూసింది. 2025లో పలుమార్లు లైంగిక దాడికి గురై ప్రిగ్నెంట్ అయిన ఒక మైనర్ బాలికకు పుట్టిన శిశువును, ఆమె తల్లిదండ్రులు వేరే కుటుంబానికి అమ్మేసినట్లు ఆరోపణలు వచ్చాయి. ప్రస్తుతం ఆ బాలిక మళ్లీ గర్భం దాల్చడం కలకలం రేపింది. ఈ ఘటనపై నిందితుడితో పాటు, గర్భాన్ని దాచిపెట్టిన తల్లిదండ్రులు, లీగల్ ప్రొసీజర్స్ పాటించకుండా ట్రీట్మెంట్ ఇచ్చిన ఇద్దరు ప్రైవేట్ వైద్యులపై పోక్సో (POCSO) , భారతీయ న్యాయ సంహిత (BNS) కింద పోలీసులు కేసు నమోదు చేసి దర్యాప్తు చేస్తున్నారు.
ఇన్వెస్ట్ మెంట్ ఫ్రెండ్లీ స్టేట్ గా గుజరాత్- నీతీ ఆయోగ్ రిపోర్ట్
నీతి ఆయోగ్ తాజాగా విడుదల చేసిన 'ఇన్వెస్ట్మెంట్ ఫ్రెండ్లీనెస్ ఇండెక్స్'లో గుజరాత్ దేశంలోనే అత్యంత పెట్టుబడి అనుకూల రాష్ట్రంగా మొదటి స్థానంలో నిలిచింది. దీని తర్వాతి స్థానాల్లో మహారాష్ట్ర, తమిళనాడు నిలిచాయి. రాష్ట్రాల్లోని మౌలిక సదుపాయాలు, వ్యాపార వాతావరణం, ఆర్థిక స్థితిగతులు, పారదర్శక విధానాల ఆధారంగా ఈ ర్యాంకులను కేటాయించారు. భారీ రాష్ట్రాల విభాగంలో ఒడిశా 5వ స్థానంలో నిలవగా, హిమాలయ రాష్ట్రాల్లో ఉత్తరాఖండ్, యూటీల జాబితాలో గోవా అగ్రస్థానాన్ని కైవసం చేసుకున్నాయి.
వార్ ఎఫెక్ట్ తో వలస కార్మికుల విల విల
గల్ఫ్ రీజియన్లో నెలకొన్న అమెరికా-ఇజ్రాయెల్, ఇరాన్ యుద్ధ ప్రభావం దుబాయ్లోని వలస కార్మికులపై తీవ్రంగా పడింది. పర్యాటకం, ఏవియేషన్ రంగాలు దెబ్బతినడంతో భారీగా ఉద్యోగాల కోత, జీతాల తగ్గింపులు జరుగుతున్నాయి. ఉపాధి కోల్పోయిన వేలాది మంది భారతీయులు, ఇతర దేశాల వలసదారులు కొత్త కొలువుల కోసం రోడ్లపైకి వస్తున్నారు. మూడో త్రైమాసికంలో మరిన్ని ఉద్యోగాలు తగ్గొచ్చని సర్వేలు చెబుతుండగా, ఇక్కడి సంక్షోభం స్వదేశాల్లోని వారి కుటుంబాలను తీవ్ర ఆందోళనలోకి నెట్టేసింది.
రోజుకు 17 గంటలు కష్టపడ్డా- నీట్ ర్యాంకర్ ఆర్యన్ గుప్తా
నీట్ యూజీ పరీక్షల్లో పంజాబ్కు చెందిన ఆర్యన్ గుప్తా 715/720 మార్కులతో జాతీయ స్థాయిలో మొదటి ర్యాంక్ సాధించారు. క్యాన్సర్ రోగులకు సేవ చేయాలనే బలమైన సంకల్పంతోనే ఈ ఘనత సాధించినట్లు ఆయన తెలిపారు. రోజుకు 16 నుండి 17 గంటలు కష్టపడి చదివేవాడినని, విజయం సాధించాలంటే ఉపాధ్యాయుల గైడెన్స్న్ ని పూర్తిగా నమ్మాలని ఆర్యన్ గుప్తా విద్యార్థులకు సూచించారు.
