సింగరేణి కార్మికులే రియల్ హీరోలు: KTR

By Mahesh· 1h ago· తెలంగాణ

TG: సింగరేణి కార్మికులు దేశానికి వెలుగులు అందించే హీరోలని BRS వర్కింగ్ ప్రెసిడెంట్ KTR అన్నారు. గోదావరిఖనిలో నిర్వహించిన ‘సింగరేణి కార్మిక గర్జన’ సభలో ఆయన మాట్లాడారు. ప్రాణాలను సైతం లెక్కచేయకుండా బొగ్గు గనుల్లో పనిచేసే కార్మికుల సేవలు వెలకట్టలేనివని అన్నారు. చెమట, రక్తం ధారపోసి దేశానికి కరెంటు అందిస్తున్న ప్రతి కార్మికుడికి సెల్యూట్ చేస్తున్నానన్నారు. పోరాటాలకు కేరాఫ్ అడ్రస్ రామగుండం అంటూ.. కార్మికులకు ధన్యవాదాలు తెలిపారు.

More in TG

TG· 41m ago

సింగరేణిని ప్రైవేట్ పరం చేస్తారా? KTR ఫైర్!

TG: సింగరేణిని ప్రైవేట్ పరం చేసేందుకు CM రేవంత్ రెడ్డి ప్రభుత్వం కుట్ర చేస్తోందని BRS వర్కింగ్ ప్రెసిడెంట్ KTR ఆరోపించారు. ‘సింగరేణి కార్మిక గర్జన’ సభలో ఆయన మాట్లాడుతూ.. రైతులకు 24 గంటల కరెంట్ ఇవ్వడంలో కాంగ్రెస్ ప్రభుత్వం ఫెయిల్ అయ్యిందన్నారు. సింగరేణికి ప్రభుత్వం ₹60 వేల కోట్ల బకాయిలు చెల్లించాలని డిమాండ్ చేశారు. KCR హయాంలోనే రైతులకు 24 గంటల కరెంట్ అందిందని, ఇప్పుడు రైతులు కరెంట్ కోసం రోడ్లపైకి రావాల్సిన పరిస్థితి వచ్చిందని KTR అన్నారు.

TG· 1h ago

బొగ్గు సప్లై ఆపితే దక్షిణాదికి చీకటే: KTR

TG: బొగ్గు ఉత్పత్తిలోనే కాదు.. ఉద్యమాల్లోనూ సింగరేణి కార్మికులు మొనగాళ్లని BRS వర్కింగ్ ప్రెసిడెంట్ KTR అన్నారు. గోదావరిఖనిలో జరిగిన ‘సింగరేణి కార్మిక గర్జన’ సభలో ఆయన మాట్లాడుతూ.. KTR పిలుపుతో సకల జనుల సమ్మెలో కార్మికులు మొత్తం 42 రోజుల పాటు బొగ్గు ఉత్పత్తిని నిలిపివేశారని గుర్తుచేశారు. బొగ్గు సప్లై ఆగిపోతే దక్షిణాది రాష్ట్రాలు చిమ్మచీకట్లో ఉండిపోయేవని అన్నారు. తెలంగాణ ఉద్యమంలో KCRకు సింగరేణి కార్మికులు అండగా నిలిచారని KTR తెలిపారు.

TG· 2h ago

వర్షం కోసం ఎదురుచూపులు.. ఎండుతున్న పత్తి పంటలు

TG : ముథోల్ నియోజకవర్గంలో వర్షాలు సకాలంలో కురవక పత్తి రైతులు ఆందోళన చెందుతున్నారు. ఎకరానికి 20 వేల నుంచి 25 వేల వరకు ఖర్చు చేస్తున్నామని, ఆశించిన వర్షాలు లేక పంటలు ఎండిపోతున్నాయని రైతులు ఆవేదన చెందుతున్నారు. సాధారణంగా ఎకరానికి 10 నుంచి 12 క్వింటాళ్ల దిగుబడి వస్తుందని ఆశిస్తారు. పంట దెబ్బతింటే అప్పులు తీర్చడం కష్టమవుతుందని అంటున్నారు. అధికారులు గ్రామాల వారీగా పంటలను పరిశీలించి, నష్టాన్ని అంచనా వేయాలని రైతులు కోరుతున్నారు.

TG· 3h ago

KTRకు నోటి దురుసు ఎక్కువ: కాల్వ సుజాత

TG: BRS వర్కింగ్ ప్రెసిడెంట్ KTRపై కాంగ్రెస్ అధికార ప్రతినిధి కాల్వ సుజాత విమర్శలు చేశారు. E-Car రేసు కేసు చిన్నదేనని చెబుతున్న KTR.. కోర్టులో ఎందుకు పోరాడుతున్నారని ప్రశ్నించారు. ఎన్నికల కోడ్ అమల్లో ఉన్న సమయంలో 54 కోట్ల లావాదేవీలు ఎలా జరిగాయని నిలదీశారు. గాంధీభవన్‌లో జరిగిన మీడియా సమావేశంలో ఆమె ఈ వ్యాఖ్యలు చేశారు. ఓట్ల చోరీ ఆరోపణలపై ఎన్నికల సంఘం నిష్పక్షపాతంగా వ్యవహరించాలని, C.E.C. జ్ఞానేశ్ కుమార్ రాజీనామా చేయాలని కూడా డిమాండ్ చేశారు.