₹11.69 లక్షల రాగి సామగ్రి స్వాహా

By Lokesh· 1h ago

TG: హైదరాబాద్‌లోని దూలపల్లి ఇండస్ట్రియల్ ఏరియాలో చోరీ జరిగింది. పావని పవర్ సిస్టమ్స్ కంపెనీలోకి తెల్లవారుజామున నలుగురు వ్యక్తులు కాంపౌండ్ వాల్ దూకి లోపలికి వెళ్లారు. అక్కడున్న 779.5 కిలోల రాగి ట్యూబులు, బస్ బార్లను ఎత్తుకెళ్లారు. వీటి విలువ ₹11.69 లక్షలుగా గుర్తించారు. ఈ దృశ్యాలు CCTVలో రికార్డయ్యాయి. కంపెనీ కంప్లైంట్‌తో పేట్ బషీరాబాద్ పోలీసులు కేసు నమోదు చేసి, నిందితుల కోసం గాలిస్తున్నారు.

More in TG

▶

TG· 1h ago

వాటర్‌ సప్లైపై సీతక్క ఫుల్‌ ఫోకస్‌

TG: ఎర్రమంజిల్‌లోని గ్రామీణ తాగునీటి సరఫరా కార్యాలయంలో మంత్రి సీతక్క అధికారులతో సమావేశం అయ్యారు. ఎల్‌నినో ప్రభావంతో రాబోయే రోజుల్లో తాగునీటి షార్టేజ్‌ రాకుండా ముందస్తు చర్యలు తీసుకోవాలని ఆదేశించారు. రాష్ట్రంలోని రిజర్వాయర్లలో నీటి నిల్వలు, గ్రామాలకు జరుగుతున్న తాగునీటి సరఫరాపై చర్చించారు. ఎక్కడా నీటి షార్టేజ్‌ తలెత్తకుండా నిరంతరం మానిటరింగ్‌ చేయాలని, ప్రజలకు తాగునీరు నిరంతరంగా అందేలా చూడాలని అధికారులకు స్పష్టం చేశారు

TG· 1h ago

చంద్రబాబు లేఖపై హరీశ్ సంచలన కామెంట్స్!

TG: కేంద్రానికి చంద్రబాబు రాసిన లేఖ తెలంగాణకు మరణశాసనం లాంటిదని BRS లీడర్ హరీశ్ రావు ఆరోపించారు. గతంలో సమ్మక్క నుంచి నాగార్జునసాగర్‌కు నీళ్లు తీసుకురావాలని ప్రతిపాదించిన చంద్రబాబు.. ఇప్పుడు పోలవరం నుంచి కావేరికి నీటిని మళ్లించాలని కోరడం ఏంటని ప్రశ్నించారు. బొల్లెపల్లిలో 150 TMCల నీటిని నిల్వ చేసే ప్రతిపాదనతో ఏపీకి నియంత్రణ పెరిగి తెలంగాణ ప్రయోజనాలు దెబ్బతింటాయని అన్నారు. ఈ విషయంలో రేవంత్ రెడ్డి ప్రభుత్వం మౌనం వహిస్తోందని ఆరోపించారు.

CECపై కాంగ్రెస్ పోరు.. చార్మినార్ వరకు మార్చ్

▶

TG· 1h ago

CECపై కాంగ్రెస్ పోరు.. చార్మినార్ వరకు మార్చ్

TG: తెలంగాణ సీనియర్ కాంగ్రెస్ నాయకుడు V. హనుమంతరావు నేతృత్వంలో పార్టీ కార్యకర్తలు హైదరాబాద్‌లోని మదీనా మార్కెట్ నుంచి చార్మినార్ వరకు తిరంగా మార్చ్ నిర్వహించారు. CEC జ్ఞానేష్ కుమార్ రాజీనామా చేయాలని డిమాండ్ చేశారు. S.I.Rలో అక్రమాలు జరిగాయని, కోట్లాది మంది ఓటర్ల పేర్లు తొలగించారంటూ ఈ నిరసన చేపట్టారు. ఓటర్ల హక్కులు, ప్రజాస్వామ్య పరిరక్షణ లక్ష్యంగా కాంగ్రెస్ చేపడుతున్న ఆందోళనల్లో భాగంగా ఈ తిరంగా మార్చ్ నిర్వహించినట్లు పేర్కొన్నారు.

▶

TG· 2h ago

జాబ్స్ ఎక్కడ.. నిరుద్యోగుల మహాధర్నా!

TG: ప్రభుత్వ ఉద్యోగ నోటిఫికేషన్లు విడుదల చేయాలని డిమాండ్ చేస్తూ నిరుద్యోగ యువత వచ్చే నెల 7న హైదరాబాద్‌లోని ధర్నా చౌక్ వద్ద మహాధర్నాకు పిలుపునిచ్చారు. గ్రాడ్యుయేట్ MLC ఎన్నికలలోపు నోటిఫికేషన్లు ఇవ్వాలని డిమాండ్ చేస్తోంది. మెగా DSC, ప్రత్యేక ఏజెన్సీ DSC, ఫారెస్ట్ శాఖలో ఖాళీల భర్తీ, ఏజెన్సీ ప్రాంతంలోని 29 సెక్టార్లలో ఉద్యోగాలు, ప్రభుత్వ శాఖల్లో ఖాళీల గుర్తింపు, జాబ్ క్యాలెండర్ ప్రకటన వారి ప్రధాన డిమాండ్లుగా ఉన్నాయి.