ఇకపై రైలు ప్రయాణికులను అలా పిలవొద్దు- సుప్రీం !
ఇకపై రైల్వే ప్రయాణికులను సెకండ్ క్లాస్ ప్రయాణికులు అని సంబోధించవద్దని రైల్వే శాఖను సుప్రీంకోర్టు ఆదేశించింది..అలా పిలవడం రాజ్యాంగ స్ఫూర్తికి భిన్నమని కామెంట్ చేసింది.'క్లాస్'అనే డివిజన్ కేవలం రైలు కోచ్లకు మాత్రమే లిమిట్ చేయాలని ద్విసభ్య బెంచ్ స్పష్టం చేసింది. యాక్సిడెంట్లు జరిగినప్పుడు టికెట్ పోయినా పరిహారాన్ని నిరాకరించడానికి వీల్లేదని తేల్చి చెప్పింది. బాధిత కుటుంబాలు అఫిడవిట్ ఇస్తే సరిపోతుందని స్పష్టం చేసింది. రైల్వేయాక్సిడెంట్ బీమా చట్టాలను మానవతా దృక్పథంతో అమలు చేయాలని బెంచ్ కోరింది.
ఇండియన్ ట్రక్ డ్రైవర్లకు ట్రంప్ ఎసరు !
అమెరికా అధ్యక్షుడు డొనాల్డ్ ట్రంప్ వలస వచ్చిన ట్రక్ డ్రైవర్ల స్థానంలో ఆ దేశ మిలిటరీ వెటరన్స్ను (మాజీ సైనికులను) నియమించాలని ప్రతిపాదిం చారు. విదేశీ డ్రైవర్లలో చాలామంది మద్యం మత్తులో వాహనాలు నడుపుతూ ప్రమాదాలకు కారణమ వుతున్నారని ఆయన ఆరోపించారు. ట్రంప్ చేసిన ఈ ప్రతిపాదన గనుక అమలులోకి వస్తే, అమెరికాలో ట్రకింగ్ రంగంలో ఉన్న దాదాపు 1.5 లక్షల మంది భారతీయులపై, ముఖ్యంగా పంజాబీ, సిక్కు సామాజిక వర్గాలపై తీవ్ర ప్రభావం పడే అవకాశం ఉంది. ఈ నిర్ణయం వలసదారులను తీవ్రంగా టెన్షన్ పెడుతోంది.
క్రికెట్ దిగ్గజం సర్ గారీఫీల్డ్ సోబర్స్ కన్నుమూత !
క్రికెట్ చరిత్రలోనే అత్యుత్తమ ఆల్రౌండర్గా గుర్తింపు పొందిన వెస్టిండీస్ లెజెండ్ సర్ గార్ఫీల్డ్ సోబర్స్ (89) శుక్రవారం కన్నుమూశారు. ఈ విషయాన్ని క్రికెట్ వెస్టిండీస్ (CWI) అధికారికంగా ధృవీకరించింది. 1936లో బార్బడోస్లో జన్మించిన ఆయన.. తన అద్భుతమైన బ్యాటింగ్, బౌలింగ్, ఫీల్డింగ్ నైపుణ్యాలతో క్రికెట్ రంగాన్ని శాసించారు. ఒకే ఓవర్లో 6 సిక్సర్లు కొట్టిన తొలి బ్యాటర్గా ఆయన చరిత్ర సృష్టించారు. ఆయన మృతి పట్ల ప్రపంచవ్యాప్తంగా క్రీడా ప్రముఖులు తీవ్ర సంతాపం వ్యక్తం చేస్తున్నారు.
బుల్లెట్ ట్రైన్ పై జపాన్ మాజీ మంత్రి కామెంట్స్ ను ఖండించిన కేంద్రం !
ముంబై-అహ్మదాబాద్ బుల్లెట్ ట్రైన్ ప్రాజెక్ట్ ఆలస్యానికి భారత అధికారుల వైఖరే కారణ మంటూ జపాన్ మాజీ మంత్రి హిడెకి మాకిహారా చేసిన ఆరోపణలను భారత ప్రభుత్వం తీవ్రంగా ఖండించింది. చర్చల సమయంలో భారత అధికారులు రూల్స్ పాటించకుండా స్వార్థపూ రితంగా వ్యవహరించారని ఆయన విమర్శించారు. అయితే, ఈ వాదనలను తోసిపుచ్చిన భారత విదేశాంగ మంత్రిత్వ శాఖ.. న్యూఢిల్లీ-టోక్యో మధ్య చర్చలు బానే సాగుతున్నాయని, ప్రాజెక్ట్ పనులు వేగంగా జరుగుతున్నాయని క్లారిటీ ఇచ్చింది.
షెన్జెన్లో రోబోల బాక్సింగ్ ఫైట్ నైట్
చైనాలోని షెన్జెన్ నగరం సరికొత్త రికార్డుకు వేదికైంది. 'ఇంజన్ ఏఐ' (EngineAI) సంస్థ ఆధ్వర్యంలో ప్రపంచంలోనే మొట్టమొదటి హ్యూమనాయిడ్ రోబోల బాక్సింగ్ టోర్నమెంట్ (URKL) ఘనంగా ప్రారంభమైంది. మొత్తం 32 అంతర్జాతీయ జట్లు తమ T800 రోబోలతో రింగులో తలపడ్డాయి. ఈ పోటీల్లో రోబోలు బ్రూస్ లీ శైలిలో పర్ఫెక్ట్ లో-కిక్స్, పంచ్లతో అలరించాయి. కేవలం వినోదం కోసమే కాకుండా, విపత్కర పరిస్థితుల్లో రోబోల సమతుల్యత, కదలిక,నియంత్రణ సామర్ధ్యాలను టెస్ట్ చేసి , వాటి టెక్నాలజీని మరింత మెరుగుపరచడానికి ఈ రౌండ్-ది-క్లాక్ ఫైట్ నైట్ను పరిశోధకులు నిర్వహిస్తున్నారు.
స్సైస్ జెట్ కు రూ. లక్ష జరిమానా !
విమానయాన సంస్థ స్పైస్ జెట్కు సెంట్రల్ కన్స్యూమర్ ప్రొటెక్షన్ అథారిటీ (CCPA) గట్టి షాక్ ఇచ్చింది. ఆన్లైన్ టికెట్ బుకింగ్స్లో 'డార్క్ ప్యాటర్న్స్' (వినియోగదారులను తప్పుదోవ పట్టించేలా అదనపు ఛార్జీలు వసూలు చేయడం) ఉపయోగిస్తున్నందుకు గాను ₹1 లక్ష జరిమానా విధించింది. టికెట్లు బుక్ చేసుకునేటప్పుడు వినియోగదారులకు తెలియకుండానే సీట్ సెలెక్షన్, ఇన్సూరెన్స్ వంటి సేవలను ఆటోమేటిక్గా యాడ్ చేస్తూ మోసగిస్తున్నట్లు గుర్తించారు. ఇలాంటి ఇల్లీగల్ పద్ధతు లను వెంటనే నిలిపివేయాలని, పారదర్శకంగా వ్యవహరించాలని స్పేస్జెట్ను CCPA ఆదేశించింది.
నేషనల్ లెవెల్ షూటర్ దమయంతి సేన్ అదృశ్యం !
పశ్చిమ బెంగాల్కు చెందిన 15 ఏళ్ల జాతీయ స్థాయి షూటర్ దమయంతి సేన్ గురువారం మధ్యాహ్నం నుండి కనిపించకుండా పోయింది. హౌరాలోని తన నివాసం నుండి కిరాణా సామాను కొనేందుకు బయటకు వెళ్లిన ఆమె తిరిగి రాలేదు. వెతకగా ఎలాంటి ఆచూకీ దొరకకపోవడంతో కుటుంబ సభ్యులు పోలీసులకు ఫిర్యాదు చేశారు. హౌరా స్టేషన్లోని ప్లాట్ఫారమ్ 4, 5 ల మధ్య ఆమె నడుస్తున్నట్లు సీసీటీవీ ఫుటేజీలో చివరిసారిగా రికార్డైంది. పోలీసులు ప్రస్తుతం కేసు నమోదు చేసి గాలిస్తున్నారు.
ఆశ్రమంలో గంజాయి సాగు: దొంగ స్వామీజీ గుట్టురట్టు!
వికారాబాద్ జిల్లా యాలాల పరిధిలో దొంగ స్వామీజీ గుట్టురట్టయింది. గోవిందరావుపేట శివారులోని ఒక ఆశ్రమంపై పోలీసులు సడన్గా రైడ్స్ చేశారు. స్పిరిచువల్ సెంటర్ ముసుగులో గుట్టుచప్పుడు కాకుండా సాగు చేస్తున్న 25 గంజాయి మొక్కలను, భారీగా ఎండు గంజాయిని అధికారులు సీజ్ చేశారు. ఎక్సైజ్, రెవెన్యూ అధికారులతో కలిసి పోలీసులు సాక్ష్యాలను రికార్డు చేసి కేసు నమోదు చేశారు. భక్తి పేరుతో మోసం చేసిన ఈ స్వామీజీ అసలు రంగు బయటపడటంతో స్థానికులు షాక్కు గురయ్యారు. అతని వెనుక ఎవరెవరు ఉన్నారనే కోణంలో పోలీసులు ప్రస్తుతం ఇన్వెస్టిగేషన్ చేస్తున్నారు.
ల్యాండ్ కొన్నంత మాత్రాన సిటిజన్ అయిపోరు: హైకోర్టు
ఇండియాలో భూమి కొన్నంత మాత్రాన ఇక్కడి పౌరుడిగా ఒప్పుకోలేమని కలకత్తా హైకోర్టు స్పష్టం చేసింది. చొరబాటు ఆరోపణలతో వెస్ట్ బెంగాల్ పోలీసులు నసీర్ మొల్లా అనే వ్యక్తిని అరెస్ట్ చేశారు. తాను బెంగాల్లో ల్యాండ్ కొన్నానని, కాబట్టి ఇండియన్ సిటిజన్నే అని అతను కోర్టులో వాదించాడు. కానీ ల్యాండ్ డాక్యుమెంట్లు పౌరసత్వాన్ని రుజువు చేయలేవని జడ్జిమెంట్ ఇచ్చింది. ఇండియన్ అని నిరూపించుకునే మిగతా డాక్యుమెంట్స్ ఇవ్వడానికి జూలై 20 వరకు లాస్ట్ ఛాన్స్ ఇచ్చింది.
సోనమ్ వాంగ్చుక్ హెల్త్ కండిషన్ సీరియస్!
సోనమ్ వాంగ్చుక్ గత 20 రోజులుగా నిరాహార దీక్ష (Hunger Strike) చేస్తున్నారు. ఇన్ని రోజులుగా ఫుడ్ తీసుకోకపోవడంతో ఆయన హెల్త్ చాలా పాడైంది. ప్రస్తుతం బెడ్పై ఉన్న ఆయనకు డాక్టర్లు ECG లాంటి మెడికల్ టెస్టులు చేస్తూ హెల్త్ను చెక్ చేస్తున్నారు. ఈ ఫొటోలు సోషల్ మీడియాలో వైరల్ అవ్వడంతో.. తన ప్రాణాలను రిస్క్లో పెట్టి మరీ దేశాన్ని మేల్కొల్పుతున్నాడంటూ నెటిజన్లు ఎమోషనల్ అవుతున్నారు.
చదువు కోసం ప్రాణాలు రిస్క్ లో పెడుతున్న స్కూల్ స్టూడెంట్స్!
ఎడ్యుకేషన్ కోసం పిల్లలు ప్రాణాలను రిస్క్లో పెడుతున్న హార్ట్ బ్రేకింగ్ వీడియో వైరల్ అవుతోంది. మధ్యప్రదేశ్ హర్దా జిల్లా రామ్పుర గ్రామంలో బ్రిడ్జ్ లేకపోవడంతో, స్టూడెంట్స్ ప్రతిరోజూ టైర్ ట్యూబ్ల సహాయంతో నది దాటాల్సి వస్తోంది. తాడు పట్టుకుని, ట్యూబ్లపై కూర్చుని చాలా డేంజరస్గా నది క్రాస్ చేస్తున్నారు. దేశంలో డెవలప్మెంట్ గురించి ఎంత గొప్పగా చెప్పుకున్నా, రియాలిటీలో ఇలాంటి దారుణమైన పరిస్థితులు ఉండటం బాధాకరం. పిల్లల సేఫ్టీ, చదువు గవర్నమెంట్స్ కనీస బాధ్యత అని, ఈ వీడియో చూసైనా అధికారులు మారాలని నెటిజన్లు ఫుల్ ఫైర్ అవుతున్నారు.
జీరో సివిక్ సెన్స్ అంకుల్!
సోషల్ మీడియాలో ఒక షాకింగ్ వీడియో వైరల్ అవుతోంది. ఒక రైల్వే స్టేషన్ ప్లాట్ఫారమ్పై నిల్చున్న వ్యక్తి అరటిపండు తింటూ, దాని తొక్కను రైలు ట్రాక్పై పడేశాడు. వీడియో తీస్తున్న ఒక యువకుడు అది చూసి, పక్కనే డస్ట్బిన్ ఉందని, అక్కడ చెత్త వేయొద్దని పదే పదే రిక్వెస్ట్ చేశాడు. కానీ ఆ అంకుల్ ఏమాత్రం వినకుండా, చాలా నిర్లక్ష్యంగా స్పందించాడు. ఆ యువకుడు గట్టిగా నిలదీసి ప్రశ్నించడంతో, సమాధానం చెప్పలేక అక్కడి నుండి నడుచుకుంటూ వెళ్ళిపోయాడు. ఈ వీడియో చూసిన నెటిజన్లు సదరు అంకుల్కి ‘జీరో సివిక్ సెన్స్’ అంటూ కామెంట్స్ పెడుతున్నారు.
ఢిల్లీలో దారుణం: సైకిల్ ట్రాక్పై స్కూటర్లు!
సోషల్ మీడియాలో ఒక వీడియో వైరల్ అవుతోంది. ఢిల్లీలో పిల్లలు, సైక్లిస్టుల కోసం కేటాయించిన స్పెషల్ గ్రీన్ సైకిల్ ట్రాక్పై కొందరు స్కూటర్లతో రైడింగ్ చేస్తూ కనిపించారు. అక్కడ చిన్న పిల్లలు సైకిల్ తొక్కుతున్నా పట్టించుకోకుండా చాలా నిర్లక్ష్యంగా డ్రైవ్ చేశారు. వీడియో తీస్తున్న వ్యక్తి ప్రశ్నించినా.. ఏమాత్రం గిల్ట్ లేకుండా కేజువల్గా వెళ్ళిపోయారు. ఈ ట్రాఫిక్ రూల్స్ బ్రేకింగ్పై నెటిజన్లు ఫైర్ అవుతున్నారు. వీరిపై కఠిన చర్యలు తీసుకోవాలని డిమాండ్ చేస్తున్నారు.
CM విజయ్ ని కలిసిన యాక్టర్ వరలక్ష్మి!
తమిళనాడు CM విజయ్ను యాక్టర్ వరలక్ష్మి శరత్కుమార్, ఆమె భర్త రీసెంట్గా కలిశారు. ఈ సందర్భంగా ఆమె ట్విట్టర్లో ఒక పోస్ట్ షేర్ చేశారు. ఫస్ట్ అటెంప్ట్లోనే CM అవ్వడం విజయ్ ధైర్యానికి, ఆయనపై ప్రజలకున్న ప్రేమకు నిదర్శనమని అన్నారు. విమర్శలు చేసేవారికి కాలమే ఆన్సర్ ఇస్తుందని చెప్తూ, తాను ఎప్పటికీ "విజయ్ వెరియన్" (విజయ్ వెర్రిదాన్నే) అని రాసుకొచ్చారు. ఈ మీటింగ్లో మహిళల వెల్ఫేర్ గురించిన కొన్ని ఇష్యూస్ కూడా డిస్కస్ చేసినట్లు వరలక్ష్మి తెలిపారు.
తెలుగు ఇండస్ట్రీ సపోర్ట్గా ఉంది: రకుల్ ప్రీత్సింగ్
టాలీవుడ్ ఇండస్ట్రీ తనకు ఎప్పుడూ సపోర్టివ్గా ఉందని హీరోయిన్ రకుల్ ప్రీత్సింగ్ అన్నారు. తన కెరీర్లో మంచి అవకాశాలు రావడానికి తెలుగు సినిమాలే ముఖ్యపాత్ర పోషించాయని ఓ ఇంటర్వ్యూ లో అన్నారు. ఇక్కడి దర్శకులు, నిర్మాతలు, ప్రేక్షకులు ఎప్పుడూ తనను ప్రోత్సహించారన్నారు. తెలుగు ప్రేక్షకుల ప్రేమను ఎప్పటికీ మర్చిపోలేనని, టాలీవుడ్తో తనకు ప్రత్యేక అనుబంధం ఉందని తెలిపారు.
జిమ్లో కనిపించిన 'సిల్క్ స్మిత'
జిమ్లో వర్కౌట్ చేస్తున్న ఓ యువతి వీడియో ప్రస్తుతం సోషల్ మీడియాలో వైరల్ అవుతోంది. ఆమె రూపం, హావభావాలు నటి సిల్క్ స్మితను గుర్తుచేస్తున్నాయని నెటిజన్లు కామెంట్స్ చేస్తున్నారు. ఆమె చూపు, ముఖ కవళికలు సిల్క్ స్మితను పోలి ఉన్నాయని అంటున్నారు.
అమరావతిలో నిర్మాణంలో మినీ అమెజాన్
అమరావతిలోని 300 ఎకరాల శాఖమూరు పార్కులో 5 ఎకరాల విస్తీర్ణంలో రూ.17.58 కోట్లతో సరికొత్త కృత్రిమ రెయిన్ ఫారెస్ట్ (మినీ అమెజాన్) ఏర్పాటు కానుంది. ఇందుకోసం అమరావతి డెవలప్మెంట్ కార్పొరేషన్ టెండర్లు ఆహ్వానించింది. ఇక్కడ మియావాకి పద్ధతిలో 20 వేల మొక్కలను పెంచుతారు. పర్యాటకులకు నిజమైన అడవి అనుభూతిని ఇవ్వడానికి రైన్ గన్స్, మిస్ట్ గార్డెన్ ఏర్పాటు చేస్తున్నారు. ఇవి లోపలి ఉష్ణోగ్రతను 4 డిగ్రీలు తగ్గిస్తాయి. విద్యార్థుల కోసం నాలెడ్జ్ సెంటర్, కేఫ్ కూడా అందుబాటులోకి రానున్నాయి.